Мѣ́­сѧ­ца і҆ꙋ́­лїа въ к҃в-й де́нь.

Слꙋ́жба ст҃ѣ́й мѷроно́сицѣ и҆ равноапⷭ҇льнѣй марӏ́и магдали́нѣ.

На вели́цѣй вече́рни.

Бл҃же́нъ мꙋ́жъ: а҃-й а҆н­тї­фѡ́нъ.

На Гдⷭ҇и, воз­зва́хъ: стї­хи̑­ры на и҃, гла́съ и҃.

По­до́­бенъ: Ѽ пре­сла́в­на­гѡ чꙋ­де­сѐ:

Мѵ́ро со сле­за́­ми но­сѧ́­щи,* ма­гда­ли́­но ма­рӏ́е,* бжⷭ҇твен­на­гѡ гро́­ба до­сти́г­ши,* и҆ сла́­вы а҆́гг҃ла ᲂу҆­зрѣ́­ла є҆сѝ,* воз­вѣ­ща́­ю­ща­го жи­во­то­да́в­ца бжⷭ҇твен­ное во­ста́­нїе,* и҆ всѣ́хъ и҆з­ба­вле́­нїе.* тѣ́м­же є҆ди­но­на́­де­сѧ­тимъ воз­вѣ­сти́­ти по­тща́­ла­сѧ є҆сѝ,* ра́­дост­нѡ гла­го́­лю­щи:* взы­гра́й­те, хрⷭ҇то́съ во­ста́лъ є҆́сть.

Слꙋ­жа́­щи, пре­хва́ль­наѧ,* на́съ ра́ди по на́мъ бы́в­ше­мꙋ хрⷭ҇тꙋ̀ бг҃ꙋ,* и҆ не­пре­ста́н­ны­ми сї­ѧ́­нїи* дꙋ́шꙋ и҆ мы́сль раз­же́г­ши,* свѣ́тъ была̀ є҆сѝ.* є҆го́­же ви́­дѣв­ши на крⷭ҇тѣ̀ ви́­сѧ­ща,* стра́н­ное ви­дѣ́­нїе, гла­го́­ла­ла є҆сѝ сле­зѧ́­щи:* ка́кѡ жи́знь сме́рть во́ль­нꙋю* ны́нѣ прї­е́м­летъ;

Па́­мѧть твою̀ сщ҃е́н­нꙋю со­вер­ша́­емъ,* ᲂу҆­чи́в­ша­ѧ­сѧ ᲂу҆ хрⷭ҇та̀,* и҆ тогѡ̀ по­ве­лѣ̑­нїѧ про­по­вѣ́­дав­шаѧ, все­сла́в­наѧ,* дꙋ­ша́мъ на и҆з­ба­вле́­нїе:* и҆ мо­ще́й тво­и́хъ ра́кꙋ, ма­рӏ́е,* вѣ́­рою ѡ҆б­ло­бы­за́­емъ,* и҆с­то­ча́­ю­щꙋю блгⷣть не­ѡ­скꙋ́д­нꙋю и҆ про­свѣ­ще́­нїе* лю­бо́­вїю при­те­ка́­ю­щымъ,* бг҃о­бл҃же́н­наѧ.

И҆́на стї­хи́­ра, гла́съ и҆ по­до́­бенъ то́й­же. Тво­ре́­нїе ма́р­ково:

И҆с­по́л­ни лю­бо́­вїю на́съ, по­чи­та́­ю­щихъ тѧ̀,* ма­рӏ́е мѷ­ро­но́­си­це,* ᲂу҆­се́рд­наѧ ᲂу҆­че­ни́­це гдⷭ҇нѧ,* при­ше́д­шаѧ на гро́бъ съ и҆ны́­ми же­на́­ми,* лю́­бѧ­щи­ми па́че всѣ́хъ сп҃са хрⷭ҇та̀ без­сме́рт­на­го:* ни стра́хъ і҆ꙋ­де́йскъ, нижѐ тьма̀ не ᲂу҆­стра­шѝ тебє̀.* при­ше́д­ши на мѣ́­сто сме́р­ти вре́­мен­ныѧ,* ѡ҆брѣ­ла̀ є҆сѝ жи́знь вѣ́ч­нꙋю:* тоѧ̀ до­сти́г­нꙋ­ти по­да́ждь дꙋ­ша́мъ на́­шымъ.

И҆́ны стї­хи̑­ры, гла́съ ѕ҃. Тво­ре́­нїе ма́р­ково.

По­до́­бенъ: А҆́гг҃ль­скїѧ:

Мѷ­ро­но́­си­це ст҃а́ѧ,* ма­рӏ́е ма­гда­ли́­но,* не ѡ҆ста́­ви на́съ въ ко­не́цъ по­ги́б­нꙋ­ти:* сꙋб­бѡ́­та ᲂу҆жѐ пре́й­де,* не то́­кмѡ же во вре́­ме­ни,* но та́­ко­жде и҆ дх҃о́в­нѣ.* при­ве­дѝ и҆ на́съ ко гро́­бꙋ жи­во­но́с­но­мꙋ,* да при­не­се́мъ въ рꙋ­ка́хъ на́­шихъ а҆рѡ­ма́­ты:* вѣ́рꙋ чⷭ҇тꙋ и҆ со́­вѣсть не­ѡ­сквер­не́­нꙋ.* си́мъ бо бꙋ́­демъ бра́­тїѧ хрⷭ҇тѡ́­вы,* не по є҆сте­ствꙋ̀, но по блгⷣти.

Прї­и­ди́­те,* ѡ҆ хрⷭ҇тѣ̀ і҆и҃сѣ вѣ́р­нїи,* те­че́мъ всѝ вкꙋ́­пѣ* съ рав­ноапⷭ҇ль­ною ма­рӏ́­ею,* не и҆́щꙋ­ще жи­ва́­гѡ съ ме́р­твы­ми,* да не ᲂу҆­слы́­шимъ ѿ негѡ̀:* не при­ка­са́й­сѧ мнѣ̀.* но взы́­щемъ во­скре́с­ша­го,* и҆ по­кло­ни́м­сѧ є҆мꙋ̀,* ѡ҆де­снꙋ́ю ѻ҆ц҃а̀ сѣ­дѧ́­ще­мꙋ,* и҆ воз­не́с­ше­мꙋ съ со­бо́ю* є҆сте­ство̀ на́ше, ны́нѣ ѡ҆б­нов­ле́н­ное.

Бы́сть ве́­лїе трѧ­се́­нїе,* є҆гда̀ прї­и­до́­стѣ на гро́бъ,* ма­рӏ́е ма­гда­ли́­но* съ дрꙋ­го́ю ма­рӏ́­ею,* срѣ́­те же вы̀ гдⷭ҇нь а҆́гг҃лъ,* ѿва­ли́­вый ка́­мень ѿ две́­рїй гро́­ба.* ѿва­лѝ ᲂу҆̀бо тво­и́­ми мл҃тва­ми* ка́­мень ве́­лїй ѿ две́­рїй срⷣца мо­е­гѡ̀,* да не и҆щꙋ̀ сп҃са въ ме́р­твыхъ,* но да ѡ҆брѧ́­щꙋ є҆го̀ жи́ва,* жи­во́ю вѣ́­рою хрⷭ҇то́­вою.

Ѿ гро́­ба ка́­мен­на­гѡ* ᲂу҆­да­ли́­ла­сѧ є҆сѝ,* мѷ­ро­но́­си­це ст҃а́ѧ,* и҆ вѣ́р­наѧ ᲂу҆­че­ни́­це,* ма­рӏ́е рав­ноапⷭ҇ль­наѧ,* го­рѧ́­щи лю­бо́­вїю ве́­лї­ею къ ᲂу҆­чи́­те­лю тво­е­мꙋ̀,* срѣ­та́­ю­щи гдⷭ҇а, во­скре́с­ша­го хрⷭ҇та̀:* ны́нѣ же при­ве­дѝ въ хра́­ми­нꙋ срⷣца мо­е­гѡ̀,* є҆го́­же ѡ҆брѣ­ла̀ є҆сѝ,* мнѧ́­щи ꙗ҆́кѡ вер­то­гра́­да­рѧ сꙋ́­ща­го,* да ᲂу҆­мѧг­чи́тъ ѡ҆ка­ме­не́в­шее срⷣце моѐ.

Сла́­ва, гла́съ ѕ҃. А҆на­то́­лї­е­во:

Пе́р­вѣе ви́­дѣв­ши бжⷭ҇твен­ное во­скрⷭ҇нїе, ма­рӏ́е ма­гда­ли́­но, пе́р­ва­гѡ бл҃ги́хъ ви­но́в­ни­ка, на́ше бл҃го­се́рд­нѡ є҆сте­ство̀ ѡ҆бо­жи́в­ша­гѡ, пе́р­ваѧ и҆ бл҃го­вѣ́ст­ни­ца ꙗ҆ви́­ла­сѧ є҆сѝ, во­пї­ю́­щи а҆пⷭ҇лѡмъ: пе­ча́ль ѿло­жи́в­ше, бл҃го­дꙋ́­шїе вос­прї­и­ми́­те, и҆ прї­и­ди́­те, ᲂу҆­зри́­те хрⷭ҇та̀ во­скре́с­ша­го, и҆ мӏ́рꙋ по­да­ю́­ща­го ве́­лїю млⷭ҇ть.

И҆ ны́нѣ, бг҃о­ро́­ди­ченъ до­гма́­тїкъ, гла́съ то́й­же: Кто̀ тебє̀ не ᲂу҆­бл҃жи́тъ:

Вхо́дъ, про­кӏ́­менъ днѐ, и҆ чтє́­нїѧ г҃.

Со­бо́р­на­гѡ по­сла́­нїѧ і҆ѡ­а́н­но­ва чте́­нїе:

Воз­лю́б­лен­нїи, а҆́ще срⷣце на́ше не за́­зритъ на́мъ, дер­зно­ве́­нїе и҆́ма­мы къ бг҃ꙋ. И҆ є҆гѡ́­же а҆́ще про́­симъ, прї­е́м­лемъ ѿ негѡ̀, ꙗ҆́кѡ за́­пѡ­вѣ­ди є҆гѡ̀ со­блю­да́­емъ, и҆ ᲂу҆­гѡ́д­наѧ предꙿ ни́мъ тво­ри́мъ. И҆ сїѧ̀ є҆́сть за́­по­вѣдь є҆гѡ̀: да вѣ́­рꙋ­емъ во и҆́мѧ сн҃а є҆гѡ̀ і҆и҃са хрⷭ҇та̀, и҆ лю́­бимъ дрꙋ́гъ дрꙋ́­га, ꙗ҆́ко­же да́лъ є҆́сть за́­по­вѣдь на́мъ. И҆ со­блю­да́­ѧй за́­пѡ­вѣ­ди є҆гѡ̀, въ не́мъ пре­бы­ва́­етъ, и҆ то́й въ не́мъ: и҆ ѡ҆ се́мъ раз­ꙋ­мѣ́­емъ, ꙗ҆́кѡ пре­бы­ва́­етъ въ на́съ, ѿ дх҃а, є҆го́­же да́лъ є҆́сть на́мъ. Воз­лю́б­лен­нїи, не всѧ́­ко­мꙋ дꙋ́хꙋ вѣ́­рꙋй­те, но и҆с­кꙋ­ша́й­те дꙋ́хи, а҆́ще ѿ бг҃а сꙋ́ть: ꙗ҆́кѡ мно́­зи лжепро­ро́­цы и҆зы­до́­ша въ мӏ́ръ. Ѡ҆ се́мъ по­зна­ва́й­те дх҃а бж҃їѧ, и҆ дꙋ́ха ле́ст­ча: всѧ́къ дꙋ́хъ, и҆́же и҆с­по­вѣ́­дꙋ­етъ і҆и҃са хрⷭ҇та̀ во пло́­ти при­ше́д­ша, ѿ бг҃а є҆́сть. И҆ всѧ́къ дꙋ́хъ, и҆́же не и҆с­по­вѣ́­дꙋ­етъ і҆и҃са хрⷭ҇та̀ во пло́­ти при­ше́д­ша, ѿ бг҃а нѣ́сть: и҆ се́й є҆́сть а҆н­тӏ́­хрї­стовъ, є҆го́­же слы́­ша­сте, ꙗ҆́кѡ грѧ­де́тъ, и҆ ны́нѣ въ мӏ́рѣ є҆́сть ᲂу҆жѐ. Вы̀ ѿ бг҃а є҆стѐ ча̑д­ца, и҆ по­бѣ­ди́­сте тѣ́хъ, ꙗ҆́кѡ бо́­лїй є҆́сть и҆́же въ ва́съ, не́­же­ли и҆́же въ мӏ́рѣ. Ѻ҆нѝ ѿ мӏ́ра сꙋ́ть, сегѡ̀ ра́ди ѿ мӏ́ра гла­го́­лютъ, и҆ мӏ́ръ тѣ́хъ по­слꙋ́­ша­етъ. Мы̀ ѿ бг҃а є҆смы̀: и҆́же зна́­етъ бг҃а, по­слꙋ́­ша­етъ на́съ: и҆ и҆́же нѣ́сть ѿ бг҃а, не по­слꙋ́­ша­етъ на́съ.

Со­бо́р­на­гѡ по­сла́­нїѧ і҆ѡ­а́н­но­ва чте́­нїе:

Воз­лю́б­лен­нїи, а҆́ще си́це воз­лю­би́лъ є҆́сть на́съ бг҃ъ, и҆ мы̀ до́лж­ни є҆смы̀ дрꙋ́гъ дрꙋ́­га лю­би́­ти. Бг҃а ни­кто́­же ни­гдѣ́­же ви́дѣ. а҆́ще дрꙋ́гъ дрꙋ́­га лю́­бимъ, бг҃ъ въ на́съ пре­бы­ва́­етъ, и҆ любы̀ є҆гѡ̀ со­вер­ше́н­на є҆́сть въ на́съ. Ѡ҆ се́мъ раз­ꙋ­мѣ́­емъ, ꙗ҆́кѡ въ не́мъ пре­бы­ва́­емъ, и҆ то́й въ на́съ, ꙗ҆́кѡ ѿ дх҃а сво­е­гѡ̀ да́лъ є҆́сть на́мъ. И҆ мы̀ ви́­дѣ­хомъ и҆ сви­дѣ́­тель­ствꙋ­емъ, ꙗ҆́кѡ ѻ҆ц҃ъ по­сла̀ сн҃а сп҃си́­те­лѧ мӏ́рꙋ. И҆́же а҆́ще и҆с­по­вѣ́сть, ꙗ҆́кѡ і҆и҃съ є҆́сть сн҃ъ бж҃їй, бг҃ъ въ не́мъ пре­бы­ва́­етъ, и҆ то́й въ бз҃ѣ. И҆ мы̀ по­зна́­хомъ, и҆ вѣ́­ро­ва­хомъ, лю­бо́вь, ю҆́же и҆́мать бг҃ъ въ на́съ. бг҃ъ любы̀ є҆́сть, и҆ пре­бы­ва́­ѧй въ люб­вѝ, въ бз҃ѣ пре­бы­ва́­етъ, и҆ бг҃ъ въ не́мъ пре­бы­ва́­етъ.

Со­бо́р­на­гѡ по­сла́­нїѧ і҆ѡ­а́н­но­ва чте́­нїе:

Воз­лю́б­лен­нїи, а҆́ще кто̀ ре­че́тъ, ꙗ҆́кѡ люб­лю̀ бг҃а, а҆ бра́­та сво­е­го̀ не­на­ви́­дитъ, ло́жъ є҆́сть: и҆́бо не лю­бѧ́й бра́­та сво­е­гѡ̀, є҆го́­же ви́дѣ, бг҃а, є҆гѡ́­же не ви́дѣ, ка́кѡ мо́­жетъ лю­би́­ти; И҆ сїю̀ за́­по­вѣдь и҆́ма­мы ѿ негѡ̀, да лю­бѧ́й бг҃а, лю́­битъ и҆ бра́­та сво­е­го̀. Всѧ́къ вѣ́­рꙋ­ѧй, ꙗ҆́кѡ і҆и҃съ є҆́сть хрⷭ҇то́съ, ѿ бг҃а ро­жде́нъ є҆́сть: и҆ всѧ́къ лю­бѧ́й ро́жд­ша­го, лю́­битъ и҆ ро­жде́н­на­го ѿ негѡ̀. Ѡ҆ се́мъ вѣ́мы, ꙗ҆́кѡ лю́­бимъ ча̑да бж҃їѧ, є҆гда̀ бг҃а лю́­бимъ, и҆ за́­пѡ­вѣ­ди є҆гѡ̀ со­блю­да́­емъ. Сїѧ́ бо є҆́сть любы̀ бж҃їѧ, да за́­пѡ­вѣ­ди є҆гѡ̀ со­блю­да́­емъ: и҆ за́­пѡ­вѣ­ди є҆гѡ̀ тѧ̑ж­ки не сꙋ́ть. Ꙗ҆́кѡ всѧ́къ ро­жде́н­ный ѿ бг҃а по­бѣ­жда́­етъ мӏ́ръ: и҆ сїѧ̀ є҆́сть по­бѣ́­да, по­бѣ́жд­шаѧ мӏ́ръ, вѣ́ра на́ша. Кто̀ є҆́сть по­бѣ­жда́­ѧй мӏ́ръ; то́­кмѡ вѣ́­рꙋ­ѧй, ꙗ҆́кѡ і҆и҃съ є҆́сть сн҃ъ бж҃їй.

На лї­тӏ́и стї­хи́­ра хра́­ма, и҆ ст҃ы́ѧ, гла́съ з҃:

Ѽ пре­кра́с­ное бл҃го­вѣ́­стїе! гла­го́­летъ мѷ­ро­но́­си­ца: гдⷭ҇ь по­ве­лѣ̀ на́мъ, да ᲂу҆­вѣ́­сте и҆́сти­нꙋ сїю̀: вос­хо­ждꙋ̀ ко ѻ҆ц҃ꙋ̀ мо­е­мꙋ̀ и҆ ѻ҆ц҃ꙋ̀ ва́­ше­мꙋ, и҆ бг҃ꙋ мо­е­мꙋ̀ и҆ бг҃ꙋ ва́­ше­мꙋ, и҆ на­ри­ца́­етъ вы̀ бра́­тїю, да ᲂу҆­ра­зꙋ­мѣ́­е­те и҆́стин­ное бг҃о­сло́­вїе и҆ чл҃вѣ­ко­лю́­бїе хрⷭ҇то́­во, не по є҆сте­ствꙋ̀ сꙋ́­щымъ на́мъ бо­гѡ́мъ, но по блгⷣти, и҆ сро́д­ни­кѡмъ и҆ бра́­тї­ѧмъ гдⷭ҇нимъ, при­вле­че́тъ бо къ себѣ̀ пло́ть на́шꙋ, ю҆́же прї­ѧ́тъ во ст҃ѣ́мъ во­пло­ще́­нїи сво­е́мъ.

Сла́­ва, гла́съ г҃:

Ма­гда­ли́­нѣ ма­рӏ́и, сп҃со­во бл҃го­вѣст­вꙋ́­ю­щей и҆зꙿ ме́р­твыхъ во­скрⷭ҇нїе и҆ ꙗ҆в­ле́­нїе, не вѣ́­рꙋ­ю­ще ᲂу҆­че­ни­цы̀, по­но­си́­ми бы́ша ѡ҆ же­сто­се́р­дїи: но зна́­мень­ми во­ѡ­рꙋ́ж­ше­сѧ и҆ чꙋ­де­сы̀, ко про­по­вѣ́­да­нїю по­сы­ла́­хꙋ­сѧ. и҆ ты̀ ѹ҆́бѡ, гдⷭ҇и, къ на­ча́ль­но­мꙋ свѣ́­тꙋ воз­не́сл­сѧ є҆сѝ ѻ҆ц҃ꙋ̀, ѻ҆ни́ же про­по­вѣ́­да­ша всю́­дꙋ сло́­во, чꙋ­де­сы̀ ᲂу҆­вѣ­рѧ́­ю­ще. тѣ́м­же про­свѣ­ти́в­ше­сѧ тѣ́ми, сла́­вимъ твоѐ є҆́же и҆зꙿ ме́р­твыхъ во­скрⷭ҇нїе, чл҃вѣ­ко­лю́б­че гдⷭ҇и.

И҆ ны́нѣ, бг҃о­ро́­ди­ченъ, гла́съ то́й­же: Безꙿ сѣ́­ме­не ѿ бжⷭ҇твен­на­гѡ дх҃а:

На стї­хо́в­нѣ стї­хи̑­ры, гла́съ в҃.

По­до́­бенъ: До́ме є҆ѵ­фра́­ѳовъ:

Не при­ка­са́й­сѧ мнѣ̀,* ᲂу҆­чи́­тель тебѣ̀ речѐ,* мы́ же къ немꙋ̀ во­зо­пї­и́мъ:* мл҃тва­ми ст҃ы́ѧ мѷ­ро­но́­си­цы ма­рӏ́и,* ᲂу҆­слы́­ши, гдⷭ҇и, мо­лє́­нїѧ на̑ша.

Стӏ́хъ: Ди́­венъ бг҃ъ во ст҃ы́хъ сво­и́хъ, бг҃ъ і҆и҃левъ.

Жи́знь са́­маѧ гла­го́­ла­ше къ тебѣ̀,* са́­мꙋю жи́знь ѡ҆брѣ­ла̀ є҆сѝ:* ѿ сме́р­ти дх҃҃о́в­ныѧ при­ве­дѝ на́съ къ жи́­зни,* мѷ­ро­но́­си­це ма­рӏ́е,* въ мл҃твахъ и҆ бдѣ́­нї­ихъ чтꙋ́­щихъ тѧ̀.

Стӏ́хъ: Въ це́р­квахъ бл҃го­сло­ви́­те бг҃а, гдⷭ҇а, ѿ и҆стѡ́ч­никъ і҆и҃ле­выхъ.

Къ бра́­тї­ѧмъ хрⷭ҇тѡ́­вымъ по­сла́­ла­сѧ є҆сѝ* по­ве­лѣ́­нї­емъ гдⷭ҇нимъ,* ма­гда­ли́­но ма­рӏ́е:* воз­вѣ­ща́й и҆ на́мъ є҆ди́­нꙋ и҆́сти­нꙋ,* ю҆́же съ лю­бо́­вїю ᲂу҆­зрѣ́­ла є҆сѝ.

Сла́­ва, гла́съ и҃. Вѷ­зан­тӏ́­е­во:

Во́­лею ѡ҆б­ни­ща́в­ше­мꙋ ни­ще­то́ю мое́ю, пре­мно́­гимъ бл҃го­ꙋ­тро́­бї­емъ хрⷭ҇тꙋ̀ бг҃ꙋ, ма­гда­ли́­на ма­рӏ́а, ꙗ҆́кѡ ᲂу҆­че­ни́­ца вѣ́р­нѡ по­слꙋ­жи́в­ши, на дре́­вѣ про­сте́р­та, и҆ во гро́­бѣ за­тво­ре́­на ви́­дѣв­ши, во­пї­ѧ́­ше, сле́­зы то­ча́­щи: что̀ стра́н­ное ви­дѣ́­нїе, и҆́же мє́р­твыѧ жи­во­тво­рѧ́й, ка́кѡ ме́ртвъ вмѣ­нѧ́­ет­сѧ; кі̑ѧ мѵ́ры при­не­сꙋ̀ и҆з­мѣ­ни́в­ше­мꙋ мѧ̀ смра́­да де́­мон­ска­гѡ; кі̑ѧ сле́­зы про­лїю̀ ѿ сле́зъ и҆з­мѣ­ни́в­ше­мꙋ мою̀ пра­ма́­терь; но, Ѽ всѧ́­че­скихъ цр҃ю̀! ꙗ҆́ко­же вер­то­гра́­да хра­ни́­тель ꙗ҆ви́л­сѧ є҆сѝ, ро­со́ю тво­и́хъ гла­гѡ́лъ ва́ръ ѿе́м­лѧ, ре́клъ є҆сѝ къ не́й: къ мо­и̑мъ бра́­тї­ѧмъ ше́д­ши, бл҃го­вѣ́­ще­нїѧ ра́­дость во­зо­пӏ́й: вос­хо­ждꙋ́ бо ко ѻ҆ц҃ꙋ̀, и҆ бг҃ꙋ мо­е­мꙋ̀ и҆ бг҃ꙋ ва́­ше­мꙋ, ꙗ҆́кѡ да по­да́мъ мӏ́­ро­ви ве́­лїю млⷭ҇ть.

И҆ ны́нѣ, бг҃о­ро́­ди­ченъ, гла́съ то́й­же: Без­не­вѣ́ст­наѧ дв҃о:

Тро­па́рь, гла́съ а҃:

Хрⷭ҇тꙋ̀, на́съ ра́ди ѿ дв҃ы ро́жд­ше­мꙋ­сѧ, чⷭ҇тна́ѧ ма­гда­ли́­но ма­рӏ́е, по­слѣ́­до­ва­ла є҆сѝ, тогѡ̀ ѡ҆прав­да̑­нїѧ и҆ за­ко́­ны хра­нѧ́­щи: тѣ́м­же дне́сь все­ст҃ꙋ́ю твою̀ па́­мѧть пра́з­днꙋ­ю­ще, грѣ­хѡ́въ раз­рѣ­ше́­нїе мл҃тва­ми тво­и́­ми прї­е́м­лемъ.

А҆́ще бдѣ́­нїе со­вер­ша́­ет­сѧ: тро­па́рь ст҃ы́ѧ, два́­жды, Бцⷣе, дв҃о: є҆ди́­но­жды.

На ѹ҆́трени.

На Бг҃ъ гдⷭ҇ь: тро­па́рь ст҃ы́ѧ, два́­жды,

Сла́­ва, и҆ ны́нѣ, бг҃о­ро́­ди­ченъ, гла́съ то́й­же: Га­врї­и́­лꙋ вѣ­ща́в­шꙋ:

По а҃-мъ стї­хо­сло́­вїи сѣ­да́­ленъ, гла́съ д҃:

И҆́мѧ твоѐ, ма­рӏ́е, ᲂу҆­слы́­ша­ла є҆сѝ ѿ ѹ҆́стъ гдⷭ҇нихъ, со­тво­ри́в­ша­гѡ всѧ̑, и҆ да́в­ша­гѡ и҆ме­на̀ всѧ́­кой тва́­ри, ты́ же ᲂу҆­вѣ́­дѣ­ла є҆сѝ є҆го̀ ꙗ҆́кѡ ᲂу҆­чи́­те­лѧ и҆ гдⷭ҇а тво­е­го̀: не при­ка­са́й­сѧ мнѣ̀, рече́ ти, да ѹ҆́зри­ши мѧ̀ сѣ­дѧ́­ща ѡ҆де­снꙋ́ю ѻ҆ц҃а̀. Два́­жды.

Сла́­ва, и҆ ны́нѣ, бг҃о­ро́­ди­ченъ, гла́съ то́й­же:

Оу҆­жа́с­но чꙋ́до за­ча́­тїѧ, и҆ не­ска­за́­ненъ ѡ҆́бразъ ржⷭ҇тва̀ въ тебѣ̀ по­зна́­сѧ, при­сно­дв҃о чⷭ҇таѧ, ᲂу҆­жа­са́­етъ мо́й ѹ҆́мъ и҆ ᲂу҆­див­лѧ́­етъ по­мыш­ле́­нїе: сла́­ва твоѧ̀, бцⷣе, всѣ̑мъ про­стре́­сѧ, во сп҃се́­нїе дꙋ́шъ на́­шихъ.

По в҃-мъ стї­хо­сло́­вїи сѣ­да́­ленъ, гла́съ а҃:

Ра́­дꙋй­сѧ, ма­рӏ́е, речѐ тѝ гдⷭ҇ь, во­скре­сы́й и҆зꙿ ме́р­твыхъ, ты́ же ѡ҆҆б̾­е́м­ши но́зѣ є҆гѡ̀, по­кло­ни́­ла­сѧ є҆сѝ є҆мꙋ̀. и҆ по­сла̀ тѧ̀ гдⷭ҇ь на про́­по­вѣдь є҆ѵⷢ҇ль­скꙋю, воз­вѣ­сти́­ти бра́­тїи є҆гѡ̀, да ѹ҆́зрѧтъ є҆го̀ въ га­лї­ле́и. да́ждь ᲂу҆̀бо и҆ на́мъ, гдⷭ҇и, тво­и̑мъ ᲂу҆­че­ни­кѡ́мъ, ᲂу҆­зрѣ́­ти тѧ̀, въ та́­ин­ствахъ вы́нꙋ пре­бы­ва́­ю­ща­го съ на́ми. Два́­жды.

Сла́­ва, и҆ ны́нѣ:

Мл҃твꙋ прї­е́м­ши ѿ на́съ, въ кро́въ тво́й, пре­чⷭ҇таѧ дв҃о, при­бѣ­га́­ю­щихъ, не пре­ста́й мо­лѧ́­щи чл҃вѣ­ко­лю́б­ца, сп҃сти́­сѧ ра­бѡ́мъ тво­и̑мъ.

По­лѷ­е­ле́й, и҆ ве­ли­ча́­нїе:

Ве­ли­ча́­емъ тѧ̀, мѷ­ро­но́­си­це ст҃а́ѧ рав­ноапⷭ҇ль­наѧ ма­рӏ́е ма­гда­ли́­но, и҆ чти́мъ бо­лѣ̑­зни и҆ трꙋ­ды̀ твоѧ̑, и҆́ми­же трꙋ­ди́­ла­сѧ є҆сѝ во бл҃го­вѣ́­стїи хрⷭ҇то́­вѣ.

Ѱа­ло́мъ и҆з­бра́н­ный: Нб҃са̀ по­вѣ́­да­ютъ сла́­вꙋ бж҃їю, тво­ре́­нїе же рꙋкꙋ̀ є҆гѡ̀ воз­вѣ­ща́­етъ тве́рдь.

По по­лѷ­е­ле́и сѣ­да́­ленъ, гла́съ з҃:

Пла́чь тво́й и҆ стра́хъ, ма­рӏ́е, є҆го́­же и҆мѣ́­ла є҆сѝ, сто­ѧ́­щи ᲂу҆ гро́­ба, ѡ҆б­ра­тѝ гдⷭ҇ь въ ра́­дость: воз­вѣ­сти́ бо пре́­жде тебѣ̀, ꙗ҆́кѡ нѣ́сть вер­то­гра́­дарь гла­го́­лѧй съ то­бо́ю, но сп҃съ дꙋ́шъ на́­шихъ. томꙋ̀ по­кла­нѧ́­ем­сѧ, и҆ того̀ вос­хва­лѧ́­емъ, и҆́бо то́й на́съ на­ре­чѐ бра́­тїю, и҆ є҆ди̑­ны на́съ со­тво­рѝ предꙿ ѻ҆ц҃е́мъ на́­шимъ, и҆́же є҆́сть на нб҃сѣ́хъ. Два́­жды.

Сла́­ва, и҆ ны́нѣ, бг҃о­ро́­ди­ченъ, гла́съ то́й­же:

Пре­чⷭ҇таѧ дв҃о, по­ми́­лꙋй на́съ, при­бѣ­га́­ю­щихъ вѣ́­рою къ тебѣ̀ млⷭ҇рд­нѣй, и҆ про­сѧ́­щихъ те́­пла­гѡ тво­е­гѡ̀ за­стꙋ­пле́­нїѧ: ꙗ҆́кѡ мт҃и бг҃а вы́ш­нѧ­гѡ, молѝ сн҃а тво­е­го̀, хрⷭ҇та̀ бг҃а на́­ше­го, сп҃сти́­сѧ ра­бѡ́мъ тво­и̑мъ.

Та́же сте­пє́н­на, а҃-й а҆н­тї­фѡ́нъ д҃-гѡ гла́­са.

Про­кӏ́­менъ, гла́съ д҃: Ди́­венъ бг҃ъ во ст҃ы́хъ сво­и́хъ, бг҃ъ і҆и҃левъ.

Стӏ́хъ: Въ це́р­квахъ бл҃го­сло­ви́­те бг҃а, гдⷭ҇а, ѿ и҆стѡ́ч­никъ і҆и҃ле­выхъ.

Є҆ѵⷢ҇лїе ѿ і҆ѡ­а́н­на, за­ча́­ло ѯ҃д: Во вре́­мѧ ѻ҆́но, ма­рӏ́а сто­ѧ́­ше ᲂу҆ гро́­ба внѣ̀ пла́­чꙋ­щи:

По н҃-мъ ѱал­мѣ̀: Мл҃тва­ми рав­ноапⷭ҇ль­ныѧ ма­рӏ́и ма­гда­ли́­ны:

Та́же стї­хи́­ра, гла́съ и҃:

Ма­рі̑­ины сле́­зы не всꙋ́е про­ли­ва́­ют­сѧ те́­плѣ, се́ бо спо­до́­би­сѧ и҆ ᲂу҆­ча́­щихъ а҆́гг҃лѡвъ, и҆ ви­дѣ́­нїѧ са­мо­гѡ̀ і҆и҃са: но є҆щѐ зем­на̑ѧ мꙋ́др­ствꙋ­етъ, ꙗ҆́кѡ жена̀ не­мощ­на́ѧ. тѣ́м­же и҆ ѿсы­ла́­ет­сѧ не при­ка­са́­ти­сѧ хрⷭ҇тꙋ̀: но ѻ҆ба́­че про­по­вѣ́д­ни­ца по­сы­ла́­ет­сѧ тво­и̑мъ ᲂу҆­че­ни­кѡ́мъ, и҆̀мже бл҃го­вѣст­во­ва́­нїе но­сѧ́­щи, є҆́же ко ѻ҆те́­че­ско­мꙋ жре́­бїю вос­хо́дъ воз­вѣ­ща́­ю­щи. съ не́­ю­же спо­до́­би и҆ на́съ ꙗ҆в­ле́­нїѧ тво­е­гѡ̀, влⷣко гдⷭ҇и.

Ка­нѡ́нъ бцⷣѣ, со і҆р­мо­со́мъ на ѕ҃: Во́дꙋ про­ше́дъ: и҆ ст҃ѣ́й, на и҃. Тво­ре́­нїе ѳе­о­фа́­но­во, є҆гѡ́­же кра­е­гра­не́­сїе: Ма­гда­ли́­нꙋ ма­рӏ́ю пою̀ лю­бо́­вїю.

Гла́съ и҃. Пѣ́снь а҃.

І҆р­мо́съ: Во́дꙋ про­ше́дъ, ꙗ҆́кѡ сꙋ́шꙋ, и҆ є҆гѵ́­пет­ска­гѡ ѕла̀ и҆з­бѣ­жа́въ, і҆и҃ль­тѧ­нинъ во­пї­ѧ́­ше: и҆з­ба́­ви­те­лю и҆ бг҃ꙋ на́­ше­мꙋ по­и́мъ.

При­пѣ́въ: Ст҃а́ѧ рав­ноапⷭ҇ль­наѧ ма­рӏ́е ма­гда­ли́­но, молѝ бг҃а ѡ҆ на́съ.

Бжⷭ҇твен­ны­ми ᲂу҆­кра́­ше­на до­бро́­та­ми, и҆ свѣ­то­ли̑­тїи сї­ѧ́­ю­щи бжⷭ҇твен­ны­ми, ѡ҆чер­нѣ́в­шее моѐ срⷣце тво­и́­ми мл҃тва­ми, ма­рӏ́е, ѡ҆за­рѝ.

Ѡ҆ст҃и́ тѧ сло́­во ѻ҆́ч҃ее, ѿ дꙋ­хѡ́въ ѕло́­бы и҆з­ба́­вивъ ꙗ҆́вѣ: є҆мꙋ́­же ᲂу҆­че­ни́­ца бы́в­ши, да­ро­ва́­нїй ст҃а́­гѡ дх҃а и҆с­по́л­ни­ла­сѧ є҆сѝ.

Во́дъ и҆с­по́лнь­ши­сѧ жи­во­тво́р­ныхъ, ѿ и҆с­то́ч­ни­ка не­за­ви́ст­на­гѡ, за млⷭ҇рдїе на зе­млѝ ꙗ҆́вль­ша­гѡ­сѧ влⷣки, грѣ­ха̀ мꙋ̑т­ныѧ и҆з­сꙋ­ши́­ла є҆сѝ то́ки.

Бг҃о­ро́­ди­ченъ: Мт҃рь є҆сте­ство́мъ со­дѣ́­те­лѧ по­е́мъ тѧ̀, ѻ҆тро­ко­ви́­це, при­ми­ри́в­шꙋю бг҃ꙋ ѿпа́д­шее є҆сте­ство̀ че­ло­вѣ́­че­ское, бг҃о­ро­ди́­тель­ни­це все­не­по­ро́ч­наѧ влⷣчце.

Пѣ́снь г҃.

І҆р­мо́съ: Нбⷭ҇на­гѡ крꙋ́­га вер­хо­тво́р­че, гдⷭ҇и, и҆ цр҃кве зи­жди́­те­лю, ты̀ менѐ ᲂу҆­твер­дѝ въ люб­вѝ тво­е́й, же­ла́­нїй кра́ю, вѣ́р­ныхъ ᲂу҆­твер­жде́­нїе, є҆ди́­не чл҃вѣ­ко­лю́б­че.

Воз­лю­би́в­ши пе́р­вѣе бл҃ги́хъ ви­но́в­ни­ка, на́ше бл҃го­се́рд­нѡ є҆сте­ство̀ ѡ҆бо­жи́в­ша­го, по­слѣ́­до­ва­ла є҆сѝ є҆мꙋ̀ ᲂу҆­се́рд­нѡ, ма­рӏ́е, тогѡ̀ по­ви­нꙋ́в­ши­сѧ бжⷭ҇твєн­нымъ ве­лѣ́­нї­ємъ.

Ры­да́­ю­щи, гро́­ба и҆з­ба́­ви­те­ле­ва до­сти́г­ла є҆сѝ, пе́р­вѣе ви́­дѣв­ши бжⷭ҇твен­ное, ѻ҆тро­ко­ви́­це, во­скрⷭ҇нїе. тѣ́м­же бл҃го­вѣ́ст­ни­ца ꙗ҆ви́­ла­сѧ є҆сѝ, во­пї­ю́­щи: хрⷭ҇то́съ во­ста̀, рꙋ­ка́­ми вос­пле­щи́­те.

Бг҃о­ро́­ди­ченъ: Сп҃са́­етъ мѧ̀ сло́­во во­пло́щ­ше­е­сѧ, пре­чⷭ҇таѧ, ѿ тво­и́хъ пре­чⷭ҇тыхъ кро­ве́й, бо­га́т­ствомъ бл҃го­сти, раз­рѣ­ша́ѧ ѡ҆сꙋ­жде́­нїе пе́р­ва­гѡ па­де́­нїѧ: є҆го́­же не­пре­ста́н­нѡ молѝ, сп҃стѝ ста́­до твоѐ.

Сѣ­да́­ленъ, гла́съ и҃. По­до́­бенъ: Пре­мꙋ́­дро­сти:

Ѡ҆б­ни­ща́в­ше­мꙋ сло́­вꙋ, пре­мно́­гимъ млⷭ҇рдї­емъ, ма­рӏ́е ма­гда­ли́­но, ꙗ҆́вѣ ꙗ҆́кѡ ᲂу҆­че­ни́­ца и҆́стин­нѡ по­слꙋ­жи́­ла є҆сѝ: зрѧ́­щи же сего̀ на крⷭ҇тѣ̀ воз­не­се́­на, и҆ во гро́­бѣ по­ло­же́­на, ры­да́­ла є҆сѝ сле­зѧ́­щи. тѣ́м­же тѧ̀ по­чи­та́­емъ, и҆ твоѐ со­вер­ша́­емъ вѣ́­рою тор­же­ство̀, мѷ­ро­но́­си­це сла́в­наѧ: молѝ хрⷭ҇та̀ бг҃а, грѣ­хѡ́въ ѡ҆став­ле́­нїе по­да́­ти чтꙋ́­щымъ лю­бо́­вїю ст҃ꙋ́ю па́­мѧть твою̀. Два́­жды.

Сла́­ва, и҆ ны́нѣ, бг҃о­ро́­ди­ченъ, гла́съ то́й­же:

Ꙗ҆́кѡ дв҃ꙋ и҆ є҆ди́­нꙋ въ же­на́хъ, тѧ̀, безꙿ сѣ́­ме­не ро́жд­шꙋю бг҃а пло́­тїю, всѝ ᲂу҆­бл҃жа́­емъ, ро́ди че­ло­вѣ́­че­стїи: ѻ҆́гнь бо все­ли́­сѧ въ тѧ̀ бж҃е­ства̀, и҆ ꙗ҆́кѡ млⷣнца мле­ко́мъ пи­та́­е­ши зи­жди́­те­лѧ и҆ гдⷭ҇а. тѣ́мъ, а҆́гг҃ль­скїй и҆ че­ло­вѣ́­че­скїй ро́дъ, до­сто́й­нѡ сла́­вимъ пре­ст҃о́е ржⷭ҇тво̀ твоѐ, и҆ со­гла́с­нѡ во­пї­е́мъ тѝ: молѝ хрⷭ҇та̀ бг҃а, со­грѣ­ше́­нїй ѡ҆став­ле́­нїе да­ро­ва́­ти по­кла­нѧ́­ю­щым­сѧ вѣ́­рою пре­ст҃о́­мꙋ ржⷭ҇твꙋ̀ тво­е­мꙋ̀.

Пѣ́снь д҃.

І҆р­мо́съ: Оу҆­слы́­шахъ, гдⷭ҇и, смо­тре́­нїѧ тво­е­гѡ̀ та́­ин­ство, раз­ꙋ­мѣ́хъ дѣла̀ твоѧ̑, и҆ про­сла́­вихъ твоѐ бж҃е­ство̀.

Безꙿ смꙋ­ще́­нїѧ и҆мꙋ́­щи мїр­ска́­гѡ сꙋ́­ет­ства мы́сль, при­ше́д­ше­мꙋ мӏ́ръ ве́сь сп҃стѝ ѿ ле́­сти, по­слꙋ­жи́­ла є҆сѝ.

Мы́­ю­щи­сѧ сле­за́­ми, гро́­ба жи­во­но́с­на­гѡ до­сти́г­ши, а҆́гг҃ла ᲂу҆­зрѣ́­ла є҆сѝ, воз­вѣ­ща́­ю­ща хрⷭ҇то́­во, ма­рӏ́е, во­скрⷭ҇нїе.

Се́рд­це твоѐ не­по­ро́ч­ное во ѡ҆прав­да́­нї­ихъ хрⷭ҇то́­выхъ бы́сть: и҆ того̀ є҆ди́­на­го во­жде­лѣ́­ла є҆сѝ, кра́с­на­го до­бро́­тою, до­сто­сла́в­наѧ.

Бг҃о­ро́­ди­ченъ: Дре­ма́­нї­емъ лѣ́­но­сти мѧ̀ со́нъ грѣ­хо́в­ный, ѻ҆тро­ко­ви́­це, по­сти́­же: бо́­дрен­ною мл҃твою тво­е́ю воз­ста́­ви мѧ̀ къ по­ка­ѧ́­нїю.

Пѣ́снь є҃.

І҆р­мо́съ: Вскꙋ́ю мѧ̀ ѿри́­нꙋлъ є҆сѝ ѿ лица̀ тво­е­гѡ̀, свѣ́­те не­за­хо­ди́­мый, и҆ по­кры́­ла мѧ̀ є҆́сть чꙋ­жда́ѧ тьма̀ ѡ҆ка­ѧ́н­на­гѡ; но ѡ҆б­ра­ти́ мѧ, и҆ къ свѣ́­тꙋ за́­по­вѣ­дей тво­и́хъ пꙋти̑ моѧ̑ на­пра́­ви, мо­лю́­сѧ.

Пра́­ба­ба, сїю̀ сло­ве­сы̀ пре­льсти́в­ша­го, и҆ и҆з­гна́в­ша­го ѿ раѧ̀ дре́в­ле, зрѧ́­щи но­га́­ми по­пи­ра́­е­ма чⷭ҇тыхъ же́нъ, нра́въ мꙋ́­же­скїй стѧ­жа́в­шихъ, съ ни́ми вѣ́ч­нѡ ра́­дꙋ­ет­сѧ.

Оу҆­ме́р­ша­гѡ, и҆ во гро́­бѣ за­тво­ре́н­на­гѡ, всѣ̑мъ жи́знь вды­ха́­ю­ща­гѡ, ᲂу҆­ѧз­влѧ́­е­ма лю­бо́­вїю: сла́д­цѣй є҆гѡ̀ люб­вѝ при­но­ша́­е­ши мѵ́ро, ма­гда­ли́­но, чⷭ҇тна́ѧ ма­рӏ́е, и҆ слє́з­ныѧ про­ли­ва́­е­ши а҆рѡ­ма́­ты.

По стра́­сти бжⷭ҇твен­нѣй, по стра́ш­нѣмъ сп҃со­вѣ воз­не­се́­нїи, пре­хо́­ди­ши, сло́­во всю́­дꙋ чⷭ҇тно́е воз­вѣ­ща́­ю­щи, и҆ мнѡ́­ги ᲂу҆­лов­лѧ́­ю­щи, пре­льща́­ю­щы­ѧ­сѧ не­вѣ́­дѣ­нї­емъ, ꙗ҆́кѡ сло́­ва ᲂу҆­че­ни́­ца сла́в­наѧ.

Бг҃о­ро́­ди­ченъ: И҆з­ба­влѧ́­етъ мѧ̀, па́д­ша­го къ грѣ­хѡ́в­нымъ мно­го­пле­тє́н­нымъ па­де́­жємъ, и҆́же и҆зꙿ тебє̀ ро­ди́­ти­сѧ бл҃го­из­во́­ли­вый за без­мѣ́р­нꙋю млⷭ҇ть, пре­ст҃а́ѧ ѻ҆тро­ко­ви́­це: є҆го́­же ᲂу҆­мо­лѝ, всѧ́­ка­гѡ вре́­да и҆з­ба́­ви­ти­сѧ, вѣ́­рою по­ю́­щымъ тѧ̀.

Пѣ́снь ѕ҃.

І҆р­мо́съ: Ѡ҆чⷭ҇ти мѧ̀, сп҃се, мнѡ́­га бо без­за­кѡ́­нїѧ моѧ̑, и҆ и҆зꙿ глꙋ­би­ны̀ ѕѡ́лъ воз­ве­дѝ, мо­лю́­сѧ: къ тебѣ́ бо во­зо­пи́хъ, и҆ ᲂу҆­слы́­ши мѧ̀, бж҃е сп҃се́­нїѧ мо­е­гѡ̀.

Гла­гѡ́лъ тво­и́хъ ѡ҆ро­ше́­нїе пе­ча́­ли ва́ръ ѿѧ́тъ ᲂу҆­че­ни­кѡ́въ, чⷭ҇тна́ѧ, ꙗ҆́ко­же во­зо­пи́­ла є҆сѝ: хрⷭ҇то́съ во­ста̀, жи­во́тъ ꙗ҆ви́­сѧ, ꙗ҆́сное ѡ҆бли­ста̀ сл҃нце.

Сѐ твоѧ̀ свѣ­то­за́р­наѧ па́­мѧть воз­сїѧ̀, про­свѣ­ща́­ю­щи вѣ̑р­ныѧ, въ не́й по­ю́­щыѧ тѧ̀, и҆ тьмꙋ̀ го­нѧ́­щи лꙋ­ка́­выхъ бѣ­сѡ́въ и҆с­кꙋ­ше́­нїѧ, до­сто­чꙋ́д­наѧ.

Бг҃о­ро́­ди­ченъ: Сщ҃е́н­ства мы́­слен­ное и҆ не­при­кос­но­ве́н­ное ѡ҆чи­сти́­ли­ще, свѣ́щ­никъ свѣ­то­ви́­денъ ꙗ҆ви́­ла­сѧ є҆сѝ, и҆ мо́стъ, къ бг҃ꙋ пре­во­дѧ́й, и҆с­по­вѣ́­да­ю­щымъ тѧ̀ бцⷣꙋ, пре­не­по­ро́ч­наѧ.

Кон­да́къ, гла́съ г҃. По­до́­бенъ: Дв҃а дне́сь:

Пред­сто­ѧ́­щи, пре­сла́в­наѧ, ᲂу҆ крⷭ҇та̀ сп҃со­ва, со и҆ны́­ми мно́­ги­ми, и҆ мт҃ри гдⷭ҇ни со­стра́­ждꙋ­щи, и҆ сле́­зы то­ча́­щи, сїѐ въ по­хва­лꙋ̀ при­но­ша́­ше, гла­го́­лю­щи: что̀ сїѐ є҆́сть стра́н­ное чꙋ́до, со­дер­жа́й всю̀ тва́рь по­стра­да́­ти и҆з­во́­ли; сла́­ва дер­жа́­вѣ тво­е́й.

І҆́косъ: Влⷣка хрⷭ҇то́съ и҆ црь со­зда́­нїѧ, не ѡ҆ста́вль нб҃са̀, сни́­де, ꙗ҆́ко­же и҆з­во́­ли, и҆ пло́ть тлѣ́н­нꙋю вос­прї­ѧ́тъ во́­лею: є҆го́­же ви́­дѣв­ши мт҃и не­по­ро́ч­наѧ на крⷭ҇тѣ̀ при­гво­жда́­е­ма, съ дѣ́­ва­ми чⷭ҇тны́­ми пред­сто­ѧ́­щи, и҆ ма­гда­ли́­на ма­рӏ́а пла́­чꙋ­щи. то́й бо та́мѡ сꙋ́­щей, и҆ те­плѣ́й­шꙋю вѣ́рꙋ по­ка­зꙋ́­ю­щей при́­снѡ, по­слѣ́­до­ва­ше хрⷭ҇тꙋ̀, и҆ гро́бъ зрѧ́­ше, ѡ҆жи­да́­ю­щи и҆ во­пї­ю́­щи: по­стра­да́­ти и҆з­во́­лилъ є҆сѝ, сла́­ва дер­жа́­вѣ тво­е́й.

Пѣ́снь з҃.

І҆р­мо́съ: Ѻ҆́тро­цы є҆вре́й­стїи въ пещѝ по­пра́­ша пла́­мень дер­зно­ве́н­нѡ, и҆ на ро́сꙋ ѻ҆́гнь пре­ло­жи́­ша, во­пї­ю́­ще: бл҃го­сло­ве́нъ є҆сѝ, гдⷭ҇и бж҃е, во вѣ́ки.

Не­дꙋ́­ги ѿгна́­ла є҆сѝ раз­ли̑ч­ныѧ, спо­спѣ­ше­ствꙋ́­ю­ща­го тебѣ̀ сло́­ва и҆мꙋ́­щи, є҆мꙋ́­же пред­сто­и́­ши ны́нѣ, во­пї­ю́­щи, мѷ­ро­но́­си­це: бл҃го­сло­ве́нъ є҆сѝ, гдⷭ҇и бж҃е, во вѣ́ки.

Є҆ди́­на ви́­дѣ­ла є҆сѝ, пре́­жде и҆нѣ́хъ, жи­во­та̀ на́­ше­го хрⷭ҇та̀ во­ста́в­ша, вер­то­гра́­да­рѧ же того̀ не­пще­ва́­ла є҆сѝ, во­пї­ю́­щи: бл҃го­сло­ве́нъ є҆сѝ, гдⷭ҇и бж҃е, во вѣ́ки.

Бг҃о­ро́­ди­ченъ: Оу҆­ста́­ви­ла є҆сѝ те­че́­нїе сме́рт­ное, без­сме́рт­на­го бг҃а ꙗ҆́кѡ за­че́н­ши и҆ ро́жд­ши, чⷭ҇таѧ, є҆мꙋ́­же всѝ по­и́мъ: бл҃го­сло­ве́нъ є҆сѝ, гдⷭ҇и бж҃е, во вѣ́ки.

Пѣ́снь и҃.

І҆р­мо́съ: Се­дме­ри́­цею пе́щь хал­де́й­скїй мꙋ­чи́­тель бг҃о­че­сти̑­вымъ не­и́­стов­нѡ раз­жжѐ, си́­лою же лꙋ́ч­шею сп҃сє́­ны сїѧ̑ ви́­дѣвъ, твор­цꙋ̀ и҆ и҆з­ба́­ви­те­лю во­пї­ѧ́­ше: ѻ҆́тро­цы, бл҃го­сло­ви́­те, сщ҃е́н­ни­цы, вос­по́й­те, лю́­дїе, пре­воз­но­си́­те во всѧ̑ вѣ́ки.

Свѣ́т­ло ꙗ҆ви́­сѧ жи­тїѐ твоѐ, за­рѧ́­ми ѡ҆бли­ста̀, Ѽ ма­гда­ли́­но! до­бро­дѣ́­тель­ныхъ дѣ­ѧ́­нїй, бжⷭ҇твен­на­гѡ про­по­вѣ́­да­нїѧ, є҆́же къ бж҃їю ма­но­ве́­нїю, и҆ лꙋ­ча́­ми ꙗ҆́же къ зи­жди́­те­лю люб­вѐ, є҆мꙋ́­же по­е́­ши со а҆́гг҃лы: сщ҃е́н­ни­цы, по́й­те, лю́­дїе, пре­воз­но­си́­те є҆го̀ во вѣ́ки.

Оу҆ крⷭ҇та̀ пред­сто­ѧ́­ла є҆сѝ, зрѧ́­щи не­пра́­вед­ное, сла́в­наѧ, за­ко­ле́­нїе, себѐ и҆з­лї­ѧ́в­ша­гѡ за не­из­ре­че́н­нꙋю млⷭ҇ть: и҆ сте­на̑­нїи и҆ сле­за́­ми ѡ҆б­ли­ва́­е­ма, что̀ стра́н­ное, во­пї­ѧ́­ла є҆сѝ, ма­рӏ́е, чꙋ́до; ка́кѡ ᲂу҆­мерщ­влѧ́­ет­сѧ и҆ ᲂу҆­ми­ра́­етъ, сме́рть ᲂу҆­мер­тви́­вый, жи­во́тъ сы́й є҆сте­ство́мъ;

Бг҃о­ро́­ди­ченъ: Ꙗ҆́кѡ бж҃їю мт҃рь, тѧ̀ є҆ди­но­мꙋ́­дрен­нѡ сла́­вимъ, и҆ тва́­ри вы́ш­шꙋю, чⷭ҇таѧ: ѡ҆ тебѣ́ бо ѡ҆сꙋ­жде́­нїе, є҆́же ѿ а҆да́­ма, по­тре­би́­сѧ, и҆ ѿстꙋ́пль­шее при­сво́­и­сѧ че­ло­вѣ́­кѡвъ сꙋ­ще­ство̀, по­ю́­щее: сщ҃е́н­ни­цы, бл҃го­сло­ви́­те, лю́­дїе, пре­воз­но­си́­те є҆го̀ во вѣ́ки.

Пѣ́снь ѳ҃.

І҆р­мо́съ: Оу҆­жа­се́­сѧ ѡ҆ се́мъ нб҃о, и҆ зе­млѝ ᲂу҆­ди­ви́­ша­сѧ кон­цы̀, ꙗ҆́кѡ бг҃ъ ꙗ҆ви́­сѧ че­ло­вѣ́­кѡмъ пло́т­ски, и҆ чре́­во твоѐ бы́сть про­стра́н­нѣй­шее не­бе́съ. тѣ́мъ тѧ̀, бцⷣꙋ, а҆́гг҃лѡвъ и҆ че­ло­вѣ̑къ чи­но­на­ча̑­лїѧ ве­ли­ча́­ютъ.

Къ бжⷭ҇твен­нѣй пре­ло­жи́­ла­сѧ є҆сѝ ны́нѣ ра́­до­сти, къ ра́й­стѣй ши­ро­тѣ̀ про­стра́н­нѣй, къ мы́­слєн­нымъ и҆ пре­мі̑р­нымъ ѻ҆би́­те­лемъ, и҆дѣ́­же прпⷣбныхъ чи́­но­ве, и҆дѣ́­же є҆́сть гла́съ чⷭ҇тъ свѣ́т­лѡ пра́з­днꙋ­ю­щихъ, ма­рӏ́е бг҃о­но́с­наѧ. тѣ́м­же тѧ̀ всѝ ᲂу҆­бл҃жа́­емъ.

Ни­что́­же пред­по­чла̀ є҆сѝ сꙋ́­щихъ на зе­млѝ па́че люб­вѐ хрⷭ҇та̀ бг҃а, но тогѡ̀ є҆ди́­на­гѡ снѣ­да́­е­ма до­бро́­та­ми, и҆ не­по­сре́д­ствен­нѡ, все­чⷭ҇тна́ѧ, по­сы­ла́­е­мы­ми лꙋ­ча́­ми, сто­па́мъ сегѡ̀, во­пї­ѧ́­ла є҆сѝ, по­слѣ́­дꙋ­ю­щи: тѧ̀ ве­ли­ча́ю, мно­го­млⷭ҇ти­ве.

Ѡ҆бо­же́­нїе по­лꙋ­чи́в­ши бг҃о­тво́р­ное, и҆ по­то́­ка на­пи́в­ши­сѧ блгⷣти, и҆ мзды̀ бо­лѣ́­зней прї­е́м­ши бг҃о­на­ча́ль­нѡ, и҆ а҆пⷭ҇ль­скимъ чи­нѡ́мъ сче­та́­е­ма, ма­гда­ли́­но, ᲂу҆­че­ни́­це сло́­ва, лю­бо́­вїю чтꙋ́­щыѧ тѧ̀ тво­и́­ми мл҃тва­ми со­хра­нѝ.

Бг҃о­ро́­ди­ченъ: Ꙗ҆́кѡ мт҃и по­стра­да́в­ша­гѡ за ны̀, дꙋ­ше­тлѣ́н­ныхъ стра­сте́й мѧ̀ и҆з­ба́­ви: ꙗ҆́кѡ млⷭ҇ти­ва, раз­рѣ­шѝ со­грѣ­ше́­нїй мо­и́хъ пле­ни̑­цы: ꙗ҆́кѡ бл҃га̀, ᲂу҆­бл҃жѝ ны́нѣ дꙋ́шꙋ мою̀, ѡ҆ѕло́б­лен­нꙋю бѣ­со́в­ски­ми и҆с­кꙋ­шє́­нїи, дв҃о бцⷣе, да пою́ тѧ, все­пѣ́­тꙋю.

Свѣ­ти́­ленъ.

По­до́­бенъ: Свѣ́­те не­из­мѣ́н­ный:

Сл҃нце не­за­хо­ди́­мое, ѻ҆тро­ко­ви́­це, є҆́же ѿ ѻ҆ц҃а̀ пре́­жде вѣ̑къ воз­сї­ѧ́в­шее, во гро́­бѣ є҆вре́й­скїй со́нмъ за­пе­ча́­та: но во­скре́с­ша­го ви́­дѣ­ла є҆сѝ пе́р­вѣе, ма­рӏ́е, и҆ ᲂу҆­че­ни­кѡ́мъ воз­вѣ­сти́­ла є҆сѝ. Два́­жды.

Сла́­ва, и҆ ны́нѣ, бг҃о­ро́­ди­ченъ:

Свѣ́тъ, про­сї­ѧ́­вый без­лѣ́т­нѡ и҆зꙿ ѻ҆ц҃а̀ пре́­жде вѣ­кѡ́въ, въ лѣ́то ны́нѣ на­по­слѣ́­докъ и҆зꙿ тебє̀, дв҃о, про­зѧ­бѐ на сп҃се́­нїе мӏ́ра, къ не­мꙋ́­же не ѡ҆ста́­ви ѡ҆ мӏ́рѣ мо­ли́­ти­сѧ.

На хва­ли́­техъ стї­хи̑­ры, гла́съ а҃.

Тво­ре́­нїе ма́р­ково.

По­до́­бенъ: Нбⷭ҇ныхъ чи­нѡ́въ:

Мѷ­ро­но́­си­це, ст҃а́ѧ ма­рӏ́е ма­гда­ли́­но,* любы̀ хрⷭ҇то́­ва при­ве­дѐ тебѐ на гро́бъ* ѕѣлѡ̀ ра́нѡ, во є҆ди́­нꙋ ѿ сꙋб­бѡ́тъ.* и҆ мы̀ въ мл҃твѣ при­па́­да­емъ тѝ:* молѝ воз­лю́б­лен­на­го то­бо́ю,* да да́стъ на́мъ вос­пѣ́­ти тѧ̀ до­сто́й­ны­ми хва­ла́­ми.

По­слѣ́­дꙋ­ю­ще мѷ­ро­но́­си­цѣ ма­рӏ́и,* при­па­де́мъ, Ѽ праз­дно­лю́б­цы,* къ но­га́­ма сп҃си́­те­ле­вы­ма,* да и҆ мы̀ ᲂу҆­слы́­шимъ* слад­ча́й­шїй є҆гѡ̀ гла́съ:* и҆дꙋ̀ къ ѻ҆ц҃ꙋ̀ мо­е­мꙋ̀ и҆ ѻ҆ц҃ꙋ̀ ва́­ше­мꙋ.

Ѿ гро́­ба ѿшла̀ є҆сѝ скор­бѧ́­щи,* но ра́­дость ѡ҆б̾­ѧ́тъ тѧ̀,* є҆гда̀ ᲂу҆­зрѣ́­ла є҆сѝ гдⷭ҇а:* по­да́ждь же и҆ на́мъ* съ то­бо́ю хва­ли́­ти вы́нꙋ* во­скре́с­ша­го ᲂу҆­чи́­те­лѧ.

Не при­ка­са́й­сѧ мнѣ̀,* гдⷭ҇ь тебѣ̀ речѐ,* не ᲂу҆̀ бо взы­до́хъ ко ѻ҆ц҃ꙋ̀ мо­е­мꙋ̀:* мы́ же вос­хо́­димъ ны́нѣ къ ѻ҆ц҃ꙋ̀ нбⷭ҇но­мꙋ.* мл҃тва­ми ст҃ы́ѧ ма­рӏ́и ма­гда­ли́­ны,* гдⷭ҇и, по­ми́­лꙋй на́съ.

Сла́­ва, гла́съ д҃:

Лю­бо́вь хрⷭ҇то́­вꙋ да́ждь и҆ на́мъ, не­до­стѡ́й­нымъ ᲂу҆­че­ни­кѡ́мъ тво­и̑мъ, да вы́нꙋ хва́­лимъ хрⷭ҇та̀, во­скре́с­ша­го на́съ ра́ди, и҆ млⷭ҇тїю сво­е́ю со­во­скре­си́в­ша­го ны̀.

И҆ ны́нѣ, бг҃о­ро́­ди­ченъ, гла́съ то́й­же:

Є҆ди́­на чⷭ҇таѧ и҆ пре­чⷭ҇таѧ дв҃о, ꙗ҆́же бг҃а без­сѣ́­мен­нѡ ро́жд­шаѧ, молѝ сп҃сти́­сѧ дꙋ­ша́мъ на́­шымъ.

Сла­во­сло́­вїе ве­ли́­кое. Тро­па́рь ст҃ы́ѧ, Сла́­ва, и҆ ны́нѣ: бг҃о­ро́­ди­ченъ во­скрⷭ҇нъ: Га­врї­и́­лꙋ вѣ­ща́в­шꙋ: Є҆ктє­нїѝ, и҆ ѿпꙋ́стъ.

На лї­тꙋр­гӏ́и, бл҃жє́н­на ѿ ка­нѡ́­на ст҃ы́ѧ, на и҃, пѣ́снь г҃ и҆ ѕ҃.

Про­кӏ́­менъ, гла́съ д҃: Ди́­венъ бг҃ъ во ст҃ы́хъ сво­и́хъ, бг҃ъ і҆и҃левъ.

Стӏ́хъ: Въ це́р­квахъ бл҃го­сло­ви́­те бг҃а, гдⷭ҇а, ѿ и҆стѡ́ч­никъ і҆и҃ле­выхъ.

А҆пⷭ҇лъ къ ко­рӏ́н­ѳѧ­нѡмъ, за­ча́­ло рм҃а.

А҆л­ли­лꙋ́­їа, гла́съ а҃: Тер­пѧ̀, по­тер­пѣ́хъ гдⷭ҇а.

Стӏ́хъ: И҆ внѧ́тъ мѝ, и҆ ᲂу҆­слы́­ша мл҃твꙋ мою̀.

Є҆ѵⷢ҇лїе ѿ лꙋкѝ, за­ча́­ло рв҃і.

При­ча́­стенъ: Въ па́­мѧть вѣ́ч­нꙋю: