Мѣ́­сѧ­ца і҆ан­нꙋ­а́­рїа въ д҃і-й де́нь.

Слꙋ́жба ст҃ѣ́й равноапⷭ҇льнѣй нӏ́нѣ, просвѣти́тельницѣ грꙋ́зїи.

Въ се́й де́нь ѿдае́тсѧ пра́здникъ ст҃ы́хъ бг҃оѧвле́нїй.

На вели́цѣй вече́рни.

Бл҃же́нъ мꙋ́жъ: а҃-й а҆н­тї­фѡ́нъ.

На Гдⷭ҇и, воз­зва́хъ: стї­хи̑­ры на и҃: пра́з­дни­ка д҃ и҆ ст҃ы́ѧ д҃. а҆́ще же нѣ́сть ѿда́­нїѧ бг҃о­ѧв­ле́­нїй, ст҃ы́ѧ на и҃.

Гла́съ д҃. По­до́­бенъ: Ꙗ҆́кѡ до́­блѧ:

Не­по­ро́ч­нѡ воз­ра́ст­шаѧ,* въ вѣ́рѣ крѣ́п­каѧ на­ста́в­ни­це і҆ве́­рїи,* бл҃же́н­наѧ нӏ́но,* рабо̀ всѣ́хъ и҆с­кꙋ­пи́­те­лѧ хрⷭ҇та̀ бг҃а,* съ ве­се́­лї­емъ во­слѣ́дъ тогѡ̀ те­кла̀ є҆сѝ,* и҆ лю́­демъ про­по­вѣ́­да­ла є҆сѝ и҆́стин­на­го бг҃а,* и҆ на­ꙋ­чи́­ла є҆сѝ ѧ҆̀* ѿре­ши́­сѧ ѿ і҆́дѡлъ без­дꙋ́ш­ныхъ,* по­ка­зꙋ́­ю­щи пꙋ́ть и҆́сти­ны. Два́­жды.

Въ рꙋцѣ̀ дер­жа́­ще чꙋ­де́съ зна́­ме­нїе,* и҆зꙿ ло́зъ вї­но­гра́д­ныхъ* крⷭ҇тъ чтⷭ҇ны́й,* бл҃же́н­наѧ ст҃а́ѧ нӏ́на,* си́­лою є҆гѡ̀ во гра́­дѣ мцхе́­тѣ* со­тво­рѝ мнѡ́­га чꙋ­де­са̀.* тѣ́м­же є҆ли́­цы про́­по­вѣдь є҆ѧ̀ прї­ѧ́­ша,* и҆с­цѣ­ли́­ша­сѧ ѿ не́­мо­щи,* и҆ бг҃а про­сла́­ви­ша.

Ѿ за́­па­да къ во­сто́­кꙋ при­ше́д­шꙋю,* и҆ лю́ди во тьмѣ̀ сѣ­дѧ́­щыѧ* ᲂу҆­че́­нї­емъ хрⷭ҇то́­вымъ про­свѣ­ти́в­шꙋю,* и҆ всѧ̑ і҆́вєр­скаѧ пле­ме­на̀ ко хрⷭ҇тꙋ̀ бг҃ꙋ при­ве́д­шꙋю,* цари̑ же и҆ кнѧ̑­зи* и҆стꙋ­ка́­нѡмъ по­ра­бо­щє́н­ныѧ* и҆з­ба́вль­шꙋю си́­лою бж҃ї­ею,* сла́­вимъ ст҃ꙋ́ю рав­ноапⷭ҇ль­нꙋю нӏ́нꙋ,* ꙗ҆́кѡ сво­бо­дѝ ѧ҆̀ ѿ ле́­сти і҆́дѡль­скїѧ.

И҆́ны стї­хи̑­ры, гла́съ и҃.

По­до́­бенъ: Ѽ пре­сла́в­на­гѡ чꙋ­де­сѐ:

Прї­и­ди́­те дне́сь, всѝ вѣ́р­нїи,* со­гла́с­нѡ ᲂу҆­бл҃жи́мъ со­сꙋ́дъ блгⷣти,* нӏ́нꙋ ст҃ꙋ́ю,* ꙗ҆́кѡ а҆пⷭ҇лѡмъ ᲂу҆­по­до́­би­сѧ,* и҆ прї­и́­де во стра­ны̑ і҆́вєр­скїѧ,* и҆ ѡ҆бли­ста́­сѧ блгⷣтїю бж҃ї­ею:* Ѽ бл҃же́н­наѧ, въ по́­дви­зѣхъ тво­и́хъ,* за ны̀ то­бо́ю со­дѣ́­ѧн­ныхъ,* бꙋ́ди на́мъ за­стꙋ́п­ни­ца предꙿ гдⷭ҇емъ. Два́­жды.

Ѽ чꙋ­де­сѐ ди́в­на­гѡ,* ꙗ҆́кѡ сто́лпъ жи­во­тво́р­ный и҆ сла́в­ный* мл҃тва­ми жены̀ воз­дви­за́­ет­сѧ.* дне́сь хрⷭ҇та̀ бг҃а сла­во­сло́­вѧтъ лю́­дїе і҆́вер­стїи:* си̑лы же а҆р­ма́­за и҆ за́­де­на* вспѧ́ть ᲂу҆­стре­млѧ́­ют­сѧ.* Ѽ хрⷭ҇тѐ, то­ли́­кꙋю млⷭ҇ть да­ро­ва́лъ є҆сѝ на́мъ* ра­бо́ю тво­е́ю нӏ́­ною,* и҆ то́ю спа́слъ є҆сѝ дꙋ́шы на́шѧ, ꙗ҆́кѡ мно­го­млⷭ҇тивъ.

Ѽ чꙋ­де­сѐ чꙋ­де́съ,* ꙗ҆́кѡ не­мощ­но́е є҆сте­ство̀ жены̀* ѿ хрⷭ҇та̀ гдⷭ҇а* бжⷭ҇твен­нѣ ᲂу҆­крѣп­лѧ́­ет­сѧ,* и҆ се́ю стра­на̀ і҆́вер­скаѧ про­свѣ­ща́­ет­сѧ:* вѣ́ра бо раз­сѣ́ѧ мра́къ і҆́дѡль­скїй* и҆ ꙗ҆вѝ на́мъ* сл҃нце пра́­вды хрⷭ҇та̀ бг҃а.

Сла́­ва, гла́съ в҃:

Прї­и­ди́­те, всѝ вѣ́р­нїи, вос­хва́­лимъ цѣ­вни́­цꙋ дх҃а ст҃а́­гѡ, ᲂу҆­бл҃жи́мъ на­ста́в­ни­цꙋ бл҃го­чⷭ҇тїѧ, вра­че­ва́­нїе дꙋ́шъ и҆ тѣ­ле́съ на́­шихъ, цвѣ̑­ты сло­ве́съ ᲂу҆­вѧ­зе́мъ рав­ноапⷭ҇ль­нꙋю про­по­вѣ́д­ни­цꙋ и҆ бл҃го­вѣ́ст­ни­цꙋ, свѣ­то­за́р­ное свѣ­ти́­ло і҆ве́­рїи, трꙋ­бꙋ̀ бг҃о­гла́с­нꙋю, нӏ́нꙋ бг҃о­мꙋ́­дрꙋю, пре­чⷭ҇тыѧ бг҃о­мт҃ре пре­хва́ль­нꙋю ᲂу҆­че­ни́­цꙋ, и҆ та́кѡ є҆́й во­зо­пї­и́мъ: ра́­дꙋй­сѧ, го­лꙋ­би́­це не­по­ро́ч­наѧ и҆ го́р­ли­це чи́­стаѧ: ра́­дꙋй­сѧ, на­ста́в­ни­це бг҃о­вѣ́­дѣ­нїѧ: ра́­дꙋй­сѧ, спо­дви́ж­ни­це ст҃ы́хъ а҆пⷭ҇лъ па́ѵ­ла и҆ а҆н­дре́а: ра́­дꙋй­сѧ, і҆ве́­рїй­цєвъ про­свѣ­ще́­нїе и҆ сла́­во все­гѡ̀ мӏ́ра.

И҆ ны́нѣ, пра́з­дни­ка: При­кло­ни́лъ є҆сѝ гла­вꙋ̀ пред­те́­чи:

Вхо́дъ, про­кӏ́­менъ днѐ, и҆ чтє́­нїѧ г҃.

Со­бо́р­на­гѡ по­сла́­нїѧ і҆ѡ­а́н­но­ва чте́­нїе:

Воз­лю́б­лен­нїи, а҆́ще срⷣце на́ше не за́­зритъ на́мъ, дер­зно­ве́­нїе и҆́ма­мы къ бг҃ꙋ. И҆ є҆гѡ́­же а҆́ще про́­симъ, прї­е́м­лемъ ѿ негѡ̀, ꙗ҆́кѡ за́­пѡ­вѣ­ди є҆гѡ̀ со­блю­да́­емъ, и҆ ᲂу҆­гѡ́д­наѧ предꙿ ни́мъ тво­ри́мъ. И҆ сїѧ̀ є҆́сть за́­по­вѣдь є҆гѡ̀: да вѣ́­рꙋ­емъ во и҆́мѧ сн҃а є҆гѡ̀ і҆и҃са хрⷭ҇та̀, и҆ лю́­бимъ дрꙋ́гъ дрꙋ́­га, ꙗ҆́ко­же да́лъ є҆́сть за́­по­вѣдь на́мъ. И҆ со­блю­да́­ѧй за́­пѡ­вѣ­ди є҆гѡ̀, въ не́мъ пре­бы­ва́­етъ, и҆ то́й въ не́мъ: и҆ ѡ҆ се́мъ раз­ꙋ­мѣ́­емъ, ꙗ҆́кѡ пре­бы­ва́­етъ въ на́съ, ѿ дх҃а, є҆го́­же да́лъ є҆́сть на́мъ. Воз­лю́б­лен­нїи, не всѧ́­ко­мꙋ дꙋ́хꙋ вѣ́­рꙋй­те, но и҆с­кꙋ­ша́й­те дꙋ́хи, а҆́ще ѿ бг҃а сꙋ́ть: ꙗ҆́кѡ мно́­зи лжепро­ро́­цы и҆зы­до́­ша въ мӏ́ръ. Ѡ҆ се́мъ по­зна­ва́й­те дх҃а бж҃їѧ, и҆ дꙋ́ха ле́ст­ча: всѧ́къ дꙋ́хъ, и҆́же и҆с­по­вѣ́­дꙋ­етъ і҆и҃са хрⷭ҇та̀ во пло́­ти при­ше́д­ша, ѿ бг҃а є҆́сть. И҆ всѧ́къ дꙋ́хъ, и҆́же не и҆с­по­вѣ́­дꙋ­етъ і҆и҃са хрⷭ҇та̀ во пло́­ти при­ше́д­ша, ѿ бг҃а нѣ́сть: и҆ се́й є҆́сть а҆н­тӏ́­хрї­стовъ, є҆го́­же слы́­ша­сте, ꙗ҆́кѡ грѧ­де́тъ, и҆ ны́нѣ въ мӏ́рѣ є҆́сть ᲂу҆жѐ. Вы̀ ѿ бг҃а є҆стѐ ча̑д­ца, и҆ по­бѣ­ди́­сте тѣ́хъ, ꙗ҆́кѡ бо́­лїй є҆́сть и҆́же въ ва́съ, не́­же­ли и҆́же въ мӏ́рѣ. Ѻ҆нѝ ѿ мӏ́ра сꙋ́ть, сегѡ̀ ра́ди ѿ мӏ́ра гла­го́­лютъ, и҆ мӏ́ръ тѣ́хъ по­слꙋ́­ша­етъ. Мы̀ ѿ бг҃а є҆смы̀: и҆́же зна́­етъ бг҃а, по­слꙋ́­ша­етъ на́съ: и҆ и҆́же нѣ́сть ѿ бг҃а, не по­слꙋ́­ша­етъ на́съ.

Со­бо́р­на­гѡ по­сла́­нїѧ і҆ѡ­а́н­но­ва чте́­нїе:

Воз­лю́б­лен­нїи, а҆́ще си́це воз­лю­би́лъ є҆́сть на́съ бг҃ъ, и҆ мы̀ до́лж­ни є҆смы̀ дрꙋ́гъ дрꙋ́­га лю­би́­ти. Бг҃а ни­кто́­же ни­гдѣ́­же ви́дѣ. а҆́ще дрꙋ́гъ дрꙋ́­га лю́­бимъ, бг҃ъ въ на́съ пре­бы­ва́­етъ, и҆ любы̀ є҆гѡ̀ со­вер­ше́н­на є҆́сть въ на́съ. Ѡ҆ се́мъ раз­ꙋ­мѣ́­емъ, ꙗ҆́кѡ въ не́мъ пре­бы­ва́­емъ, и҆ то́й въ на́съ, ꙗ҆́кѡ ѿ дх҃а сво­е­гѡ̀ да́лъ є҆́сть на́мъ. И҆ мы̀ ви́­дѣ­хомъ и҆ сви­дѣ́­тель­ствꙋ­емъ, ꙗ҆́кѡ ѻ҆ц҃ъ по­сла̀ сн҃а сп҃си́­те­лѧ мӏ́рꙋ. И҆́же а҆́ще и҆с­по­вѣ́сть, ꙗ҆́кѡ і҆и҃съ є҆́сть сн҃ъ бж҃їй, бг҃ъ въ не́мъ пре­бы­ва́­етъ, и҆ то́й въ бз҃ѣ. И҆ мы̀ по­зна́­хомъ, и҆ вѣ́­ро­ва­хомъ, лю­бо́вь, ю҆́же и҆́мать бг҃ъ въ на́съ. бг҃ъ любы̀ є҆́сть, и҆ пре­бы­ва́­ѧй въ люб­вѝ, въ бз҃ѣ пре­бы­ва́­етъ, и҆ бг҃ъ въ не́мъ пре­бы­ва́­етъ.

Со­бо́р­на­гѡ по­сла́­нїѧ і҆ѡ­а́н­но­ва чте́­нїе:

Воз­лю́б­лен­нїи, а҆́ще кто̀ ре­че́тъ, ꙗ҆́кѡ люб­лю̀ бг҃а, а҆ бра́­та сво­е­го̀ не­на­ви́­дитъ, ло́жъ є҆́сть: и҆́бо не лю­бѧ́й бра́­та сво­е­гѡ̀, є҆го́­же ви́дѣ, бг҃а, є҆гѡ́­же не ви́дѣ, ка́кѡ мо́­жетъ лю­би́­ти; И҆ сїю̀ за́­по­вѣдь и҆́ма­мы ѿ негѡ̀, да лю­бѧ́й бг҃а, лю́­битъ и҆ бра́­та сво­е­го̀. Всѧ́къ вѣ́­рꙋ­ѧй, ꙗ҆́кѡ і҆и҃съ є҆́сть хрⷭ҇то́съ, ѿ бг҃а ро­жде́нъ є҆́сть: и҆ всѧ́къ лю­бѧ́й ро́жд­ша­го, лю́­битъ и҆ ро­жде́н­на­го ѿ негѡ̀. Ѡ҆ се́мъ вѣ́мы, ꙗ҆́кѡ лю́­бимъ ча̑да бж҃їѧ, є҆гда̀ бг҃а лю́­бимъ, и҆ за́­пѡ­вѣ­ди є҆гѡ̀ со­блю­да́­емъ. Сїѧ́ бо є҆́сть любы̀ бж҃їѧ, да за́­пѡ­вѣ­ди є҆гѡ̀ со­блю­да́­емъ: и҆ за́­пѡ­вѣ­ди є҆гѡ̀ тѧ̑ж­ки не сꙋ́ть. Ꙗ҆́кѡ всѧ́къ ро­жде́н­ный ѿ бг҃а по­бѣ­жда́­етъ мӏ́ръ: и҆ сїѧ̀ є҆́сть по­бѣ́­да, по­бѣ́жд­шаѧ мӏ́ръ, вѣ́ра на́ша. Кто̀ є҆́сть по­бѣ­жда́­ѧй мӏ́ръ; то́­кмѡ вѣ́­рꙋ­ѧй, ꙗ҆́кѡ і҆и҃съ є҆́сть сн҃ъ бж҃їй.

А҆́ще тво­ри́мъ бдѣ́­нїе, на лї­тӏ́и стї­хи̑­ры пра́з­дни­ка.

На стї­хо́в­нѣ стї­хи̑­ры, гла́съ а҃:

Ро­жде́н­на­го ѿ дв҃ы хрⷭ҇та̀ бг҃а бл҃же́н­наѧ дѣ́ва нӏ́на воз­лю­бѝ, да ве́­лї­имъ гла́­сомъ воз­вѣ­сти́тъ пле­ме­нѡ́мъ і҆́вєр­скимъ ст҃о́е и҆́мѧ є҆гѡ̀. сегѡ́ бо ра́ди нбⷭ҇ный же­ни́хъ хрⷭ҇то́съ гдⷭ҇ь дадѐ є҆́й да­ро­ва̑­нїѧ ст҃а́­гѡ дх҃а, и҆ со­дѣ́­ла ю҆̀ рав­ноапⷭ҇ль­нꙋ, ꙗ҆́кѡ со­сꙋ́дъ блгⷣти дх҃о́в­ныѧ, и҆ є҆́ю да­ро­ва̀ на́мъ сп҃се́­нїе, ꙗ҆́кѡ чл҃вѣ­ко­лю́­бецъ.

Стӏ́хъ: Во всю̀ зе́­млю и҆зы́­де вѣ́­ща́­нїе и҆́хъ, и҆ въ кон­цы̀ все­ле́н­ныѧ гла­го́­лы и҆́хъ.

И҆дѣ́­же бл҃го­ꙋ­ха́­ша стѡ­пы̀ твоѧ̑, хрⷭ҇тѐ, же­ни­шѐ свѣ́т­лый, та́мѡ ше́­ство­ва ст҃а́ѧ цѣ­ло­мꙋ́­дрен­наѧ не­вѣ́­ста твоѧ̀, бл҃же́н­наѧ нӏ́на, го­лꙋ­би́­ца чи́­стаѧ, го́р­ли­ца бл҃го­лѣ́п­наѧ, ла́­сто­ви­ца слад­ко­гла́с­наѧ, и҆ воню̀ мѵ́ра тво­е­гѡ̀ ѡ҆бо­нѧ́в­ши, гла́­сомъ ве́­лї­имъ ст҃о́е твоѐ и҆́мѧ воз­вѣ­стѝ, и҆ си́­лою крѣ́п­кою всѧ̑ і҆́вєр­скїѧ и҆ кар­та­ли̑н­скїѧ лю́ди вѣ́­ро­ва­ти въ бж҃е­ство̀ твоѐ на­ꙋ­чѝ.

Стӏ́хъ: Нбⷭ҇са̀ по­вѣ́­да­ютъ сла́­вꙋ бж҃їю, тво­ре́­нїе же рꙋкꙋ̀ є҆гѡ̀ воз­вѣ­ща́­етъ тве́рдь.

Оу҆­стра­ше́н­наѧ си́ла тьмы̀ сѣ́­тꙋ­етъ: дї­а́­волъ по­бѣ­жде́нъ бы́сть. а҆р­ма́­за по­ра­зѝ гро́мъ: за́­де­на по­сти́­же гнѣ́въ нбⷭ҇ный. крⷭ҇тъ воз­дви́­же­сѧ, и҆ ст҃а́ѧ кꙋ­пѣ́ль блгⷣт­на­гѡ кре­ще́­нїѧ ѿкры́­сѧ на́мъ ᲂу҆ стол­па̀ жи­во­тво́р­на­гѡ. тѣ́м­же и҆ мы̀ ча̑да бж҃їѧ, вос­прї­и́м­ше кре­ще́­нїе тво­е́ю ѡ҆ хрⷭ҇тѣ̀ про́­по­вѣ­дїю, нӏ́но все­хва́ль­наѧ, дх҃о́в­нѣ ве­се­ли́м­сѧ, и҆ хрⷭ҇та̀ бг҃а вос­пѣ­ва́­емъ ѡ҆б­нов­ле́н­нїи.

Сла́­ва, гла́съ и҃:

Ча́шꙋ блгⷣти, и҆з­лї­ѧ́нь­ми дх҃а ст҃а́­гѡ, бл҃же́н­наѧ нӏ́но, въ цр҃кви бо­га́т­нѡ рас­тво­ри́­ла є҆сѝ: сегѡ̀ ра́ди пре­сла́в­ное тор­же­ство̀ твоѐ на ве́­че­рю при­зы­ва́­етъ всѧ̑ вѣ́р­ныѧ, ꙗ҆̀же блгⷣть дх҃а бж҃їѧ воз­ро­дѝ въ кꙋ­пѣ́­ли ст҃а́­гѡ кре­ще́­нїѧ. тѣ́м­же всѝ во хрⷭ҇та̀ ѡ҆б­ле́к­шї­и­сѧ да вос­хва́­лѧтъ бг҃а пѣ́снь­ми, и҆ пра́з­днꙋ­ю­ще дне́сь, да ве­ли­ча́­ютъ бг҃о­свѣ́т­лꙋю трⷪ҇цꙋ, си́це гла­го́­лю­ще: бж҃е чꙋ­до­тво́р­че все­дер­жи́­те­лю, со­хра­нѝ на́съ и҆с­по­вѣ́­да­ю­щихъ тѧ̀.

И҆ ны́нѣ, пра́з­дни­ка.

Тро­па́рь, гла́съ д҃:

Сло́­ва бж҃їѧ слꙋ­жи́­тель­ни­це, во а҆пⷭ҇ль­стѣй про́­по­вѣ­ди пер­воз­ва́н­но­мꙋ а҆н­дре́ю и҆ про́­чимъ а҆пⷭ҇лѡмъ по­дра­жа́в­шаѧ, про­свѣ­ти́­тель­ни­це і҆ве́­рїи, и҆ дх҃а ст҃а́­гѡ цѣ­вни́­це, ст҃а́ѧ рав­ноапⷭ҇ль­наѧ нӏ́но, молѝ хрⷭ҇та̀ бг҃а сп҃сти́­сѧ дꙋ­ша́мъ на́­шымъ.

Сла́­ва, и҆ ны́нѣ, пра́з­дни­ка.

На ѹ҆́трени.

На Бг҃ъ гдⷭ҇ь: тро­па́рь пра́з­дни­ка, два́­жды. Сла́­ва, ст҃ы́ѧ. И҆ ны́нѣ, пра́з­дни­ка.

По а҃-мъ стї­хо­сло́­вїи сѣ­да́­ленъ, гла́съ г҃:

Всю̀ стра­нꙋ̀ на́шꙋ сло́­вомъ дх҃о́в­нымъ, рав­ноапⷭ҇ль­наѧ нӏ́но, ѡ҆ро­си́­ла є҆сѝ, и҆ та́кѡ пло­до­но́с­нꙋ сїю̀ со­тво­ри́­ла є҆сѝ, во є҆́же про­из­ра­сти́­ти сѣ́мѧ вѣ́ры: кон­цы̀ все­ле́н­ныѧ про­свѣ­ти́­ла є҆сѝ, и҆ не­вѣ́­рїѧ пле́­ве­лы и҆с­то́ргла є҆сѝ, кре­сти́в­ши і҆́вєр­скїѧ ꙗ҆зы́­ки во и҆́мѧ трⷪ҇цы без­на­ча́ль­ныѧ.

Сла́­ва, гла́съ и҃:

Прї­и­ди́­те всѝ, вос­по­и́мъ рав­ноапⷭ҇ль­нꙋю нӏ́нꙋ, бг҃о­мꙋ́­дрꙋю про­свѣ­ти́­тель­ни­цꙋ і҆ве́­рїи: та́ бо ле́сть і҆́доль­скꙋю ѿгна̀, ѿ тьмы̀ ко свѣ́­тꙋ на́съ при­ве́д­ши, и҆ трⷪ҇цꙋ є҆ди­но­сꙋ́щ­нꙋю сла́­ви­ти на­ꙋ­чѝ. тѣ́м­же всѝ вѣ́р­нїи пра́з­днꙋ­имъ чтⷭ҇нꙋ́ю па́­мѧть є҆ѧ̀ съ вѣ́­рою, и҆ про­сла́­вимъ сп҃са на́­ше­го.

И҆ ны́нѣ, пра́з­дни­ка.

По в҃-мъ стї­хо­сло́­вїи сѣ­да́­ленъ, гла́съ и҃:

Ми­тро­по́­лїе ст҃а́ѧ, цр҃кве кра­со­то̀, ве­се­ли́­сѧ и҆ ра́­дꙋй­сѧ, ꙗ҆́кѡ свѣ́т­лое пра́з­дне­ство ѡ҆сно­ва́в­шїѧ тѧ̀ про­по­вѣ́д­ни­цы є҆ѵⷢ҇лїа со­вер­ша́­ет­сѧ, ма́­те­ре на́­шеѧ нӏ́ны рав­ноапⷭ҇ль­ныѧ, и҆ съ на́ми во­зо­пӏ́й: хрⷭ҇тѐ бж҃е, тоѧ̀ мл҃тва­ми ᲂу҆­твер­дѝ вѣ́рꙋ твою̀. Сла́­ва, и҆ ны́нѣ, пра́з­дни­ка.

По­лѷ­е­ле́й, и҆ ве­ли­ча́­нїе:

Ве­ли­ча́­емъ тѧ̀, ст҃а́ѧ рав­ноапⷭ҇ль­наѧ нӏ́но, всю̀ стра­нꙋ̀ і҆́вер­скꙋю свѣ́­томъ є҆ѵⷢ҇лїа про­свѣ­ти́в­шꙋю и҆ ко хрⷭ҇тꙋ̀ при­ве́д­шꙋю.

Ѱа­ло́мъ и҆з­бра́н­ный: Нб҃са̀ по­вѣ́­да­ютъ сла́­вꙋ бж҃їю, тво­ре́­нїе же рꙋкꙋ̀ є҆гѡ̀ воз­вѣ­ща́­етъ тве́рдь.

По по­лѷ­е­ле́и сѣ­да́­ленъ, гла́съ и҃:

Предꙿиз­бра́н­наѧ ѿ бг҃а ма́ти, а҆пⷭ҇лѡвъ чи́нъ взе́м­ши, свѣ́­томъ є҆ѵⷢ҇лїа стра­нꙋ̀ і҆́вер­скꙋю про­свѣ­ти́­ла є҆сѝ, со а҆́гг҃лы пѣ­сно­сло́­вѧ­щи и҆з­ба́­ви­те­лѧ и҆ мо­лѧ́­щи­сѧ не­пре­ста́н­нѡ ѡ҆ на́съ, ꙗ҆́кѡ да блгⷣть и҆ млⷭ҇ть хрⷭ҇то́съ на́мъ да́­рꙋ­етъ.

Сла́­ва, и҆ ны́нѣ, пра́з­дни­ка.

Та́же сте­пє́н­на, а҃-й а҆҆н­тї­фѡ́нъ д҃-гѡ гла́­са.

Про­кӏ́­менъ, гла́съ д҃: Во всю̀ зе́­млю и҆зы́­де вѣ­ща́­нїе и҆́хъ, и҆ въ кон­цы̀ все­ле́н­ныѧ гла­го́­лы и҆́хъ.

Стӏ́хъ: Нб҃са по­вѣ́­да­ютъ сла́­вꙋ бж҃їю:

Є҆ѵⷢ҇лїе ѿ ма­тѳе́а, за­ча́­ло л҃д ѿ полꙋ̀: Во вре́­мѧ ѻ҆́но, при­зва̀ і҆и҃съ:

По н҃-мъ ѱал­мѣ̀: Мл҃тва­ми рав­ноапⷭ҇ль­ныѧ нӏ́ны:

Та́же стї­хи́­ра, гла́съ ѕ҃:

Прї­и­ди́­те всѝ, вос­по­и́мъ рав­ноапⷭ҇ль­нꙋю нӏ́нꙋ, бг҃о­мꙋ́­дрꙋю про­свѣ­ти́­тель­ни­цꙋ і҆ве́­рїи: та́ бо ле́сть і҆́доль­скꙋю ѿгна̀, ѿ тьмы̀ ко свѣ́­тꙋ на́съ при­ве́д­ши, и҆ трⷪ҇цꙋ є҆ди­но­сꙋ́щ­нꙋю сла́­ви­ти на­ꙋ­чѝ. тѣ́м­же всѝ вѣ́р­нїи пра́з­днꙋ­имъ чтⷭ҇нꙋ́ю па́­мѧть є҆ѧ̀ съ вѣ́­рою, и҆ про­сла́­вимъ сп҃са на́­ше­го.

Ѻ҆́ба ка­нѡ̑­на пра́з­дни­ка со і҆р­мо­сы̑ на и҃: и҆ ст҃ѣ́й нӏ́нѣ на ѕ҃.

Гла́съ а҃. Пѣ́снь а҃.

І҆р­мо́съ: Сп҃сѝ лю́ди чꙋ­до­дѣ́й­ствꙋ­ѧй влⷣка, мо́­крꙋю мо́рѧ во́л­нꙋ ѡ҆зе­мле­ни́въ дре́в­ле: во́­лею же ро́ждь­сѧ ѿ дв҃ы, сте­зю̀ про­хо́д­нꙋ нб҃сѐ по­ла­га́­етъ на́мъ. є҆го́­же по сꙋ­ще­ствꙋ̀, ра́в­на же ѻ҆ц҃ꙋ̀ и҆ че­ло­вѣ́­кѡмъ сла́­вимъ.

При­пѣ́въ: Ст҃а́ѧ рав­ноапⷭ҇ль­наѧ ни́но, молѝ бг҃а ѡ҆ на́съ.

Ѿве́р­зи ᲂу҆ст­нѣ̀ моѝ, хрⷭ҇тѐ бж҃е, да вос­хва­лю̀ дѣ́вꙋ рав­ноапⷭ҇ль­нꙋю и҆ про­по­вѣ́д­ни­цꙋ нӏ́нꙋ вос­пою̀, и҆ про­свѣ­тѝ ѹ҆́мъ мо́й, да до­сто́й­нꙋю цвѣ́­ты сло­ве́съ ᲂу҆­кра́­шꙋ по до­сто­ѧ́­нїю.

Рѣ̑чи чꙋ­жды́хъ тѝ пле­ме́нъ ᲂу҆­ра­зꙋ­мѣ́­ла є҆сѝ, пре­хва́ль­наѧ нӏ́но, и҆ ѿ дх҃а ст҃а ᲂу҆­мꙋ­дре́­на бы́в­ши, въ ви­дѣ́­нїи са­ма́­го гдⷭ҇а ᲂу҆­зрѣ́­ла є҆сѝ. тѣ́м­же въ зе­млѝ не­пло́д­нѣй, бг҃о­мꙋ́­драѧ дѣ́во, лю́ди і҆́вєр­скїѧ ко хрⷭ҇тꙋ̀ при­ве­ла̀ є҆сѝ.

Же­сто­сє́р­дыѧ ва́р­ва­ры, кꙋ­мӏ́­рѡмъ слꙋ­жа́­щыѧ, ꙗ҆́кѡ го­лꙋ­би́­ца ѿ за́­па­да вос­па­ри́в­шаѧ, лю­бо́­вїю тво­е́ю ѡ҆б­ра­ти́­ла є҆сѝ ко твор­цꙋ̀, и҆ блгⷣтїю ѡ҆б­нов­лє́н­ныѧ, не­вѣ́­сто хрⷭ҇то́­ва не­по­ро́ч­наѧ, же­ни­хꙋ̀ тво­е­мꙋ̀ ѡ҆б­рꙋ­чи́­ла є҆сѝ.

Бг҃о­ро́­ди­ченъ: Со­сꙋ́дъ бл҃го­сты́­ни тво­еѧ̀, пре­чⷭ҇таѧ дв҃о бцⷣе, бы́сть ст҃а́ѧ дѣ́ва, и҆ стра­нꙋ̀, жре́­бї­емъ тебѣ̀ сви­дѣ́­тель­ство­ва­нꙋ, про­свѣ­тѝ. сегѡ̀ ра́ди мо́­лимъ тѧ̀: сїю̀ прї­и­мѝ съ то­бо́ю въ мл҃твꙋ ѡ҆ во­пї­ю́­щихъ тебѣ̀, по­ми́­лꙋй жре́­бїй тво́й.

Ка­та­ва́­сїа бг҃о­ѧв­ле́­нїй: Глꙋ­би­ны̀ ѿкры́лъ є҆́сть дно̀: и҆ дрꙋ­га́ѧ: Ше́­ствꙋ­етъ мор­скꙋ́ю:

Пѣ́снь г҃.

І҆р­мо́съ: При́­зри на пѣ̑­нїѧ ра­бѡ́въ, бл҃го­дѣ́­те­лю, вра­га̀ сми­рѧ́ѧ воз­не­се́н­нꙋю гор­ды́­ню: но­сѧ́й же, все­ви́д­че, грѣ­ха̀ пре­вы́­ше не­по­ко­ле́б­ле­мѡ, ᲂу҆­твер­ждє́­ныѧ, бл҃же, пѣв­цы̀, ѡ҆сно­ва́­нї­емъ вѣ́ры.

Млⷭ҇рдїѧ ра́ди сво­е­гѡ̀ млⷭ҇тив­нѡ по­мѧ­нꙋ́въ на́съ, ᲂу҆­се́рд­нꙋ бл҃го­вѣ́ст­ни­цꙋ со­дѣ́­ла тѧ̀ бг҃ъ, женꙋ̀ сꙋ́щꙋ, мꙋ́­же­скимъ смы́­сломъ ᲂу҆­кра́­ше­нꙋ, и҆ и҆с­по́л­не­нꙋ дх҃а ст҃а ꙗ҆вѝ на́мъ, и҆ тво­е́ю про́­по­вѣ­дїю ѡ҆ хрⷭ҇тѣ̀, чрезꙿ вѣ́рꙋ въ него̀, на́съ ᲂу҆сы­но­ви́лъ є҆́сть.

По­кры­ва́­ло ѿ сер­де́цъ на́­шихъ без­чꙋ́в­ствен­ныхъ ѿпа­дѐ, ѡ҆тѧг­че́н­ный слꙋ́хъ на́шъ ѿ гла́­са про́­по­вѣ­ди тво­еѧ̀ ѿкры́­сѧ, ѡ҆мра­че́­нїе ᲂу҆ма̀ на́­ше­гѡ раз­сѣ́­ѧ­сѧ свѣ́­томъ ᲂу҆­че́­нїѧ хрⷭ҇то́­ва, то­бо́ю воз­вѣ­ще́н­на­гѡ, Ѽ ст҃а́ѧ рав­ноапⷭ҇ль­наѧ нӏ́но, до́­бле­ствен­наѧ ᲂу҆­че­ни́­це хрⷭ҇то́­ва.

По­кла­нѧ́в­шї­и­сѧ и҆но­гда̀ кꙋ­мӏ́­рѡмъ, и҆ пре­бы­ва́в­шїи во тьмѣ̀ не­че́­стїѧ, ѿ ле́­сти і҆́дѡль­скїѧ тво­и́мъ при­ше́­ствї­емъ, бл҃же́н­наѧ нӏ́но, сво­бо­ди́­ша­сѧ: а҆р­ма́зъ же вос­тре­пе­та̀, є҆гда̀ гро́мъ воз­гре­мѣ̀, и҆ не­и́­стѡв­ства за́­де­на пре­ста́­ша.

Бг҃о­ро́­ди­ченъ: То­бо́ю, бцⷣе дв҃о, ѿ ро́ва не­че́­стїѧ по­дꙿѧ́­ти бы́­хомъ, є҆гда́ ти ᲂу҆­го́д­но бы́сть про­свѣ­ще́­нїе на́ше же­но́ю со­тво­ри́­ти: по­вне­гда́ же и҆зы́­ти на́мъ ѿ кꙋ­пѣ́­ли ст҃ы́ѧ, по­зна́­хомъ сн҃а тво­е­го̀ и҆ бг҃а на́­ше­го бл҃же́н­ною нӏ́­ною.

Кон­да́къ и҆ і҆́косъ пра́з­дни­ка.

Сѣ­да́­ленъ, гла́съ в҃:

Ꙗ҆́ко­же со́лн­це не­за­хо­ди́­мое, сл҃нца пра́­вды хрⷭ҇та̀ бг҃а про­по­вѣ́д­ни­ца, свѣ­то­за́р­наѧ ѕвѣз­да̀, свѣ́т­лый все­ле́н­ныѧ свѣ­ти́ль­никъ, не­ѡ­цѣ­не́н­ное со­кро́­ви­ще і҆́вер­скїѧ стра­ны̀, дне́сь нӏ́на въ зе­млѝ на́­шей сї­ѧ́­етъ и҆ бл҃го­ꙋ­ха́­етъ, на­ста́в­ни­ца на́ша, рав­ноапⷭ҇ль­наѧ раба̀ хрⷭ҇то́­ва. Два́­жды.

Сла́­ва, и҆ ны́нѣ, пра́з­дни­ка.

Пѣ́снь д҃.

І҆р­мо́съ: Ро́да че­ло­вѣ́­ча ѡ҆б­нов­ле́­нїе, дре́в­ле поѧ̀, прⷪ҇ро́къ а҆в­ва­кꙋ́мъ пред­воз­вѣ­ща́­етъ, ви́­дѣ­ти не­из­ре­че́н­нѡ спо­до́­бив­сѧ ѡ҆́бразъ: мла­ды́й млⷣнцъ бо и҆зꙿ горы̀ дв҃ы и҆зы́­де, лю­де́й во ѡ҆б­нов­ле́­нїе, сло́­во.

Ꙗ҆́ко­же ле́въ без­стра́ш­на пре­бы́в­ши, крѣ́п­цѣ хрⷭ҇та̀ бг҃а про­по­вѣ́­да­ла є҆сѝ: па́р­ѳѧнъ си́­лою чꙋ­де́съ ᲂу҆­ло­ви́­ла є҆сѝ, га­ї­а­нӏ́ю же и҆ рї­ѱї­мӏ́ю по́­дви­гомъ до́­бле­ствен­на­гѡ и҆́хъ мч҃ни­че­ства въ да́ръ хрⷭ҇тꙋ̀ при­нес­ла̀ є҆сѝ. то́й же со­хра­нѝ тебѐ са­мꙋ́ю, во є҆́же про­свѣ­ти́­ти то­бо́ю і҆́вер­скꙋю стра­нꙋ̀.

Ꙗ҆́ко­же ѻ҆ре́лъ, во ѻ҆́чїю тво­є́ю возꙿѡ­бра­зи́­ла є҆сѝ і҆́вер­скꙋю стра­нꙋ̀ на́шꙋ, пре­сла́в­наѧ нӏ́но, и҆ ст҃о́ю ре́­вно­стїю по бз҃ѣ раз­же́г­ши­сѧ, ст҃ы́мъ є҆ѵⷢ҇лї­емъ сїю̀ про­свѣ­ти́­ла є҆сѝ.

Вла́сть и҆мꙋ́­щи раз­гна́­ти мглꙋ̀, мꙋ́­дра­го царѧ̀ про­свѣ­ти́­ла є҆сѝ, рав­ноапⷭ҇ль­но­мꙋ царю̀ кѡн­стан­тӏ́­нꙋ ᲂу҆­по­до́бль­ши­сѧ, на­ста́в­ни­це на́ша и҆ вра­чꙋ̀ смы́­слен­ный. сегѡ̀ ра́ди ᲂу҆­бл҃жа́­емъ и҆́мѧ твоѐ, дѣ́во, про­по­вѣ́д­ни­це хрⷭ҇та̀, ве­ли́­каѧ рав­ноапⷭ҇ль­наѧ нӏ́но.

Бг҃о­ро́­ди­ченъ: Ѿ ле́­сти і҆́дѡль­скїѧ то­бо́ю, бцⷣе, и҆з­ба́­вле­ни бы́в­ше лю́­дїе і҆́вер­стїи, и҆̀хже тебѣ̀ жре́­бїй по­ка­за̀, и҆ бл҃го­вѣ́­стї­емъ прпⷣбныѧ ма́­те­ре на́­шеѧ нӏ́ны ѡ҆за­ре́­ни бы́в­ше, взы­ва́­ютъ къ тебѣ̀: и҆з­ба­вле́­нїе на́ше, сп҃си́ ны, мт҃и хрⷭ҇та̀ бг҃а.

Пѣ́снь є҃.

І҆р­мо́съ: И҆зꙿ но́щи дѣ́лъ ѡ҆мра­че́н­ныѧ пре́­ле­сти, ѡ҆чи­ще́­нїе на́мъ, хрⷭ҇тѐ, бо́­дрен­нѡ ны́нѣ со­вер­ша́­ю­щымъ пѣ́снь, ꙗ҆́кѡ бл҃го­дѣ́­те­лю, прї­и­дѝ по­да­ва́­ѧй ᲂу҆­до́б­нꙋ сте­зю̀, по не́й­же во­сте­ка́­ю­ще ѡ҆брѧ́­щемъ сла́­вꙋ.

Па­до́­ша і҆́дѡ­ли во стра­нѣ̀ і҆́вер­стѣй и҆ со­зда́­ша­сѧ хра́­мы гдⷭ҇ни то­бо́ю, ма́ти на́ша: мы́ же, ча̑да сї­ѡ́­на, то­бо́ю про­свѣ­ще́­ни бы́в­ше, дне́сь про­слав­лѧ́­емъ трїѵ­по­ста́с­ное бжⷭ҇тво̀, сла́­вимъ чтⷭ҇ны́й крⷭ҇тъ хрⷭ҇та̀ и҆ чест­вꙋ́­емъ цѣль­бо­но́с­ный хї­тѡ́нъ є҆гѡ̀.

Сы́­но­ве тѣ́хъ, и҆̀же ѿ дне́й стол­потво­ре́­нїѧ ва­вѷ­лѡ́н­ска ѕло­че́­стї­емъ плѣ­не́­ни бы́ша, и҆ пѣ́снь гдⷭ҇ню вос­пѣ­ва́­ти не раз­ꙋ­мѣ́­ша, ны́нѣ и҆з­ше́д­ше ѿ ст҃ы́ѧ кꙋ­пѣ́­ли гла­го́­лютъ: во хрⷭ҇та̀ ѡ҆б­ле­ко́­хом­сѧ, во хрⷭ҇та̀ кре­сти́в­ше­сѧ.

Є҆гда̀ црⷭ҇тво­ва фа­ра­ѡ́нъ надꙿ є҆гѵ̑­птѧ­ны, тӏ́и, во тьмѣ̀ є҆гѵ́­пет­стѣй сѣ­дѧ́­ще, и҆́стин­но­мꙋ бг҃ꙋ слꙋ­жи́­ти не мо­го́­ша: дне́сь же мы̀, ча̑да сї­ѡ́­на, нӏ́­ною и҆з­ба́­вле­ни бы́в­ше, ра́­дост­нѡ по­и́мъ гдⷭ҇е­ви.

Бг҃о­ро́­ди­ченъ: Є҆гда̀ при­спѣ̀ ко мнѣ̀ вра́чь, пре­ст҃а́ѧ бцⷣе, то­гда̀ во­ста́хъ ѿ ѻ҆дра̀ мо­е­гѡ̀ не­мощ­ствꙋ́­ѧй, и҆ прпⷣбною нӏ́­ною и҆з­ба́­вих­сѧ ѿ ле́­сти і҆́дѡлъ не­чи́­стыхъ: сїѧ̑ ро́дъ і҆́вер­скїй взы­ва́­етъ, гла­го́­лѧ: вос­пѣ­ва́ю тѧ̀, ᲂу҆­по­ва́­нїе моѐ, мт҃и бж҃їѧ.

Пѣ́снь ѕ҃.

І҆р­мо́съ: Ѡ҆би­та́ѧ і҆ѡ́на въ пре­и­спо́д­нихъ мор­ски́хъ, прї­и­тѝ мо­лѧ́­ше­сѧ, и҆ бꙋ́рю ᲂу҆­то­ли́­ти: ᲂу҆н­зе́нъ же а҆́зъ мꙋ́­ча­ща­гѡ стрѣ­ло́ю, хрⷭ҇тꙋ̀ вос­пѣ­ва́ю, ѕѡ́лъ гꙋ­би́­те­лю, ско́­рѡ прї­и­тѝ тебѣ̀ къ мое́й лѣ́­но­сти.

Воз­сї­ѧ́в­шꙋ свѣ́­тꙋ ѿ за́­па­да, пре­ста́­ни, сѣ́­ве­ре, и҆ по­вѣ́й, ю҆́же: со́лн­це бо вос­хо́­дитъ раз­гна́­ти мглꙋ̀, и҆ бли́зъ є҆́сть дꙋ­нове́­нїе те­пло­ты̀, во є҆́же та́­ѧ­ти ле́дꙋ: сѐ грѧ­де́тъ про­по­вѣ́д­ни­ца хрⷭ҇та̀, нӏ́на ст҃а́ѧ.

Ѿ тьмы̀ і҆́дѡль­скїѧ и҆з­ба́­вле­ни бы́в­ше то­бо́ю, рав­ноапⷭ҇ль­наѧ нӏ́но, всѝ лю́­дїе кар­та­ли́н­стїи вос­пѣ­ва́­ютъ тѧ̀ и҆ ᲂу҆­ми­ле́н­нѡ взы­ва́­ютъ: ѿже­нѝ ѿ на́съ ѕло́­бꙋ, дї­а́­во­ла же и҆ сꙋ­по­ста́­ты на́шѧ по­ра­зѝ.

Оу҆­го­то́­ван­наѧ то­бо́ю при стол­пѣ̀ жи­во­тво́р­нѣмъ и҆ мѣ́­стѣ хра­не́­нїѧ хї­тѡ́­на гдⷭ҇нѧ кꙋ­пѣ́ль ст҃а́ѧ не мер­тви́тъ мла­де́н­цы, но сїѧ̑ воз­ра­жда́­етъ, є҆ле́­емъ ст҃ы́мъ ᲂу҆­ма­ща́­ю­щи. тѣ́м­же во­пї­е́мъ тѝ: ра́­дꙋй­сѧ, дѣ́во, рав­ноа­плⷭ҇ь­наѧ нӏ́но.

Бг҃о­ро́­ди­ченъ: На­де́­ждо не­по­сты́д­наѧ на­дѣ́­ю­щих­сѧ на тѧ̀, є҆ди́­на ро́жд­шаѧ па́че є҆сте­ства̀ пло́­тїю хрⷭ҇та̀ бг҃а на́­ше­го, того̀ со бл҃же́н­ною нӏ́­ною молѝ по­да́­ти і҆́вер­стѣй стра­нѣ̀ ᲂу҆­твер­жде́­нїе и҆ пре­спѣ́­ѧ­нїе въ вѣ́рѣ, и҆ всѣ̑мъ на́мъ пре́­жде кон­ца̀ жи­тїѧ̀ и҆с­прав­ле́­нїе.

Кон­да́къ, гла́съ в҃:

Прї­и­ди́­те дне́сь всѝ, вос­по­и́мъ и҆з­бра́н­нꙋю ѿ хрⷭ҇та̀ рав­ноапⷭ҇ль­нꙋю про­по­вѣ́д­ни­цꙋ бж҃їѧ сло́­ва, мꙋ́­дрꙋю бл҃го­вѣ́ст­ни­цꙋ, лю́ди кар­та­ли́­нїи при­ве́д­шꙋ на пꙋ́ть жи­во­та̀ и҆ и҆́сти­ны, бг҃о­мт҃ре ᲂу҆­че­ни́­цꙋ, ᲂу҆­се́рд­нꙋю за­стꙋ́п­ни­цꙋ и҆ не­ꙋ­сы­па́­ю­щꙋю хра­ни́­тель­ни­цꙋ на́шꙋ, нӏ́нꙋ пре­хва́ль­нꙋю.

І҆́косъ: Въ гꙋ́­слехъ дх҃о́в­ныхъ да вос­хва́­лит­сѧ мꙋ́­драѧ про­по­вѣ́д­ни­ца, і҆ве́­рїи про­свѣ­ти́­тель­ни­ца, въ кꙋ­пѣ́­ли кре­ще́­нїѧ и҆з­бра́н­ны­ми па́­стырь­ми ѡ҆ст҃и́в­шаѧ лю́ди, жре́­бї­емъ сви­дѣ́­тель­ствѡ­ван­ныѧ, рав­ноапⷭ҇ль­наѧ, воз­лю́б­лен­наѧ раба̀ хрⷭ҇то́­ва, ꙗ҆́же де́­сѧть за́­по­вѣ­дей бж҃ї­ихъ прї­ѧ́тъ, ꙗ҆́ко­же мѡ­ѷ­се́й бг҃о­ви́­децъ. прї­и­ди́­те ᲂу҆̀бо, дне́сь ᲂу҆­бл҃жи́мъ пѣ́снь­ми ᲂу҆­се́рд­нꙋю за­стꙋ́п­ни­цꙋ и҆ не­ꙋ­сы­па́­ю­щꙋю хра­ни́­тель­ни­цꙋ на́шꙋ, нӏ́нꙋ пре­хва́ль­нꙋю.

Пѣ́снь з҃.

І҆р­мо́съ: Все­цр҃ѧ̀ лю­бо́­вїю ᲂу҆­лов­ле́н­нїи ѻ҆́тро­цы, ᲂу҆­ко­ри́­ша без­чи́­слен­нѡ ꙗ҆рѧ́­ща­сѧ мꙋ­чи́­те­лѧ ѕло­бо́ж­ное ѧ҆зы­ко­вре́­дїе. и҆̀мже по­ви­нꙋ́­сѧ ѻ҆́гнь мно́­гїй, влⷣце гла­го́­лю­щымъ: во вѣ́ки бл҃го­сло­ве́нъ є҆сѝ.

Чер­то́­зи царѧ̀ и҆ ца­ри́­цы ꙗ҆́кѡ плѣ́н­ни­цꙋ и҆ стра́н­ни­цꙋ тѧ̀ при­зрѣ́­ша: ѻ҆ба́­че и҆ сїѧ̑ ѿ плѣ́­на пре­и­спо́д­нѧ­гѡ блгⷣтїю хрⷭ҇то́­вою при­ве­ла̀ є҆сѝ ко хрⷭ҇тꙋ̀ бг҃ꙋ, нӏ́но рав­ноапⷭ҇ль­наѧ, бл҃го­вѣ́ст­ни­це сп҃се́­нїѧ.

Вне­гда̀ воз­дви́г­нꙋ­ти тебѣ̀ сто́лпъ ст҃ы́й и҆ воз­дѣ́­ѧ­ти рꙋ́цѣ твоѝ, ᲂу҆­стра­ши́­ша­сѧ си̑лы дї­а́­во­ла и҆ со тре́­пе­томъ бѣ­жа́­щѧ воз­ры­да́­ша го́рь­кѡ. мы́ же во­пї­е́мъ: бл҃го­сло­ве́нъ є҆сѝ хрⷭ҇тѐ бж҃е, во вѣ́ки.

Воз­вѣ­ща́­є­мымъ сло­ве­сє́мъ тво­и̑мъ, па­до́­ша ни́цъ лю́­дїе, ꙗ҆́кѡ ѿ гла́­са трꙋ́бъ ца­ре́­выхъ, и҆ црⷭ҇тва и҆ ца́­рїе вос­тре­пе­та́­ша, гла­го́­лю­ще: Ѽ плѣ́н­ни­це и҆ плѣ́н­ныхъ сво­бо­жде́­нїе! бꙋ́ди бл҃го­сло­ве́­но при­ше́­ствїе твоѐ.

Бг҃о­ро́­ди­ченъ: Ꙗ҆́вѣ пред­ре­че́н­наѧ прⷪ҇рѡ́­ки, мт҃и бж҃їѧ, пре­не­по­ро́ч­наѧ дв҃о мр҃ӏ́е, пре­бы­ва́­нї­емъ тво­и́мъ во є҆гѵ́­птѣ съ бг҃о­млⷣнцемъ, і҆и҃съ хрⷭ҇то́мъ, и҆стꙋ­ка́­ны є҆гѵ́­пєт­скїѧ со­крꙋ­ши́­ла є҆сѝ до ѡ҆сно­ва́­нїй, и҆ нӏ́­ною по­тре­би́­ла є҆сѝ кꙋ­мӏ́­ры кар­та­ли́­нїи: бꙋ́ди бл҃го­сло­ве́­на, при­сно­дв҃о.

Пѣ́снь и҃.

І҆р­мо́съ: Оу҆­тро́­бꙋ не­ѡ­па́ль­нѡ ѡ҆бра­зꙋ́­ютъ ѻ҆тро­ко­ви́­цы, и҆̀же въ ве́­тсѣмъ ѡ҆па­лѧ́­е­мїи ю҆́нѡ­ши, пре­е­сте́­ствен­нѡ ра­жда́­ю­щꙋю, за­пе­ча­тлѣ́­нꙋ: ѻ҆боѧ́ же со­дѣ­ва́­ю­щи чꙋ­до­дѣ́й­ство є҆ди́­но, лю́ди къ пѣ́­нїю воз­став­лѧ́­етъ блгⷣть.

Па́­мѧ­ти ст҃ы́ѧ нӏ́ны по­до­ба́­етъ пра́з­дне­ство. прї­и­ди́­те ᲂу҆̀бо, вѣ́р­нїи хрⷭ҇тꙋ̀: про­сла́­вимъ и҆ воз­бл҃го­да­ри́мъ млⷭ҇ти­ва­го бг҃а. ро́ди же и҆ пле­ме­на̀ и҆ ча̑да сї­ѡ́­на, въ дх҃о́в­нѣй ра́­до­сти тор­же­ствꙋ́й­те кꙋ́п­нѡ съ на́ми, гла­го́­лю­ще: сла́­ва про­по­вѣ́д­ни­цѣ хрⷭ҇та̀ и҆ бг҃а на́­ше­гѡ.

Ра́­дꙋй­сѧ стра­но̀ кар­та­ли́н­скаѧ, ѿ нӏ́ны вѣн­це́мъ хрⷭ҇то́­вымъ вѣн­ча́н­наѧ, свѣ­ти́­сѧ и҆ бл҃го­ꙋ­кра­ша́й­сѧ: при­зы­ва́­етъ бо ны̀ рав­ноапⷭ҇ль­наѧ ст҃а́ѧ нӏ́на, свѣ́­томъ гдⷭ҇нимъ всѧ̑ ѡ҆за­рѧ́­ю­щи.

Ты̀ за­по­вѣ́­да­ла є҆сѝ на́мъ, рав­ноапⷭ҇ль­наѧ, вѣ́рꙋ ст҃ѡ блю­стѝ, є҆́йже но­во­ѡ­бра­щє́н­ныѧ лю́ди на­ꙋ­чи́­ла є҆сѝ. сегѡ̀ ра́ди вер­то­гра́­ды, ꙗ҆̀же на­са­ди́­ла є҆сѝ въ дх҃о́в­нѣй па́­ствѣ тво­е́й, по­сѣ­тѝ и҆ ᲂу҆­твер­дѝ.

Бг҃о­ро́­ди­ченъ: Ѽ мт҃и хрⷭ҇та̀ бг҃а, твор­ца̀ сꙋ́­щихъ, спо­до́бль­шїй­сѧ то­бо́ю жи́­зни вѣ́ч­ныѧ ро́дъ кар­та­ли́н­скїй хра­нѝ, мл҃тва­ми нӏ́ны бл҃же́н­ныѧ.

Пѣ́снь ѳ҃.

І҆р­мо́съ: Лю­би́­ти ѹ҆́бѡ на́мъ, ꙗ҆́кѡ без­бѣ́д­ное стра́­хомъ, ᲂу҆­до́­бѣе мол­ча́­нїе: лю­бо́­вїю же, дв҃о, пѣ̑­сни тка́­ти, спро­тѧ­же́н­нѡ сло­жє́н­ныѧ, не­ꙋ­до́б­но є҆́сть. но и҆, мт҃и, си́лꙋ, є҆ли́­ко є҆́сть про­из­во­ле́­нїе, да́ждь.

Во­жде­лѣ́н­на на́мъ па́­мѧть твоѧ̀, ди́в­но чꙋ­до­дѣ́й­ство твоѐ, ст҃о жи­тїѐ твоѐ: всѧ̑ на́мъ бы­ва́­ютъ во бл҃го то­бо́ю, нӏ́но цѣ­ло­мꙋ́­дрен­наѧ.

Прї­ѧ́­те­ли­ще мо­ще́й тво­и́хъ, блгⷣть и҆с­то­ча́­ю­щихъ, ᲂу҆­твер­жде́­нїе є҆́сть стра­нѣ̀ і҆ве­рӏ́й­стѣй. сегѡ̀ ра́ди и҆ взы­ва́­етъ къ тебѣ̀: бл҃же́н­наѧ нӏ́но, ѡ҆хра­нѧ́й на́съ тво­и́мъ за­стꙋ­пле́­нї­емъ.

Про­по­вѣ́д­ни­це и҆ про­свѣ­ти́­тель­ни­це, при́­зри на пѣ́­нїе на́ше ᲂу҆­ми­ле́н­ное, и҆ ᲂу҆­млⷭ҇ти­ви къ на́мъ гдⷭ҇а: не по­пꙋ­стѝ на́мъ, хва­лы̀ тво­еѧ̀ ре­вни́­те­лємъ, во грѣ­сѣ́хъ по­ги́б­нꙋ­ти, и҆ пред­сто­ѧ́­щи прⷭ҇то́­лꙋ бж҃їю, молѝ хрⷭ҇та̀ бг҃а сп҃сти́­сѧ дꙋ­ша́мъ на́­шымъ.

Бг҃о­ро́­ди­ченъ: Оу҆­слы́­ши мо­лє́­нїѧ на̑ша, мт҃и бж҃їѧ, и҆ прпⷣбныѧ нӏ́ны за­стꙋ­пле́­нї­емъ ѿже­нѝ ѿ на́съ всѧ̑ и҆с­кꙋ­шє́­нїѧ, и҆ да́­рꙋй на́мъ ве́­лїю млⷭ҇ть твою̀.

Свѣ­ти́­ленъ.

По­до́­бенъ: По­сѣ­ти́лъ ны̀ є҆́сть во­сто́къ свы́­ше:

Рав­но­а҆пⷭ҇ль­наѧ про­по­вѣ́д­ни­це и҆ бл҃го­вѣ́ст­ни­це хрⷭ҇то́­ва, ѿ на­вѣ̑тъ вра́­жї­ихъ и҆з­ба­влѧ́­ю­щаѧ ны̀! а҆́ще и҆ въ нѣ́­дрѣхъ зе­млѝ со­кро­ве́­на є҆сѝ ѿ ѻ҆́чїю на́­шєю, ѻ҆ба́­че жива̀ пре­бы­ва́­е­ши ᲂу҆ прⷭ҇то́­ла хрⷭ҇та̀ бг҃а на́­ше­гѡ: бꙋ́ди ᲂу҆̀бо за­стꙋ́п­ни­ца ᲂу҆­се́рд­нѡ чтꙋ́­щымъ тѧ̀. Два́­жды.

Сла́­ва, и҆ ны́нѣ, пра́з­дни­ка.

На хва­ли́­техъ стї­хи̑­ры на ѕ҃: пра́з­дни­ка г҃ и҆ ст҃ы́ѧ г҃, гла́съ а҃:

Ра́­дꙋй­сѧ, цр҃ковь бж҃їѧ, со ча́ды тво­и́­ми, бл҃же́н­ныѧ нӏ́ны со­бо́­рꙋ сла́в­но­мꙋ: ра́­дꙋй­сѧ и҆ со­ста́­ви дх҃о́в­ное тор­же­ство̀, во є҆́же пѣ́ти про­по­вѣ́д­ни­цꙋ на́шꙋ, цр҃ствїѧ нбⷭ҇на­гѡ рав­ноапⷭ҇ль­нꙋю бл҃го­вѣ́ст­ни­цꙋ. Два́­жды.

Зна́­ме­нїе дх҃о́в­ное, ст҃ы́й крⷭ҇тъ хрⷭ҇то́въ за­пе­ча­тлѣ̀ на́съ, прї­е́м­шихъ про́­по­вѣдь нӏ́ны бл҃же́н­ныѧ. тѣ́м­же и҆ вос­кли́к­немъ гла­го́­лю­ще: Ѽ жи­во­тво­рѧ́­щїй крⷭ҇те гдⷭ҇ень! хра­нѝ всѧ̑ ны̀: во хрⷭ҇та́ бо кре­сти́­хом­сѧ и҆ во хрⷭ҇та̀ ѡ҆б­ле­ко́­хом­сѧ. ты́ же, хрⷭ҇тѐ бж҃е, сп҃сѝ лю́ди твоѧ̑.

Сла́­ва, гла́съ в҃:

Дне́сь си̑лы нбⷭ҇ныѧ съ зем­ны́­ми ра́­дꙋ­ют­сѧ: дне́сь стра­на̀ кар­та­ли́н­скаѧ, крⷭ҇то́мъ ѡ҆гра­жде́н­наѧ, ѡ҆б­ле­ка́­ет­сѧ си́­лою, и҆ ро́гъ цр҃кве воз­но́­сит­сѧ: дне́сь хра́мъ пре­ст҃ы́ѧ бцⷣы па́­мѧ­тїю ст҃ы́ѧ нӏ́ны бл҃го­лѣ́п­нѡ ᲂу҆­кра­ша́­ет­сѧ. мы́ же вѣ́р­нїи вос­по­и́мъ хрⷭ҇та̀, бг҃а же и҆ че­ло­вѣ́­ка, и҆ во­зо­пї­и́мъ: сла́­ва въ вы́ш­нихъ бг҃ꙋ.

И҆ ны́нѣ, пра́з­дни­ка.

Сла­во­сло́­вїе ве­ли́­кое. По три­ст҃о́мъ тро­па́рь ст҃ы́ѧ. Сла́­ва, и҆ ны́нѣ, пра́з­дни­ка. Є҆ктє­нїѝ, и҆ ѿпꙋ́стъ.

На лїтꙋргӏ́и.

Бл҃же́н­на ѿ ка­нѡ́­на бг҃о­ѧв­ле́­нїй, пѣ́снь ѳ҃, и҆ ст҃ы́ѧ, пѣ́снь г҃.

Про­кӏ́­менъ, гла́съ и҃: Во всю̀ зе́­млю и҆зы́­де вѣ­ща́­нїе и҆́хъ, и҆ въ кон­цы̀ все­ле́н­ныѧ гла­го́­лы и҆́хъ.

Стӏ́хъ: Нб҃са̀ по­вѣ́­да­ютъ сла́­вꙋ бж҃їю, тво­ре́­нїе же рꙋкꙋ̀

є҆гѡ̀ воз­вѣ­ща́­етъ тве́рдь.

А҆пⷭ҇лъ къ ко­рӏ́н­ѳѧ­нѡмъ, за­ча́­ло рл҃а:

А҆л­ли­лꙋ́­їа, гла́съ а҃: И҆с­по­вѣ́­дѧтъ нб҃са̀ чꙋ­де­са̀ твоѧ̑, гдⷭ҇и.

Стӏ́хъ: Бг҃ъ про­слав­лѧ́­емь въ со­вѣ́­тѣ ст҃ы́хъ.

Є҆ѵⷢ҇лїе ѿ ма­тѳе́а, за­ча́­ло р҃д:

При­ча́­стенъ: Во всю̀ зе́­млю и҆зы́­де вѣ­ща́­нїе и҆́хъ, и҆ въ кон­цы̀ все­ле́н­ныѧ гла­го́­лы и҆́хъ.