Мѣ́­сѧ­ца ѻ҆ктѡ́­врїа въ к҃д-й де́нь.

Слꙋ́жба бж҃їей мт҃ри, всѣ́хъ скорбѧ́щихъ ра́дости.

На ма́лѣй вече́рни.

На Гдⷭ҇и, воз­зва́хъ: стї­хи̑­ры, гла́съ д҃:

Не­ѡ­бо­ри́­мꙋю стѣ́­нꙋ стѧ­жа́в­ше, вѣ́р­нїи, бцⷣꙋ мр҃ӏ́ю, прї­и­ди́­те, по­кло­ни́м­сѧ и҆ при­па­де́мъ къ не́й: дер­зно­ве́­нїе бо и҆́мать къ ро́жд­ше­мꙋ­сѧ и҆зꙿ неѧ̀, и҆ мо́­лит­сѧ, и҆ сп҃са́­етъ ѿ гнѣ́­ва и҆ сме́р­ти дꙋ́шы на́шѧ.

Ве́­лїѧ си́ла чꙋ­де́съ тво­и́хъ, чⷭ҇таѧ: и҆з­ба­влѧ́­е­ши бо ѿ бѣ́дъ, и҆ сп҃са́­е­ши ѿ сме́р­ти, и҆ вос­хи­ща́­е­ши ѿ на­па́­стей не­ча́­е­мыхъ, и҆ скѡ́р­би раз­рѣ­ша́­е­ши, и҆ со­грѣ­шє́­нїѧ че­ло­вѣ́­кѡвъ ѿе́м­ле­ши.

Тебѐ вѣ̑р­нымъ по­кро́въ по­ка­за̀ и҆́же всѧ́­че­скихъ бг҃ъ, во­пло́щь­сѧ ѿ кро­ве́й тво­и́хъ, пре­чⷭ҇таѧ, и҆ пред­ста́­тель­ни­цꙋ и҆ по­бо́р­ни­цꙋ сꙋ́­щымъ въ нꙋ́­ждахъ и҆ ѡ҆б­сто­ѧ́­нї­ихъ, и҆ въ бꙋ́ри при­ста́­ни­ще бл҃го­ꙋ­ти́ш­ное: ты̀ ᲂу҆̀бо сп҃сѝ ѿ всѧ́­кїѧ ско́р­би и҆ тꙋгѝ всѧ̑ при­те­ка́­ю­щыѧ къ бжⷭ҇твен­но­мꙋ по­кро́­вꙋ тво­е­мꙋ̀.

И҆з­ба́­ви на́съ ѿ нꙋ́ждъ на́­шихъ, мт҃и хрⷭ҇та̀ бг҃а, ро́жд­шаѧ всѣ́хъ твор­ца̀, да всѝ во­пї­е́мъ тѝ: ра́­дꙋй­сѧ, є҆ди́­но пред­ста́­тель­ство дꙋ́шъ на́­шихъ.

Сла́­ва, и҆ ны́нѣ, гла́съ є҃:

Ст҃ѣ́й­шꙋю хе­рꙋ­ві̑мъ и҆ вы́ш­шꙋю се­ра­фі̑мъ, пре­чⷭ҇таѧ, бцⷣꙋ тѧ̀ и҆с­по­вѣ́­да­ю­ще, и҆́ма­мы, грѣ́ш­нїи, за­стꙋ́п­ни­цꙋ, и҆ ѡ҆брѣ­та́­емъ во вре́­мѧ на­па́­стей сп҃се́­нїе. тѣ́м­же не пре­ста́й ѡ҆ на́съ мо­лѧ́­щи, дер­жа́­во и҆ при­бѣ́­жи­ще дꙋ­ша́мъ на́­шымъ.

На стї­хо́в­нѣ стї­хи̑­ры, гла́съ є҃:

Те́­плаѧ пред­ста́­тель­ни­це и҆ не­по­бѣ­ди́­маѧ, ᲂу҆­по­ва́­нїе и҆з­вѣ́ст­ное и҆ не­по­сты́д­ное, стѣ­но̀ и҆ по­кро́­ве и҆ при­ста́­ни­ще при­бѣ­га́­ю­щымъ къ тебѣ̀, при­сно­дв҃о чⷭ҇таѧ, сн҃а тво­е­го̀ и҆ бг҃а молѝ, ᲂу҆­ми­ре́­нїе да́ти мӏ́­ро­ви, и҆ сп҃се́­нїе, и҆ ве́­лїю млⷭ҇ть.

Стӏ́хъ: По­мѧ­нꙋ̀ и҆́мѧ твоѐ во всѧ́­комъ ро́дѣ и҆ ро́дѣ.

Ско́­рый тво́й по­кро́въ и҆ по́­мощь и҆ млⷭ҇ть по­ка­жѝ на рабы̑ твоѧ̑, и҆ вѡ́л­ны, чⷭ҇таѧ, ᲂу҆­кро­тѝ сꙋ́­ет­ныхъ по­мы­слѡ́въ, и҆ па́д­шꙋю мою̀ дꙋ́шꙋ воз­ста́­ви, бцⷣе: вѣ́мъ бо, вѣ́мъ, дв҃о, ꙗ҆́кѡ мо́­же­ши, є҆ли̑­ка хо́­ще­ши.

Стӏ́хъ: Слы́­ши, дщѝ, и҆ ви́ждь, и҆ при­кло­нѝ ѹ҆́хо твоѐ.

Тебѐ, чⷭ҇тꙋю дв҃ꙋ не­скве́р­нꙋю, є҆ди́­нꙋ и҆́мамъ стѣ́­нꙋ не­пре­ѡ­бо­ри́­мꙋ, при­бѣ́­жи­ще и҆ по­кро́въ крѣ́­покъ, и҆ ѡ҆рꙋ́­жїе сп҃се́­нїѧ: да мѧ̀ не пре́­зри­ши ѿча́­ѧн­на­го, на­де́­ждо не­на­дє́жнымъ, скор­бѧ́­щымъ ра́­до­сте и҆ за­стꙋ­пле́­нїе.

Сла́­ва, и҆ ны́нѣ, гла́съ то́й­же:

Бл҃жи́мъ тѧ̀, бцⷣе дв҃о, и҆ сла́­вимъ тѧ̀, вѣ́р­нїи, по до́л­гꙋ, гра́дъ не­по­ко­ле­би́­мый, стѣ́­нꙋ не­ѡ­бо­ри́­мꙋю, тве́р­дꙋю пред­ста́­тель­ни­цꙋ и҆ при­бѣ́­жи­ще дꙋ́шъ на́­шихъ.

Тро­па́рь, гла́съ д҃:

Къ бцⷣѣ при­лѣ́ж­нѡ ны́нѣ при­те­це́мъ, грѣ́ш­нїи и҆ сми­ре́н­нїи, и҆ при­па­де́мъ, въ по­ка­ѧ́­нїи зо­вꙋ́­ще и҆зꙿ глꙋ­би­ны̀ дꙋшѝ: влⷣчце, по­мо­зѝ, на ны̀ млⷭ҇рдо­вав­ши, по­тщи́­сѧ, по­ги­ба́­емъ ѿ мно́­же­ства пре­грѣ­ше́­нїй: не ѿвра­тѝ твоѧ̑ рабы̑ тщы̀, тѧ́ бо и҆ є҆ди́­нꙋ на­де́­ждꙋ и҆́ма­мы.

Сла́­ва, и҆ ны́нѣ, и҆́нъ:

Не ᲂу҆­мол­чи́мъ ни­ко­гда̀, бцⷣе, си̑лы твоѧ̑ гла­го́­ла­ти, не­до­сто́й­нїи: а҆́ще бо ты̀ не бы̀ пред­сто­ѧ́­ла мо­лѧ́­щи, кто́ бы на́съ и҆з­ба́­вилъ ѿ то­ли́­кихъ бѣ́дъ; кто́ же бы̀ со­хра­ни́лъ до­ны́­нѣ сво­бѡ́д­ны; не ѿстꙋ́­пимъ, влⷣчце, ѿ тебє̀: твоѧ̑ бо рабы̑ сп҃са́­е­ши при́­снѡ ѿ всѧ́­кихъ лю́­тыхъ.

На вели́цей вече́рни.

Бл҃же́нъ мꙋ́жъ: а҃-й а҆н­тї­фѡ́нъ.

На Гдⷭ҇и, воз­зва́хъ: стї­хи̑­ры на и҃, гла́съ в҃:

Всѣ̑мъ пред­ста́­тель­ствꙋ­е­ши, бл҃га́ѧ, при­бѣ­га́­ю­щымъ съ вѣ́­рою въ дер­жа́в­ный тво́й по­кро́въ: и҆но́­гѡ бо не и҆́ма­мы, грѣ́ш­нїи, къ бг҃ꙋ въ бѣ­да́хъ и҆ ско́р­бехъ при́­снѡ и҆з­ба­вле́­нїѧ, ѡ҆бре­ме­не́­ни грѣ­хи̑ мно́­ги­ми, мт҃и бг҃а вы́ш­нѧ­гѡ. тѣ́м­же тѝ при­па́­да­емъ: и҆з­ба́­ви ѿ всѧ́­ка­гѡ ѡ҆б­сто­ѧ́­нїѧ рабы̑ твоѧ̑.

Всѣ́хъ скор­бѧ́­щихъ ра́­до­сте, и҆ ѡ҆би́­ди­мыхъ за­стꙋ́п­ни­це, и҆ а҆́л­чꙋ­щихъ пи­та́­тель­ни­це, стра́н­ныхъ ᲂу҆­тѣ­ше́­нїе, ѡ҆бꙋ­ре­ва́­е­мыхъ при­ста́­ни­ще, боль­ны́хъ по­сѣ­ще́­нїе, не­мощ­ны́хъ по­кро́­ве и҆ за­стꙋ́п­ни­це, же́з­ле ста́­ро­сти, мт҃и бг҃а вы́ш­нѧ­гѡ ты̀ є҆сѝ, пре­чⷭ҇таѧ: по­тщи́­сѧ, мо́­лим­сѧ, сп҃сти́­сѧ ра­бѡ́мъ тво­и̑мъ.

Гла́съ д҃:

Ра́­дꙋй­сѧ, бг҃о­мт҃и пре­чⷭ҇таѧ: ра́­дꙋй­сѧ, вѣ̑р­нымъ на­де́­ждо. ра́­дꙋй­сѧ, мӏ́рꙋ ѡ҆чи­ще́­нїе: ра́­дꙋй­сѧ, и҆з­ба­влѧ́­ю­щаѧ всѧ́­кихъ скор­бе́й рабы̑ твоѧ̑. ра́­дꙋй­сѧ, при­ста́­ни­ще ѡ҆бꙋ­ре­ва́­є­мымъ: ра́­дꙋй­сѧ, все­мӏ́р­ный свѣ́­те. ра́­дꙋй­сѧ, ᲂу҆­тѣ́­ши­тель­ни­це и҆ за­стꙋ́п­ни­це хрⷭ҇тї­а́нъ: ра́­дꙋй­сѧ, при­бѣ́­жи­ще и҆ сп҃се́­нїе всѣ́хъ бл҃жа́­щихъ тѧ̀, бг҃о­не­вѣ́­сто.

Ра́­дꙋй­сѧ, до­бро́­то і҆а́­кѡв­лѧ, ю҆́же и҆з­бра̀ бг҃ъ, ю҆́же воз­лю­бѝ, две́рь сп҃са́­е­мыхъ, клѧ́т­вы разре­ше́­нїе, все­бл҃го­сло­ве́н­наѧ, чре́­во бг҃о­вмѣ́­сти́­мое, па́д­шихъ воз­ве­де́­нїе, ст҃ѣ́й­шаѧ хе­рꙋ­ві̑мъ и҆ тва́­рей пре­и­мꙋ́­щаѧ, ѻ҆гне­зра́ч­ный прⷭ҇то́­ле влⷣчнїй, все­мӏ́р­наѧ ра́­до­сте и҆ сла́­во, ко­ле­сни́­це сло́­ва, ѻ҆́бла­че, и҆зꙿ не­гѡ́­же воз­сїѧ̀ сл҃нце, сꙋ́­щымъ во тьмѣ̀ по­даѧ̀ ве́­лїю млⷭ҇ть.

Гла́съ и҃:

Ра́­дꙋй­сѧ, а҆́гг҃лѡвъ ра́­до­сте: ра́­дꙋй­сѧ, че­ло­вѣ́­кѡвъ сла́­во: ра́­дꙋй­сѧ, вѣ́р­ныхъ на­де́­ждо и҆ пред­ста́­тель­ство, сте­но̀ и҆ за­стꙋ­пле́­нїе, влⷣчце бг҃о­мт҃и пре­чⷭ҇таѧ, ꙗ҆́же бг҃а пло́­тїю не­и­скꙋ­со­мꙋ́ж­нѡ ро́жд­шаѧ, и҆з­ба́­ви­те­лѧ мӏ́рꙋ: не пре́­зри рабы̑ твоѧ̑, но моль­ба́­ми тво­и́­ми ѿ ѡ҆дер­жа́­щихъ на́съ и҆з­ба́­ви и҆с­кꙋ­ше́­нїй и҆ бѣ́дъ и҆ ѡ҆б­сто­ѧ́­нїй, всѣ́хъ скор­бѧ́­щихъ ра́­до­сте, є҆ди́­на хрⷭ҇тї­а́нъ при­бѣ́­жи­ще.

Ра́­дꙋй­сѧ, бцⷣе все­пѣ́­таѧ: ра́­дꙋй­сѧ, и҆с­то́ч­ни­че, жи­во́тъ вѣ̑р­нымъ и҆с­то­ча́­ѧй. ра́­дꙋй­сѧ, всѣ́хъ влⷣчце и҆ гпⷭ҇жѐ тва́­ри, бл҃го­сло­ве́н­наѧ: ра́­дꙋй­сѧ, все­не­по­ро́ч­наѧ, пре­про­сла́в­лен­наѧ. ра́­дꙋй­сѧ, все­пре­чⷭ҇таѧ: ра́­дꙋй­сѧ, кꙋ­пи­но̀ не­ѡ­па­ли́­маѧ. ра́­дꙋй­сѧ, горо̀ ст҃а́ѧ: ра́­дꙋй­сѧ, са́де жи­во­но́с­ный. ра́­дꙋй­сѧ, раю̀ ѡ҆дꙋ­шев­ле́н­ный: ра́­дꙋй­сѧ, мт҃и дв҃о. ра́­дꙋй­сѧ, бг҃о­не­вѣ́­сто.

Ра́­дꙋй­сѧ, бцⷣе, мт҃и хрⷭ҇то́­ва: ра́­дꙋй­сѧ, є҆ди́­на на­де́­ждо, че­ло­вѣ́­кѡвъ за­стꙋ­пле́­нїе. ра́­дꙋй­сѧ, свѣ́щ­ни­че свѣ́­та пре­свѣ́т­лый: ра́­дꙋй­сѧ, свѣ­щѐ ѡ҆сщ҃е́н­наѧ. ра́­дꙋй­сѧ, ѻ҆гне­зра́ч­ный чер­то́­же сло́­ва: ра́­дꙋй­сѧ, бжⷭ҇твен­ное се­ле́­нїе. ра́­дꙋй­сѧ, ра́­до­сти и҆с­то́ч­ни­че, и҆с­то­ча́­ѧй во́ды блгⷣти при­те­ка́­ю­щымъ къ тебѣ̀.

Ра́­дꙋй­сѧ, все­ле́н­ныѧ по­хва­ло̀: ра́­дꙋй­сѧ, хра́­ме гдⷭ҇ень. ра́­дꙋй­сѧ, горо̀ прї­ѡ­сѣ­не́н­наѧ: ра́­дꙋй­сѧ, всѣ́хъ при­бѣ́­жи­ще. ра́­дꙋй­сѧ, свѣ́щ­ни­че зла­ты́й: ра́­дꙋй­сѧ, сла́­во пра­во­сла́в­ныхъ чⷭ҇тна́ѧ. ра́­дꙋй­сѧ, мр҃ӏ́е, мт҃и хрⷭ҇та̀ бг҃а: ра́­дꙋй­сѧ, раю̀. ра́­дꙋй­сѧ, бжⷭ҇твен­наѧ тра­пе́­зо: ра́­дꙋй­сѧ, сѣ́не. ра́­дꙋй­сѧ, ста́м­но все­зла­та́ѧ: ра́­дꙋй­сѧ, всѣ́хъ ᲂу҆­по­ва́­нїе.

Сла́­ва, и҆ ны́нѣ, гла́съ ѕ҃:

Прї­и­ди́­те, праз­дно­лю́б­ныхъ со­бо́­ри, пре­ст҃ꙋ́ю дв҃ꙋ бг҃о­ѻ­тро­ко­ви́­цꙋ ᲂу҆­бл҃жи́мъ: ра́­до­сти бо и҆ сп҃се́­нїѧ хо­да́­та­и­ца бы́сть мӏ́­ро­ви, ꙗ҆́кѡ ро́жд­шаѧ хрⷭ҇та̀ бг҃а. сїю́ бо ѻ҆ц҃ъ пре­без­на­ча́ль­ный, ѿ всѣ́хъ ро­дѡ́въ є҆ди́­нꙋ и҆з­бра́н­нꙋю, дще́рь себѣ̀ и҆ме­но­ва̀: сн҃ъ со­без­на­ча́ль­ный и҆ со­при­сно­сꙋ́щ­ный въ мт҃рь и҆з­бра̀: дх҃ъ же ст҃ы́й ꙗ҆́кѡ пре­чⷭ҇тꙋю не­вѣ́­стꙋ себѣ̀ бг҃о­лѣ́п­нѡ со­че­та̀. сїю̀, ꙗ҆́кѡ бг҃о­из­бра́н­нꙋю и҆ бл҃го­сло­ве́н­нꙋю въ же­на́хъ, вы̑ш­нїѧ си̑лы не­мо́лч­ны­ми пѣ́снь­ми ве­ли­ча́­ютъ, га­врї­и́­ла и҆мꙋ́­щѧ чи­но­на­ча́ль­ни­ка: блгⷣт­наѧ, ра́­дꙋй­сѧ, съ то­бо́ю гдⷭ҇ь. сїю̀ па­трї­а́р­си, прⷪ҇ро́­цы и҆ всѝ ст҃ӏ́и со прⷪ҇ро́­комъ дв҃домъ ра́­дост­ны­ми гла̑­сы вѣн­ча­ва́­ютъ: пред­ста̀ цр҃и́­ца ѡ҆де­снꙋ́ю тебє̀, влⷣко, рѧ̑­сны зла­ты́­ми ѡ҆дѣ́­ѧ­на и҆ пре­ꙋ­кра­ше́­на бжⷭ҇твен­ны­ми бл҃го­лѣ́­по­та­ми. сїю̀, ꙗ҆́кѡ дер­жа́в­нꙋю за­стꙋ́п­ни­цꙋ ро́да на́­ше­гѡ, и҆ мы̀, не­до­сто́й­нїи, вос­по­и́мъ, гла­го́­лю­ще: ра́­дꙋй­сѧ, цр҃кве чꙋ́д­ное ᲂу҆­кра­ше́­нїе и҆ все­мꙋ̀ мӏ́рꙋ пре­ди́в­ный по­кро́­ве: ра́­дꙋй­сѧ, вѣ̑р­нымъ ца­рє́мъ по­со́­бїе на бра­не́хъ и҆ во́­и­нѡмъ крѣ́­по­сте: ра́­дꙋй­сѧ, по­кро́­ве, по­хва­ло̀ и҆ ра́­до­сте всѣ́хъ зем­но­ро́д­ныхъ: ра́­дꙋй­сѧ, бжⷭ҇твен­ное ᲂу҆­тѣ­ше́­нїе всѣ́хъ скор­бѧ́­щихъ и҆ ѡ҆би́­ди­мыхъ: ра́­дꙋй­сѧ, ѡ҆б­ра́­до­ван­наѧ, съ то­бо́ю гдⷭ҇ь, по­да­ѧ́й мӏ́­ро­ви то­бо́ю ве́­лїю млⷭ҇ть.

Вхо́дъ, про­кӏ́­менъ днѐ, и҆ чтє́­нїѧ г҃.

Бы­тїѧ̀ чте́­нїе:

И҆зы́­де і҆а́­кѡвъ ѿ стꙋ­ден­ца̀ клѧ́т­вен­на­гѡ, и҆ и҆́де въ хар­ра́нь. И҆ ѡ҆брѣ́­те мѣ́­сто, и҆ спа̀ та́мѡ: за́й­де бо со́лн­це. и҆ взѧ́тъ ѿ ка́­ме­нїѧ мѣ́­ста тогѡ̀, и҆ по­ло­жѝ воз­гла́­вїе себѣ̀, и҆ спа̀ на мѣ́­стѣ ѻ҆́номъ. И҆ со́нъ ви́дѣ: и҆ сѐ лѣ́­стви­ца ᲂу҆­твер­жде́­на на зе­млѝ, є҆ѧ́же гла­ва̀ до­сѧ­за́­ше до не­бе́съ, и҆ а҆́гг҃ли бж҃їи вос­хо­жда́­хꙋ и҆ низ­хо­жда́­хꙋ по не́й. Гдⷭ҇ь же ᲂу҆­твер­жда́­ше­сѧ на не́й, и҆ речѐ: а҆́зъ бг҃ъ а҆вра­а́­мовъ, ѻ҆тца̀ тво­е­гѡ̀, и҆ бг҃ъ і҆са­а́­ковъ, не бо́й­сѧ: зе­млѧ̀, и҆дѣ́­же ты̀ спи́­ши на не́й, тебѣ̀ да́мъ ю҆̀, и҆ сѣ́­ме­ни тво­е­мꙋ̀. И҆ бꙋ́­детъ сѣ́мѧ твоѐ ꙗ҆́кѡ пе­со́къ зем­ны́й, и҆ рас­про­стра­ни́т­сѧ на мо́ре, и҆ лі́вꙋ, и҆ сѣ́­веръ, и҆ на во­сто́­ки: и҆ воз­бл҃го­сло­вѧ́т­сѧ ѡ҆ тебѣ̀ всѧ̑ ко­лѣ̑­на зем­на̑ѧ, и҆ ѡ҆ сѣ́­ме­ни тво­е́мъ. И҆ сѐ а҆́зъ съ то­бо́ю, со­хра­нѧ́­ѧй тѧ̀ на всѧ́­комъ пꙋтѝ, а҆́мо­же а҆́ще по́й­деши, и҆ воз­вра­щꙋ́ тѧ въ зе́­млю сїю̀: ꙗ҆́кѡ не и҆́мамъ тебѐ ѡ҆ста́­ви­ти, до́н­де­же со­тво­ри́­ти мѝ всѧ̑, є҆ли̑­ка гла­го́­лахъ тебѣ̀. И҆ во­ста̀ і҆а́­кѡвъ ѿ сна̀ сво­е­гѡ̀, и҆ речѐ: ꙗ҆́кѡ є҆́сть гдⷭ҇ь на мѣ́­стѣ се́мъ, а҆́зъ же не вѣ́­дѣхъ. И҆ ᲂу҆­бо­ѧ́­сѧ, и҆ речѐ: ꙗ҆́кѡ стра́ш­но мѣ́­сто сїѐ: нѣ́сть сїѐ, но до́мъ бж҃їй, и҆ сїѧ̑ вра­та̀ нбⷭ҇наѧ.

Прⷪ҇ро́­че­ства і҆е­зе­кӏ́­и­ле­ва чте́­нїе:

Та́кѡ гла­го́­летъ гдⷭ҇ь: бꙋ́­детъ ѿ днѐ ѻ҆сма́­гѡ и҆ про́­чее, со­тво­рѧ́тъ і҆е­рє́и на ѻ҆л­та­рѝ все­сож­же́­нїѧ ва́­ше­гѡ, и҆ ꙗ҆̀же сп҃се́­нїѧ ва́­ше­гѡ, и҆ прї­и­мꙋ́ вы, гла­го́­летъ а҆дѡ­наі̀ гдⷭ҇ь. И҆ ѡ҆б­ра­ти́ мѧ на пꙋ́ть вра́тъ ст҃ы́хъ внѣ́ш­нихъ, зрѧ́­щихъ на во­сто́­ки: и҆ сїѧ̑ бѧ́хꙋ за­тво­рє́­на. И҆ речѐ гдⷭ҇ь ко мнѣ̀: вра­та̀ сїѧ̑ за­тво­рє́­на бꙋ́­дꙋтъ, и҆ не ѿве́р­зꙋт­сѧ, и҆ ни­кто́­же про́й­детъ скво­зѣ̀ и҆̀хъ, ꙗ҆́кѡ гдⷭ҇ь бг҃ъ і҆и҃левъ про́й­детъ и҆́ми, и҆ бꙋ́­дꙋтъ за­тво­рє́­на. Ꙗ҆́кѡ и҆гꙋ́­менъ сѧ́­детъ въ ни́хъ снѣ́­сти хлѣ́бъ, по пꙋтѝ є҆ла́м­скихъ вра́тъ вни́­детъ, и҆ по пꙋтѝ є҆гѡ̀ и҆зы́­детъ. И҆ вве­де́ мѧ по пꙋтѝ вра́тъ ст҃ы́хъ сꙋ́­щихъ къ сѣ́­ве­рꙋ, прѧ́­мѡ хра́­мꙋ, и҆ ви́­дѣхъ, и҆ сѐ и҆с­по́лнь сла́­вы хра́мъ гдⷭ҇ень.

При́­тчей чте́­нїе:

Пре­мꙋ́­дрость со­зда̀ себѣ̀ до́мъ, и҆ ᲂу҆­твер­дѝ стол­пѡ́въ се́дмь: За­кла̀ своѧ̑ же́р­твєн­наѧ, и҆ рас­тво­рѝ въ ча́ши сво­е́й вїно̀, и҆ ᲂу҆­го­то́­ва свою̀ тра­пе́­зꙋ. По­сла̀ своѧ̑ рабы̑, со­зы­ва́­ю­щи съ вы­со́­кимъ про­по­вѣ́­да­нї­емъ на ча́шꙋ, гла­го́­лю­щи: И҆́же є҆́сть без­ꙋ́­менъ, да ᲂу҆­кло­ни́т­сѧ ко мнѣ̀. И҆ тре́­бꙋ­ю­щымъ ᲂу҆ма̀ речѐ: прї­и­ди́­те, ꙗ҆ди́­те мо́й хлѣ́бъ, и҆ пӏ́й­те вїно̀, є҆́же рас­тво­ри́хъ ва́мъ. Ѡ҆ста́­ви­те без­ꙋ́­мїе, и҆ жи́ви бꙋ́­де­те: и҆ взы­щи́­те ра́з­ꙋ­ма, да по­жи­ве­тѐ: и҆ и҆с­пра́­ви­те ра́з­ꙋмъ въ вѣ́­дѣ­нїи. На­ка­зꙋ́­ѧй ѕлы̑ѧ прї­и́­метъ себѣ̀ без­че́­стїе, ѡ҆б­ли­ча́­ѧй же не­че­сти́­ва­го ѡ҆по­ро́­читъ себѐ: ѡ҆б­ли­чє́­нїѧ бо не­че­сти́­во­мꙋ ра̑ны є҆мꙋ̀. Не ѡ҆б­ли­ча́й ѕлы́хъ, да не воз­не­на­ви́­дѧтъ тебѐ: ѡ҆б­ли­ча́й пре­мꙋ́­дра, и҆ воз­лю́­битъ тѧ̀. Да́ждь пре­мꙋ́­дро­мꙋ винꙋ̀, и҆ пре­мꙋ́др­шїй бꙋ́­детъ: ска­зꙋ́й првⷣно­мꙋ, и҆ при­ло­жи́тъ прї­и­ма́­ти. На­ча́­ло пре­мꙋ́­дро­сти стра́хъ гдⷭ҇ень, и҆ со­вѣ́тъ ст҃ы́хъ ра́з­ꙋмъ: раз­ꙋ­мѣ́­ти бо за­ко́нъ, по́­мы­сла є҆́сть бл҃га́­гѡ. Си́мъ бо ѡ҆́бра­зомъ мно́­гое по­жи­ве́­ши вре́­мѧ, и҆ при­ло­жа́т­сѧ тебѣ̀ лѣ̑та жи­во­та̀.

На лї­тӏ́и стї­хи́­ра хра́­ма, и҆ бцⷣы, гла́съ и҃:

Пред­ста́­тель­ни­це вѣ́р­ныхъ, бг҃о­ро­ди́­тель­ни­це, скор­бѧ́­щихъ ра́­до­сте и҆ пла́­чꙋ­щихъ ве­ли́­кое ᲂу҆­тѣ­ше́­нїе, молѝ сн҃а тво­е­го̀, хрⷭ҇та̀ бг҃а на́­ше­го, со а҆́гг҃лы и҆ а҆пⷭ҇лы и҆ всѣ́­ми ст҃ы́­ми, и҆з­ба́­ви­ти на́съ, въ ча́съ и҆с­пы­та́­нїѧ, лю́­та­гѡ ѡ҆сꙋ­жде́­нїѧ, да то­бо́ю сп҃се́­нїе ᲂу҆­лꙋ­чи́в­ше, во вѣ́ки сла́­вимъ тѧ̀, пре­бл҃го­сло­ве́н­нꙋю.

Вѣ́­рою при­те­ка́ю къ по­кро́­вꙋ тво­е­мꙋ̀, бг҃о­ро­ди́­тель­ни­це пре­чⷭ҇таѧ: ѿ на­па́­стей и҆ бѣ́дъ, и҆ стра­сте́й то­мле́­нїѧ, и҆ бѣ­со́в­ска­гѡ ѡ҆ѕло­бле́­нїѧ сп҃си́ мѧ, ꙗ҆́кѡ млⷭ҇ти и҆мꙋ́­щи пꙋ­чи́­нꙋ, и҆ сп҃се́­нїѧ ꙗ҆́вль­ши­сѧ хо­да́­та­и­ца, влⷣчце, ꙗ҆́же бг҃а ро́жд­ши млⷭ҇ти­ва­го, є҆ди́­на­го все­ще́­дра­го и҆ мно­го­бл҃го­ꙋ­тро́б­на­го.

Кра́с­нꙋю тѧ̀, все­чⷭ҇таѧ, є҆ди́­нꙋ ѿ вѣ́ка ѡ҆брѣ́тъ до­бро́­тꙋ і҆а́­кѡв­лю пре­без­на­ча́ль­ное сло́­во, и҆ все­ли́в­сѧ въ тѧ̀ бл҃го­ꙋ­тро́­бїѧ ра́ди, ѡ҆б­но­вѝ че­ло­вѣ́­че­ское є҆сте­ство̀: є҆го́­же молѝ не­пре­ста́н­нѡ, ѿ всѧ́­кихъ бѣ́дъ и҆ скор­бе́й и҆з­ба́­ви­ти­сѧ на́мъ, тѧ̀ ра́­дость и҆ сп҃се́­нїе мӏ́ра по­чи­та́­ю­щымъ.

Нбⷭ҇нꙋю две́рь и҆ кї­вѡ́тъ, все­ст҃ꙋ́ю го́рꙋ, свѣ­то­за́р­ный ѻ҆́блакъ вос­по­и́мъ, нбⷭ҇нꙋю лѣ́­стви­цꙋ, сло­ве́с­ный ра́й, є҆́ѵи­но и҆з­ба­вле́­нїе, все­ле́н­ныѧ всеѧ̀ ве­ли́­кое со­кро́­ви­ще, ꙗ҆́кѡ сп҃се́­нїе въ не́й со­дѣ́­ла­сѧ мӏ́­ро­ви, и҆ ѡ҆став­ле́­нїе дре́в­нихъ со­грѣ­ше́­нїй. сегѡ̀ ра́ди во­пї­е́мъ є҆́й: молѝ сн҃а тво­е­го̀ и҆ бг҃а, пре­грѣ­ше́­нїй ѡ҆став­ле́­нїе да­ро­ва́­ти, бл҃го­чⷭ҇тнѡ по­кла­нѧ́­ю­щым­сѧ тебѣ̀, и҆ съ ве­се́­лї­емъ тор­же­ствꙋ́­ю­щымъ тво́й все­чⷭ҇тны́й пра́з­дникъ, сла́­во и҆ ра́­до­сте на́ша, бг҃о­мт҃и бл҃го­сло­ве́н­наѧ.

Сла́­ва, и҆ ны́нѣ, гла́съ є҃:

Вос­трꙋ­би́мъ трꙋ­бо́ю пѣ́­сней: пре­кло́нь­ши бо сѧ свы́­ше все­цр҃и́­ца мт҃и дв҃а, бл҃го­сло­ве́нь­ми ᲂу҆­вѣн­ча­ва́­етъ вос­пѣ­ва́­ю­щыѧ ю҆̀. ца́­рїе и҆ кнѧ̑­зи да сте­кꙋ́т­сѧ, и҆ цр҃и́­цѣ да вос­пле́­щꙋтъ въ пѣ́­снехъ, цр҃ѧ̀ ро́жд­шей, сме́р­тїю ѡ҆дер­жи̑­мыѧ пе́р­вѣе, раз­рѣ­ши́­ти чл҃вѣ­ко­лю́б­нѡ бл҃го­во­ли́в­ша­го. па́­сты­рїе и҆ ᲂу҆­чи́­те­лїе, до́­бра­гѡ па́­сты­рѧ пре­чⷭ҇тꙋю мт҃рь со­ше́д­ше­сѧ вос­хва́­лимъ, нб҃съ про­стра́н­нѣй­шꙋю, ѡ҆дꙋ­шев­ле́н­ный гдⷭ҇ень кї­вѡ́тъ, ѻ҆гне­зра́ч­ный влⷣченъ прⷭ҇то́лъ, ман­но­прї­е́м­нꙋю зла­тꙋ́ю ста́м­нꙋ, за­клю­че́н­нꙋю сло́­ва две́рь, всѣ́хъ хрⷭ҇тї­а́нъ при­бѣ́­жи­ще. и҆ всѝ лю́­дїе, пѣ́снь­ми бл҃го­гла­го́­ли­вы­ми по­хва­лѧ́­ю­ще ю҆̀, си́це рце́мъ: мт҃и сло́­ва бж҃їѧ, спо­до́­би сми­рє́н­ныѧ ны̀ нбⷭ҇на­гѡ црⷭ҇твїѧ, ни­что́­же бо не­воз­мо́ж­но хо­да́­тай­ствꙋ тво­е­мꙋ̀.

На стї­хо́в­нѣ стї­хи̑­ры, гла́съ в҃:

Ꙗ҆́кѡ всѣ́хъ вы́ш­шꙋ сꙋ́­щꙋю нбⷭ҇ныхъ и҆ зем­ны́хъ, хе­рꙋ­ві̑мъ сла́в­нѣй­шꙋю и҆ всеѧ̀ тва́­ри чⷭ҇тнѣ́й­шꙋю, тебѐ за­стꙋ́п­ни­цꙋ и҆ по­кро́въ дер­жа́­венъ хрⷭ҇тї­а́н­ско­мꙋ ро́дꙋ хрⷭ҇то́съ да­ро­ва̀, по­кры­ва́­ти и҆ сп҃са́­ти лю́ди со­грѣ́ш­шыѧ, къ тебѣ̀ при­бѣ­га́­ю­щыѧ: тѣ́м­же при­бѣ́­жи­ще всѣ̑мъ тебѐ вос­пѣ­ва́­емъ, влⷣчце, и҆ чⷭ҇тны́й и҆ бл҃го­зна­ме­ни́­тый тво́й пра́з­дникъ, ѡ҆б­ра́­до­ван­наѧ ра́­до­сте всѣ́хъ, пра́з­днꙋ­емъ свѣ́т­лѡ, хрⷭ҇та̀ мо­лѧ́­ще да­ро­ва́­ти на́мъ то­бо́ю ве́­лїю млⷭ҇ть.

Гла́съ є҃.

Стӏ́хъ: Слы́­ши, дщѝ, и҆ ви́ждь, и҆ при­кло­нѝ ѹ҆́хо твоѐ.

Вос­по­и́мъ, лю́­дїе, свѣ́т­лѡ дв҃дскꙋю пѣ́снь ѻ҆тро­ко­ви́­цѣ бг҃о­не­вѣ́­стѣ, мт҃ри всѣ́хъ цр҃ѧ̀ хрⷭ҇та̀: пред­ста̀ цр҃и́­ца ѡ҆де­снꙋ́ю тебє̀, влⷣко, рѧ̑­сны зла­ты́­ми ѡ҆дѣ́­ѧ­на, и҆ пре­ꙋ­кра­ше́­на бжⷭ҇твен­ны­ми лѣ́­по­та­ми. сїю́ бо, и҆з­бра́н­нꙋю въ же­на́хъ, па́че все­гѡ̀ мӏ́ра ᲂу҆­до­бри́въ, бл҃го­из­во́­ли ро­ди́­ти­сѧ и҆зꙿ неѧ̀, ве­ли́­кїѧ ра́ди млⷭ҇ти: и҆ сїю̀ по­мо́щ­ни­цꙋ лю́­демъ сво­и̑мъ да­ро­ва̀, стро́­и­ти и҆ по­кры­ва́­ти ѿ всѣ́хъ бѣ́дъ рабы̑ своѧ̑, є҆ди́­нꙋ бл҃го­сло­ве́н­нꙋю.

Гла́съ з҃.

Стӏ́хъ: Лицꙋ̀ тво­е­мꙋ̀ по­мо́­лѧт­сѧ бо­га́­тїи лю́д­стїи.

Гора̀ є҆сѝ ве­ли́­ка и҆ пре­сла́в­на, па́че горы̀ сї­на́й­скїѧ, бцⷣе: та́ѧ бо, не тер­пѧ́­щи сни́­тїѧ сла́­вы бж҃їѧ во ѡ҆́бра­зѣхъ и҆ сѣ́­нехъ, ѻ҆гне́мъ возга­ра́­ше­сѧ, и҆ гро́­ми и҆ мѡ́л­нїѧ та́мѡ бы́ша: ты́ же во чре́­вѣ тво­е́мъ бж҃їе сло́­во, ве́сь бжⷭ҇твен­ный ѻ҆́гнь сꙋ́­щее, не­ѡ­па́ль­нѡ но­си́­ла є҆сѝ, ма́­нї­емъ но­сѧ́­ща­го всѧ̑. тѣ́м­же не пре­ста́й, влⷣчце, рабы̑ твоѧ̑ при́­снѡ млⷭ҇тїю по­сѣ­ща́­ти: прї­ѧ́­ла бо є҆сѝ ѿ сн҃а тво­е­гѡ̀ и҆ бг҃а да́ръ стро́­и­ти и҆ по­кры­ва́­ти хрⷭ҇то­и­ме­ни́­тое ста́­до твоѐ.

Сла́­ва, и҆ ны́нѣ, гла́съ д҃:

При́­зри на мо­лє́­нїѧ тво­и́хъ ра̑бъ, все­не­по­ро́ч­наѧ, ᲂу҆­то­лѧ́­ю­щи лю̑­таѧ на ны̀ во­ста̑­нїѧ, всѧ́­кїѧ ско́р­би на́съ и҆з­мѣ­нѧ́­ю­щи: тѧ́ бо є҆ди́­нꙋ тве́р­дое и҆ и҆з­вѣ́ст­ное ᲂу҆­твер­жде́­нїе и҆́ма­мы, и҆ твоѐ пред­ста́­тель­ство стѧ­жа́­хомъ, да не по­сты­ди́м­сѧ, влⷣчце, тѧ̀ при­зы­ва́­ю­щїи: по­тщи́­сѧ на ᲂу҆­мо­ле́­нїе тебѣ̀ вѣ́р­нѡ во­пї­ю́­щихъ: ра́­дꙋй­сѧ, влⷣчце, всѣ́хъ по́­мо­ще, ра́­до­сте и҆ по­кро́­ве, и҆ сп҃се́­нїе дꙋ́шъ на́­шихъ.

Тро­па́рь, гла́съ д҃: Къ бцⷣѣ при­лѣ́ж­нѡ: два́­жды, и҆ дрꙋ­гӏ́й: Не ᲂу҆­мол­чи́мъ ни­ко­гда̀, бцⷣе: є҆ди́­но­щи. Пи́­са­ни на ма́­лѣй ве­че́р­ни.

На ѹ҆́трени.

На Бг҃ъ гдⷭ҇ь: пе́р­вый тро­па́рь два́­жды. Сла́­ва, и҆ ны́нѣ, вто­ры́й тро­па́рь.

По а҃-мъ стї­хо­сло́­вїи сѣ­да́­ленъ, гла́съ є҃:

Оу҆­то­лѝ бо­лѣ̑­зни мно­го­воз­ды­ха́­ю­щїѧ дꙋшѝ моеѧ̀, ᲂу҆­то­ли́в­шаѧ всѧ́­кꙋю сле́­зꙋ ѿ лица̀ зе­млѝ: ты́ бо че­ло­вѣ́­кѡвъ бо­лѣ̑­зни ѿго­нѧ́­е­ши, и҆ грѣ́ш­ныхъ скѡ́р­би раз­рѣ­ша́­е­ши: тебе́ бо всѝ стѧ­жа́­хомъ на­де́­ждꙋ и҆ ᲂу҆­твер­жде́­нїе, пре­ст҃а́ѧ мт҃и дв҃о.

Сла́­ва, и҆ ны́нѣ, то́й­же.

По в҃-мъ стї­хо­сло́­вїи сѣ­да́­ленъ, гла́съ ѕ҃:

Оу҆­по­ва́­нїе мӏ́ра, бл҃га́ѧ бцⷣе дв҃о, твоѐ и҆ є҆ди́­ное стра́ш­ное пред­ста́­тель­ство про́­симъ: ᲂу҆­млⷭ҇рди­сѧ на лю́ди без­по­мѡ́щ­ныѧ, и҆ молѝ млⷭ҇ти­ва­го бг҃а, и҆з­ба́­ви­ти­сѧ дꙋ­ша́мъ на́­шымъ ѿ всѧ́­ка­гѡ пре­ще́­нїѧ, є҆ди́­на бл҃го­сло­ве́н­наѧ.

Сла́­ва, и҆ ны́нѣ, то́й­же.

По­лѷ­е­ле́й, и҆ ве­ли­ча́­нїе:

До­сто́й­но є҆́сть ве­ли­ча́­ти тѧ̀, бцⷣе, чⷭ҇тнѣ́й­шꙋю хе­рꙋ­ві̑мъ и҆ сла́в­нѣй­шꙋю безꙿ срав­не́­нїѧ се­ра­фі̑мъ.

Стӏ́хъ: По­мѧ­нѝ, гдⷭ҇и, дв҃да и҆ всю̀ кро́­тость є҆гѡ̀.

По по­лѷ­е­ле́и сѣ­да́­ленъ, гла́съ ѕ҃:

Пре­ло­же́­нїе скор­бѧ́­щихъ, пре­мѣ­не́­нїе бо­лѧ́­щихъ є҆сѝ, бцⷣе все­пѣ́­таѧ: сп҃сѝ гра́дъ тво́й и҆ лю́ди, бо­ри́­мыхъ ᲂу҆­ми­ре́­нїе, ѡ҆бꙋ­ре­ва́­е­мыхъ ти­ши­но̀, є҆ди́­на пред­ста́­тель­ни­це вѣ́р­ныхъ.

Сла́­ва, и҆ ны́нѣ, то́й­же.

Та́же сте­пє́н­на, а҃-й а҆н­тї­фѡ́нъ д҃-гѡ гла́­са.

Про­кӏ́­менъ, гла́съ д҃: По­мѧ­нꙋ̀ и҆́мѧ твоѐ во всѧ́­комъ ро́дѣ и҆ ро́дѣ.

Стӏ́хъ: Слы́­ши, дщѝ, и҆ ви́ждь, и҆ при­кло­нѝ ѹ҆́хо твоѐ.

Є҆ѵⷢ҇лїе ѿ лꙋкѝ, за­ча́­ло д҃: Во дни̑ ѻ҆́ны во­ста́в­ши ма­рї­а́мъ:

По н҃-мъ ѱал­мѣ̀: Мл҃тва­ми бцⷣы:

Та́же стї­хи́­ра, гла́съ ѕ҃:

А҆р­ха́гг҃ль­ски вос­по­и́мъ, вѣ́р­нїи, нбⷭ҇ный чер­то́гъ и҆ две́рь за­пе­ча́­та­нꙋ во­и́­стин­нꙋ: ра́­дꙋй­сѧ, є҆ѧ́же ра́ди ѻ҆тра­стѐ на́мъ сп҃съ всѣ́хъ хрⷭ҇то́съ, жи­зно­да́­вецъ и҆ бг҃ъ: низ­ло­жѝ, влⷣчце, мꙋ­чи́­тє­ли, без­бѡ́ж­ныѧ вра­гѝ на́шѧ, рꙋ­ко́ю тво­е́ю, пре­чⷭ҇таѧ, ᲂу҆­по­ва́­нїе хрⷭ҇тї­а́нъ.

Ка­нѡ́­на два̀. Ка­нѡ́нъ а҃-й.

Гла́съ д҃. Пѣ́снь а҃.

І҆р­мо́съ: Ѿве́р­зꙋ ᲂу҆­ста̀ моѧ̑, и҆ на­по́л­нѧт­сѧ дх҃а, и҆ сло́­во ѿры́г­нꙋ цр҃и́­цѣ мт҃ри, и҆ ꙗ҆в­лю́­сѧ свѣ́т­лѡ тор­же­ствꙋ́ѧ, и҆ вос­пою̀ ра́­дꙋ­ѧ­сѧ тоѧ̀ чꙋ­де­са̀.

При­пѣ́въ: Пре­ст҃а́ѧ бцⷣе, сп҃сѝ на́съ.

Кꙋ́ю тѝ до­сто́й­нꙋю пѣ́снь при­не­се́тъ на́ше не­мо­же́­нїе; то́­чїю ѡ҆б­ра́­до­ва­тель­нꙋю, є҆́йже на́съ га­врї­и́лъ та́й­нѡ на­ꙋ­чи́лъ є҆́сть: ра́­дꙋй­сѧ, бцⷣе дв҃о, мт҃и не­не­вѣ́ст­наѧ.

Ра́­дꙋй­сѧ, блгⷣти и҆с­то́ч­ни­че: ра́­дꙋй­сѧ, лѣ́­стви­це и҆ две́рь нбⷭ҇наѧ: ра́­дꙋй­сѧ, свѣ́щ­ни­че, и҆ ста́м­но зла­та́ѧ, и҆ горо̀ не­сѣ­ко́­маѧ, ꙗ҆́же жи­зно­да́в­ца хрⷭ҇та̀ мӏ́­ро­ви ро́жд­шаѧ.

Всеѧ̀ моеѧ̀ жи́­зни пред­ста́­тель­ни­це, ѿ бѣ́дъ мно́­гихъ и҆з­ба́­ви мѧ̀, да бл҃го­да́р­ствен­ный гла́съ вос­пѣ­ва́ю тѝ, бг҃о­не­вѣ́­сто пре­чⷭ҇таѧ, и҆ бꙋ́­дꙋ­щїѧ мѧ̀ и҆с­хи­тѝ мꙋ́ки.

Ꙗ҆́же всѣ̑мъ ᲂу҆­до́бь по­слꙋ́ш­наѧ въ ско́р­би, и҆ въ пе­ча́­ли по­мо­га́­ю­щаѧ, бцⷣе бл҃га́ѧ, блгⷣть по­да́ждь пѣ́ти тѧ̀ дер­за́­ю­щымъ, влⷣчце, скор­бѧ́­щихъ ра́­до­сте.

Мно­го­бо­га́т­нꙋю блгⷣть стѧ­жа́в­ши, влⷣчце, дер­зно­ве́н­ною тво­е́ю мл҃твою пре­сла́в­нѡ и҆зми́ мѧ ѿ на­па́­стей, ᲂу҆­бо́­га­го раба̀ тво­е­го̀, скор­бѧ́­щихъ ра́­до­сте.

Ꙗ҆́же є҆ди́­на въ на­па́­стехъ и҆ ско́р­бехъ за­щи­ща́­ю­щаѧ, подꙿ кро́въ тво́й, пре­чⷭ҇таѧ, при­бѣ­га́­ю­щихъ те́­плѣ, прї­и­мѝ, ꙗ҆́кѡ пре­бл҃га́ѧ, ꙗ҆̀же ѿ срⷣца мо­лє́­нїѧ.

И҆́нъ ка­нѡ́нъ.

Гла́съ и҃. Пѣ́снь а҃.

І҆р­мо́съ: По­и́мъ гдⷭ҇е­ви, про­ве́д­ше­мꙋ лю́ди своѧ̑ скво­зѣ̀ черм­но́е мо́ре, ꙗ҆́кѡ є҆ди́нъ сла́в­нѡ про­сла́­ви­сѧ.

Мо́рѧ жи­те́й­ска­гѡ вол­на́­ми по­топ­лѧ́­емь и҆ на­па́сть­ми лю́­ты­ми ѡ҆дер­жи́мь, ко при­ста́­ни­щꙋ ᲂу҆­стре­ми́х­сѧ не­вла́­е­мо­мꙋ, по­кро́­вꙋ тво­е­мꙋ̀: тѣ́м­же мѧ̀ и҆з­ба́­ви, бцⷣе, ѿ лю́­тыхъ.

По­ло­жи́ тѧ при­ста́­ни­ще сꙋ́­щымъ въ бѣ­да́хъ, чⷭ҇таѧ, бг҃ъ, и҆́же ѿ тебє̀ бл҃го­во­ли́­вый вос­прї­ѧ́­ти пло́ть. тѣ́м­же тѝ при­па́­да­ю­ще взы­ва́­емъ: да́­рꙋй по́­мощь твою̀ ра­бѡ́мъ тво­и̑мъ.

Є҆ди́­на бл҃го­сло­ве́н­наѧ и҆ бг҃о­ра́­до­ван­наѧ, ꙗ҆́же ра́­дость че­ло­вѣ́­кѡмъ ро́жд­ши не­из­ре­че́н­нꙋю, пе­ча̑­ли ѿимѝ дꙋшѝ моеѧ̀, мо­лю́­сѧ, и҆ воз­ве­се­лѝ срⷣце моѐ.

И҆з­ба́­ви мѧ̀, пре­чⷭ҇таѧ, бѣ­со́в­скїѧ пре́­ле­сти, ѡ҆ѕло­бле́­нїѧ же и҆ вре́­да и҆ и҆с­кꙋ­ше́­нїѧ, да вѣ́­рою тѧ̀ сла́в­лю, сꙋ́­щꙋю по бз҃ѣ за­стꙋ́п­ни­цꙋ и҆ по­кро́въ мо́й.

Ꙗ҆́же не­на­дѣ́­ю­щих­сѧ на­де́­жда, па́д­шихъ и҆с­прав­ле́­нїе, пе­ча́ль­ныхъ ᲂу҆­тѣ­ше́­нїе, свѣ́тъ бжⷭ҇твен­ный ро́жд­шаѧ, дꙋ́шꙋ мою̀, сꙋ́­щꙋю во тьмѣ̀, про­свѣ­тѝ.

Ꙗ҆́кѡ га­врї­и́лъ дв҃ѣ, прї­и­ди́­те, вѣ́р­нїи, и҆ мы̀ во­пї­е́мъ бл҃го­го­вѣ́й­нѡ: во­и́­стин­нꙋ ᲂу҆­кра́­ше­на є҆сѝ, чⷭ҇таѧ, ро́жд­шаѧ ра́­дость: ра́­дꙋй­сѧ, бл҃го­сло­ве́н­наѧ.

Ка­та­ва́­сїа: Ѿве́р­зꙋ ᲂу҆­ста̀ моѧ̑:

Пѣ́снь г҃.

І҆р­мо́съ: Твоѧ̑ пѣ­сно­сло́в­цы, бцⷣе, жи­вы́й и҆ не­за­ви́ст­ный и҆с­то́ч­ни­че, ли́къ себѣ̀ со­во­кꙋ́пль­шыѧ, дх҃о́в­нѡ ᲂу҆­твер­дѝ, въ бжⷭ҇твен­нѣй тво­е́й сла́­вѣ, вѣн­цє́въ сла́­вы спо­до́­би.

Оу҆­твер­жде́­нїе бꙋ́ди и҆ при­бѣ́­жи­ще и҆ по­кро́въ, дв҃о бг҃о­ро­ди́­тель­ни­це, вѣ́­рою къ тебѣ̀ при­бѣ­га́­ю­щымъ, и҆ бж҃їю тѧ̀ мт҃рь и҆с­по­вѣ́­да­ю­щымъ.

Крѣ́­пость моѧ̀, и҆ ра́­дость и҆ ве­се́­лїе, и҆ сте­на̀ тве́р­даѧ, и҆ пред­ста́­тель­ни­ца ты̀ є҆сѝ, все­не­по­ро́ч­наѧ, и҆с­кꙋ­ше́­нїй и҆ бѣ́дъ и҆з­ба­влѧ́­ю­щи мѧ̀.

Млⷭ҇тив­нымъ и҆ кро́т­кимъ тво­и́мъ ѻ҆́комъ, бг҃о­ро­ди́­тель­ни­це, зрѧ́­щи мѧ̀ во ѡ҆б­сто­ѧ́­нїи и҆ ско́р­би ѡ҆дер­жи́­ма, вско́­рѣ сво­бо­дѝ: тѧ́ бо при­зы­ва́ю на по́­мощь.

Кро­пи́­ши и҆с­цѣ­ле́­нїй стрꙋи̑ бо­лѧ́­щымъ, дв҃о, всю́­дꙋ: тѧ́ бо и҆с­то́ч­ни­ка по­ка­за̀ млⷭ҇рдїѧ, влⷣчце, и҆́же млⷭ҇ти гдⷭ҇ь, и҆зꙿ тебє̀ ро­жде́й­сѧ па́че ᲂу҆ма̀.

И҆с­то́ч­никъ млⷭ҇ти, по­да­ѧ́й скор­бѧ́­щымъ ᲂу҆­тѣ­ше́­нїе, ты̀ є҆сѝ: тѣ́м­же, влⷣчце, и҆ мнѣ̀ мл҃твен­ныхъ тво­и́хъ во́дъ и҆с­то́ч­никъ и҆с­то­чѝ, и҆ ᲂу҆­га­сѝ стра­сте́й пе́щь.

Ѿча́­ѧв­сѧ по́­мо­щи всѧ́­кїѧ, къ тебѣ̀, пре­не­по­ро́ч­наѧ, дер­жа́в­нѣй хра­ни́­тель­ни­цѣ и҆ по­кро́­вꙋ, при­те­ко́хъ: не ѿри́­ни ᲂу҆̀бо менѐ ѿ бжⷭ҇твен­на­гѡ по­кро́­ва тво­е­гѡ̀.

И҆́нъ. І҆р­мо́съ: Ты̀ є҆сѝ ᲂу҆­твер­жде́­нїе при­те­ка́­ю­щихъ къ тебѣ̀, гдⷭ҇и, ты̀ є҆сѝ свѣ́тъ ѡ҆мра­че́н­ныхъ, и҆ по­е́тъ тѧ̀ дꙋ́хъ мо́й.

Ты̀ є҆сѝ зем­но­ро́д­ныхъ ᲂу҆­по­ва́­нїе и҆ по́­мощь и҆ ра́­дость, по­кро́въ и҆ при­бѣ́­жи­ще, влⷣчце, мт҃и жи­во­та̀. тѣ́м­же тѧ̀ мо́­лимъ: твою̀ по́­мощь низ­по­слѝ всѣ̑мъ по­ю́­щымъ тѧ̀, пре­чⷭ҇таѧ.

И҆̀же то­бо́ю и҆з­ба́вль­ше­сѧ ѿ бѣ́дъ, и҆ тебє̀ ра́ди ра́­дость по­лꙋ­чи́в­ше, мт҃и без­не­вѣ́ст­наѧ, ꙗ҆́кѡ по­да́­тель­ни­цꙋ бл҃гꙋ́ю и҆ за­стꙋ́п­ни­цꙋ бл҃го­хва́ль­нꙋ всѝ про­слав­лѧ́­емъ.

Бл҃го­сло­ве́нъ пло́дъ чре́­ва тво­е­гѡ̀, дв҃о бцⷣе, всѣ́хъ ра́­до­сте: ра́­дость бо все­мꙋ̀ мӏ́рꙋ ро­ди­ла̀ є҆сѝ и҆ ве­се́­лїе, раз­го­нѧ́­ю­щее пе­ча́ль грѣ­хо́в­нꙋю, бг҃о­не­вѣ́­сто.

Тѧ̀ хра­ни́­тель­ни­цꙋ, пре­ст҃а́ѧ, въ на­па́­стехъ стѧ­жа́хъ: тебѐ по бз҃ѣ мою̀ пред­ста́­тель­ни­цꙋ и҆́мамъ не­ꙋ­сы́п­нꙋ: тебѐ да ѡ҆брѧ́­щꙋ, пре­чⷭ҇таѧ, и҆з­ба­влѧ́­ю­щꙋю мѧ̀ въ де́нь сꙋда̀ всѧ́­ка­гѡ ѡ҆сꙋ­жде́­нїѧ.

Воз­ве­ли́­чи млⷭ҇ть и҆ за­стꙋ­пле́­нїе, пре­чⷭ҇таѧ, тво­и́хъ мл҃твъ на мнѣ̀, и҆ и҆з­ба́­ви мѧ̀ ѿ на­па́­стей и҆ скор­бе́й, ра́­дость мӏ́рꙋ ро́жд­шаѧ.

Ꙗ҆́же ра́­до­сти прї­е́м­шаѧ и҆с­пол­не́­нїе, прї­и­мѝ ѿ на́съ, ра̑бъ тво­и́хъ, цѣ­ло­ва́­нїе а҆р­ха́гг҃лово: ра́­дꙋй­сѧ, ра́­дость ро́жд­шаѧ мӏ́рꙋ: ра́­дꙋй­сѧ, ста́м­но, и҆зꙿ не­ѧ́­же ма́н­на нбⷭ҇наѧ всѣ̑мъ вѣ̑р­нымъ да­ро­ва́­сѧ: ра́­дꙋй­сѧ, бл҃го­сло­ве́н­наѧ.

Сѣ­да́­ленъ, гла́съ з҃:

Ра́­дꙋй­сѧ, сл҃нца ѻ҆́бла­че мы́­слен­на­гѡ и҆ не­из­ре­че́н­на­гѡ, влⷣчце: ра́­дꙋй­сѧ, все­свѣ́т­лаѧ свѣ­щѐ: ра́­дꙋй­сѧ, свѣ́щ­ни­че все­зла­ты́й: то­бо́ю, пре­ст҃а́ѧ, є҆́ѵа и҆з­ба́­ви­сѧ ѿ клѧ́т­вы. но ꙗ҆́кѡ и҆мꙋ́­щаѧ дер­зно­ве́­нїе ко бл҃го­пре­мѣ́н­но­мꙋ сн҃ꙋ тво­е­мꙋ̀ и҆ бг҃ꙋ, мт҃рнею мл҃твою, не ѡ҆скꙋ­дѣ́й ѡ҆ на́съ мо­ли́­ти­сѧ, пре­чⷭ҇таѧ.

Сла́­ва, и҆ ны́нѣ, то́й­же. Пѣ́снь д҃.

І҆р­мо́съ: Сѣ­дѧ́й въ сла́­вѣ на прⷭ҇то́­лѣ бжⷭ҇тва̀, во ѻ҆́бла­цѣ ле́г­цѣ, прї­и́­де і҆и҃съ пре­бжⷭ҇твен­ный, не­тлѣ́н­ною дла́­нїю, и҆ сп҃сѐ зо­вꙋ́­щыѧ: сла́­ва, хрⷭ҇тѐ, си́лѣ тво­е́й.

На­де́­ждо не­на­де́ж­ныхъ, по­мо́щ­ни­це ни́­щихъ, пла́­чꙋ­щихъ ᲂу҆­тѣ­ше́­нїе, со­грѣ­ша́­ю­щихъ ѡ҆чи­ще́­нїе, рꙋ­ко­во­ди́­тель­ни­це за­блꙋ́жд­шихъ, бо­лѧ́­щихъ цѣ­ле́б­ни­це и҆ и҆с­прав­ле́­нїе па́­да­ю­щихъ, влⷣчце, сп҃сѝ рабы̑ твоѧ̑.

Не не­при­ча́ст­ни є҆смы̀, влⷣчце, тво­е­гѡ̀ за­стꙋ­пле́­нїѧ въ ско́р­бехъ: тѣ́м­же и҆ ны́нѣ на́мъ по­мо­зѝ вско́­рѣ, лю́тѣ ѡ҆бꙋ­ре­ва́­є­мымъ рꙋ́кꙋ про­сти­ра́­ю­щи, чⷭ҇таѧ: бꙋ́ди млⷭ҇ти­ва бо­лѣ́­знемъ на́­шымъ, мт҃и бж҃їѧ, ра́­дость ско́­рꙋю по­да­ю́­щи.

Всѧ̀ бл҃га́ѧ и҆ те́­плаѧ за­стꙋ́п­ни­ца сꙋ́щи грѣ́ш­ни­кѡмъ и҆ сми­рє́н­нымъ, бг҃о­ро­ди́­тель­ни­це, пре­чⷭ҇таѧ влⷣчце, ѿ бѣ́дъ и҆ скор­бе́й и҆ грѣ­хѡ́въ сп҃са́й рабы̑ твоѧ̑.

Пре­сла́в­нꙋю твою̀ мт҃рь, хрⷭ҇тѐ, прї­и­мѝ мо­лѧ́­щꙋ­ю­сѧ ѡ҆ мӏ́рѣ, млⷭ҇тив­нѡ тебѣ̀ зо­вꙋ́­щꙋю: сн҃е мо́й, прї­и­мѝ моль­бꙋ̀ мою̀, и҆ ᲂу҆­ти́­ши гнѣ́въ, на­ле­жа́­щїй зе­млѝ.

Кро́въ и҆ за­стꙋ­пле́­нїе и҆ при­бѣ́­жи­ще бꙋ́ди мѝ, дв҃о, рабꙋ̀ тво­е­мꙋ̀, и҆ и҆з­ба́­ви мѧ̀ ѿ без­мѣ́р­ныхъ ѕѡ́лъ, вос­пѣ­ва́­ти тѧ̀, пре­чⷭ҇таѧ: сла́­ва не­из­ре­че́н­но­мꙋ ржⷭ҇твꙋ̀ тво­е­мꙋ̀.

На­де́­жда и҆ щи́тъ и҆ ᲂу҆­твер­жде́­нїе ты̀ мнѣ̀ є҆сѝ, бл҃га́ѧ, и҆ лю́­тыхъ и҆з­ба­вле́­нїе, и҆ про­свѣ­ще́­нїе дꙋшѝ мое́й, и҆ хва­ла̀ и҆ стѣ­на̀ и҆ дер­жа́­ва.

И҆́нъ. І҆р­мо́съ: И҆зꙿ горы̀ прї­ѡ­сѣ­не́н­ныѧ, сло́­ве, прⷪ҇ро́къ, є҆ди́­ныѧ бцⷣы, хо­тѧ́­ща во­пло­ти́­ти­сѧ, бг҃о­ви́д­нѡ ᲂу҆­смо­трѝ, и҆ со стра́­хомъ сла­во­сло́­вѧ­ше си́лꙋ твою̀.

Ѿ ве­ли́­кихъ и҆ раз­ли́ч­ныхъ пре­грѣ­ше́­нїй же и҆ на­па́­стей все­гда̀ сп҃са́­е­ши мѧ̀: тѣ́м­же тѧ̀, ꙗ҆́кѡ ро́жд­шꙋю гдⷭ҇а, молю̀, и҆ къ тебѣ̀ при­бѣ­га́ю, не­по­бѣ­ди́­мѣй по́­мо­щи скор­бѧ́­щымъ: ѿ бѣ́дъ и҆з­ве­дѝ моль­ба́­ми тво­и́­ми.

Бж҃е мо́й млⷭ҇рде, бж҃е чл҃вѣ­ко­лю́б­че, во­ли́­те­лю млⷭ҇ти, ны́нѣ на мѧ̀ и҆з­лӏ́й твою̀ млⷭ҇ть: мо́­литъ тѧ̀ на­де́­жда и҆ за­стꙋ́п­ни­ца моѧ̀, мт҃и твоѧ̀.

Млⷭ҇ть твою̀ и҆ млⷭ҇рдїе на рабы̑ твоѧ̑, чⷭ҇таѧ, про­стрѝ, при́­снѡ мо­лѧ́­щыѧ тѧ̀, всѧ́­кїѧ ско́р­би и҆ мꙋ́ки и҆з­ба­влѧ́­ю­щи мл҃тва­ми тво­и́­ми.

Ра́­дꙋй­сѧ, кра́с­наѧ па­ла́­то сло́­ва, дѣ́в­ствен­ный чер­то́­же црѧ̀: ра́­дꙋй­сѧ, по­хва­ло̀ всѣ́хъ без­пло́т­ныхъ: ра́­дꙋй­сѧ, че­ло­вѣ́­кѡвъ ра́­до­сте и҆ по́­мо­ще и҆ ᲂу҆­по­ва́­нїе.

Сп҃се́­нїе по­да́ждь мѝ, дꙋ­ше́в­ное и҆ тѣ­ле́с­ное, пре­не­по­ро́ч­наѧ, и҆ не­дꙋ́­гꙋ­ю­ще­мꙋ да́­рꙋй цѣль­бꙋ̀, и҆ лю́­тыхъ и҆з­ба­вле́­нїе.

Ѡ҆ со­дѣ́­ѧ­нї­ихъ мо­и́хъ лꙋ­ка́­выхъ, и҆ пре­грѣ­ше́­нї­ихъ мно́­гихъ, кто̀ воз­мо́­жетъ ᲂу҆­мо­ли́­ти сꙋ­дїю̀, а҆́ще не ты̀, чⷭ҇таѧ, є҆ди́­на со­грѣ­ша́­ю­щихъ за­стꙋ́п­ни­це;

Пѣ́снь є҃.

І҆р­мо́съ: Оу҆­жа­со́­ша­сѧ всѧ́­чє­скаѧ ѡ҆ бжⷭ҇твен­нѣй сла́­вѣ тво­е́й: ты́ бо, не­и­скꙋ­со­бра́ч­наѧ дв҃о, и҆мѣ́­ла є҆сѝ во ᲂу҆­тро́­бѣ надꙿ всѣ́­ми бг҃а, и҆ ро­ди­ла̀ є҆сѝ без­лѣ́т­на­го сн҃а, всѣ̑мъ вос­пѣ­ва́­ю­щымъ тѧ̀ ми́ръ по­да­ва́­ю­щаѧ.

Ты̀ крѣ́­пость моѧ̀, ты̀ по­хва­ла̀ и҆ ра́­до­ва­нїе, и҆ хра­ни́­тель­ни­ца мѝ є҆сѝ, и҆ за­стꙋ­пле́­нїе и҆ при­бѣ́­жи­ще, и҆ пред­ста́­тель­ни­ца не­по­бѣ­ди́­ма, пре­ст҃а́ѧ бцⷣе дв҃о: тѣ́м­же сп҃сѝ раба̀ тво­е­го̀.

Сп҃си́ мѧ, влⷣчце, и҆зꙿ глꙋ­би­ны̀ на­па́­стей и҆ скор­бе́й, и҆ пе­ча́­лей и҆ стра­сте́й тѣ­ле́с­ныхъ, и҆ въ ти­ши­нѣ̀ бжⷭ҇твен­нѣй со­хра­нѝ дꙋ́шꙋ мою̀.

Мл҃твен­ни­це не­ло́ж­наѧ, ᲂу҆­по­ва́­нїе хрⷭ҇тї­а́нъ, ѡ҆б­ра́­до­ван­наѧ, прї­и­мѝ моль­бы̑ ѿ на́съ, при­лѣ́ж­нѡ при­зы­ва́­ю­щихъ и҆ мо­лѧ́­щих­сѧ тебѣ̀.

По­кро́въ мо́й є҆сѝ ты̀ и҆ при́­сное хва­ле́­нїе, Ѽ влⷣчце бцⷣе: ни­ка́­ко­же бо пре­зи­ра́­е­ши къ тебѣ̀ при­бѣ­га́­ю­щихъ.

До́мъ тѧ̀ сла́­вы, го́рꙋ бж҃їю ст҃ꙋ́ю, чⷭ҇таѧ, не­вѣ́­стꙋ, чер­то́гъ, хра́мъ ѡ҆сщ҃е́­нїѧ, сн҃ъ бж҃їй, въ тѧ̀ все­ли́­вый­сѧ, и҆ ра́й сла́­до­сти при­сно­сꙋ́щ­ныѧ на́мъ со­дѣ́­ла.

Стѣ́­нꙋ не­ѡ­бо­ри́­мꙋ, чⷭ҇таѧ, мл҃твꙋ твою̀ стѧ­жа́в­ше, во­пї­е́мъ тѝ: ᲂу҆­млⷭ҇рди­сѧ, Ѽ влⷣчце, и҆ ви̑­ди­мыѧ и҆ не­ви̑­ди­мыѧ вра­гѝ про­же­нѝ.

И҆́нъ. І҆р­мо́съ: Мра́къ дꙋшѝ моеѧ̀ раз­же­нѝ, свѣ­то­да́в­че хрⷭ҇тѐ бж҃е, на­ча­ло­ро́д­нꙋю тьмꙋ̀ и҆з­гна́въ бе́з­дны, и҆ да́­рꙋй мѝ свѣ́тъ по­ве­лѣ́­нїй тво­и́хъ, сло́­ве, да ѹ҆́тре­нюѧ сла́в­лю тѧ̀.

До­бро́­тꙋ тѧ̀ і҆а́­кѡв­лю воз­лю­бѝ бг҃ъ, дв҃о ѻ҆тро­ко­ви́­це, ᲂу҆­кра­ша́ѧ всѧ̑ то­бо́ю, ѡ҆мра­чи́в­шы­ѧ­сѧ пре­стꙋ­пле́­нї­емъ пе́р­вѣе.

Дꙋ́шꙋ мою̀ со­хра­нѝ ꙗ҆́кѡ зѣ́­ни­цꙋ ѻ҆́ка подꙿ кро́­вомъ кри­лꙋ̑ тво­є́ю, бл҃га́ѧ пре­чⷭ҇таѧ, и҆ ѿ дꙋ­хѡ́въ лꙋ­ка́­выхъ то­мле́­нїѧ и҆ мꙋ­че́­нїѧ и҆з­ба́­ви.

И҆з­ба́вль­ше­сѧ то­бо́ю пра­ма́­тер­нїѧ пе­ча́­ли, бг҃о­ро­ди́­тель­ни­це, ᲂу҆­тѣ­ше́­нїѧ и҆с­по́л­не­ни бы́­хомъ, ве­се́­лїе всѣ̑мъ ро́жд­шаѧ и҆ все­мӏ́р­нꙋю ра́­дость: тѣ́м­же, все­пѣ́­таѧ, твоѧ̑ пѣ­сно­сло́в­цы ѿ бѣ́дъ тво­и́­ми мл҃тва­ми со­блю­дѝ.

Бл҃го­да­ри́мъ тѧ̀, и҆з­ба́вль­ше­сѧ то­бо́ю грѣ­хѡ́въ мно́­гихъ, и҆ не́­мо­щей и҆ бо­лѣ́­зней и҆ не­дꙋ̑гъ лю́­тыхъ, пре­чⷭ҇таѧ влⷣчце: на­де́­жда бо є҆сѝ твер­да̀ тво­и̑мъ вѣ̑р­нымъ ра­бѡ́мъ.

Съ бжⷭ҇твен­нымъ со­ше́д­ше­сѧ га­врї­и́­ломъ, во­зо­пї­и́мъ бцⷣѣ вѣ́р­нѡ: ра́­дꙋй­сѧ, дв҃о ст҃а́ѧ, блгⷣт­наѧ, гдⷭ҇ь съ то­бо́ю, и҆́же тебє̀ ра́ди по­тре­би́въ пе­ча́ль, по­да­дѐ мӏ́рꙋ ра́­до­ва­нїе.

Бо­лѧ́­щꙋю дꙋ́шꙋ мою̀ и҆с­цѣ­лѝ, ро́жд­шаѧ всѣ́хъ взе́м­лю­ща­го не­дꙋ́­ги, пре­чⷭ҇таѧ влⷣчце.

Пѣ́снь ѕ҃.

І҆р­мо́съ: Бжⷭ҇твен­ное сїѐ и҆ все­чⷭ҇тно́е со­вер­ша́­ю­ще пра́з­дне­ство, бг҃о­мꙋ́­дрїи, бг҃о­мт҃ре, прї­и­ди́­те, рꙋ­ка́­ми вос­пле́­щимъ, ѿ неѧ̀ ро́жд­ша­го­сѧ бг҃а сла́­вимъ.

Бо­лѧ́­щихъ цѣ­ли́­тель­ни­цꙋ, па́­да­ю­щихъ во­ста́­нїе, со­грѣ­ша́­ю­щихъ ѡ҆чи­ще́­нїе, бцⷣе, тебѐ молю̀, со сле­за́­ми при­па́­даю, и҆ зовꙋ́ ти: ꙗ҆́кѡ силь­на̀, сама́ мѧ сп҃сѝ, по­ги­ба́­ю­ща­го.

Ты̀ є҆сѝ стѣ­на̀ не­рꙋ­ши́­ма, ты̀ є҆сѝ по­кро́въ тве́рдъ, бцⷣе бл҃га́ѧ, ты̀ є҆сѝ пред­ста́­тель­ни­ца крѣп­ка̀ рабꙋ̀ тво­е­мꙋ̀: сегѡ̀ ра́ди при­зы­ва́ю тѧ̀ при́­снѡ, и҆ при­те­ка́ю къ по­кро́­вꙋ тво­е­мꙋ̀.

Мӏ́­ро­ви ра́­дость сꙋ́щи, бцⷣе чⷭ҇таѧ, ра́­дꙋй­сѧ, тебѣ̀, дв҃о, зо­ве́мъ со а҆́гг҃ломъ вѣ́р­нѡ: тво­еѧ̀ ра́­до­сти спо­до́­би ны̀, и҆ пе­ча́ль на́шꙋ ра­зо­рѝ.

Сла́­дость а҆́гг҃лѡвъ, скор­бѧ́­щихъ ра́­дость, хрⷭ҇тї­а́нъ пред­ста́­тель­ни­ца ты̀ є҆сѝ, дв҃о мт҃и гдⷭ҇нѧ: за­стꙋ­пѝ на́съ, и҆ и҆з­ба́­ви вѣ́ч­ныхъ мꙋ́къ.

Въ де́нь пе­ча́­ли, є҆гда̀ и҆́мамъ тѣ­ле́с­ныхъ со­ꙋ̑зъ раз­рѣ­ши́­ти­сѧ, пред­ста́­ни мѝ, бг҃о­ро­ди́­тель­ни­це, и҆ ѡ҆б­дер­жа́­нїѧ бѣ­со́в­ска­гѡ и҆с­хи­тѝ.

При́­зри, влⷣчце, на мѧ̀ сми­ре́н­на­го, и҆ па́че на­де́­жды сп҃сѝ мѧ̀: ты́ бо є҆сѝ ᲂу҆­по­ва́­нїе и҆ по­кро́въ мѝ, жи́знь и҆ свѣ́тъ срⷣцꙋ мо­е­мꙋ̀, бцⷣе, и҆ ᲂу҆­твер­жде́­нїе.

И҆́нъ. І҆р­мо́съ: Со­дер­жи́­ма мѧ̀ прї­и­мѝ, чл҃вѣ­ко­лю́б­че, грѣ­хи̑ мно́­ги­ми, и҆ при­па́­да­ю­ща ще­дро́­тамъ тво­и̑мъ, ꙗ҆́кѡ прⷪ҇ро́­ка, гдⷭ҇и, и҆ сп҃си́ мѧ.

Въ нощѝ и҆ во днѝ, ꙗ҆́вѣ и҆ вта́й, подꙿ тво́й при­бѣ­га́­емъ кро́въ, пре­чⷭ҇таѧ дв҃о, и҆̀же тѧ̀ вѣ́р­нѡ сла­во­сло́­вѧ­щїи.

Въ на­па́­стехъ за­стꙋ́п­ни­цꙋ тѧ̀ и҆́ма­мы тве́р­дꙋ, въ ско́р­бехъ крѣ́п­кое сп҃се́­нїе, по­ко́й въ пе­ча́­лехъ, въ бѣ­да́хъ по́­мощь, при­сно­дв҃о.

До­бро́­та чⷭ҇тны́хъ ст҃ы́хъ а҆́гг҃лъ, ра́­до­ва­нїе че­ло­вѣ̑къ всѣ́хъ ты̀ є҆сѝ, бцⷣе дв҃о: ты́ мѧ къ жи­во­тꙋ̀ на­ста́­ви.

Па­ла́­та цр҃ѧ̀ сла́­вы и҆ ѻ҆гне­зра́ч­ный была̀ є҆сѝ прⷭ҇то́лъ, дв҃о, хе­рꙋ­ві̑мъ пре­вы́ш­ши и҆ се­ра­фі̑мъ: тѣ́м­же тѧ̀ всѧ́­кое ды­ха́­нїе сла́­витъ, ꙗ҆́кѡ мт҃рь зи­жди́­те­лѧ.

Ра́­дꙋй­сѧ, кле­щѐ ѹ҆́глѧ бжⷭ҇твен­на­гѡ: ра́­дꙋй­сѧ, прⷪ҇ро́­кѡвъ пе­ча́ть и҆ а҆пⷭ҇лѡвъ по­хва­ло̀, пре­чⷭ҇таѧ бцⷣе, є҆ѧ́же ра́ди ѿ и҆с­тлѣ́­нїѧ сво­бо­ди́­хом­сѧ.

Бе́з­днꙋ ще­дро́тъ ро́жд­ши, бцⷣе дв҃о, ско́рб­ныхъ жи­тїѧ̀ дꙋ́шꙋ мою̀ сп҃сѝ, и҆ ра́­до­сти дх҃о́в­ныѧ двє́­ри ѿве́р­зи мѝ: на тѧ́ бо є҆ди́­нꙋ на­де́­ждꙋ воз­ло­жи́хъ.

Кон­да́къ, гла́съ ѕ҃:

Не и҆́ма­мы и҆ны́ѧ по́­мо­щи, не и҆́ма­мы и҆ны́ѧ на­де́­жды, ра́з­вѣ тебє̀, влⷣчце, ты̀ на́мъ по­мо­зѝ: на тебѐ на­дѣ́­ем­сѧ, и҆ то­бо́ю хва́­лим­сѧ, твои́ бо є҆смы̀ рабѝ, да не по­сты­ди́м­сѧ.

І҆́косъ: Про­стрѝ дла̑­ни твоѧ̑, и҆́ми­же всѣ́хъ влⷣкꙋ ꙗ҆́кѡ млⷣнца прї­ѧ́­ла є҆сѝ, за мно́­же­ство бл҃го­сти: не ѡ҆ста́­ви на́съ, все­гда̀ на­дѣ́­ю­щих­сѧ на тѧ̀, бо́­дрен­ною тво­е́ю мл҃твою, и҆ не­ис­че́т­ною про­сты́­нею ᲂу҆­ще́­дри на́съ, и҆ по­да́ждь дꙋ­ша́мъ на́­шымъ млⷭ҇рдїе твоѐ, во вѣ́ки и҆с­то­ча́­ю­щи: тебе́ бо и҆́ма­мы, грѣ́ш­нїи, за­стꙋ́п­ни­цꙋ ѿ на­хо­дѧ́­щихъ на ны̀ бѣ́дъ и҆ ѕѡ́лъ: но ꙗ҆́кѡ и҆мꙋ́­щи млⷭ҇рдїѧ ще­дрѡ́­ты, ᲂу҆­ско­рѝ на мл҃твꙋ и҆ по­тщи́­сѧ на ᲂу҆­мо­ле́­нїе, пред­ста́­тель­ствꙋ­ю­щи при́­снѡ, бцⷣе, чтꙋ́­щихъ тѧ̀.

Пѣ́снь з҃.

І҆р­мо́съ: Не по­слꙋ­жи́­ша тва́­ри бг҃о­мꙋ́­дрїи па́че со­зда́в­ша­гѡ, но ѻ҆́гнен­ное пре­ще́­нїе мꙋ́­же­ски по­пра́в­ше, ра́­до­ва­хꙋ­сѧ по­ю́­ще: пре­пѣ́­тый ѻ҆тцє́въ гдⷭ҇ь и҆ бг҃ъ бл҃го­сло­ве́нъ є҆сѝ.

Страсть­мѝ пре­ста­рѣ́в­сѧ и҆ не­ѡ­сла́б­ны­ми на­па́сть­ми и҆ скорбь­мѝ, и҆ до­спѣ́въ къ за́­па­дѡмъ жи­тїѧ̀ мо­е­гѡ̀, до­бро­дѣ́­те­лемъ не­при­ча́­стенъ, лѣ́­но­стїю снѣ­де́нъ бы́въ, во­пїю́ ти, влⷣчце: ᲂу҆­тѣ­ше́­нїе зем­ны̑мъ, по­ми́­лꙋй мѧ̀.

Ра́­дꙋй­сѧ, и҆с­то́ч­ни­че при­сно­жи­во́т­ныѧ воды̀: ра́­дꙋй­сѧ, раю̀ пи́щ­ный: ра́­дꙋй­сѧ, стѣ­но̀ вѣ́р­ныхъ: ра́­дꙋй­сѧ, не­и­скꙋ­со­бра́ч­наѧ: ра́­дꙋй­сѧ, все­мӏ́р­наѧ ра́­до­сте, є҆́юже на́мъ воз­сїѧ̀ хва­ли́­мый ѻ҆тцє́въ бг҃ъ и҆ пре­про­сла́в­ленъ.

Всѣ̑мъ сꙋ́­щымъ въ мӏ́рѣ за­стꙋ́п­ни­ца є҆сѝ, и҆ стѣ­на̀ хрⷭ҇тї­а́­нѡмъ, и҆ при­бѣ́­жи­ще не­по­сты́д­но, чⷭ҇таѧ мр҃ӏ́е. тѣ́м­же вѣ́­рою тѧ̀ чтꙋ́­ще, во­пї­е́мъ хрⷭ҇тꙋ̀: ѻ҆тє́цъ на́­шихъ бж҃е, бл҃го­сло­ве́нъ є҆сѝ.

Ѽ бл҃го­ꙋ­тро́­бїѧ тво­е­гѡ̀, дв҃а чⷭ҇таѧ! рѣ­ши́­ши бо без­мѣ̑р­ныѧ пе­ча̑­ли и҆ на­па̑­сти, при­зы­ва́­ю­щымъ въ нꙋ́­ждѣ и҆ ѡ҆б­сто­ѧ́­нїи: тѣ́м­же и҆ ны́нѣ по­мо­зѝ, бл҃го­сло­ве́н­наѧ, тѧ̀ вос­хва­лѧ́­ю­щымъ.

Є҆ди́­но ᲂу҆­по­ва́­нїе и҆ по́­мощь вѣ̑р­нымъ сꙋ́щи, бг҃о­ро­ди́­тель­ни­це, по­тщи́­сѧ по­мо­щѝ ра­бѡ́мъ тво­и̑мъ, по­грꙋ­жа́­є­мымъ скорбь­мѝ, и҆ въ бо­лѣ́­знехъ сꙋ́­щымъ, и҆ при­бѣ­га́­ю­щымъ къ тебѣ̀ съ лю­бо́­вїю дꙋшѝ.

Ра́­до­ва­нїе бл҃го­да́р­ствен­ное тебѣ̀ при­но́­симъ, мт҃и бж҃їѧ, ꙗ҆́кѡ во­и́­стин­нꙋ то­бо́ю и҆з­ба́­вле­ни всѧ́­ка­гѡ ѕла́­гѡ на­чи­на́­нїѧ, и҆ со­гла́с­нѡ тебѣ̀ по­е́мъ: бл҃го­сло­ве́­на є҆сѝ.

И҆́нъ. І҆р­мо́съ: Бж҃їѧ сниз­хо­жде́­нїѧ ѻ҆́гнь ᲂу҆­сты­дѣ́­сѧ въ ва­вѷ­лѡ́­нѣ и҆но­гда̀: сегѡ̀ ра́ди ѻ҆́тро­цы въ пещѝ, ра́­до­ван­ною но­го́ю ꙗ҆́кѡ во цвѣ́т­ни­цѣ, ли­кꙋ́­ю­ще, по­ѧ́­хꙋ: бл҃го­сло­ве́нъ є҆сѝ, бж҃е ѻ҆тє́цъ на́­шихъ.

Во­дво­ри́­хом­сѧ въ ве́­черъ въ пла́­чи пе­ча́­лей и҆ ча́­ѧ­нїи ѕлы́хъ, но тво­и́мъ бг҃о­лѣ́п­нымъ кро́­вомъ, дв҃о, ѡ҆бо­же́­ни бы́в­ше, ѡ҆брѣ­то́­хомъ ра́­дость за­ꙋ́­тра: ты́ бо сп҃сла̀ є҆сѝ на́съ.

Ꙗ҆́кѡ бжⷭ҇твен­ное при­бѣ́­жи­ще, по­кро́въ тво́й, влⷣчце, всѝ стѧ­жа́в­ше къ бг҃ꙋ, въ на­па́­стехъ и҆ го­не́­нї­ихъ и҆ грѣ­сѣ́хъ къ тебѣ̀ при­бѣ­га́­емъ, и҆ то­бо́ю и҆з­мѣ­не́­нїе прї­е́м­лемъ, пре­чⷭ҇таѧ.

Грѣ́ш­ни­кѡвъ при­бѣ́­жи­ще, низ­ве́р­жен­ныхъ и҆с­прав­ле́­нїе ты̀ є҆сѝ, влⷣчце: сегѡ̀ ра́ди при­те­ка́ю къ по­кро́­вꙋ тво­е­мꙋ̀, сп҃си́ мѧ, бг҃о­не­вѣ́­сто.

Въ не­до­ꙋ­мѣ́­нїи и҆ пе­ча́­ли сы́й и҆ въ бѣ­да́хъ, пре­чⷭ҇таѧ, тѧ̀ при­зы­ва́ю те́­плѣ ѿ срⷣца мо­е­гѡ̀: пред­ва­рѝ и҆ и҆з­ба́­ви мѧ̀, и҆ по­да́ждь, чⷭ҇таѧ, мнѣ̀ ᲂу҆­тѣ­ше́­нїе.

Бл҃го­сло­ве́н­наѧ дв҃о, ра́­до­сте скор­бѧ́­щихъ всѣ́хъ вѣ́р­ныхъ, ѿ всѧ́­ка­гѡ и҆с­кꙋ­ше́­нїѧ и҆ пе­ча́­ли и҆ ѕло́­бы за­ви́­дѧ­щихъ мнѣ̀ и҆змѝ, и҆ ѿ грѣ̑хъ и҆ раз­ли́ч­ныхъ не­дꙋ̑гъ мѧ̀ и҆з­ба́­ви.

Всѧ̀ є҆сѝ свѣ­то­но́с­на, свѣ́тъ не­за­хо­ди́­мый, дв҃о, прї­е́м­ши, и҆ про­свѣ­ща́­ю­щи, чⷭ҇таѧ, вѣ́­рою тебѣ̀ во­пї­ю́­щыѧ: бл҃го­сло­ве́нъ, пре­чⷭ҇таѧ, пло́дъ тво­е­гѡ̀ чре́­ва.

Пѣ́снь и҃.

І҆р­мо́съ: Ѻ҆́тро­ки бл҃го­чє­сти́­выѧ въ пещѝ ржⷭ҇тво̀ бг҃о­ро́­ди­чо сп҃сло̀ є҆́сть: то­гда̀ ѹ҆́бѡ ѡ҆бра­зꙋ́­е­мое, ны́нѣ же дѣ́й­ствꙋ­е­мое, все­ле́н­нꙋю всю̀ воз­дви­за́­етъ пѣ́ти тебѣ̀: гдⷭ҇а по́й­те, дѣла̀, и҆ пре­воз­но­си́­те є҆го̀ во всѧ̑ вѣ́ки.

Ра́­дꙋй­сѧ, прⷭ҇то́­ле сла́в­ный бж҃їй: ра́­дꙋй­сѧ, вѣ́р­ныхъ стѣ­но̀, є҆́юже сꙋ́­щымъ во тьмѣ̀ воз­сїѧ̀ свѣ́тъ хрⷭ҇то́съ, тебѐ бл҃жа́­щымъ и҆ во­пї­ю́­щымъ: всѧ̑ дѣла̀ гдⷭ҇нѧ, гдⷭ҇а по́й­те и҆ пре­воз­но­си́­те во всѧ̑ вѣ́ки.

По­е́мъ тѧ̀, пре­чⷭ҇таѧ и҆ мт҃и бж҃їѧ, и҆ кто̀ не сла́­витъ тѧ̀ во­и́­стин­нꙋ бл҃гꙋ́ю, сꙋ́­щꙋю на­де́­ждꙋ дꙋ́шъ на́­шихъ; тѣ́м­же, пре­чⷭ҇таѧ, и҆ мою̀ моль­бꙋ̀ прї­и­мѝ.

Ты̀ є҆сѝ сп҃се́­нїе всѣ́хъ че­ло­вѣ̑къ, ꙗ҆́же бг҃а ро́жд­шаѧ не­из­ре­че́н­нѡ: ты̀ є҆сѝ вѣ́р­ныхъ сп҃си́­тель­ни­ца, бцⷣе, и҆ слѣ­пы́хъ на­ста́в­ни­ца, и҆ па́­да­ю­щихъ и҆с­прав­ле́­нїе. тѣ́м­же тѧ̀ вос­хва­лѧ́­ю­ще, хрⷭ҇тꙋ̀ зо­ве́мъ: бл҃го­сло­ви́­те, всѧ̑ дѣла̀, гдⷭ҇а, по́й­те и҆ пре­воз­но­си́­те є҆го̀ во всѧ̑ вѣ́ки.

Стрꙋи̑ и҆с­цѣ­ле́­нїй на́мъ все­гда̀ вѣ̑р­нымъ, чⷭ҇таѧ, и҆с­то­ча́­е­ши: тѣ́м­же не­за­ви́ст­нꙋю блгⷣть взе́м­лю­ще, вос­пѣ­ва́­емъ ржⷭ҇тво̀ твоѐ, чⷭ҇таѧ, и҆ пре­воз­но́­симъ во всѧ̑ вѣ́ки.

На тѧ̀ воз­ло­жи́хъ, влⷣчце, срⷣце и҆ дꙋ́шꙋ и҆ тѣ́ло: не и҆́мамъ бо и҆ны́ѧ на­де́­жды, ра́з­вѣ тебє̀, є҆́юже по­лꙋ­чꙋ̀ млⷭ҇ть. тѣ́м­же по­да́ждь мѝ бо­га́­тꙋю твою̀ блгⷣть.

На моль­бꙋ̀ мою̀ ны́нѣ ᲂу҆­млⷭ҇рди­сѧ, и҆ ра́­дость въ пе­ча́­ли мѣ́­сто да́­рꙋй мѝ, да пою́ тѧ, влⷣчце, и҆ во­пїю̀ сн҃ꙋ тво­е­мꙋ̀: бл҃го­сло­ви́­те, всѧ̑ дѣла̀ гдⷭ҇нѧ, гдⷭ҇а.

И҆́нъ. І҆р­мо́съ: На горѣ̀ ст҃ѣ́й про­сла́вль­ша­сѧ, и҆ въ кꙋ­пи­нѣ̀ ѻ҆гне́мъ при­сно­дв҃ы мѡ­ѷ­се́­о­ви та́й­нꙋ ꙗ҆́вль­ша­го, гдⷭ҇а по́й­те и҆ пре­воз­но­си́­те во всѧ̑ вѣ́ки.

Всѧ̀ є҆сѝ чⷭ҇таѧ и҆ бжⷭ҇твен­ныѧ сла́­вы и҆с­по́л­не­на, бли́ж­нѧѧ моѧ̀, речѐ дх҃ъ бж҃їй, тѧ̀ про­воз­вѣ­ща́ѧ, пре­чⷭ҇таѧ, ю҆́же пѣ́снь­ми вос­пѣ­ва́­емъ по­ю́­ще: тебѣ̀ по­до­ба́­етъ ра́­до­ва­ти­сѧ, бг҃а че­ло­вѣ́­ка ро́жд­шей.

А҆́гг҃лѡвъ по­хва­ло̀ и҆ че­ло­вѣ́­кѡвъ сп҃се́­нїе, и҆ спо­рꙋ́ч­ни­ца бꙋ́ди мѝ, мт҃и бж҃їѧ: ꙗ҆́кѡ да ѡ҆б­ра­щꙋ́­сѧ и҆ прї­и­мꙋ̀ раз­рѣ­ше́­нїе пре́­жде со­грѣ­ше́н­ныхъ, въ вѣ́­дѣ­нїи и҆ не въ вѣ́­дѣ­нїи.

Тѧ̀ по бз҃ѣ ᲂу҆­по­ва́­нїе сп҃се́­нїѧ въ на­па́­стехъ и҆мꙋ́­ще, вѣ́р­нїи, взы­ва́­емъ: всѧ̑ дѣла̀ гдⷭ҇нѧ, гдⷭ҇а по́й­те, и҆ пре­воз­но­си́­те є҆го̀ во вѣ́ки.

Прї­и­мѝ пѣ́снь ѿ хꙋ­ды́хъ ᲂу҆­сте́нъ, дв҃о все­пѣ́­таѧ, во­пї­ю́­щихъ тѝ: ра́­дꙋй­сѧ, бо­лѧ́­щымъ тѣ­ле­сє́мъ вра­чев­ство̀ и҆ ѿча̑­ѧн­нымъ дꙋ­ша́мъ сп҃се́­нїе.

Въ бо­лѣ́­знехъ и҆ на­па́­стехъ ѡ҆дер­жи̑­мыѧ не пре́­зри, бл҃га́ѧ: но моль­бꙋ̀ хꙋ­дꙋ́ю ᲂу҆­слы́­шав­ши, сво­бо­дѝ на́съ ѿ скор­бе́й ве­ли́­кихъ, да вѣ́р­нѡ твою̀ млⷭ҇ть и҆ за­стꙋ­пле́­нїе, чⷭ҇таѧ, вос­пѣ­ва́­емъ.

Сто­ѧ́­щихъ ᲂу҆­твер­жде́­нїе є҆сѝ и҆ па́д­шихъ и҆с­прав­ле́­нїе, дв҃о: тѣ́м­же мѧ̀ па́д­ша­го воз­ста́­ви, да тѧ̀ сла́в­лю, бл҃го­сло­ве́н­нꙋю и҆ ѡ҆б­ра́­до­ван­нꙋю.

Пѣ́снь ѳ҃.

І҆р­мо́съ: Всѧ́къ зем­но­ро́д­ный да взы­гра́­ет­сѧ дх҃омъ про­свѣ­ща́­емь, да тор­же­ствꙋ́­етъ же без­пло́т­ныхъ ᲂу҆­мѡ́въ є҆сте­ство̀, по­чи­та́­ю­щее сщ҃е́н­ное тор­же­ство̀ бг҃о­мт҃ре, и҆ да во­пї­е́тъ: ра́­дꙋй­сѧ, все­бл҃же́н­наѧ бцⷣе, чⷭ҇таѧ при­сно­дв҃о.

Ра́­дꙋй­сѧ, мр҃ӏ́е, ве­ли́­кое всеѧ̀ тва́­ри чꙋ́до: ра́­дꙋй­сѧ, дщѝ ѹ҆́бѡ дв҃до­ва, гдⷭ҇нѧ же мт҃и: ра́­дꙋй­сѧ, пѣ́­нїе га­врї­и́­ло­во: ра́­дꙋй­сѧ, при­бѣ́­жи­ще и҆ ᲂу҆­твер­жде́­нїе и҆ по́­мощь всѣ̑мъ, пре­ст҃а́ѧ, сꙋ́­щымъ на зе­млѝ грѣ́ш­ни­кѡмъ.

Ю҆́же и҆з­во́­лилъ є҆сѝ, влⷣко, прї­и­мѝ млⷭ҇тив­нѡ мл҃твен­ни­цꙋ мт҃рь твою̀ ѡ҆ на́съ, и҆ тво­еѧ̀ бл҃го­сти всѧ́­чє­скаѧ и҆с­по́л­нѧт­сѧ: да тѧ̀ всѝ ꙗ҆́кѡ бл҃го­дѣ́­те­лѧ ве­ли­ча́­емъ.

Ѽ дв҃о бл҃га́ѧ! Ѽ мӏ́ра ра́­до­сте и҆ при­бѣ́­жи­ще! Ѽ хра­ни́­ли­ще вѣ́р­ныхъ и҆ и҆з­ба­вле́­нїе скор­бе́й! ты̀ пред­ста́­ни мѝ въ ча́съ сме́р­ти, и҆ и҆з­ба́­ви ѿ бѣ́­сѡ́въ, и҆́щꙋ­щихъ по­гло­ти́­ти мѧ̀.

Ты̀ є҆сѝ а҆́гг҃лѡвъ ра́­дость, ты̀ є҆сѝ првⷣни­кѡвъ до­бро́­та, ты̀ є҆сѝ вѣ́р­ныхъ на­де́­жда, ты̀ є҆сѝ со­блю­де́­нїе на́ше: ты̀ є҆сѝ мо́стъ, къ жи́­зни не­ста­рѣ́­ю­щей­сѧ пре­во­дѧ́й вѣ́­рою и҆ лю­бо́­вїю тѧ̀ ве­ли­ча́­ю­щыѧ.

Ѽ мт҃и всѧ́­че­скихъ твор­ца̀, все­свѣ́т­лаѧ пе­ча́ль­ныхъ ᲂу҆­тѣ́­хо, ѡ҆скорб­лѧ́­е­мыхъ пред­ста́­тель­ни­це и҆ не­мощ­ны́хъ за­стꙋ́п­ни­це, со­хра­ни́ мѧ, бл҃га́ѧ, ѿ бѣ́дъ и҆ при­лѡ́гъ вра́­жї­ихъ.

Є҆ди́­на бо­лѧ́­щихъ по­сѣ­ще́­нїе, є҆ди́­на па́д­шихъ и҆с­прав­ле́­нїе, влⷣчце, є҆ди́­на къ бг҃ꙋ рꙋ­ко­во­ди́­тель­ни­це и҆ вхо́­де, є҆ди́­на хо­да́­та­и­це вѣ́ч­ныхъ бл҃гъ, по­ми́­лꙋй мѧ̀ є҆ди́­на­го, па́че всѣ́хъ со­грѣ­ши́в­ша­го.

И҆́нъ. І҆р­мо́съ: Бл҃го­сло­ве́нъ гдⷭ҇ь бг҃ъ і҆и҃левъ, воз­дви́г­нꙋ­вый ро́гъ сп҃се́­нїѧ на́мъ въ домꙋ̀ дв҃до­вѣ, ѻ҆́тро­ка сво­е­гѡ̀: въ ни́х­же по­сѣ­тѝ на́съ во­сто́къ съ вы­со­ты̀, и҆ на­пра́­вилъ ны̀ є҆́сть на пꙋ́ть ми́ра.

Ра́­до­сти на́мъ вѣ́ч­ныѧ и҆ жи́­зни ꙗ҆ви́­ла­сѧ є҆сѝ пре­е­сте́­ствен­нѣ, бг҃о­ро­ди́­тель­ни­це, хо­да́­та­и­ца, чⷭ҇таѧ, сп҃са всѣ́хъ ро́жд­шаѧ, ѿ лица̀ зем­на́­гѡ всѧ́­кꙋ сле́­зꙋ ꙗ҆́вѣ ѿе́м­ша­го, и҆ всѣ̑мъ ра́­дость по­да́в­ша­го.

Ра́­дость и҆ ве­се́­лїе и҆ ра́­до­ва­нїе бжⷭ҇твен­ное, дв҃о не­и­скꙋ­со­мꙋ́ж­наѧ, на́мъ ᲂу҆­мно́­жи­сѧ бж҃їе: се́ бо, пла́­чꙋ­щї­и­сѧ лю́тѣ, ра́­дꙋ­ем­сѧ мл҃тва­ми тво­и́­ми.

Подꙿ твоѐ млⷭ҇рдїе при­бѣ­га́­ю­щїи вѣ́­рою и҆з­ба­влѧ́­ют­сѧ ско́рб­ныхъ бѣ́дъ жи­тїѧ̀: тѣ́м­же и҆ а҆́зъ ко тво­е­мꙋ̀ по­кро́­вꙋ при­бѣ­го́хъ, бцⷣе.

Ѱал­мы̑ тѧ̀ вос­пѣ­ва́­емъ, блгⷣт­наѧ, и҆ не­мо́лч­нѡ, є҆́же ра́­дꙋй­сѧ, при­но́­симъ: ты́ бо и҆с­то­чи́­ла є҆сѝ всѣ̑мъ ра́­дость.

И҆ска́­па­ю­щаѧ бжⷭ҇твен­нꙋю сла́­дость, всѣ́хъ сла́­дость ро́жд­шаѧ, дꙋ́шꙋ мою̀ ᲂу҆­сла­дѝ, ꙗ҆́домъ ѕмї­и́­нымъ ѡ҆гор­че́н­нꙋю, ѿчꙋ­жда́­ю­щи мѧ̀ го́рь­ка­гѡ вре́­да все­гда̀, хо­да́­тай­ствомъ тво­и́мъ, пред­ста́­тель­ни­це и҆ ра́­до­сте вѣ́р­ныхъ, влⷣчце.

Бл҃го­сло­вѧ̀ бл҃го­слов­лю́ тѧ, пре­чⷭ҇таѧ, и҆ ве­ли­ча́ю те́­плѣ: бл҃го­сло­ви́ мѧ ᲂу҆̀бо, тво­е­го̀ пѣв­ца̀, и҆ всѧ́­че­скихъ нꙋ́жд­ныхъ и҆ пе­ча́ль­ныхъ и҆з­ба́­ви, и҆ со­хра­нѝ тво­и́­ми дла́нь­ми не­по­бѣ­ди́­ма.

Свѣ­ти́­ленъ. По­до́­бенъ: Чер­то́гъ тво́й:

Подꙿ кро́въ тво́й, дв҃о гпⷭ҇же, при­бѣ­га́­емъ, всѝ ро́ди че­ло­вѣ́­че­стїи: про­свѣ­ти́ ны свѣ́­томъ ржⷭ҇тва̀ тво­е­гѡ̀, грѣ̑ш­ныѧ рабы̑ твоѧ̑, мо­лѧ́­щы­ѧ­сѧ при­лѣ́ж­нѡ, и҆ по­кла­нѧ́­ю­щы­ѧ­сѧ тебѣ̀, и҆ про­сѧ́­щыѧ ᲂу҆­ми­ре́­нїѧ мӏ́­ро­ви и҆ дꙋ­ша́мъ на́­шымъ ве́­лїѧ млⷭ҇ти. Три́­жды.

На хва­ли́­техъ стї­хи̑­ры на д҃, гла́съ в҃:

Прї­и­ди́­те, воз­ра́­дꙋ­ем­сѧ дер­жа́в­нѣй за­стꙋ́п­ни­цѣ ро́да на́­ше­гѡ, цр҃и́­цѣ бцⷣѣ, прї­и­ди́­те къ ти́­хо­мꙋ и҆ чꙋ́д­но­мꙋ є҆ѧ̀ по­кро́­вꙋ ве­се­лѧ́­ще­сѧ. да́­рꙋ­етъ бо бцⷣа вѣ̑р­нымъ ѻ҆би̑ль­ныѧ да́ры цѣ­лє́б­ныѧ ѿ не­и­сто­щи́­ма­гѡ и҆с­то́ч­ни­ка млⷭ҇ти: тьмы̀ и҆з­ба­влѧ́­етъ на́съ и҆с­кꙋ­ше́­нїй и҆ бѣ́дъ и҆ ѡ҆б­сто­ѧ́­нїй, бл҃го­чⷭ҇тнѡ и҆ бг҃о­прї­ѧ́т­нѡ про­слав­лѧ́­ю­щихъ и҆ чтꙋ́­щихъ ю҆̀, ꙗ҆́кѡ все­бл҃го­сло­ве́н­нꙋю и҆ пре­чⷭ҇тꙋю мт҃рь хрⷭ҇та̀ бг҃а. тѣ́м­же ра́­дост­нѡ къ не́й воз­зо­ве́мъ: ра́­дꙋй­сѧ, па­ла́­то сло́­ва: ра́­дꙋй­сѧ, не­вѣ́­сто не­не­вѣ́ст­наѧ: ра́­дꙋй­сѧ, ра́­до­сте на́ша: ра́­дꙋй­сѧ, мт҃и жи­во­та̀, бл҃го­сло­ве́нъ пло́дъ чре́­ва тво­е­гѡ̀.

Ра́­дꙋй­сѧ, бл҃го­сло­ве́н­наѧ мр҃ӏ́е, мт҃и хрⷭ҇то́­ва: ра́­дꙋй­сѧ, сꙋ́­щаѧ ра́­до­сте все­гѡ̀ мӏ́ра: ра́­дꙋй­сѧ, все­бл҃га́ѧ хрⷭ҇тї­а́­нѡмъ по­мо́щ­ни­це: ра́­дꙋй­сѧ, ѡ҆би́­ди­мыхъ за­стꙋ́п­ни­це: ра́­дꙋй­сѧ, не­дꙋ́­гꙋ­ю­щымъ ско́­рое и҆ и҆з­вѣ́ст­ное при­бѣ́­жи­ще: ра́­дꙋй­сѧ, си̑­рымъ и҆ вдо­ви́­цамъ бжⷭ҇твен­ное ᲂу҆­тѣ­ше́­нїе: ра́­дꙋй­сѧ, всѣ́хъ ни́­щихъ по­кро́­ве и҆ пи­та́­тель­ни­це: ра́­дꙋй­сѧ, всѣ̑мъ сꙋ́­щымъ въ бѣ­да́хъ ско́­рое и҆з­ба­вле́­нїе: ра́­дꙋй­сѧ, бг҃о­не­вѣ́­сто влⷣчце, ᲂу҆­по­ва́­нїе хрⷭ҇тї­а́нъ.

Ра́­дꙋй­сѧ, всѣ́хъ хрⷭ҇тї­а́нъ на­де́­ждо и҆ по­кро́­ве, бг҃о­мт҃и все­не­по­ро́ч­наѧ, всеѧ̀ тва́­ри чⷭ҇тнѣ́й­шаѧ, нбⷭ҇ныхъ и҆ зем­ны́хъ сла́в­нѣй­шаѧ, всѣ́хъ бо ро­ди­ла̀ є҆сѝ твор­ца̀ и҆ бг҃а. но, Ѽ влⷣчце, прї­и­мѝ млⷭ҇тив­нѡ мо­лє́­нїѧ на̑ша, и҆ сп҃са́й на́съ все­гда̀, ꙗ҆́кѡ бл҃га́ѧ и҆ млⷭ҇ти­ваѧ: да съ ве­се́­лї­емъ ло­бы­за́­емъ пре­ст҃ꙋ́ю твою̀ і҆кѡ́­нꙋ, и҆ при́­снѡ ра́­дꙋ­ю­ще­сѧ вос­хва­лѧ́­емъ и҆ ве­ли­ча́­емъ тѧ̀, ѡ҆б­ра́­до­ван­наѧ ра́­до­сте вѣ́р­ныхъ ра̑бъ тво­и́хъ. Два́­жды.

Сла́­ва, и҆ ны́нѣ, гла́съ ѕ҃:

Дне́сь со­бо́­ри вѣ́р­ныхъ со­ше́д­ше­сѧ, дх҃о́в­нѡ да тор­же­ствꙋ́­емъ, и҆ бг҃о­ѻ­тро­ко­ви́­цꙋ дв҃ꙋ и҆ бцⷣꙋ пѣ́снь­ми бл҃го­хва́ль­ны­ми ᲂу҆­бл҃жи́мъ, гла­го́­лю­ще: ра́­дꙋй­сѧ, є҆ди́­на и҆з­бра́н­наѧ ѿ всѣ́хъ ро­дѡ́въ въ мт҃рь пре­вѣ́ч­на­гѡ сло́­ва: ра́­дꙋй­сѧ, вмѣ­сти́­ли­ще не­вмѣ­сти́­ма­гѡ всѣ́­ми: ра́­дꙋй­сѧ, а҆́гг҃лѡвъ и҆ се­ра­фӏ́­мовъ ра́­до­сте: ра́­дꙋй­сѧ, прⷪ҇ро́­кѡвъ про­по­вѣ́­да­нїе и҆ по­хва­ло̀: ра́­дꙋй­сѧ, а҆пⷭ҇лѡвъ и҆ ст҃и́­те­лей ᲂу҆­до­бре́­нїе: ра́­дꙋй­сѧ, мч҃ни­кѡвъ крѣ́­по­сте и҆ всѣ́хъ првⷣныхъ сла́­во: ра́­дꙋй­сѧ, дер­жа́в­ный по­кро́­ве вѣ́р­ныхъ: ра́­дꙋй­сѧ, скор­бѧ́­щихъ бжⷭ҇твен­ное ᲂу҆­тѣ­ше́­нїе: ра́­дꙋй­сѧ, въ бѣ­да́хъ и҆ на­па́­стехъ сꙋ́­щымъ ско́­рое и҆з­ба­вле́­нїе: ра́­дꙋй­сѧ: грѣ́ш­ни­кѡвъ всѣ́хъ при­бѣ́­жи­ще и҆ бл҃га́ѧ за­стꙋ́п­ни­це: ра́­дꙋй­сѧ, блгⷣт­наѧ и҆ ѡ҆б­ра́­до­ван­наѧ, съ то­бо́ю гдⷭ҇ь, по­да­ѧ́й мӏ́­ро­ви то­бо́ю ве́­лїю млⷭ҇ть.

Сла­во­сло́­вїе ве­ли́­кое. Є҆ктє­нїѝ, и҆ ѿпꙋ́стъ. На лї­тꙋр­гӏ́и слꙋ́ж­ба всѧ̀ бцⷣы.