Мѣ́­сѧ­ца ма́р­та въ к҃є-й де́нь, и҆ а҆́ѵ­гꙋ­ста въ л҃-й де́нь.

Слꙋ́жба прпⷣбномꙋ и҆ бг҃оно́сномꙋ ѻ҆тцꙋ̀ на́шемꙋ і҆ꙋстӏ́нꙋ се́рбскомꙋ.

На вели́цѣй вече́рни.

На Гдⷭ҇и, воз­зва́хъ: стї­хи̑­ры, гла́съ є҃.

По­до́­бенъ: Прпⷣбне ѻ҆́тче:

Прпⷣбне ѻ҆́тче, бг҃о­но́­се і҆ꙋ­стӏ́­не,* въ при­вре́­мен­нѣй жи́­зни ꙗ҆́ко­же дре́в­нїи ст҃ӏ́и по­дви­за́л­сѧ є҆сѝ,* въ пѣ́­нї­ихъ и҆ по­ще́­нї­ихъ и҆ бдѣ́­нї­ихъ,* ѡ҆́бразъ бы́въ тво­и̑мъ ᲂу҆­че­ни­кѡ́мъ:* ны́нѣ же ли­кꙋ́­е­ши со а҆́гг҃лы,* хрⷭ҇та̀ не­пре­ста́н­нѡ сла­во­сло́­вѧ,* безꙿ сѣ́­ме­не за­ча́в­ша­го­сѧ со а҆р­ха́гг҃ль­скимъ гла́­сомъ,* и҆ во ᲂу҆­тро́­бꙋ не­и­скꙋ­со­бра́ч­ныѧ бг҃о­ѻ­тро­ко­ви́­цы все́ль­ша­го­сѧ.* того̀ молѝ, томꙋ̀ по­мо­ли́­сѧ, прпⷣбне,* да­ро­ва́­ти цр҃кви є҆ди­но­мы́­слїе,* ми́ръ и҆ ве́­лїю млⷭ҇ть.

Прпⷣбне ѻ҆́тче, бг҃о­но́­се і҆ꙋ­стӏ́­не,* ѡ҆брѣ́т­ши, ꙗ҆́ко­же же­ла́­ше,* бг҃о­ли́­кꙋю твою̀ дꙋ́шꙋ,* дх҃а все­сла́д­каѧ блгⷣть въ тѧ̀ все­ли́­сѧ,* ꙗ҆́кѡ пре­мꙋ́­дро­сти свѣ́тъ,* и҆ бг҃о­мꙋ́­дра­го тѧ̀ па́­сты­рѧ по­ка­за̀,* сп҃си́­тель­ное до­мо­стро­и́­тель­ство бл҃го­вѣ­сти́­ти,* къ на́мъ при­ше́д­ша­гѡ сло́­ва,* пло́ть ѿ дв҃ы прї­е́м­ша­гѡ.* того̀ молѝ, томꙋ̀ по­мо­ли́­сѧ, прпⷣбне,* да­ро­ва́­ти все­ле́н­нѣй є҆ди­но­мы́­слїе,* ми́ръ и҆ ве́­лїю млⷭ҇ть.

Прпⷣбне ѻ҆́тче, бг҃о­но́­се і҆ꙋ­стӏ́­не,* во­и́­стин­нꙋ спо­до́­бил­сѧ є҆сѝ бжⷭ҇твен­ныѧ жи́­зни,* чⷭ҇тѣ́й­шимъ бг҃о­сло́­вї­емъ и҆ мл҃твою сїю̀ ѡ҆брѣ́тъ,* и҆ до­бро­дѣ́­тель­ми без­сме́рт­ны­ми ᲂу҆­кра­си́в­сѧ,* къ го́р­ней жи́­зни пре­ста́­вил­сѧ є҆сѝ,* пꙋ́ть ѡ҆бо­же́­нїѧ всѣ̑мъ ре́къ,* и҆ со без­пло́т­ны­ми хрⷭ҇та̀ не­пре­ста́н­нѡ сла­во­сло́­вѧ,* во­чл҃вѣ́ч­ша­го­сѧ бг҃а,* че­ло­вѣ́­ка бо́­гомъ со­дѣ́­лав­ша­го.* того̀ молѝ, томꙋ̀ по­мо­ли́­сѧ, прпⷣбне,* низ­по­сла́­ти­сѧ на́мъ и҆ мӏ́рꙋ,* бг҃о­тво­рѧ́­щей блгⷣти и҆ ве́­лї­ей млⷭ҇ти.

Сла́­ва, гла́съ в҃:

Бл҃го­вѣст­вꙋ́­етъ дне́сь і҆ꙋ­стӏ́нъ бг҃о­гла­го́­ли­вый, бг҃о­чл҃вѣ́­че­скїѧ кра­со­ты̀ вы­со́­кимъ про­по­вѣ́­да­нї­емъ, и҆ ра́­дꙋ­ет­сѧ ѡ҆ не́мъ цр҃ковь се́рб­скаѧ, и҆ всѝ зем­нӏ́и кон­цы̀ све­се­лѧ́т­сѧ, ꙗ҆́кѡ ᲂу҆­ди­вѝ гдⷭ҇ь млⷭ҇ть свою̀ на на́съ, и҆ ꙗ҆вѝ на́мъ но́­ва­го мл҃твен­ни­ка, и҆ пред­ста́­те­лѧ и҆ ᲂу҆­чи́­те­лѧ. сегѡ̀ ра́ди всѝ зо­ве́мъ: ра́­дꙋй­сѧ, і҆ꙋ­стӏ́­не зла­то­гла­го́­ли­вый, є҆ди­нон­ра́в­ный зла­то­ꙋ́­стꙋ бжⷭ҇твен­но­мꙋ, и҆́мже вѣн­ча́л­сѧ є҆сѝ въ про­по­вѣ́д­ни­ки, зла­то­трꙋ́б­ны­ми гла­гѡ́­лы про­свѣ­ща́­ти зем­нӏ́и кон­цы̀.

И҆ ны́нѣ, бг҃о­ро́­ди­ченъ до­гма́­тїкъ, гла́съ то́й­же: Пре́й­де сѣ́нь за­ко́н­наѧ:

Вхо́дъ, про­кӏ́­менъ днѐ, и҆ чтє́­нїѧ трѝ.

Пре­мꙋ́­дро­сти со­ло­мѡ́­но­вы чте́­нїе:

Првⷣныхъ дꙋ́шы въ рꙋцѣ̀ бж҃ї­ей, и҆ не при­ко́с­нет­сѧ и҆́хъ мꙋ́ка. Не­пще­ва́­ни бы́ша во ѻ҆че­сѣ́хъ без­ꙋ́м­ныхъ ᲂу҆­мре́­ти, и҆ вмѣ­ни́­сѧ ѡ҆ѕло­бле́­нїе и҆с­хо́дъ и҆́хъ, и҆ є҆́же ѿ на́съ ше́­ствїе со­крꙋ­ше́­нїе: ѻ҆ни́ же сꙋ́ть въ ми́рѣ. И҆́бо предꙿ ли­це́мъ че­ло­вѣ́­че­скимъ а҆́ще и҆ мꙋ́кꙋ прї­и́­мꙋтъ, ᲂу҆­по­ва́­нїе и҆́хъ без­сме́р­тїѧ и҆с­по́л­не­но. И҆ вма́­лѣ на­ка́­за­ни бы́в­ше, ве­ли́­ки­ми бл҃го­дѣ́­тель­ство­ва­ни бꙋ́­дꙋтъ: ꙗ҆́кѡ бг҃ъ и҆с­кꙋ­сѝ ѧ҆̀, и҆ ѡ҆брѣ́­те и҆̀хъ до­стѡ́й­ны себѣ̀. Ꙗ҆́кѡ зла́­то въ гор­ни́­лѣ и҆с­кꙋ­сѝ и҆̀хъ, и҆ ꙗ҆́кѡ все­пло́­дїе же́р­твен­ное прї­ѧ́тъ ѧ҆̀. И҆ во вре́­мѧ по­сѣ­ще́­нїѧ и҆́хъ воз­сї­ѧ́­ютъ, и҆ ꙗ҆́кѡ и҆́скры по сте́­блїю по­те­кꙋ́тъ. Сꙋ́­дѧтъ ꙗ҆зы́­кѡмъ, и҆ ѡ҆бла­да́­ютъ людь­мѝ, и҆ во­цр҃и́т­сѧ гдⷭ҇ь въ ни́хъ во вѣ́ки. На­дѣ́­ю­щї­и­сѧ на́нь раз­ꙋ­мѣ́­ютъ и҆́сти­нꙋ, и҆ вѣ́р­нїи въ люб­вѝ пре­бꙋ́­дꙋтъ є҆мꙋ̀: ꙗ҆́кѡ блгⷣть и҆ млⷭ҇ть въ прпⷣбныхъ є҆гѡ̀, и҆ по­сѣ­ще́­нїе во и҆з­бра́н­ныхъ є҆гѡ̀.

Пре­мꙋ́­дро­сти со­ло­мѡ́­но­вы чте́­нїе:

Првⷣни­цы во вѣ́ки жи­вꙋ́тъ, и҆ въ гдⷭ҇ѣ мзда̀ и҆́хъ, и҆ по­пе­че́­нїе и҆́хъ ᲂу҆ вы́ш­нѧ­гѡ. Сегѡ̀ ра́ди прї­и́­мꙋтъ црⷭ҇твїе бл҃го­лѣ́­пїѧ, и҆ вѣ­не́цъ до­бро́­ты ѿ рꙋкѝ гдⷭ҇ни: занѐ де­сни́­цею по­кры́­етъ ѧ҆̀, и҆ мы́ш­цею за­щи­ти́тъ и҆̀хъ. Прї­и́­метъ все­ѡ­рꙋ́­жїе рве́­нїе своѐ, и҆ во­ѡ­рꙋ­жи́тъ тва́рь въ ме́сть вра­гѡ́мъ. Ѡ҆б­ле­че́т­сѧ въ бро­нѧ̀ пра́­вды, и҆ воз­ло­жи́тъ шле́мъ, сꙋ́дъ не­ли­це­мѣ́­ренъ. Прї­и́­метъ щи́тъ не­по­бѣ­ди́­мый, прпⷣбїе: По­ѻ­стри́тъ же на­пра́с­ный гнѣ́въ во ѡ҆рꙋ́­жїе: спо­бо́­ретъ же съ ни́мъ мӏ́ръ на без­ꙋ̑м­ныѧ. По́й­дꙋтъ пра­во­лꙋ̑ч­ныѧ стрѣ́­лы мѡ́л­нї­и­ны, и҆ ꙗ҆́кѡ ѿ бл҃го­крꙋ́­гла лꙋ́ка ѻ҆бла­кѡ́въ, на на­мѣ́­ре­нїе по­ле­тѧ́тъ. И҆ ѿ ка­ме­но­ме́т­ныѧ ꙗ҆́ро­сти и҆с­по́лнь па­дꙋ́тъ гра́­ды: воз­не­го­дꙋ́­етъ на ни́хъ вода̀ мор­ска́ѧ, рѣ́ки же по­то­пѧ́тъ ѧ҆̀ на́­глѡ. Со­про­ти́въ ста́­нетъ и҆̀мъ дꙋ́хъ си́лы, и҆ ꙗ҆́кѡ ви́­хоръ раз­вѣ́­етъ и҆̀хъ, И҆ ѡ҆пꙋ­сто­ши́тъ всю̀ зе́­млю без­за­ко́­нїе, и҆ ѕло­дѣ́й­ство пре­вра­ти́тъ пре­сто́­лы си́ль­ныхъ. Слы́­ши­те ᲂу҆̀бо, ца́­рїе, и҆ раз­ꙋ­мѣ́й­те: на­вы́­кни­те, сꙋ­дїи̑ кон­цє́въ зе­млѝ. Внꙋ­ши́­те, дер­жа́­щїи мно́­жє­ства, и҆ гор­дѧ́­щї­и­сѧ ѡ҆ на­ро́­дѣхъ ꙗ҆зы́­кѡвъ: Ꙗ҆́кѡ дана̀ є҆́сть ѿ гдⷭ҇а дер­жа́­ва ва́мъ, и҆ си́ла ѿ вы́ш­нѧ­гѡ.

Пре­мꙋ́­дро­сти со­ло­мѡ́­но­вы чте́­нїе:

Првⷣникъ, а҆́ще по­сти́г­нетъ скон­ча́­ти­сѧ, въ по­ко́и бꙋ́­детъ. Ста́­рость бо чⷭ҇тна̀ не мно­го­лѣ́т­на, нижѐ въ чис­лѣ̀ лѣ́тъ и҆с­чи­та́­ет­сѧ. Сѣ­ди́­на же є҆́сть мꙋ́­дрость че­ло­вѣ́­кѡмъ, и҆ во́з­растъ ста́­ро­сти жи­тїѐ не­скве́р­ное. Бл҃го­ꙋ­го́­денъ бг҃о­ви бы́въ, воз­лю́б­ленъ бы́сть, и҆ жи­вы́й по­сре­дѣ̀ грѣ̑ш­никъ, пре­ста́в­ленъ бы́сть: Вос­хи­ще́нъ бы́сть, да не ѕло́­ба и҆з­мѣ­ни́тъ ра́з­ꙋ­ма є҆гѡ̀, и҆лѝ ле́сть пре­льсти́тъ дꙋ́шꙋ є҆гѡ̀. Ра­че́­нїе бо ѕло́­бы по­мра­ча́­етъ дѡ́­браѧ, и҆ па­ре́­нїе по́­хо­ти пре­мѣ­нѧ́­етъ ѹ҆́мъ не­ѕло́­бивъ. Скон­ча́в­сѧ вма́­лѣ, и҆с­по́л­ни лѣ̑та дѡ́л­га: Оу҆­го́д­на бо бѣ̀ гдⷭ҇е­ви дꙋша̀ є҆гѡ̀: сегѡ̀ ра́ди по­тща́­сѧ ѿ сре­ды̀ лꙋ­ка́в­ствїѧ. Лю́­дїе же ви́­дѣв­ше, и҆ не раз­ꙋ­мѣ́в­ше, нижѐ по­ло́ж­ше въ по­мыш­ле́­нїи та­ко­во́е: ꙗ҆́кѡ блгⷣть и҆ млⷭ҇ть въ прпⷣбныхъ є҆гѡ̀, и҆ по­сѣ­ще́­нїе во и҆з­бра́н­ныхъ є҆гѡ̀.

На стї­хо́в­нѣ стї­хи̑­ры, гла́съ а҃.

По­до́­бенъ: Нбⷭ҇ныхъ чи­нѡ́въ:

Бг҃о­но́­се і҆ꙋ­стӏ́­не,* бг҃а сло́­ва бл҃го­вѣ́ст­ни­че,* пре­вы­со́­кимъ бг҃о­сло́­вї­емъ ᲂу҆­кра­си́­вый цр҃ковь,* ꙗ҆́ко­же цвѣ­ты̀ бл҃го­чⷭ҇тїѧ воз­ра­сти́въ въ дꙋшѝ тво­е́й,* ꙗ҆ви́л­сѧ є҆сѝ жи­во­но́с­ный са́дъ цр҃кве се́рб­скїѧ,* и҆ мл҃твен­никъ при­лѣ́ж­ный ѡ҆ всѣ́хъ на́съ.

Стӏ́хъ: Бл҃го­вѣ­сти́­те де́нь ѿ днѐ сп҃се́­нїе бг҃а на́­ше­гѡ.

Бг҃о­мꙋ́­дре ѻ҆́тче і҆ꙋ­стӏ́­не,* до­гма́­ты, ꙗ҆́кѡ ба́ш­ню крѣ́п­кꙋю, во­дрꙋ­зи́лъ є҆сѝ,* и҆ лжеи­ме́н­ный ра́з­ꙋмъ, ꙗ҆́кѡ ва­вѷ­лѡ́н­скїй сто́лпъ, со­крꙋ­ши́въ,* и҆́сти­нꙋ въ бг҃о­чл҃вѣ́­цѣ во­пло­ще́н­нꙋю бл҃го­вѣ­сти́лъ є҆сѝ,* не­по­бѣ­ди́­мый по­бо́р­ни­че пра­во­сла́­вїѧ:* молѝ сп҃сти́­сѧ всѣ̑мъ на́мъ.

Стӏ́хъ: Ч҇ⷭтна̀ предꙿ гдⷭ҇емъ сме́рть прпⷣбныхъ є҆гѡ̀.

Бг҃о­бл҃же́н­не і҆ꙋ­стӏ́­не,* во́­и­не крѣ́п­кїй хрⷭ҇та̀ бг҃а,* на де́­мо­ны во­ѡ­рꙋ­жи́в­сѧ не­пре­ста́н­ною мл҃твою,* и҆ стра̑­сти низ­ло­жи́въ по­ще́­нї­емъ,* до­бро­дѣ́­те­лей со­бра́въ ве­ли́­кое мно́­же­ство,* ꙗ҆́кѡ тро­фе́й по­бѣ­до­но́с­ный жи­тїѐ ст҃о́е при­не́слъ є҆сѝ хрⷭ҇тꙋ̀. Сла́­ва, гла́съ ѕ҃:

Ꙗ҆́кѡ се́рпъ и҆зꙿѻ­стри́­вый сло́­во, пле́­вєлы по­сѣ́клъ є҆сѝ но́­выхъ є҆ре­се́й, и҆ но́ги твоѧ̑ кра̑с­ны со­дѣ́­ѧлъ є҆сѝ, бл҃го­вѣст­вꙋ́ѧ мӏ́рꙋ вы́ш­нїи ми́ръ, на стра̑­сти же ᲂу҆­мо­врє́д­ныѧ ѡ҆пол­чи́в­сѧ до­бро­дѣ́­ла­нї­емъ, и҆ ко­пї­е́мъ сми­рен­но­мꙋ́­дрїѧ ра­зо­ри́въ бѣ­сѡ́в­скаѧ пѡ́л­чи­ща, по­бѣ́д­ны­ми по́­честь­ми ᲂу҆­кра­си́л­сѧ є҆сѝ, ѿ бг҃а прї­е́мъ не­тлѣ́н­ный вѣ­не́цъ. сегѡ̀ ра́ди пред­стоѧ̀ прⷭ҇то́­лꙋ все­дер­жи́­те­лѧ, мо­ли́­сѧ со дер­зно­ве́­нї­емъ ѡ҆ ста́­дѣ тво­е́мъ, ѻ҆́тче і҆ꙋ­стӏ́­не, и҆з­ба́­ви­ти­сѧ на́мъ ѿ сѣ́­тей льсти́­ва­гѡ ѕмӏ́ѧ, и҆ ᲂу҆­лꙋ­чи́­ти млⷭ҇ть въ де́нь сꙋ́д­ный.

И҆ ны́нѣ, бг҃о­ро́­ди­ченъ, гла́съ то́й­же: Тво­ре́цъ и҆ и҆з­ба́­ви­тель мо́й:

Тро­па́рь, гла́съ и҃. Є҆́л­лин­скїй:

Пра­во­сла́­вїѧ сла́­дость и҆ не́­ктаръ, ѻ҆́тче прбⷣ­не, и҆с­то­чи́лъ є҆сѝ ꙗ҆́кѡ бо­га́т­ство вѣ̑р­нымъ серд­ца́мъ, жи­тї­е́мъ тво­и́мъ и҆ ᲂу҆­че́­нї­емъ ꙗ҆ви́в­сѧ жи­ва́ѧ кни́­га дх҃а: і҆ꙋ­стӏ́­не бг҃о­мꙋ́­дре, молѝ хрⷭ҇та̀, бг҃а сло́­ва, да ѡ҆бг҃о­сло́­витъ чтꙋ́­щихъ тѧ̀.

На ѹ҆́трени.

На Бг҃ъ гдⷭ҇ь: тро­па́рь два́­жды. Сла́­ва, и҆ ны́нѣ, бг҃о­ро́­ди­ченъ.

По а҃-мъ стї­хо­сло́­вїи сѣ­да́­ленъ, гла́съ д҃:

Ме́р­твыхъ по­мыш­ле́­нїй ѿвра­ти́в­сѧ, пре­бл҃же́н­не і҆ꙋ­стӏ́­не, и҆ воз­же­лѣ́въ слꙋ­жи́­ти бг҃ꙋ жи­во́­мꙋ, вѣ́­рою хрⷭ҇то́­вою ѡ҆бл҃го­ꙋ­ха́лъ є҆сѝ всѧ́­кꙋю мы́сль, при­ча́ст­никъ со­дѣ́­лав­сѧ дх҃а, жи­во­тво­рѧ́­ща­гѡ всѧ́­кое ды­ха́­нїе. сегѡ̀ ра́ди ѡ҆жи­во­тво­рѝ мл҃тва­ми тво­и́­ми, вкꙋ́­пѣ же и҆ по­ꙋ­че́нь­ми, ѡ҆мер­твѣ́в­шыѧ дꙋ́шы на́шѧ, да въ ра́­до­сти съ то­бо́ю во­скре́с­ше­мꙋ хрⷭ҇тꙋ̀ по­е́мъ: а҆л­ли­лꙋ́­їа.

Сла́­ва, и҆ ны́нѣ, бг҃о­ро́­ди­ченъ:

Сло́­во ѻ҆́тчее, хрⷭ҇та̀ бг҃а на́­ше­го, ѿ тебє̀ во­пло­ти́в­ша­го­сѧ по­зна́­хомъ, бцⷣе дв҃о, є҆ди́­на чⷭ҇таѧ, є҆ди́­на бл҃го­сло­ве́н­наѧ: тѣ́мъ не­пре­ста́н­нѡ тѧ̀ вос­пѣ­ва́­ю­ще ве­ли­ча́­емъ.

По в҃-мъ стї­хо­сло́­вїи сѣ­да́­ленъ, гла́съ а҃:

Со­бра́лъ є҆сѝ въ дꙋшѝ бжⷭ҇твен­ное бо­га́т­ство дх҃а, ѻ҆́тче і҆ꙋ­стӏ́­не, не­по­ро́ч­нꙋю мл҃твꙋ, бг҃о­сло́­вїе то­ча́­щꙋю, бдѣ́­нїе все­гда́ш­нее, чⷭ҇то­тꙋ̀ и҆ воз­дер­жа́­нїѧ трꙋ­ды̀, и҆́ми­же до́мъ по­зна́л­сѧ є҆сѝ бж҃їй. сегѡ̀ ра́ди ᲂу҆­мо­лѝ хрⷭ҇та̀, сво­бо­ди́­ти­сѧ на́мъ ѿ не­по­тре́б­ныхъ дѣ́лъ, и҆ стра­сте́й без­че́­стїѧ, да до́мы дх҃а ст҃а́­гѡ ꙗ҆ви́м­сѧ, тво­и̑мъ до­бро­дѣ́­те­лемъ воз­слѣ́д­ствꙋ­ю­ще.

Сла́­ва, и҆ ны́нѣ, бг҃о­ро́­ди­ченъ:

Пре­чⷭ҇таѧ бцⷣе, на нб҃сѣ́хъ бл҃го­сло­ве́н­наѧ, и҆ на зе­млѝ сла­во­сло́­ви­маѧ, ра́­дꙋй­сѧ, не­вѣ́­сто не­не­вѣ́ст­наѧ.

По­лѷ­е­ле́й, и҆ ве­ли­ча́­нїе:

Оу҆­бл҃жа́­емъ тѧ̀, прпⷣбне ѻ҆́тче і҆ꙋ­стӏ́­не, и҆ чти́мъ ст҃ꙋ́ю па́­мѧть твою̀, на­ста́в­ни­че мо­на́­хѡвъ, и҆ со­бе­сѣ́д­ни­че а҆́гг҃лѡвъ.

Ѱа­ло́мъ и҆з­бра́н­ный: Тер­пѧ̀, по­тер­пѣ́хъ гдⷭ҇а, и҆ внѧ́тъ мѝ, и҆ ᲂу҆­слы́­ша мл҃твꙋ мою̀.

По по­лѷ­е­ле́и сѣ­да́­ленъ, гла́съ и҃.

По­до́­бенъ: Пре­мꙋ́­дрость:

Ви­дѣ́­нї­емъ и҆ дѣ­ѧ́­нї­емъ пре­е­сте́­ствен­нѣ про­сї­ѧ́въ, ѡ҆бли­ста́­е­ши ᲂу҆­че́нь­ми:* бг҃о­сло́­вїе бг҃о­чл҃вѣ́­че­ска­гѡ пꙋтѝ ꙗ҆́снѡ и҆зꙿѧ­сни́лъ є҆сѝ, бл҃же́н­не,* ꙗ҆́кѡ при­лѣп­лѧ́­ю­ще­сѧ бг҃ꙋ, ѡ҆бо­же́­нїе прї­е́м­лемъ,* грѣ­хꙋ̀ же при­лѣп­лѧ́­ю­ще­сѧ, низ­вер­га́­ем­сѧ во а҆́дъ.* ѿѻ­нꙋ́­дꙋ­же воз­во́­ди­ши по­слѣ́д­ствꙋ­ю­щыѧ тво­и̑мъ дх҃­но­нѡ́с­нымъ ᲂу҆­че́­нї­ємъ,* ѿ стра­сте́й ти́ны ко хрⷭ҇то­по­дра­жа́­тель­нѣй чⷭ҇то­тѣ̀:* і҆ꙋ­стӏ́­не бг҃о­мꙋ́­дре, молѝ бг҃а сло́­ва,* пре­грѣ­ше́­нїй ѡ҆став­ле́­нїе по­да́­ти чтꙋ́­щымъ лю­бо́­вїю ст҃ꙋ́ю па́­мѧть твою̀.

Сла́­ва, и҆ ны́нѣ, бг҃о­ро́­ди­ченъ:

Ра́­дꙋй­сѧ, а҆́гг҃ломъ ра́­дость ми́ра прї­е́м­шаѧ:* ра́­дꙋй­сѧ, ро́жд­шаѧ твор­ца̀ тво­е­го̀ и҆ гдⷭ҇а:* ра́­дꙋй­сѧ, спо­до́бль­ша­ѧ­сѧ бы́ти мт҃и бж҃їѧ.

Та́же сте­пє́н­на, а҃-й а҆н­тї­фѡ́нъ д҃-гѡ гла́­са.

Про­кӏ́­менъ, гла́съ д҃: Ч҇ⷭтна̀ предꙿ гдⷭ҇емъ сме́рть прпⷣбныхъ є҆гѡ̀.

Стӏ́хъ: Что̀ воз­да́мъ гдⷭ҇е­ви ѡ҆ всѣ́хъ, ꙗ҆̀же воз­да­де́ ми;

Є҆ѵⷢ҇лїе ѿ ма­тѳе́а, за­ча́­ло м҃г.

По н҃-мъ ѱал­мѣ̀: Мл҃тва­ми прпⷣбна­гѡ і҆ꙋ­стӏ́­на:

Та́же стї­хи́­ра, гла́съ в҃:

Бл҃го­вѣст­вꙋ́­етъ дне́сь і҆ꙋ­стӏ́нъ бг҃о­гла­го́­ли­вый, бг҃о­чл҃вѣ́­че­скїѧ кра­со­ты̀ вы­со́­кимъ про­по­вѣ́­да­нї­емъ, и҆ ра́­дꙋ­ет­сѧ ѡ҆ не́мъ цр҃ковь се́рб­скаѧ, и҆ всѝ зем­нӏ́и кон­цы̀ све­се­лѧ́т­сѧ, ꙗ҆́кѡ ᲂу҆­ди­вѝ гдⷭ҇ь млⷭ҇ть свою̀ на на́съ, и҆ ꙗ҆вѝ на́мъ но́­ва­го мл҃твен­ни­ка, и҆ пред­ста́­те­лѧ и҆ ᲂу҆­чи́­те­лѧ. сегѡ̀ ра́ди всѝ зо­ве́мъ: ра́­дꙋй­сѧ, і҆ꙋ­стӏ́­не зла­то­гла­го́­ли­вый, є҆ди­нон­ра́в­ный зла­то­ꙋ́­стꙋ бжⷭ҇твен­но­мꙋ, и҆́мже вѣн­ча́л­сѧ є҆сѝ въ про­по­вѣ́д­ни­ки, зла­то­трꙋ́б­ны­ми гла­гѡ́­лы про­свѣ­ща́­ти зем­нӏ́и кон­цы̀.

Ка­нѡ́нъ бцⷣы, и҆ прпⷣбна­гѡ, є҆гѡ́­же кра­е­гра­не́­сїе: Бл҃го­гла­го́­ли­ва­го і҆ꙋ­стӏ́­на бл҃го­во­с­пою̀.

Гла́съ а҃. Пѣ́снь а҃.

І҆р­мо́съ: Твоѧ̀ по­бѣ­ди́­тель­наѧ де­сни́­ца бг҃о­лѣ́п­нѡ въ крѣ́­по­сти про­сла́­ви­сѧ: та́ бо, без­сме́рт­не, ꙗ҆́кѡ все­мо­гꙋ́­щаѧ, про­ти̑в­ныѧ со­трѐ, і҆и҃ль­тѧ­нѡмъ пꙋ́ть глꙋ­би­ны̀ но­во­со­дѣ́­лав­шаѧ.

При­пѣ́въ: Прпⷣбне ѻ҆́тче і҆ꙋ­стӏ́­не, молѝ бг҃а ѡ҆ на́съ.

Бл҃го­да́ть ѿ бг҃а прї­и́мъ, бл҃го­гла­го́­ли­ве і҆ꙋ­стӏ́­не, ꙗ҆́кѡ кра́с­ный ѻ҆р­га́нъ ꙗ҆ви́л­сѧ є҆сѝ все­ст҃а́­гѡ дх҃а, во­пло­ще́­нїе хрⷭ҇то́­во про­по­вѣ́­давъ и҆зѧ́щ­нѡ: тѣ́м­же и҆ мо­и̑мъ ᲂу҆ст­на́мъ по­да́ждь крас­нѡ̀ тебѐ вос­хва­ли́­ти.

Лѣ́­пот­нѡ вос­пѣ́лъ є҆сѝ три­сї­ѧ́­тель­ное бж҃е­ство̀, бг҃о­мꙋ́­дрѡ и҆зꙿѧ­сни́лъ є҆сѝ тай­но­во́д­ствен­ное ᲂу҆­че́­нїе цр҃кве, тѣ́м­же ꙗ҆́кѡ ᲂу҆­чи́­те­лѧ тѧ̀ вос­хва­лѧ́­ютъ цр҃кви, бл҃же́н­не.

А҆́гг҃ль­ски мꙋ́др­ствꙋѧ, и҆ живѧ̀ на зе­млѝ, нбⷭ҇нымъ про­свѣ́щ­сѧ ѿкро­ве́­нї­емъ, не­при­ча́­стенъ ꙗ҆ви́л­сѧ є҆сѝ скве́р­ны грѣ­ха̀, до­бро­дѣ́­те­ли и҆з­рѧ́д­ный по­дви́ж­ни­че.

Бг҃о­ро́­ди­ченъ: Гдⷭ҇о­ро­ди́­тель­ни­це пре­чⷭ҇таѧ, всеѧ̀ тва́­ри гпⷭ҇жѐ пре­свѣ́т­лаѧ, ᲂу҆­мно́­жи млⷭ҇ти твоѧ̑, всѧ́ бо тва́рь бо­лѣ́знꙋ­етъ, ча́­ю­щи ѿкро­ве́­нїѧ сы­нѡ́въ во­скрⷭ҇нїѧ, и҆ при­ше́­ствїѧ сн҃а тво­е­гѡ̀.

Пѣ́снь г҃.

І҆р­мо́съ: Со­дѣ́­тель­наѧ и҆ со­дер­жи́­тель­наѧ всѣ́хъ, бж҃їѧ мꙋ́­дро­сте и҆ си́ло, не­пре­кло́н­нꙋ, не­дви́­жи­мꙋ цр҃ковь ᲂу҆­твер­дѝ, хрⷭ҇тѐ: є҆ди́нъ бо є҆сѝ ст҃ъ, во ст҃ы́хъ по­чи­ва́­ѧй.

Ѡ҆ст҃и́л­сѧ є҆сѝ пре­свѣ́т­лы­ми лꙋ­ча́­ми, дх҃а бж҃їѧ, ꙗ҆́кѡ пре­свѣ́т­лымъ до­бро­дѣ́­те­ли пꙋ­те́мъ хо­ди́лъ є҆сѝ: тѣ́м­же на сте­зи̑ пра̑­выѧ на­ста́­ви хва́­лѧ­щихъ тебѐ, і҆ꙋ­стӏ́­не.

Гдⷭ҇нь бы́лъ є҆сѝ ᲂу҆­че­ни́къ, прпⷣбне, ꙗ҆́кѡ є҆ѵⷢ҇ль­скимъ мле­ко́мъ во­спи­та́л­сѧ є҆сѝ и҆з­дѣ́т­ска, и҆ бл҃го­чⷭ҇тны­ми дѣ́лы дꙋ́шꙋ ᲂу҆­кра­си́лъ є҆сѝ.

Ле́г­ки­ми кри́­лы ѡ҆б­ле­тѣ́въ ᲂу҆­чє́­нїѧ, не́­ктаръ со­бра́лъ є҆сѝ мꙋ́­дро­сти, въ дꙋ­ше́в­ный ѹ҆́лїй, ст҃е, и҆ нб҃о­мꙋ́­дрен­нꙋю сла́­дость про­из­ве́лъ є҆сѝ.

Бг҃о­ро́­ди­ченъ: А҆́гг҃лѡвъ цр҃ѧ̀ на рꙋкꙋ̀ тво­є́ю но­си́­ла є҆сѝ, бг҃о­мт҃и, ѿ рꙋкѝ че­ло­вѣ­ко­ꙋ­бӏ́й­ствен­ныѧ и҆з­ба́­вив­ша­го че­ло­вѣ́­че­ство, и҆ со а҆́гг҃лы счи­ни́в­ша­го првⷣныхъ ро́дъ.

Сѣ­да́­ленъ, гла́съ з҃:

Мӏ́рꙋ рас­пѧ́л­сѧ є҆сѝ, прпⷣбне, ꙗ҆́кѡ на крⷭ҇тъ себѐ воз­дви́гъ мл҃твен­нымъ со­зер­ца́­нї­емъ, и҆ мӏ́ра не­раз­ꙋ́­мїе рас­пѧ́лъ є҆сѝ, ѻ҆́тче і҆ꙋ­стӏ́­не, ѻ҆́стры­ми гвоздь­мѝ ᲂу҆­че́­нїй тво­и́хъ. сегѡ̀ ра́ди ѡ҆бли­ста́­е­ши по­зна́­нїе и҆́сти­ны, ꙗ҆́кѡ свѣ́тъ во­скрⷭ҇нїѧ, и҆́мже и҆ на́мъ ѡ҆бли­ста́­ти­сѧ молѝ хрⷭ҇та̀ сп҃са.

Сла́­ва, и҆ ны́нѣ, бг҃о­ро́­ди­ченъ:

Ра́­дꙋй­сѧ, не­вмѣ­сти́­ма­го въ нб҃сѣ́хъ вмѣ­сти́в­шаѧ во ᲂу҆­тро́­бѣ тво­е́й: ра́­дꙋй­сѧ, дв҃о, прⷪ҇ро́­кѡвъ про­по­вѣ́­да­нїе, є҆́юже воз­сїѧ̀ є҆м­ма­нꙋ́­илъ: ра́­дꙋй­сѧ, мт҃и хрⷭ҇та̀ бг҃а.

Пѣ́снь д҃.

І҆р­мо́съ: Ве́­лїѧ та́й­на тво­е­гѡ̀, хрⷭ҇тѐ, смо­тре́­нїѧ: сїю́ бо свы́­ше про­ви́­дѧ бг҃о­зри́­тель­нѡ а҆в­ва­кꙋ́мъ, и҆з­ше́лъ є҆сѝ, во­пї­ѧ́­ше тебѣ̀, во сп҃се́­нїе лю­де́й тво­и́хъ, чл҃вѣ­ко­лю́б­че.

Гла́съ сло́­ва бы́въ, і҆ꙋ­стӏ́­не, пред­те́­чи по­дра­жа́ѧ ра­че́­нї­емъ, по­ка­ѧ́­нїе па́д­шымъ про­по­вѣ́­далъ є҆сѝ, и҆ ѡ҆б­ли­чи́лъ є҆сѝ не­пра́­вед­ное вла­сте́й пре­дер­жа́­щихъ.

Ѡ҆нб҃си́лъ є҆сѝ жи­тїѐ твоѐ, мꙋ́­дре, со ст҃ы́­ми на нб҃сѝ дꙋ­ше́ю живѧ̀, ꙗ҆́кѡ и҆ на зе­млѝ по­дра­жа́­ти првⷣно­мꙋ и҆́хъ жи­тїю̀ не­пре­стаѧ̀.

Ли́къ хрⷭ҇то́въ на­пе­ча­тлѣ́лъ є҆сѝ въ дꙋшѝ тво­е́й бг҃о­ѡ­бра́з­нѣй, бы́въ по­дра­жа́­тель хрⷭ҇то́­выхъ скор­бе́й, ꙗ҆́кѡ тер­но́­вый вѣ­не́цъ скор­бе́й но­си́лъ є҆сѝ, і҆ꙋ­стӏ́­не, болѧ̀ ѡ҆ все́й тва́­ри.

Бг҃о­ро́­ди­ченъ: И҆зꙿ ло­же́снъ тво­и́хъ дв҃и́­че­скихъ, пра́­вды воз­сїѧ̀ сл҃нце, все­ле́н­нꙋю всю̀ про­свѣ­ти́въ лꙋ­ча́­ми пре­ст҃ы́­ми: и҆ мою̀ без­за­ко́н­ны­ми дѣ́лы ѡ҆тем­нѣ́н­нꙋю дꙋ́шꙋ про­свѣ­тѝ, пре­чⷭ҇таѧ, тво­и́­ми мл҃тва­ми.

Пѣ́снь є҃.

І҆р­мо́съ: Ѽ все­ви́д­че, ца­ре́й сла́­во! кто̀ тво­е­мꙋ̀ чл҃вѣ­ко­лю́­бїю зем­но­ро́д­ныхъ не ᲂу҆­ди­ви́т­сѧ; на зе­мли́ бо ꙗ҆ви́л­сѧ є҆сѝ, не ѡ҆ста́вль ѻ҆ч҃е­скихъ, дне́сь всю̀ ѡ҆б­нов­лѧ́­ѧй тва́рь, и҆ ми́ръ ꙗ҆́кѡ є҆ди́нъ ми­ро­на­ча́ль­никъ по­да­ѧ́й.

Во­сте́клъ є҆сѝ на мы́­слєн­ныѧ го́ры бг҃о­вѣ́­дѣ­нїѧ, пре­мꙋ́­дре, и҆ та̑й­ны бг҃о­чл҃вѣ́­чє­скїѧ по­сти́глъ є҆сѝ чи́­стымъ ᲂу҆­мо́мъ, и҆̀хже про­по­вѣ́­далъ є҆сѝ не­ꙋ­ста́н­нѡ, ѻ҆́тче і҆ꙋ­стӏ́­не, на́шꙋ бо­га­тѧ̀ ни­ще­тꙋ̀.

А҆пⷭ҇ль­ски по­ре­вно­ва́въ ѡ҆ бз҃ѣ сп҃сѣ тво­е́мъ, и҆ все­ѡ­рꙋ́­жї­емъ ѡ҆дѣ́­ѧв­сѧ все­ст҃а́­гѡ дх҃а, и҆ пре́­лесть мꙋ­дро­ва́­нїѧ мїр­ска́­гѡ по­па­ли́въ ѻ҆гне́мъ про­по­вѣ́­да­нїѧ, прпⷣбне, серд­ца̀ рас­па­ли́лъ є҆сѝ ᲂу҆­че­ни­кѡ́въ тво­и́хъ блⷣтїю.

Гдⷭ҇ню ри́зꙋ ᲂу҆­кра­си́лъ є҆сѝ, і҆ꙋ­стӏ́­не, би́­се­ромъ тво­и́хъ ᲂу҆­че́­нїй, и҆ сотка́лъ є҆сѝ, ꙗ҆́кѡ не­шве́н­ный хї­тѡ́нъ, пра­во­сла́в­нꙋю фї­ло­со́­фїю и҆́сти­ны: си́хъ трꙋ­дѡ́въ тво­и́хъ ра́ди тѧ̀ ᲂу҆­бл҃жа́­емъ.

Ѿ и҆с­то́ч­ни­кѡвъ не­из­сѧ­ка́­е­мыхъ во́дꙋ бг҃о­сло́­вїѧ по­че́рплъ є҆сѝ, ѡ҆брѣ́тъ ст҃о­ѻ­те́­че­скїй кла́­дѧзь пра­во­сла́в­на­гѡ пре­да́­нїѧ, и҆́мже на­по­и́лъ є҆сѝ ча̑дъ тво­и́хъ, і҆ꙋ­стӏ́­не, а҆́вво прпⷣбне.

Бг҃о­ро́­ди­ченъ: И҆с­те­чѐ и҆зꙿ ᲂу҆­тро́­бы тво­еѧ̀, пре­чⷭ҇таѧ дв҃о, рѣка̀ и҆с­цѣ­ле́­нїй, на­па­ѧ́­ю­щаѧ и҆з­со́х­шꙋю пре­стꙋ­пле́­нї­емъ зе́­млю, ты́ бо ро­ди­ла̀ є҆сѝ гдⷭ҇а, зе́­млю на во­да́хъ по­вѣ́­сив­ша­го.

Пѣ́снь ѕ҃.

І҆р­мо́съ: Мор­скӏ́й пꙋ­чи­но­ро́д­ный ки́­товъ внꙋ́­трен­нїй ѻ҆́гнь, три­дне́в­на­гѡ тво­е­гѡ̀ по­гре­бе́­нїѧ про­ѡ­бра­же́­нїе, є҆гѡ́­же і҆ѡ́на прⷪ҇ро́къ по­ка­за́­сѧ: сп҃се́нъ бо, ꙗ҆́кѡ и҆ пред­по­сла́­сѧ, не­вре­жде́нъ во­пї­ѧ́­ше: по­жрꙋ́ ти со гла́­сомъ хва­ле́­нїѧ, гдⷭ҇и.

Оу҆́мъ хе­рꙋ­вӏ́м­скїй стѧ­жа́лъ є҆сѝ, ѻ҆́тче, ꙗ҆́кѡ мӏ́рꙋ бл҃го­вѣ­сти́лъ є҆сѝ та̑й­ны бг҃о­чл҃вѣ́­чє­скїѧ, и҆ ѻ҆́чи сле­зѧ́­щыѧ чи́­стѣ и҆мѣ́лъ є҆сѝ, и҆́ми­же пла́­ка­ше всѧ́­каѧ тва́рь, бг҃о­бл҃же́н­не.

Сми­рен­но­мꙋ́­дрї­емъ ѡ҆дѣ́­ѧв­сѧ, ꙗ҆́кѡ сн҃ъ цре́въ, пра́­вды вѣ­не́цъ тер­но́­вый но­си́лъ є҆сѝ на челѣ̀ тво­е́мъ, і҆ꙋ­стӏ́­не, сегѡ̀ ра́ди ѻ҆́бщ­никъ стра­сте́мъ хрⷭ҇тѡ́­вымъ ꙗ҆ви́л­сѧ є҆сѝ, и҆ со­на­слѣ́д­никъ го́р­нѧ­гѡ црⷭ҇твїѧ.

Твер­дѣ́й­ше а҆да­ма́н­та, ѻ҆́тче бг҃о­мꙋ́­дре, бы́сть твоѐ и҆с­по­вѣ́­да­нїе бг҃о­чл҃вѣ́­че­ска­гѡ пꙋтѝ, и҆́мже не­мощ­нӏ́и ᲂу҆­мо́мъ блажнѧ́­хꙋ­сѧ: но а҆́ще а҆́зъ і҆ѡ́на, ре́клъ є҆сѝ, і҆ꙋ­стӏ́­не, вве́р­зи­те мѧ̀ въ мо́ре, да ᲂу҆­ти­ши́т­сѧ бꙋ́рѧ, и҆ сп҃се́т­сѧ ко­ра́бль цр҃кве се́рб­скїѧ.

Бг҃о­ро́­ди­ченъ: І҆и҃са гдⷭ҇а за­ча­ла̀ є҆сѝ, бг҃о­не­вѣ́­сто, па́че ча́­ѧ­нїѧ тво­е­гѡ̀, сми­рен­но­мꙋ́­дрї­емъ ᲂу҆­кра́с­ши­сѧ, ꙗ҆́кѡ не­вѣ́ст­ни­че­скою лѣ́­по­тою: тѣ́м­же ᲂу҆̀бо ꙗ҆ви́­ла­сѧ є҆сѝ мт҃и без­на­ча́ль­на­гѡ сло́­ва, є҆мꙋ́­же со ѻ҆ц҃е́мъ и҆ дх҃омъ, ꙗ҆́кѡ раба̀, по­кло­ни́­ла­сѧ є҆сѝ.

Кон­да́къ, гла́съ д҃:

Ꙗ҆́кѡ бжⷭ҇твен­нꙋю лѣ́­стви­цꙋ, ѡ҆брѣ­то́­хомъ, і҆ꙋ­стӏ́­не прпⷣбне, твоѧ̑ бжⷭ҇твєн­наѧ по­ꙋ­чє́­нїѧ, къ нб҃сѝ воз­во­дѧ̑­щаѧ на́съ, не то́­кмѡ бо ᲂу҆­чи́лъ, но жи­тї­е́мъ во­ѡ­бра­зи́лъ є҆сѝ, тѣ́м­же тѝ зо­ве́мъ: ра́­дꙋй­сѧ, пра­во­сла́в­ный фї­ло́­со­фе и҆́сти­ны.

І҆́косъ: Съ нбⷭ҇ныхъ крꙋ­гѡ́въ сле­тѣ́въ и҆но­гда̀ га­врї­и́лъ а҆р­ха́гг҃лъ, бл҃го­вѣ­сти́­ти дв҃ѣ пре­мӏ́р­нꙋю ра́­дость, ты́ же, ѻ҆́тче, на нбⷭ҇ныѧ крꙋ́­ги хе­рꙋ­вӏ́м­скимъ тво­и́мъ во­сте́къ ᲂу҆­мо́мъ, пре­мі̑р­ныѧ та̑й­ны по­сти́глъ є҆сѝ бг҃о­чл҃вѣ́­чє­скїѧ: и҆ къ на́мъ при­ше́дъ, ꙗ҆́кѡ ᲂу҆­чи́­тель и҆зѧ́щ­нѣй­шїй, и҆зꙿѧ­сни́лъ є҆сѝ, въ нѧ́же а҆́гг҃ли жа́­ждꙋтъ при­ни́к­нꙋ­ти. сегѡ̀ ра́ди съ лю­бо́­вїю тебѣ̀ зо­ве́мъ: ра́­дꙋй­сѧ, пра­во­сла́в­ный фї­ло́­со­фе и҆́сти­ны.

Пѣ́снь з҃.

І҆р­мо́съ: Все­цр҃ѧ̀ лю­бо́­вїю ᲂу҆­лов­ле́н­нїи ѻ҆́тро­цы, ᲂу҆­ко­ри́­ша без­чи́­слен­нѡ ꙗ҆рѧ́­ща­сѧ мꙋ­чи́­те­лѧ ѕло­бо́ж­ное ѧ҆зы­ко­вре́­дїе. и҆̀мже по­ви­нꙋ́­сѧ ѻ҆́гнь мно́­гїй, влⷣцѣ гла­го́­лю­щымъ: во вѣ́ки бл҃го­сло­ве́нъ є҆сѝ.

На нбⷭ҇нꙋю ꙗ҆́кѡ во­сте́клъ є҆сѝ сте­зю̀, сте­зѧ́­ми пра́­вы­ми хо­ди́­вый по зе­млѝ бг҃о­по­дра­жа́­тель­нѣ, тѣ́м­же на­ꙋ­чѝ ны̀, прпⷣбне, ᲂу҆­кло­нѧ́­ти­сѧ ѿ про́­па­стей грѣ­ха̀, и҆ хо­ди́­ти бг҃о­чл҃вѣ́­че­скимъ пꙋ­те́мъ все­и́­сти­ны.

А҆́гг҃ль­ское жи­тїѐ по­ка­за́лъ є҆сѝ на зе­млѝ, ст҃е, по­ще́­нї­емъ ᲂу҆­сми­ри́­вый стра­сте́й во­ста́­нїе, и҆ мл҃твою ѡ҆мо­ли́тви­вый всю̀ твою̀ жи́знь, не­пре­ста́н­нѡ взы­ва́ѧ: бл҃го­сло­ве́нъ є҆сѝ, бж҃е на́шъ.

Бж҃ї­и­ми кра­со­та́­ми ᲂу҆­кра­си́­вый­сѧ, хрⷭ҇тꙋ̀ всѣ́мъ по­слѣ́­дꙋѧ, хрⷭ҇та̀ любѧ̀ все́ю дꙋ­ше́ю, съ ни́м­же и҆ со­че­та́л­сѧ є҆сѝ бг҃о­со­дѣ́­тель­нымъ є҆ди­не́­нї­емъ, бы́въ кра̑с­наѧ хрⷭ҇тѡ́­ва ᲂу҆­ста̀, і҆ꙋ­стӏ́­не.

Бг҃о­ро́­ди­ченъ: Ло­же­сна̑ твоѧ̑, чⷭ҇таѧ, прⷭ҇то́лъ по­ка­за́­ша­сѧ црⷭ҇кїй, на не́м­же сѣ­ди́тъ хрⷭ҇то́съ гдⷭ҇ь: того̀, бг҃о­ра́­до­ван­наѧ, млⷭ҇ти­ва мнѣ̀ со­тво­рѝ, ᲂу҆­ны́­нї­емъ и҆ ни­ще­то́ю со­дер­жи́­мо­мꙋ.

Пѣ́снь и҃.

І҆р­мо́съ: Пре­мꙋ́­дро­стїю и҆ сло́­вомъ всѧ̑ со­ста́вль­ша­го бг҃а, ѿ ꙗ҆зы́­кѡвъ и҆ ва́р­ва­рѡвъ и҆з­ба́вль­ша­го на́съ, ѻ҆́тро­цы, по́й­те, сщ҃е́н­ни­цы, про­сла́­ви­те, лю́­дїе, пре­воз­но­си́­те во всѧ̑ вѣ́ки.

А҆р­ха́гг҃ль­скимъ бл҃го­вѣ́­стї­емъ ро­жде­ство̀ твоѐ по­чте́­сѧ, и҆ не­ꙋ­ста́н­нымъ бл҃го­вѣ́ст­ни­комъ пре­бы́лъ є҆сѝ на зе­млѝ, да́же до сме́р­ти не ѡ҆ста́­вивъ дѣ́ло бл҃го­вѣ́ст­ни­ка, тѣ́м­же на бл҃го­вѣ́­ще­нїе и҆ пре­ста́­вил­сѧ є҆сѝ.

Грѣ́­е­ши ча̑дъ тво­и́хъ и҆ пи­та́­е­ши, і҆ꙋ­стӏ́­не, ᲂу҆­че́нь­ми тво­и́­ми, ꙗ҆́кѡ до­и́­ли­ца, дꙋ́­хомъ по­сѣ­ща́ѧ ста́­до твоѐ, ѡ҆б­хо́­ди­ши всю́­дꙋ цр҃ковь се́рб­скꙋю, и҆ съ не́ю по­е́­ши: сщ҃е́н­ни­цы, про­сла́­ви­те, лю́­дїе, пре­воз­но­си́­те хрⷭ҇та̀ во всѧ̑ вѣ́ки.

Ѡ҆сно­ва́­нїе не­по­ко­ле­би́­мое цр҃кви ѡ҆ста́­вивъ, бг҃о­мꙋ́­дре, твоѐ бг҃о­сло́­вїе бг҃о­чл҃вѣ́­че­ска­гѡ пꙋтѝ, и҆́мже про­свѣ­ща́­ют­сѧ на зе­млѝ жи­вꙋ́­щїи, и҆ хрⷭ҇то­но́с­цы бы­ва́­ютъ, бл҃го­сло­вѧ́­ще є҆го̀ во всѧ̑ вѣ́ки.

Трⷪ҇ченъ: Въ тре́хъ ли́­цѣхъ є҆ди́­на­го бг҃а вос­пѣ­ва́­етъ три­гꙋ́­бѡ нбⷭ҇ное во́­ин­ство, въ чл҃вѣ́­цѣ бл҃го­во­ли́в­ша­го все­ли́­ти­сѧ всѣ́мъ бжⷭ҇тво́мъ, не­ви́­ди­ма­го, но во пло́­ти ѡ҆дꙋ­шев­ле́н­нѣй во­ѡ­бра­же́н­на­го, со ѻ҆ц҃е́мъ и҆ дх҃омъ на прⷭ҇то́­лѣ сла́­вы сѣ­дѧ́­ща­го.

Бг҃о­ро́­ди­ченъ: Ѿ зем­ны́хъ ѿстꙋ­па́­ла є҆сѝ, дв҃о­мт҃и, чⷭ҇то­то́ю ꙗ҆́вль­ши­сѧ вы́ше хе­рꙋ­ві̑мъ: тѣ́м­же на ни́хъ по­чи­ва́­ѧй все­ли́­сѧ въ тѧ̀, бг҃о­ра́­до­ван­наѧ, и҆ по­ка­за́ тѧ ѹ҆́м­нꙋю тве́рдь.

Пѣ́снь ѳ҃.

І҆р­мо́съ: И҆́же вы́ш­нюю глꙋ­би­нꙋ̀ бжⷭ҇твен­на­гѡ не­по­сти­же́­нїѧ бл҃го­чⷭ҇тнѡ ѿве́рзъ, ѹ҆́мъ, ꙗ҆́кѡ и҆зꙿ ка́­ме­не, не­ѡб̾­е́м­ле­мыѧ бг҃о­на­ча́ль­ныѧ, воз­вы́­силъ є҆сѝ, трⷪ҇цы, все­бл҃же́н­не ѻ҆́тче і҆ꙋ­стӏ́­не, тѧ̀ ве­ли­ча́­емъ.

Ст҃о­са́в­ское дѣ́ло про­до́лжилъ є҆сѝ на зе­млѝ, бл҃го­вѣст­вꙋ́ѧ въ цр҃кви се́рб­стѣй хрⷭ҇то­бг҃о­чл҃вѣ́­че­ское со­вер­ше́н­ство: тѣ́м­же къ са́в­вѣ бг҃о­ли́­ко­мꙋ ѿше́лъ є҆сѝ, ꙗ҆́кѡ ко а҆вра­а́­мо­вꙋ по­ко́­и­щꙋ, съ ни́м­же мо­ли́­сѧ ѡ҆ тѧ̀ ве­ли­ча́­ю­щихъ.

По́­дви­гомъ до́­брымъ по­дви­за́в­сѧ, вѣ́рꙋ, ꙗ҆́кѡ ст҃о­сї­ѧ́н­ный а҆да­ма́нтъ, стѧ­жа́въ, ст҃о­трⷪ҇чнымъ бг҃о­сло́­вї­емъ, ꙗ҆́кѡ пра́­щею дв҃до­вою, вра­гѝ цр҃кве по­бѣ­ди́въ: тѣ́м­же ѿ хрⷭ҇та̀ не­ꙋ­вѧ­да́­е­мымъ вѣн­це́мъ ᲂу҆­вѧ́зл­сѧ є҆сѝ, і҆ꙋ­стӏ́­не, молѝ ѡ҆ всѣ́хъ тѧ̀ по­чи­та́­ю­щихъ.

Ѿве́р­зи твоѧ̑ ᲂу҆­ста̑ бг҃о­гла­гѡ́­ли­ваѧ, і҆ꙋ­стӏ́­не, и҆ трⷪ҇цꙋ пре­бл҃гост­нꙋю ᲂу҆­мо­лѝ, ᲂу҆­ми­ри́­ти мӏ́ръ, и҆ цр҃кви ка­ѳо­лӏ́­че­стѣй да­ро­ва́­ти все­пра­во­сла́в­ное є҆ди­не́­нїе, и҆ ѡ҆бо­же́­нїе низ­по­сла́­ти всѣ̑мъ крѡ́т­кимъ зе­млѝ.

Бг҃о­ро́­ди­ченъ: Ю҆́ни­ца бжⷭ҇твен­наѧ, ѻ҆тро­ко­ви́­це все­чⷭ҇тна́ѧ, бжⷭ҇твен­на­го ю҆нца̀ молѝ, є҆го́­же ро­ди­ла̀ є҆сѝ не­ска­за́н­нѡ: ѡ҆б­но­ви́­ти мӏ́ръ, ѡ҆б­вет­ша́в­шїй страсть­мѝ, и҆ мла­де́н­ство­ва­ти ѕло́­бою пра­во­сла̑в­нымъ хрⷭ҇тї­а́­нѡмъ, и҆ ю҆́но­ше­ски воз­ра­ста́­ти въ до­бро­дѣ́­те­ли.

Свѣ­ти́­ленъ, гла́съ д҃:

Ꙗ҆́кѡ по́л­наѧ лꙋна̀ на тве́р­ди, воз­сї­ѧ́лъ є҆сѝ цр҃кви се́рб­стѣй, но́щь раз­сѣ­ѧ­ва́ѧ мра́ч­на­гѡ грѣ­ха̀, и҆ со­свѣ­тѧ̀ нї­ко­ла́ю, солн­цезра́ч­но­мꙋ про­по­вѣ́д­ни­кꙋ, мӏ́ръ ѡ҆за­рѧ́ѧ бг҃о­раз­ꙋ́­мї­емъ: тѣ́м­же мо­ли́­те­сѧ ѡ҆ на́съ все­гда̀.

Сла́­ва, и҆ ны́нѣ. По­до́­бенъ: Со ᲂу҆­че­ни­ки̑:

А҆́гг҃ль­скихъ си́лъ а҆р­хї­стра­ти́гъ по́­сланъ бы́сть ѿ бг҃а все­дер­жи́­те­лѧ къ чⷭ҇тѣй и҆ дв҃ѣ, бл҃го­вѣ­сти́­ти стра́н­ное и҆ не­из­ре­че́н­ное чꙋ́до: занѐ бг҃ъ, ꙗ҆́кѡ чл҃вѣ́къ, и҆зꙿ неѧ̀ мла­до­дѣ́й­ствꙋ­ет­сѧ безꙿ сѣ́­ме­не, на­зи­да́­ѧй ве́сь че­ло­вѣ́­че­скїй ро́дъ. лю́­дїе, бл҃го­вѣ­сти́­те ѡ҆б­нов­ле́­нїе мӏ́ра.

На хва­ли́­техъ стї­хи̑­ры, гла́съ а҃. По­до́­бенъ: Ѽ ди́в­ное чꙋ́до:

Ѽ ди́в­ное чꙋ́до!* и҆с­то́ч­никъ бг҃о­сло́­вїѧ* во дни̑ по­слѣ̑д­нїѧ ѿве́р­зе­сѧ,* на­па­ѧ́­ѧй ра́з­ꙋ­мы бг҃о­вѣ́­дѣ­нї­емъ:* ве­се­ли́­сѧ ѡ҆ се́мъ, цр҃ковь се́рб­скаѧ,* ст҃о­са́в­скїй ст҃ы́й до́ме.* во­зо­пї­и́мъ, вѣ́р­нїи,* і҆ꙋ­стӏ́­на и҆мꙋ́­ще ꙗ҆́кѡ ᲂу҆­чи́­те­лѧ:* бл҃го­сло­ве́нъ є҆сѝ, гдⷭ҇и,* ꙗ҆́кѡ во пло́­ти къ на́мъ при­ше́лъ є҆сѝ,* по­да­ѧ́й мӏ́­ро­ви* со­бо́ю ве́­лїю млⷭ҇ть.

Ѽ ди́в­ное чꙋ́до!* и҆с­то́ч­никъ жи́­зни* ѿ бре́н­ныхъ ᲂу҆­сте́нъ и҆с­то­ча́­ет­сѧ,* и҆ лѣ́­стви­ца къ нб҃си бг҃о­вѣ­ща́н­нїи гла­го́­лы бы­ва́­ютъ.* ве­се­ли́т­сѧ ѡ҆ се́мъ і҆ꙋ­стӏ́нъ пре­мꙋ́­дрый,* и҆́же до́мъ бг҃о­сло́­вїѧ трⷪ҇чна­гѡ ꙗ҆ви́­сѧ.* во­зо­пї­и́мъ, вѣ́р­нїи,* вос­пѣ­ва́­ю­ще сла́­вꙋ се́рб­скꙋю:* прпⷣбный на́шъ ᲂу҆­чи́­те­лю, ра́­дꙋй­сѧ,* ꙗ҆́кѡ то­бо́ю* вос­прї­ѧ́­хомъ ѿ хрⷭ҇та̀* ве́­лїю млⷭ҇ть.

Ди̑в­ны твоѧ̑ та̑й­ны, і҆ꙋ­стӏ́­не,* до­бро­дѣ́­тель­ми, ꙗ҆́кѡ ѕвѣз­да́­ми, ᲂу҆­кра­си́­вый­сѧ:* но́щь не­раз­ꙋ́­мїѧ про­гна́лъ є҆сѝ,* три­ст҃о­сл҃неч­на­гѡ бг҃а въ срⷣцѣ стѧ­жа́въ,* и҆ ꙗ҆́вѣ ра­скры́въ на́мъ та̑й­ны є҆ѵⷢ҇ль­скїѧ,* бг҃о­тво­рѧ́­щыѧ дꙋ́шы на́шѧ,* и҆ хе­рꙋ­вӏ́м­скимъ бг҃о­сло́­вї­емъ на́съ ѡ҆за­ри́въ,* къ нбⷭ҇нымъ ѻ҆би́­те­лемъ свѣ́т­лѡ воз­ше́лъ є҆сѝ,* и҆дѣ́­же трⷪ҇цѣ пред­стоѧ̀,* со все́­ми ст҃ы́­ми,* мо­ли́­сѧ, прпⷣбне,* да­ро­ва́­ти на́мъ ве́­лїю млⷭ҇ть.

Сла́­ва, гла́съ ѕ҃:

Прпⷣбне ѻ҆́тче і҆ꙋ­стӏ́­не, во всю̀ зе́­млю и҆зы́­де вѣ­ща́­нїе и҆с­прав­ле́­нїй тво­и́хъ, тѣ́м­же на нб҃сѣ́хъ ѡ҆брѣ́лъ є҆сѝ мздꙋ̀ трꙋ­дѡ́въ тво­и́хъ, дє́­мѡн­скаѧ ра­зо­ри́лъ є҆сѝ пѡ́л­чи­ща, и҆ а҆́гг҃ль­скїѧ до­сти́глъ є҆сѝ чи́ны, и҆́хже жи­тїю̀ не­по­ро́ч­нѡ по­ре­вно­ва́лъ є҆сѝ: дер­зно­ве́­нїе и҆мѣ́ѧ ко хрⷭ҇тꙋ̀ бг҃ꙋ, ми́ръ и҆с­про­сѝ дꙋ­ша́мъ на́­шымъ.

И҆ ны́нѣ, бг҃о­ро́­ди­ченъ, гла́съ то́й­же: Бцⷣе, ты̀ є҆сѝ лоза̀ и҆́стин­наѧ:

Сла­во­сло́­вїе ве­ли́­кое. Є҆ктє­нїѝ, и҆ ѿпꙋ́стъ. На лї­тꙋр­гӏ́и слꙋ́ж­ба всѧ̀ прпⷣбна­гѡ.