Мѣ́­сѧ­ца ма́р­та въ з҃і-й де́нь.

Слꙋ́жба ст҃и́телю патрӏ́кїю, просвѣти́телю і҆́рскїѧ землѝ.

На вече́рни.

На Гдⷭ҇и, воз­зва́хъ: стї­хи̑­ры, гла́съ а҃:

Дꙋ­бра́­вы и҆ хо́л­ми і҆́р­скїѧ зе­млѝ, воз­ве­се­ли́­те­сѧ, є҆зе́­ра и҆ рѣ́ки, взы­гра́й­те, се́ бо при­бли́­жи­сѧ ва́мъ бл҃го­сло­ве́­нїе, и҆ ѡ҆кро­пле́­нїе свы́­ше блгⷣтїю бж҃ї­ею: грѧ­де́тъ бо къ ва́мъ про­свѣ­ти́­тель ва́шъ и҆ ѻ҆те́цъ дх҃о́в­ный, къ а҆пⷭ҇ль­ствꙋ бг҃омъ при­зва́н­ный, и҆ ре­вни́­тель вѣ́ры пра­во­сла́в­ныѧ, па­трӏ́­кїй, во ст҃и́­те­лехъ сла́в­ный.

Во­пї­е́тъ па­трӏ́­кїй ст҃ы́й ко но­во­про­свѣ­щє́н­нымъ хрⷭ҇тї­а́­нѡмъ: вне­мли́­те, ча̑да моѧ̑ дх҃ѡ́в­наѧ, а҆́зъ ва́съ ро­ди́хъ є҆ѵⷢ҇ль­скимъ сло́­вомъ, ѡ҆б­рꙋ­чи́въ ва́съ ꙗ҆́кѡ не­вѣ́­стꙋ хрⷭ҇тꙋ̀ бг҃ꙋ, сто́й­те ѹ҆́бѡ въ вѣ́рѣ и҆ и҆с­по­вѣ́­дꙋй­те ю҆̀ не­бо­ѧ́знен­нѡ, про­ти­во­бо­ре́­нїѧ ꙗ҆зы́­че­ска­гѡ не ᲂу҆­бо́й­те­сѧ, ꙗ҆́кѡ да бг҃ъ ва́мъ по­мо́щ­никъ ве­ли́­кїй и҆ по­кро­ви́­тель ꙗ҆ви́т­сѧ.

Ве́­лїѧ твоѧ̀ вѣ́ра, ст҃и́­те­лю па­трӏ́­кїе, се́ бо ѻ҆те́­че­ствїе твоѐ и҆ стра­ны̑, хрⷭ҇то́мъ про­свѣ­щє́н­ныѧ, ѡ҆ста́вль, въ зе́­млю, во тьмѣ̀ ꙗ҆зы́­че­стѣй пре­бы­ва́­ю­щꙋю, по­те́клъ є҆сѝ, бл҃го­вѣ́­стїе хрⷭ҇то́­во при­но­сѧ̀ за­блꙋ­жда́­ю­щымъ, и҆ не ѿстꙋ­пи́лъ є҆сѝ, до́н­де­же въ вѣ́рꙋ пра­во­сла́в­нꙋю зе́­млю всю̀ ѡ҆б­ра­ти́лъ є҆сѝ: тѣ́м­же тѧ̀ до­сто́й­нѡ вос­хва­лѧ́­емъ.

Сла́­ва, гла́съ и҃:

Кто̀ и҆з­ре­че́тъ бо­лѣ̑­зни и҆ бо­рє́­нїѧ, ꙗ҆̀же пре­тер­пѣ́лъ є҆сѝ, па­трӏ́­кїе, про­по­вѣ́­дꙋѧ сло́­во бж҃їе во тьмѣ̀ ꙗ҆зы́­че­стѣй сѣ­дѧ́­щымъ; кто̀ и҆зоч­те́тъ ка̑­пли слє́з­ныѧ, ꙗ҆̀же но́­щїю про­ли­ва́лъ є҆сѝ, въ пꙋ­сты́н­нѣмъ ᲂу҆­е­ди­не́­нїи мо­лѧ́­сѧ, стра­хо­ва̑­нїѧ ѿ ѕвѣ­ре́й ди́­вї­ихъ и҆ на­ва­жде́­нїй дї­а́­воль­скихъ про­го­нѧ́ѧ, си́­лою крⷭ҇та̀ гдⷭ҇нѧ; є҆го́­же надꙿ все́ю зе­мле́ю і҆́р­скою по­бѣ́д­нѡ во­дрꙋ­зи́лъ є҆сѝ.

И҆ ны́нѣ, бг҃о­ро́­ди­ченъ, гла́съ то́й­же. По­до́­бенъ: Что̀ ва́съ на­ре­че́мъ:

Комꙋ̀ ᲂу҆­по­до́­би­ла­сѧ є҆сѝ, ѡ҆ка­ѧ́н­наѧ дꙋшѐ,* къ по­ка­ѧ́­нїю ни­ка́­ко­же воз­ни́­чꙋ­щи,* и҆ ѻ҆гнѧ̀ не ᲂу҆­жа­са́­ю­щи­сѧ,* ѕлы́хъ ѡ҆жи­да́­ю­ща­гѡ;* во­ста́­ни, и҆ є҆ди́­нꙋ къ за­стꙋ­пле́­нїю ско́­рꙋю при­зо­вѝ, и҆ во­зо­пӏ́й:* дв҃о мт҃и,* молѝ тво­е­го̀ сн҃а и҆ бг҃а на́­ше­го,* и҆з­ба́­ви­ти мѧ̀ ѿ сѣ́ти льсти́­ва­гѡ.

И҆лѝ крⷭ҇то­бг҃о­ро́­ди­ченъ, гла́съ и҆ по­до́­бенъ то́й­же:

А҆́гни­ца а҆́гн­ца ꙗ҆́кѡ ви́дѣ,* на дре́­вѣ про­сте́р­та во́­лею крⷭ҇тнѣмъ,* во­пї­ѧ́­ше мт҃рски,* бо­лѣ́зню­щи съ пла́­чемъ: * сн҃е мой, что̀ стра́н­ное сїѐ ви­дѣ́­нїе;* всѣ̑мъ жи­во́тъ даѧ́й ꙗ҆́кѡ гдⷭ҇ь, ка́кѡ ᲂу҆­мерщ­влѧ́­е­ши­сѧ, дол­го­тер­пѣ­ли́­ве,* зем­ны̑мъ по­даѧ̀ во­скрⷭ҇нїе;* сла́в­лю твоѐ мно́­гое, бж҃е мо́й, сниз­хо­жде́­нїе.

На стї­хо́в­нѣ: Сла́­ва, ст҃а́­гѡ, гла́съ в҃:

Ѻ҆те́­че­ствїе нбⷭ҇ное воз­лю­би́въ, и҆ тогѡ̀ до­сти́г­нꙋ­ти же­ла́ѧ, ѻ҆те́­че­ствїе зем­но́е ѡ҆ста́­вилъ є҆сѝ, и҆ въ зе­млѝ чꙋ­жде́й нѡ́­выѧ лю́ди дх҃о́в­нѡ по­ро­ди́лъ є҆сѝ, ѻ҆те́цъ и҆́стин­ный тѣ̑мъ ꙗ҆в­лѧ́­ѧ­сѧ, и҆ гдⷭ҇е­ви взы­ва́ѧ: сѐ а҆́зъ и҆ дѣ́ти, ꙗ҆̀же мѝ да́лъ є҆сѝ.

И҆ ны́нѣ, гла́съ то́й­же:

Мт҃и бж҃їѧ и҆ мт҃и хрⷭ҇тї­а́­нѡмъ, на твоѧ̑ ча̑да ᲂу҆­млⷭ҇рди­сѧ, а҆́ще бо и҆ со­грѣ­ша́­емъ, но въ по­ка­ѧ́­нїи зо­ве́мъ: не ѡ҆ста́­ви на́съ си́­рыхъ, но рꙋ́цѣ твоѧ̑ про­стрѝ на́мъ, и҆з­во­дѧ́­щи на́съ на пꙋ́ть сп҃се́­нїѧ.

И҆лѝ крⷭ҇то­бг҃о­ро́­ди­ченъ, гла́съ то́й­же. По­до́­бенъ: Є҆гда̀ ѿ дре́­ва:

Є҆гда̀ не­скве́р­наѧ а҆́гни­ца ви́дѣ сво­е­го̀ а҆́гн­ца,* на за­ко­ле́­нїе ꙗ҆́кѡ че­ло­вѣ́­ка во́­лею вле­ко́­ма,* пла́­чꙋ­щи гла­го́­ла­ше:* без­ча́д­ство­ва­ти мѧ̀ ны́нѣ тщи́­ши­сѧ, хрⷭ҇тѐ, ро́жд­шꙋю тѧ̀.* что̀ сїѐ со­тво­ри́лъ є҆сѝ,* и҆з­ба́­ви­те­лю всѧ́­че­скихъ;* ѻ҆ба́­че вос­пѣ­ва́ю и҆ сла́в­лю твою̀, ю҆́же па́че ᲂу҆ма̀ и҆ сло́­ва,* кра́й­нюю бл҃гость,* чл҃вѣ­ко­лю́б­че.

Тро­па́рь, гла́съ г҃:

Ст҃и́­те­лю па­трӏ́­кїе, рав­ноапⷭ҇ль­ный чꙋ­до­тво́р­че, про­свѣ­ти́­те­лю і҆́р­скїѧ стра­ны̀, молѝ млⷭ҇ти­ва­го бг҃а, ѡ҆став­ле́­нїе пре­грѣ­ше́­нїй да­ро­ва́­ти дꙋ­ша́мъ на́­шымъ.

Ка­нѡ́нъ ст҃о́­мꙋ, є҆гѡ́­же кра­е­гра­не́­сїе: Пе­ча́ть тво­е­гѡ̀ а҆пⷭ҇ль­ства і҆́р­стїи лю́ди.

Гла́съ д҃. Пѣ́снь а҃.

І҆р­мо́съ: Вос­пою̀ тебѣ̀, гдⷭ҇и бж҃е мо́й, ꙗ҆́кѡ и҆з­ве́лъ є҆сѝ лю́ди ѿ ра­бо́­ты є҆гѵ́­пет­скїѧ, по­кры́лъ же є҆сѝ ко­ле­сни̑­цы фа­ра­ѡ́­но­вы и҆ си́лꙋ.

При­пѣ́въ: Ст҃и́­те­лю ѻ҆́тче па­трӏ́­кїе, молѝ бг҃а ѡ҆ на́съ.

Про­по­вѣ́д­ни­че рав­ноапⷭ҇ль­ный, сло́­вомъ бг҃одх҃но­ве́н­нымъ, и҆ жи­тї­е́мъ, сло́­во ᲂу҆­твер­жда́­ю­щимъ, и҆з­ве́лъ є҆сѝ лю́ди і҆́р­скїѧ, ꙗ҆́ко­же мѡ­ѷ­се́й и҆зꙿ є҆гѵ́­пта, ѿ тьмы̀ ꙗ҆зы́­че­скїѧ къ свѣ́­тꙋ вѣ́ры хрⷭ҇то́­вы.

Є҆́ре­си пе­ла́­гї­е­вой про­ти­во­ста́въ мꙋ́­же­ствен­нѣ, блгⷣт­нꙋю си́лꙋ хрⷭ҇то́­вꙋ ꙗ҆в­лѧ́лъ є҆сѝ лю́­демъ, про­свѣ­ща́ѧ цари̑ и҆ кнѧ̑­зи, и҆ всѧ́къ во́з­растъ и҆ чи́нъ, при­во­дѧ́ же и҆̀хъ въ ѡ҆гра́­дꙋ цр҃ко́в­нꙋю.

Что̀ ᲂу҆̀бо ре­че́мъ, па­трӏ́­кїа ст҃а́­го вос­по­ми­на́­ю­ще; ре́­вность ли є҆гѡ̀ а҆пⷭ҇ль­скꙋю вос­хва́­лимъ, ѡ҆ѕло­бле́­нї­ємъ ли и҆ пре­ще́­нї­ємъ, ꙗ҆̀же пре­тер­пѣ̀, по­ди­ви́м­сѧ, трꙋ­ды́ ли и҆ по́­дви­ги и҆ сми­рен­но­мꙋ́­дрїѧ глꙋ­би­нꙋ̀ вос­по­е́мъ; та́же хрⷭ҇та̀ бг҃а, си́лꙋ свою̀ и҆з­бра́н­но­мꙋ сво­е­мꙋ̀ къ со­вер­ше́­нїю всѣ́хъ си́хъ по­да́в­ша­го, про­сла́­вимъ.

Бг҃о­ро́­ди­ченъ: А҆а­рѡ́­новъ же́злъ про­цвѣ́т­шїй, кꙋ­пи­на̀ не­сга­ра́­е­маѧ, про­ѡ­бра­зо­ва́­хꙋ тѧ̀, не­вѣ́­сто не­не­вѣ́ст­наѧ, дв҃о бцⷣе, во­пло­ще́­нїю сло́­ва пре­вѣ́ч­на­гѡ по­слꙋ­жи́в­шꙋю.

Пѣ́снь г҃.

І҆р­мо́съ: Оу҆­твер­жде́­нїе на тѧ̀ на­дѣ́­ю­щих­сѧ, хрⷭ҇тѐ бж҃е, въ вѣ́рѣ пра­во­сла́в­нѣй ᲂу҆­твер­дѝ на́съ, ꙗ҆́кѡ чл҃вѣ­ко­лю́­бецъ.

Тер­пѣ́­нї­емъ мно́­гимъ до­бро­дѣ́­тє­ли стѧ­жа́лъ є҆сѝ, дѣ́­ломъ сло́­во про́­по­вѣ­ди тво­еѧ̀ ᲂу҆­твер­жда́ѧ, во сла́­вꙋ бж҃їю.

Тѣ­лє́с­наѧ ѡ҆ѕлоблє́­нїѧ, и҆ и҆с­кꙋ­шє́­нїѧ мно­го­раз­ли̑ч­наѧ, и҆ ᲂу҆­ни­чи­же́­нїе пре­тер­пѣ­ва́ѧ, не­ꙋ­ста́н­нѡ на ни́вѣ хрⷭ҇то́­вой трꙋ­ди́л­сѧ є҆сѝ, па­трӏ́­кїе, не ѿстꙋ­па́ѧ, нижѐ смꙋ­ща́­ѧ­сѧ, но въ вѣ́рѣ и҆ на­де́­жди на по́­мощь бж҃їю ᲂу҆­твер­жда́­ѧ­сѧ.

Вѣ́ждѡмъ тво­и̑мъ дре­ма́­нїѧ, и҆ тѣ́лꙋ ᲂу҆­по­ко­е́­нїѧ не да­ва́лъ є҆сѝ, ст҃и́­те­лю, не­ꙋ­ста́н­нѡ го́ры и҆ до́лы зе­млѝ і҆́р­скїѧ пре­хо­дѧ̀, вѣ́рꙋ и҆́стин­нꙋю на­са­жда́ѧ, и҆ но­во­ѡ­бра­щє́н­ныѧ лю́ди на­став­лѧ́ѧ.

Бг҃о­ро́­ди­ченъ: Ѿра́­да и҆ ᲂу҆­тѣ­ше́­нїе по­дви­за́­ю­щих­сѧ, и҆ а҆пⷭ҇ль­скаѧ не­мѡ́лч­наѧ ᲂу҆­ста̀ ты̀ є҆сѝ, влⷣчце: но да́ждь на́мъ, ни́­щымъ и҆ ᲂу҆­бѡ́­гимъ, тебѣ̀, да­рѡ́въ до­сто́й­ныхъ вмѣ́­стѡ, пѣ́­нїе сер­де́ч­ное при­но­си́­ти.

Сѣ­да́­ленъ, гла́съ з҃:

Пи­са́­нїй сщ҃е́н­ныхъ ра­чи́­те­лю, въ сло́­вѣ бж҃ї­емъ по­ꙋ­ча́л­сѧ є҆сѝ не­лѣ́­ност­нѡ, дꙋ́шꙋ твою̀ ѿ сегѡ̀ и҆с­то́ч­ни­ка бжⷭ҇твен­на­гѡ на­па­ѧ́ѧ, и҆ ра́з­ꙋмъ мꙋ́­дро­стїю нбⷭ҇ною пи­та́ѧ: тѣ́м­же и҆ пре­по­да́лъ є҆сѝ ᲂу҆­че­ни­кѡ́мъ тво­и̑мъ бг҃о­ѿ­кро­ве́н­нꙋю и҆́сти­нꙋ, ю҆́же и҆ въ пи­са́­нї­ѧхъ тво­и́хъ за­пе­ча­тлѣ́лъ є҆сѝ.

Сла́­ва, и҆ ны́нѣ, бг҃о­ро́­ди­ченъ:

Пре­воз­шла̀ є҆сѝ си̑лы нбⷭ҇ныѧ, занѐ хра́мъ по­ка­за́­ла­сѧ є҆сѝ бжⷭ҇твен­ный, бл҃го­сло­ве́н­наѧ бцⷣе, ꙗ҆́кѡ ро́жд­шаѧ хрⷭ҇та̀, сп҃са дꙋ́шъ на́­шихъ.

И҆лѝ крⷭ҇то­бг҃о­ро́­ди­ченъ:

Крⷭ҇то́мъ сн҃а тво­е­гѡ̀ хра­ни́­ми, дв҃о, при­лѡ́гъ бѣ­со́в­скихъ и҆з­бѣ­га́­емъ: тѣ́м­же тѧ̀, бцⷣе без­не­вѣ́ст­наѧ, по до́л­гꙋ вос­пѣ­ва́­ю­ще сла́­вимъ.

Пѣ́снь д҃.

І҆р­мо́съ: Тво­е­гѡ̀ на зе­млѝ ꙗ҆в­ле́­нїѧ, хрⷭ҇тѐ бж҃е, про­по­вѣ́­даѧ прⷪ҇ро́къ при­ше́­ствїе, съ ве­се́­лї­емъ во­пї­ѧ́­ше: сла́­ва си́лѣ тво­е́й, гдⷭ҇и.

Є҆ле́­ню на го­ра́хъ а҆ро­ма́т­скихъ по­до́­бѧ­сѧ, го́ры и҆ хо́л­мы ѡ҆бте­ка́лъ є҆сѝ, це́р­кви со­зи­да́ѧ, и҆ хрⷭ҇тї­а́нъ въ вѣ́рѣ пра­во­сла́в­нѣй на­став­лѧ́ѧ, въ мѣ­ста́ же пꙋ­сты̑н­наѧ ᲂу҆­е­ди­нѧ́­ѧ­сѧ, не­пре­ста́н­нѡ мо­ли́л­сѧ є҆сѝ, во є҆́же но́­во­мꙋ ста́­дꙋ тво­е­мꙋ̀ сп҃сти́­сѧ.

Грѣ­хо­лю­би́­вый мӏ́ръ ѿ ю҆́но­сти тво­еѧ̀ ѡ҆ста́вль, во ѻ҆би́­те­лехъ мо­на́­ше­скихъ мар­тӏ́­на сла́в­на­гѡ и҆ ᲂу҆­чє­ни́къ є҆гѡ̀ во­спи­та́в­сѧ, въ по­слꙋ­ша́­нїи же и҆ на­ꙋ­че́­нїи лѣ̑та мнѡ́­га по­жда́въ, же́злъ па́­стыр­скїй прї­ѧ́лъ є҆сѝ, взы­ва́ѧ: сла́­ва си́лѣ тво­е́й, гдⷭ҇и.

Ѻ҆́вцы па́­жи­ти тво­еѧ̀ со­зы­ва́лъ є҆сѝ гла́­сомъ є҆ѵⷢ҇ль­скимъ, и҆ во дво­ры̀ цр҃кѡ́в­ныѧ сїѧ̀ ᲂу҆­прав­лѧ́лъ є҆сѝ, и҆́стин­ный па́­стырь тѣ̑мъ ꙗ҆в­лѧ́­ѧ­сѧ, и҆́же дꙋ́шꙋ свою̀ за ѻ҆́вцы своѧ̑ по­ла­га́­етъ.

Бг҃о­ро́­ди­ченъ: А҆́ггл҃ь­ское цѣ­ло­ва́­нїе при­но́­симъ тѝ, бл҃го­сло­ве́н­наѧ бцⷣе: ра́­дꙋй­сѧ, блгⷣт­наѧ, гдⷭ҇ь съ то­бо́ю.

Пѣ́снь є҃.

І҆р­мо́съ: Воз­сї­ѧ́­вый свѣ́тъ, и҆ про­свѣ­ти́­вый ѹ҆́тро, и҆ по­ка­за́­вый де́нь: сла́­ва тебѣ̀, сла́­ва тебѣ̀, і҆и҃се, сн҃е бж҃їй.

Про­свѣ­ти́лъ є҆сѝ, па­трӏ́­кїе, зе́­млю і҆́р­скꙋю свѣ́­томъ ᲂу҆­че́­нїѧ хрⷭ҇то́­ва, ѡ҆ но­во­из­бра́н­номъ ста́­дѣ тво­е́мъ ве­се­лѧ́­сѧ, и҆ бг҃о­ви сла́­вꙋ воз­даѧ̀.

Ѿве́рзлъ є҆сѝ ѻ҆́чи ѹ҆́м­наѧ, пре́­жде не­вѣ́­рї­емъ ѡ҆слѣп­лє́н­наѧ, и҆̀же во тьмѣ̀ не­вѣ́­же­ствїѧ пре­бы­ва́­ю­щихъ, и҆ ты́ѧ по­дви́глъ є҆сѝ со всѣ́­ми вѣ́р­ны­ми хрⷭ҇та̀ сп҃са сла́­ви­ти.

Сы́­то­сти не зна́ѧ, про­по­вѣ́­далъ є҆сѝ вѣ́рꙋ пра­во­сла́в­нꙋю, на­стоѧ̀ и҆ на­ꙋ­ча́ѧ, во вре́­ме­ни и҆ без­вре́­ме­нїи, со сле­за́­ми мно́­ги­ми, хрⷭ҇тꙋ̀ бг҃ꙋ, по­мо­га́­ю­ще­мꙋ тѝ, во­пїѧ̀: сла́­ва си́лѣ тво­е́й, сн҃е бж҃їй.

Бг҃о­ро́­ди­ченъ: Тьмꙋ̀ ѿгна́в­шаѧ, и҆ сл҃нце пра́­вды мӏ́рꙋ воз­сї­ѧ́в­шаѧ, бцⷣе мр҃ӏ́е, ѕло­вѣ́­рїѧ но́щь ѿ мӏ́ра ѿже­нѝ.

Пѣ́снь ѕ҃.

І҆р­мо́съ: Во­зо­пѝ, про­ѡ­бра­зꙋ́ѧ по­гре­бе́­нїе три­дне́в­ное, прⷪ҇ро́къ і҆ѡ́на, въ ки́тѣ мо­лѧ́­сѧ: ѿ тлѝ и҆з­ба́­ви мѧ̀, і҆и҃се, цр҃ю̀ си́лъ.

Ѡ҆би­жа́­емь не про­ти­во­гла­го́­лалъ є҆сѝ, и҆ ᲂу҆­ни­чи­жа́­емь сми­рѧ́л­сѧ є҆сѝ, ѡ҆́бразъ ꙗ҆в­лѧ́ѧ ᲂу҆­че­ни­кѡ́мъ тво­и̑мъ: тѣ́м­же и҆ воз­ве­ли́­чи тѧ̀ гдⷭ҇ь, па­трӏ́­кїе.

Льсти̑­вымъ ко́з­немъ дї­а́­вѡль­скимъ про­ти­во­бо́р­ствꙋѧ, не ᲂу҆­бо­ѧ́л­сѧ є҆сѝ пре­ще́­нїѧ вол­хвѡ́въ не­че­сти́­выхъ, хрⷭ҇то́­вꙋ вѣ́рꙋ без­бо­ѧ́знен­нѡ про­по­вѣ́­дꙋѧ и҆ взы­ва́ѧ: ѿ сѣ́­тей и҆́хъ и҆з­ба́­ви мѧ̀, і҆и҃се, цр҃ю̀ си́лъ.

Ско́рбь и҆ тѣ­сно­тꙋ̀, и҆ го́рь­кое ра́б­ство въ ю҆́но­сти тво­е́й пре­тер­пѣ́въ, є҆гда̀ плѣ­не́нъ бы́лъ є҆сѝ, па­трӏ́­кїе, по гла́­сꙋ же гдⷭ҇ню сво­бо́­дꙋ ᲂу҆­лꙋ­чи́въ, во­зо­пи́лъ є҆сѝ: сла́­ва тебѣ̀, і҆и҃се, цр҃ю̀ си́лъ.

Бг҃о­ро́­ди­ченъ: Ты̀ є҆сѝ ѡ҆би́­ди­мыхъ по­мо́щ­ни­ца, ты̀ є҆сѝ плѣ­не́н­ныхъ сво­бо­жде́­нїе, твоѧ̑ бо моль­бы̑, при­сно­дв҃о влⷣчце, прї­е́м­летъ при́­снѡ сн҃ъ тво́й и҆ бг҃ъ на́шъ.

Кон­да́къ, гла́съ д҃:

По­ка­за́л­сѧ є҆сѝ и҆́стин­ный ло­ве́цъ че­ло­вѣ́­кѡвъ, мрє́­жи бо бл҃го­вѣ́­стїѧ є҆ѵⷢ҇ль­ска­гѡ про­сте́ръ, ᲂу҆­ло­ви́лъ є҆сѝ ꙗ҆зы́­ки во црⷭ҇твїе хрⷭ҇то́­во, кре­ще́­нї­емъ про­свѣ­ща́ѧ во тьмѣ̀ і҆дѡ­ло­по­кло­не́­нїѧ пре­бы­ва́­ю­щыѧ, и҆ тѣ́хъ со­тво­рѧ́ѧ ча̑да жи­ва́­гѡ бг҃а: сегѡ̀ ра́ди мо́­лимъ тѧ̀, Ѽ ст҃и́­те­лю ѻ҆́тче на́шъ па­трӏ́­кїе, пред­ста́­тель­ствꙋй ѡ҆ на́съ, чтꙋ́­щихъ ст҃ꙋ́ю па́­мѧть твою̀.

Пѣ́снь з҃.

І҆р­мо́съ: А҆вра­а́м­стїи и҆но­гда̀ въ ва­вѷ­лѡ́­нѣ ѻ҆́тро­цы пе́щ­ный пла́­мень по­пра́­ша, пѣ́снь­ми взы­ва́­ю­ще: ѻ҆тє́цъ на́́­шихъ бж҃е, бл҃го­сло­ве́нъ є҆сѝ.

Ви­дѣ́­нїй бг҃о­ѿ­кро­ве́н­ныхъ зри́­те­лю, па­трӏ́­кїе ст҃и́­те­лю, по­слѣ́­до­валъ є҆сѝ при­зы­ва́­ю­ще­мꙋ тѧ̀ бж҃їю гла́­сꙋ, и҆́же тѧ̀ по­сла̀ лю́ди нѡ́­выѧ ко и҆́стин­нѣй вѣ́рѣ ѡ҆б­ра­ти́­ти.

А҆́гг҃ль­скїй ѡ҆́бразъ ѿ ю҆́но­сти тво­еѧ̀ вос­прї­и́мъ, ре­вно­ва́лъ є҆сѝ ѡ҆ на­са­жде́­нїи жи­тїѧ̀ мо­на́­ше­ска­гѡ въ но­во­про­свѣ­ще́н­ной зе­млѝ, ѻ҆би́­тє­ли мнѡ́­гїѧ по­всю́­дꙋ со­зи­да́ѧ, и҆ гдⷭ҇е­ви поѧ̀: ѻ҆тє́цъ на́­шихъ бж҃е, бл҃го­сло­ве́нъ є҆сѝ.

І҆́р­скаѧ зе­млѧ̀ то­бо́ю хва́­лит­сѧ, и҆ па́­мѧть твою̀ чти́тъ, па­трӏ́­кїе, но и҆ мы̀, ѿ во­сто́­ка при­ше́д­ше, ᲂу҆­се́рд­нѡ тѧ̀ въ мл҃твахъ при­зы­ва́­емъ, гдⷭ҇а ѡ҆ тебѣ̀ бл҃го­да­рѧ­ще и҆ во­пї­ю́­ще: бл҃го­сло­ве́нъ є҆сѝ, бж҃е на́шъ.

Бг҃о­ро́­ди­ченъ: Ра­бѡ́въ тво­и́хъ моль­бы̑ прї­и­мѝ и҆ ны́нѣ, все­не­по­ро́ч­наѧ, ꙗ҆́ко­же дре́в­ле мо­лє́­нїѧ къ тебѣ̀ при­бѣ­га́­ю­щихъ слꙋ́­ша­ла є҆сѝ: ты́ бо вче­ра̀, и҆ дне́сь, и҆ въ вѣ́цѣ грѧ­дꙋ́­щемъ, є҆ди́­на млⷭ҇ти­ваѧ за­стꙋ́п­ни­ца ꙗ҆в­лѧ́­е­ши­сѧ.

Пѣ́снь и҃.

І҆р­мо́съ: Цр҃ѧ̀ хрⷭ҇та̀, є҆го́­же и҆с­по­вѣ́­да­ша плѣ­не́н­нїи ѻ҆́тро­цы въ пещѝ, гла­го́­лю­ще ве́­лї­имъ гла́­сомъ: всѧ̑ дѣла̀, по́й­те гдⷭ҇а.

Сѣ́­ѧ­тель до́­брый ꙗ҆ви́л­сѧ є҆сѝ, ст҃и́­те­лю па­трӏ́­кїе, ни́вꙋ бл҃го­пло́д­нꙋю хрⷭ҇то́­ви воз­ра­сти́въ, и҆ лю́ди но­во­про­свѣ­щє́н­ныѧ на­ꙋ­ча́ѧ во­пи́­ти: всѧ̑ дѣла̀, по́й­те гдⷭ҇а.

Тве́р­дое вѣ́ры хрⷭ҇то́­вы ѡ҆сно­ва́­нїе по­ло­жи́въ, со­зи­да́лъ є҆сѝ безꙿ чис­ла̀ хра́­мы и҆ ѻ҆би́­тє­ли и҆́но­чє­скїѧ, въ ни́х­же трꙋ­жда́­ю­щих­сѧ по­дви­за́лъ є҆сѝ во­пи́­ти: всѧ̑ дѣла̀, по́й­те гдⷭ҇а.

І҆е­рє́и бж҃їи по­став­лѧ́лъ є҆сѝ, и҆ по все́й зе­млѝ по­сы­ла́лъ є҆сѝ на слꙋ­же́­нїе, ꙗ҆́кѡ да ᲂу҆­твер­жда́­ютъ въ вѣ́рѣ, то­бо́ю про­по­вѣ́­дан­ной, лю́ди но­во­из­бра̑н­ныѧ, бл҃го­да́р­нѡ зо­вꙋ́­щыѧ: всѧ̑ дѣла̀, по́й­те гдⷭ҇а.

Бг҃о­ро́­ди­ченъ: И҆но­вѣ́р­чє­скаѧ за­блꙋ­ждє́­нїѧ и҆ є҆ре­тӏ́­чє­скаѧ ша­та̑­нїѧ ѡ҆сꙋе­тѝ, вѣ̑р­ныѧ же во и҆́сти­нѣ ᲂу҆­твер­дѝ, та́й­нѡ на­ꙋ­ча́­ю­щи и҆̀хъ, влⷣчце, бг҃а пра­во­сла́в­нѡ вос­пѣ­ва́­ти.

Пѣ́снь ѳ҃.

І҆р­мо́съ: Ѿ зем­но­ро́д­ныхъ ро́жд­ши­сѧ, и҆ твор­ца̀ ро́жд­шаѧ, на́ша по­хва­ло̀, бцⷣе чⷭ҇таѧ, тѧ̀, ꙗ҆́кѡ влⷣче­ствꙋ­ю­щꙋю тва́рь­ми, ве­ли­ча́­емъ.

Лѣ́т­нюю па́­мѧть твою̀, па­трӏ́­кїе, со­вер­ша́­ю­ще, и҆ а҆пⷭ҇ль­скїѧ трꙋ­ды̀ твоѧ̑ вос­хва­лѧ́­ю­ще, ѿ во­сто́­ка и҆ за́­па­да со­ше́д­ше­сѧ, є҆ди­но­дꙋ́ш­нѡ тѧ̀ ве­ли­ча́­емъ.

Ю҆́ность твою̀ хрⷭ҇то́­ви въ же́р­твꙋ при­не́слъ є҆сѝ, и҆ до ста́­ро­сти томꙋ̀ слꙋ­жи́лъ є҆сѝ, ст҃и́­те­лю, а҆пⷭ҇лѡмъ по­ре­вно­ва́въ, и҆ прпⷣбныѧ по­дра­жа́ѧ: тѣ́м­же тѧ̀ ве­ле­гла́с­нѡ ве­ли­ча́­емъ.

Дꙋ­бра́­вы и҆ хо́л­мы зе­млѝ і҆́р­скїѧ мл҃твою тво­е́ю ѡ҆ст҃и́лъ є҆сѝ, и҆ сле­за́­ми мно́­ги­ми но­во­на­са­жде́н­нꙋю ни́вꙋ хрⷭ҇то́­вꙋ ѡ҆ро­ша́лъ є҆сѝ, да воз­расте́тъ и҆ сто­ри́ч­ный пло́дъ при­не­се́тъ: тѣ́м­же трꙋ­ды̀ твоѧ̑ и҆ ре́­вность по бг҃ꙋ ве­ли­ча́­емъ.

Бг҃о­ро́­ди­ченъ: І҆́р­скꙋю зе́­млю, и҆ всѧ́­кꙋю стра­нꙋ̀ хрⷭ҇тї­а́н­скꙋю, по­пе­че́­нї­емъ тво­и́мъ не ѡ҆став­лѧ́й, бцⷣе, со па­трӏ́­кї­емъ ст҃ы́мъ сн҃а тво­е­го̀ бжⷭ҇твен­на­го ᲂу҆­мо­лѧ́­ю­щи, да всѧ̑ по­ми́­лꙋ­етъ и҆ сп҃се́тъ, не­пре­ста́н­нѡ тѧ̀ ве­ли­ча́­ю­щихъ.

По свѣ­ти́ль­нѣ: Сла́­ва, ст҃а́­гѡ, гла́съ г҃:

Но́щь ꙗ҆зы́­че­скꙋю про­сѣ­ти́­вый свѣ́­томъ хрⷭ҇то́­вымъ, па­трӏ́­кїе, во свѣ́­тѣ не­ве­че́р­нѣмъ ны́нѣ пре­бы­ва́ѧ, на сл҃нце пра́­вды взи­ра́ѧ, те́­плѣ мо­ли́­сѧ, да воз­сї­ѧ́­етъ во все́мъ мӏ́рѣ три­со́л­неч­ный свѣ́тъ пра­во­сла́­вїѧ.

И҆ ны́нѣ, бг҃о­ро́­ди­ченъ, гла́съ то́й­же:

Не­за­хо­ди́­ма­гѡ свѣ́­та но­си́­ло, при­сно­дв҃о, про­свѣ́щ­ша­гѡ сѣ­дѧ́­щихъ во тьмѣ̀ не­вѣ́­дѣ­нїѧ и҆ пре́­ле­сти, ѡ҆за­рѝ и҆ на́мъ, грѣ̑ш­нымъ, свѣ́тъ сн҃а тво­е­гѡ̀.