Мѣ́­сѧ­ца ѻ҆ктѡ́­врїа въ к҃и-й де́нь, ма́їа въ ѕ҃-й де́нь,и҆ а҆́ѵ­гꙋ­ста въ к҃и-й де́нь.

Слꙋ́жба прпⷣбномꙋ і҆́ѡвꙋ, поча́евскомꙋ чꙋдотво́рцꙋ.

На ма́лѣй вече́рни.

На Гдⷭ҇и, воз­зва́хъ: стї­хи̑­ры на д҃, гла́съ з҃:

Ꙗ҆ви́­сѧ де́нь бл҃го­во­ле́­нїѧ бж҃їѧ, и҆ пра́з­дникъ ве­се́­лїѧ: сте­це́м­сѧ ᲂу҆̀бо, вѣ́р­нїи, на го́рꙋ по­ча́­ев­скꙋю, и҆ вос­по­и́мъ все­бл҃же́н­на­го і҆́ѡва, чⷭ҇тнꙋ́ю па́­мѧть тогѡ̀ со­вер­ша́­ю­ще.

Дре­ма́­нїѧ вѣ́­ждо­ма, нижѐ сна̀ ѻ҆чи́­ма тво­и́­ма да́лъ є҆сѝ, прпⷣбне, бо́­дрен­ны­ми мл҃тва­ми и҆ по́ст­ни­че­скимъ жи­тї­е́мъ гдⷭ҇е­ви ᲂу҆­го­жда́ѧ: тѣ́м­же ра́­дост­нѡ со­вер­ша́­емъ па́­мѧть твою̀, все­чⷭ҇тне.

Прї­и­ди́­те, вѣ́р­нїи, на ст҃ꙋ́ю го́рꙋ по­ча́­ев­скꙋю, и҆дѣ́­же ᲂу҆­го́д­никъ бж҃їй по­дви­за́­сѧ въ жи­тїѝ сво­е́мъ, и҆ ѿ си́лы въ си́лꙋ вос­хо­жда́­ше: и҆ томꙋ̀ ны́нѣ по­мо́­лим­сѧ, да во ѻ҆би́­те­лехъ нбⷭ҇ныхъ во­дво­ри́в­сѧ, мо́­лит­сѧ ко гдⷭ҇ꙋ ѡ҆ сп҃се́­нїи дꙋ́шъ на́­шихъ.

Не мо́­жетъ гра́дъ ᲂу҆­кры́­ти­сѧ вер­хꙋ̀ горы̀ стоѧ̀: ты́ же, прпⷣбне, а҆́ще и҆ въ те́м­нѣй ка́­мен­нѣй пе­ще́­рѣ по­чи­ва́­е­ши не­тлѣ́н­нымъ тѣ́­ломъ тво­и́мъ, ѻ҆ба́­че всѣ́хъ при­зы­ва́­е­ши на го́рꙋ по­ча́­ев­скꙋю, свѣ́т­ла­гѡ ра́ди пра́з­дни­ка тво­е­гѡ̀, молѧ̀ хрⷭ҇та̀ бг҃а сп҃сти́­сѧ дꙋ­ша́мъ на́­шымъ.

Сла́­ва, и҆ ны́нѣ, бг҃о­ро́­ди­ченъ, гла́съ ѕ҃:

Все­ст҃а́ѧ бцⷣе, во вре́­мѧ жи­во­та̀ мо­е­гѡ̀ не ѡ҆ста́­ви менє̀, че­ло­вѣ́­че­ско­мꙋ пред­ста́­тель­ствꙋ не ввѣ́­ри мѧ̀, но сама̀ за­стꙋ­пѝ и҆ по­ми́­лꙋй мѧ̀.

На стї­хо́в­нѣ стї­хи̑­ры, гла́съ ѕ҃:

Па́­мѧть твою̀ дне́сь пра́з­днꙋ­ю­ще, прпⷣбне ѻ҆́тче на́шъ і҆́ѡве, во­пї­е́мъ тѝ: со а҆́гг҃лы пред­стоѧ̀ въ дер­зно­ве́­нїи мно́­зѣ, ѡ҆ всѣ́хъ на́съ, ѻ҆́тче, мо­ли́­сѧ ко влⷣцѣ хрⷭ҇тꙋ̀.

Стӏ́хъ: Бл҃же́нъ мꙋ́жъ, бо­ѧ́й­сѧ гдⷭ҇а, въ за́­по­вѣ­дехъ є҆гѡ̀ вос­хо́­щетъ ѕѣлѡ̀.

Оу҆́­тро и҆ де́нь свѣ́­телъ, тво́й пра́з­дникъ ꙗ҆ви́­сѧ, про­свѣ­ща́ѧ на̑ша серд­ца̀, вѣ́­рою хва́­лѧ­щихъ чⷭ҇тны̑ѧ твоѧ̑ по́­дви­ги, ѻ҆́тче на́шъ і҆́ѡве.

Стӏ́хъ: Ч҇ⷭтна̀ предꙿ гдⷭ҇емъ сме́рть прпⷣбныхъ є҆гѡ̀.

Ꙗ҆́кѡ со́лн­це на зе­млѝ ѡ҆брѣ́тъ все­чⷭ҇тнꙋ́ю і҆кѡ́­нꙋ бж҃їѧ мт҃ре на горѣ̀ по­ча́­ев­стѣй, все­свѣ́т­лаѧ ѕвѣз­да̀ тоѧ̀ по­ка­за́л­сѧ є҆сѝ: тѣ́м­же и҆ на́съ, по­ю́­щихъ тѧ̀, свѣ́­томъ бг҃о­раз­ꙋ́­мїѧ ѡ҆за­рѝ, мл҃тва­ми бг҃о­ро́­ди­цы, і҆́ѡве ѻ҆́тче на́шъ.

Сла́­ва, и҆ ны́нѣ, бг҃о­ро́­ди­ченъ, гла́съ то́й­же:

Всѐ ᲂу҆­по­ва́­нїе моѐ на тѧ̀ воз­ла­га́ю, мт҃и бж҃їѧ, со­хра­ни́ мѧ подꙿ кро́­вомъ тво­и́мъ.

Тро­па́рь, гла́съ д҃:

Мно­го­стра­да́ль­на­гѡ пра́­ѻ­тца дол­го­тер­пѣ́­нїе стѧ­жа́въ, крⷭ҇ти́­те­ле­вꙋ воз­дер­жа́­нїю ᲂу҆­по­до­б­лѧ́­ѧ­сѧ, бжⷭ҇твен­ныѧ же ре́­вно­сти ѻ҆бою̀ прї­ѻ­бща́­ѧ­сѧ, тѣ́хъ и҆ме­на̀ до­сто́й­нѡ прї­ѧ́­ти спо­до́­бил­сѧ є҆сѝ, и҆ и҆́стин­ныѧ вѣ́ры бы́лъ є҆сѝ про­по­вѣ́д­никъ без­бо­ѧ́зненъ: тѣ́м­же мо­на́­хѡвъ мно́­жє­ства ко хрⷭ҇тꙋ̀ при­ве́лъ є҆сѝ, и҆ всѧ̑ лю́ди въ пра­во­сла́­вїи ᲂу҆­твер­ди́лъ є҆сѝ, і҆́ѡве прпⷣбне ѻ҆́тче на́шъ, молѝ сп҃сти́­сѧ дꙋ­ша́мъ на́­шымъ.

Сла́­ва, и҆ ны́нѣ, бг҃о­ро́­ди­ченъ: Є҆́же ѿ вѣ́ка ᲂу҆­та­е́­ное: Є҆кте­нїа̀, и҆ ѿпꙋ́стъ.

На вели́цѣй вече́рни.

Бл҃же́нъ мꙋ́жъ: а҃-й а҆н­тї­фѡ́нъ.

На Гдⷭ҇и, воз­зва́хъ: стї­хи̑­ры на и҃, гла́съ а҃:

Прї­и́­де де́нь па́­мѧ­ти тво­еѧ̀, і҆́ѡве пре­сла́в­не, и҆ во­лы́н­скаѧ зе­млѧ̀ ра́­до­сти и҆с­пол­нѧ́­ет­сѧ, ꙗ҆́кѡ тво­и́мъ на­ꙋ­че́­нї­емъ во пра­во­сла́­вїи ᲂу҆­твер­ди́в­ши­сѧ, и҆ тво­и́­ми пѡ́­дви­ги бл҃го­чⷭ҇тїю на­ꙋ­чи́в­ши­сѧ, на твоѧ̑ же мл҃твы ᲂу҆­по­ва́­ю­щи: и҆́ми­же, ѻ҆́тче прпⷣбне, и҆с­про­сѝ мӏ́­ро­ви ми́ръ, и҆ дꙋ­ша́мъ на́­шымъ ве́­лїю млⷭ҇ть. Два́­жды.

Во сла́в­нѣй па́­мѧ­ти тво­е́й, ᲂу҆­го́д­ни­че хрⷭ҇то́въ, мо­на́­ше­стїи со­бо́­ри ли­ков­ствꙋ́­ютъ, и҆ ѡ҆ бг҃о­ꙋ­го́д­нѣмъ жи­тїѝ ре́­вно­стїю рас­па­ла́­ют­сѧ, тво­и̑мъ же не­тлѣ̑н­нымъ мо­ще́мъ по­кла­нѧ́­ю­ще­сѧ, ꙗ҆́кѡ жи­вꙋ́­ще­мꙋ тѝ съ на́ми, вос­кли­ца́­ютъ: ѻ҆́тче і҆́ѡве, млⷭ҇ти­ве и҆ бл҃го­ꙋ­вѣ́т­ли­ве, и҆с­про­сѝ ᲂу҆ гдⷭ҇а мӏ́­ро­ви ми́ръ, и҆ дꙋ­ша́мъ на́­шымъ ве́­лїю млⷭ҇ть.

Кто̀ не по­ди­ви́т­сѧ тво­е­мꙋ̀ дол­го­тер­пѣ­ли́­во­мꙋ жи­тїю̀, ѻ҆́тче прпⷣбне, во трї­е́хъ бо ѻ҆би́­те­лехъ твоѧ̑ пре­сла̑в­наѧ дѣ­ѧ́­нїѧ про­по­вѣ́­да­ша­сѧ, по́стъ же и҆ сле́­зы и҆ бдѣ́­нїе, въ пе­ще́­рѣ себє̀ за­клю­че́­нїе, и҆ во все́мъ себє̀ не­по­ща­дѣ́­нїе, но ко бра́­тїи лю­бо́вь ми́­лꙋ­ю­щаѧ, та́­темъ про­ще́­нїе, и҆ всѣ̑мъ лю́­демъ до́­брое на­ꙋ­че́­нїе.

Гла́съ в҃: Кӏ́­и­ми по­хва́ль­ны­ми вѣн­цы̑ ᲂу҆­вѧ­зе́мъ прпⷣбна­го і҆́ѡва, вѣ́ры пра­во­сла́в­ныѧ ᲂу҆­чи́­те­лѧ и҆ ра­то­бо́р­ца, бжⷭ҇твен­ныхъ пи­са́­нїй гла­ша́­таѧ, ѻ҆те́­че­скихъ же пре­да́­нїй спи­са́­те­лѧ, но и҆ тѧ́ж­кихъ слꙋ́жбъ и҆с­пол­ни́­те­лѧ, зе­млѝ ко­па́­нї­емъ и҆ дре­ве́съ са­жде́­нї­емъ себѐ сми­рѧ́в­ша­го, и҆ всѣ̑мъ ѡ҆́бразъ по­слꙋ­ша́­нїѧ бы́в­ша­го; сего̀ ны́нѣ не­тлѣ́н­ною сла́­вою вѣн­ча́­етъ хрⷭ҇то́съ бг҃ъ на́шъ, и҆мѣ́­ѧй ве́­лїю млⷭ҇ть. Два́­жды.

Кӏ́­и­ми до­сто́й­ны­ми бл҃го­да­ре́нь­ми про­сла́­вимъ і҆́ѡва, по­ча́­ев­скꙋю по­хва­лꙋ̀ и҆ всеѧ̀ стра­ны̀ рѡс­сӏ́й­скїѧ ᲂу҆­кра­ше́­нїе; то́й бо мл҃тва­ми сво­и́­ми нбⷭ҇ный свѣ́тъ въ пе­ще́­рꙋ низ­ве­дѐ, то́й и҆ по пре­став­ле́­нїи сво­е́мъ съ нб҃сѐ ꙗ҆в­лѧ́­ет­сѧ, и҆ мл҃твꙋ воз­но́­ситъ ѡ҆ на­па́­ствꙋ­е­мыхъ лю́­дехъ: та́мѡ бо сла́­вою вѣн­ча́­етъ є҆го̀ хрⷭ҇то́съ бг҃ъ на́шъ, и҆мѣ́­ѧй ве́­лїю млⷭ҇ть.

Кӏ́­и­ми ᲂу҆­ми­ле́н­ны­ми сле­за́­ми со­крꙋ­ши́мъ рас­тлѣ̑н­наѧ срⷣца̀ на̑ша, зрѧ́­ще і҆́ѡва не­тлѣ́н­ное тѣ́ло, є҆́же по сме́р­ти а҆́ки жи́во со­хра­нѧ́­ет­сѧ, но во вре́­мѧ жи­тїѧ̀ є҆гѡ̀ а҆́ки ме́р­тво пре­бы­ва́­ше, по­сто́мъ и҆ бдѣ́­нї­емъ и҆з­нꙋ­рѧ́­е­мо; тогѡ̀ ᲂу҆̀бо по­дви­гѡ́мъ по­дра­жа́­ти по­тщи́м­сѧ, да и҆ на́съ во грѧ­дꙋ́­щемъ жи­тїѝ по­ми́­лꙋ­етъ хрⷭ҇то́съ бг҃ъ на́шъ, и҆мѣ́­ѧй ве́­лїю млⷭ҇ть.

Сла́­ва, гла́съ г҃:

Тво­и̑мъ сло­ве­сє́мъ, гдⷭ҇и, по­слѣ́­до­вавъ і҆́ѡвъ прпⷣбный, всѧ̑ кра̑с­наѧ мӏ́ра сегѡ̀ во ᲂу҆­ме́­ты вмѣ­ни́лъ є҆́сть, и҆ ѡ҆ ю҆́но­сти сво­е́й не­ра­ди́въ, и҆з­мла́­да мо­на́­ше­ско­мꙋ по­слꙋ­ша́­нїю вда­де́­сѧ: тѣ́м­же де́­мѡн­скїѧ кѡ́з­ни по­бѣ­ди́въ, а҆да­ма́нтъ крѣ́­покъ пра­во­сла́в­на­гѡ бл҃го­чⷭ҇тїѧ ꙗ҆ви́л­сѧ є҆́сть, всю́ же зе́­млю рꙋ́с­скꙋю сво­и́­ми пѡ́­дви­ги про­свѣ­ща́­етъ, тогѡ̀ мл҃тва­ми дꙋ́шы на́шѧ по­ща­дѝ, и҆ да́­рꙋй на́мъ по́­мыслъ до́­брый, є҆́же пре́­жде кон­ца̀ по­ка­ѧ́­нїѧ.

И҆ ны́нѣ, бг҃о­ро́­ди­ченъ до­гма́­тїкъ, гла́съ то́й­же: Ка́кѡ не ди­ви́м­сѧ:

Вхо́дъ, про­кӏ́­менъ днѐ, и҆ чтє́­нїѧ г҃.

Пре­мꙋ́­дро­сти со­ло­мѡ́­но­вы чте́­нїе:

Првⷣныхъ дꙋ́шы въ рꙋцѣ̀ бж҃ї­ей, и҆ не при­ко́с­нет­сѧ и҆́хъ мꙋ́ка. Не­пще­ва́­ни бы́ша во ѻ҆че­сѣ́хъ без­ꙋ́м­ныхъ ᲂу҆­мре́­ти, и҆ вмѣ­ни́­сѧ ѡ҆ѕло­бле́­нїе и҆с­хо́дъ и҆́хъ, и҆ є҆́же ѿ на́съ ше́­ствїе со­крꙋ­ше́­нїе: ѻ҆ни́ же сꙋ́ть въ ми́рѣ. И҆́бо предꙿ ли­це́мъ че­ло­вѣ́­че­скимъ а҆́ще и҆ мꙋ́кꙋ прї­и́­мꙋтъ, ᲂу҆­по­ва́­нїе и҆́хъ без­сме́р­тїѧ и҆с­по́л­не­но. И҆ вма́­лѣ на­ка́­за­ни бы́в­ше, ве­ли́­ки­ми бл҃го­дѣ́­тель­ство­ва­ни бꙋ́­дꙋтъ: ꙗ҆́кѡ бг҃ъ и҆с­кꙋ­сѝ ѧ҆̀, и҆ ѡ҆брѣ́­те и҆̀хъ до­стѡ́й­ны себѣ̀. Ꙗ҆́кѡ зла́­то въ гор­ни́­лѣ и҆с­кꙋ­сѝ и҆̀хъ, и҆ ꙗ҆́кѡ все­пло́­дїе же́р­твен­ное прї­ѧ́тъ ѧ҆̀. И҆ во вре́­мѧ по­сѣ­ще́­нїѧ и҆́хъ воз­сї­ѧ́­ютъ, и҆ ꙗ҆́кѡ и҆́скры по сте́­блїю по­те­кꙋ́тъ. Сꙋ́­дѧтъ ꙗ҆зы́­кѡмъ, и҆ ѡ҆бла­да́­ютъ людь­мѝ, и҆ во­цр҃и́т­сѧ гдⷭ҇ь въ ни́хъ во вѣ́ки. На­дѣ́­ю­щї­и­сѧ на́нь раз­ꙋ­мѣ́­ютъ и҆́сти­нꙋ, и҆ вѣ́р­нїи въ люб­вѝ пре­бꙋ́­дꙋтъ є҆мꙋ̀: ꙗ҆́кѡ блгⷣть и҆ млⷭ҇ть въ прпⷣбныхъ є҆гѡ̀, и҆ по­сѣ­ще́­нїе во и҆з­бра́н­ныхъ є҆гѡ̀.

Пре­мꙋ́­дро­сти со­ло­мѡ́­но­вы чте́­нїе:

Првⷣни­цы во вѣ́ки жи­вꙋ́тъ, и҆ въ гдⷭ҇ѣ мзда̀ и҆́хъ, и҆ по­пе­че́­нїе и҆́хъ ᲂу҆ вы́ш­нѧ­гѡ. Сегѡ̀ ра́ди прї­и́­мꙋтъ црⷭ҇твїе бл҃го­лѣ́­пїѧ, и҆ вѣ­не́цъ до­бро́­ты ѿ рꙋкѝ гдⷭ҇ни: занѐ де­сни́­цею по­кры́­етъ ѧ҆̀, и҆ мы́ш­цею за­щи­ти́тъ и҆̀хъ. Прї­и́­метъ все­ѡ­рꙋ́­жїе рве́­нїе своѐ, и҆ во­ѡ­рꙋ­жи́тъ тва́рь въ ме́сть вра­гѡ́мъ. Ѡ҆б­ле­че́т­сѧ въ бро­нѧ̀ пра́­вды, и҆ воз­ло­жи́тъ шле́мъ, сꙋ́дъ не­ли­це­мѣ́­ренъ. Прї­и́­метъ щи́тъ не­по­бѣ­ди́­мый, прпⷣбїе: По­ѻ­стри́тъ же на­пра́с­ный гнѣ́въ во ѡ҆рꙋ́­жїе: спо­бо́­ретъ же съ ни́мъ мӏ́ръ на без­ꙋ̑м­ныѧ. По́й­дꙋтъ пра­во­лꙋ̑ч­ныѧ стрѣ́­лы мѡ́л­нї­и­ны, и҆ ꙗ҆́кѡ ѿ бл҃го­крꙋ́­гла лꙋ́ка ѻ҆бла­кѡ́въ, на на­мѣ́­ре­нїе по­ле­тѧ́тъ. И҆ ѿ ка­ме­но­ме́т­ныѧ ꙗ҆́ро­сти и҆с­по́лнь па­дꙋ́тъ гра́­ды: воз­не­го­дꙋ́­етъ на ни́хъ вода̀ мор­ска́ѧ, рѣ́ки же по­то­пѧ́тъ ѧ҆̀ на́­глѡ. Со­про­ти́въ ста́­нетъ и҆̀мъ дꙋ́хъ си́лы, и҆ ꙗ҆́кѡ ви́­хоръ раз­вѣ́­етъ и҆̀хъ, И҆ ѡ҆пꙋ­сто­ши́тъ всю̀ зе́­млю без­за­ко́­нїе, и҆ ѕло­дѣ́й­ство пре­вра­ти́тъ пре­сто́­лы си́ль­ныхъ. Слы́­ши­те ᲂу҆̀бо, ца́­рїе, и҆ раз­ꙋ­мѣ́й­те: на­вы́­кни­те, сꙋ­дїи̑ кон­цє́въ зе­млѝ. Внꙋ­ши́­те, дер­жа́­щїи мно́­жє­ства, и҆ гор­дѧ́­щї­и­сѧ ѡ҆ на­ро́­дѣхъ ꙗ҆зы́­кѡвъ: Ꙗ҆́кѡ дана̀ є҆́сть ѿ гдⷭ҇а дер­жа́­ва ва́мъ, и҆ си́ла ѿ вы́ш­нѧ­гѡ.

Пре­мꙋ́­дро­сти со­ло­мѡ́­но­вы чте́­нїе:

Првⷣникъ, а҆́ще по­сти́г­нетъ скон­ча́­ти­сѧ, въ по­ко́и бꙋ́­детъ. Ста́­рость бо чⷭ҇тна̀ не мно­го­лѣ́т­на, нижѐ въ чис­лѣ̀ лѣ́тъ и҆с­чи­та́­ет­сѧ. Сѣ­ди́­на же є҆́сть мꙋ́­дрость че­ло­вѣ́­кѡмъ, и҆ во́з­растъ ста́­ро­сти жи­тїѐ не­скве́р­ное. Бл҃го­ꙋ­го́­денъ бг҃о­ви бы́въ, воз­лю́б­ленъ бы́сть, и҆ жи­вы́й по­сре­дѣ̀ грѣ̑ш­никъ, пре­ста́в­ленъ бы́сть: Вос­хи­ще́нъ бы́сть, да не ѕло́­ба и҆з­мѣ­ни́тъ ра́з­ꙋ­ма є҆гѡ̀, и҆лѝ ле́сть пре­льсти́тъ дꙋ́шꙋ є҆гѡ̀. Ра­че́­нїе бо ѕло́­бы по­мра­ча́­етъ дѡ́­браѧ, и҆ па­ре́­нїе по́­хо­ти пре­мѣ­нѧ́­етъ ѹ҆́мъ не­ѕло́­бивъ. Скон­ча́в­сѧ вма́­лѣ, и҆с­по́л­ни лѣ̑та дѡ́л­га: Оу҆­го́д­на бо бѣ̀ гдⷭ҇е­ви дꙋша̀ є҆гѡ̀: сегѡ̀ ра́ди по­тща́­сѧ ѿ сре­ды̀ лꙋ­ка́в­ствїѧ. Лю́­дїе же ви́­дѣв­ше, и҆ не раз­ꙋ­мѣ́в­ше, нижѐ по­ло́ж­ше въ по­мыш­ле́­нїи та­ко­во́е: ꙗ҆́кѡ блгⷣть и҆ млⷭ҇ть въ прпⷣбныхъ є҆гѡ̀, и҆ по­сѣ­ще́­нїе во и҆з­бра́н­ныхъ є҆гѡ̀.

На лї­тӏ́и стї­хи́­ра хра́­ма, та́же ст҃а́­гѡ, гла́съ и҃:

Прї­и­ди́­те, всѝ сло­ве́н­стїи со­бо́­ри, про­сла́­вимъ ѻ҆́бща­гѡ сп҃се́­нїѧ ра­чи́­те­лѧ, и҆ є҆́ре­си без­бо­ѧ́знен­на­го ѡ҆б­ли­чи́­те­лѧ, ни́­щихъ пи­та́­те­лѧ и҆ грѣ́ш­ни­кѡвъ кро́т­каго вра­зꙋ­ми́­те­лѧ, па́ѵ­ловꙋ ре́­вность ѡ҆ лю́­дехъ ꙗ҆ви́в­ша­го, и҆ дер­зно­ве́­нїе ве́­лїе ко гдⷭ҇ꙋ стѧ­жа́в­ша­го: то́й бо и҆ по пре­став­ле́­нїи сво­е́мъ бо­лѧ́­щыѧ и҆с­цѣ­лѧ́­етъ, и҆ дер­зно­вє́н­наѧ на­шє́­ствїѧ ва̑р­варъ ѿго­нѧ́­етъ, на́съ же ᲂу҆­ми­ле́н­ны­ми пѡ́­мы­слы и҆с­пол­нѧ́­етъ, и҆ мо́­лит­сѧ при́­снѡ ѡ҆ сп҃се́­нїи дꙋ́шъ на́­шихъ.

Сла́­ва, гла́съ в҃:

Дне́сь ли­кꙋ́­етъ твоѧ̀ ла́ѵ­ра, прпⷣбне ѻ҆́тче і҆́ѡве, и҆ всѝ лю́­дїе твоѧ̑ мѡ́щи ло­бы­за́­ти по­дви­за́­ют­сѧ, де́­мо­ни тво­еѧ̀ блгⷣти тре­пе́­щꙋтъ, и҆ а҆́гг҃ли ѡ҆ тво­е́мъ за­стꙋ­пле́­нїи ра́­дꙋ­ют­сѧ, мы́ же не­пре­ста́н­нѡ во­пї­е́мъ: ᲂу҆­твер­дѝ тво­и́­ми мл҃тва­ми пра­во­сла́в­ныхъ вѣ́рꙋ, жи­тїѐ на́ше и҆с­пра́­ви, и҆ сп҃се́­нїе и҆с­про­сѝ дꙋ­ша́мъ на́­шымъ.

И҆ ны́нѣ, гла́съ то́й­же:

Всѐ ᲂу҆­по­ва́­нїе моѐ на тѧ̀ воз­ла­га́ю, мт҃и бж҃їѧ, со­хра­ни́ мѧ подꙿ кро́­вомъ тво­и́мъ.

На стї­хо́в­нѣ стї­хи̑­ры, гла́съ є҃.

По­до́­бенъ: Ра́­дꙋй­сѧ:

Ра́­дꙋй­сѧ, сщ҃е́н­наѧ гла­во̀, і҆́ѡве, во­лы́н­скїѧ стра­ны̀ ᲂу҆­кра­ше́­нїе, тꙋ́ю бо зри́­ши въ пра­во­сла́в­нѣй вѣ́рѣ ᲂу҆­твер­жда́­е­мꙋ, тебѣ̀, ꙗ҆́кѡ жи́вꙋ сꙋ́щꙋ, мо­лѧ́­щꙋ­ю­сѧ, и҆ за­стꙋ­пле́­нїѧ на де́­мо­ны про­сѧ́­щꙋю: є҆́й же бꙋ́ди за­стꙋ́п­никъ не­ѡ­бо­ри́­мый, и҆ ѡ҆ все́мъ мӏ́рѣ мл҃твен­никъ.

Стӏ́хъ: Ч҇ⷭтна̀ предꙿ гдⷭ҇емъ сме́рть прпⷣбныхъ є҆гѡ̀.

Ра́­дꙋй­сѧ, сщ҃е́н­наѧ гла­во̀, прпⷣбне і҆́ѡве, ѕвѣз­до̀, ѿ га́­лицкїѧ зе­млѝ къ во­сто́­кꙋ при­ше́д­шаѧ, и҆ не­мощ­ны́хъ дꙋ́шы ѡ҆бо́­дрившаѧ, во сми­ре́­нїи сво­е́мъ дер­зно­ве́­нїю про­ти́­вꙋ є҆́ре­си лю́ди рѡс­сі̑й­скїѧ на­ста́­вив­шаѧ, и҆ къ нбⷭ҇но­мꙋ црⷭ҇твїю при­ве́д­шаѧ: є҆гѡ́­же и҆ на́съ спо­до́­би пред­ста́­тель­ствомъ тво­и́мъ, и҆ ѡ҆ все́мъ мӏ́рѣ бꙋ́ди мл҃твен­никъ.

Стӏ́хъ: Бл҃же́нъ мꙋ́жъ, бо­ѧ́й­сѧ гдⷭ҇а, въ за́­по­вѣ­дехъ є҆гѡ̀ вос­хо́­щетъ ѕѣлѡ̀.

Ра́­дꙋй­сѧ, сщ҃е́н­наѧ гла­во̀, надꙿ во­лы́н­скою стра­но́ю гдⷭ҇емъ воз­не­се́н­наѧ, є҆́йже по­ви­нꙋ́­ша­сѧ кнѧ̑­зи и҆ лю́­дїе: мы̀ же, дх҃ѡ́в­наѧ твоѧ̑ ча̑да, срⷣцемъ со­крꙋ­ше́н­нымъ къ тебѣ̀ при­па́­да­ю­ще, про́­симъ ко ѡ҆до­лѣ́­нїю стра­сте́й тво­еѧ̀ по́­мо­щи, въ ско́р­бехъ бл҃го­дꙋ́­шїѧ, и҆ ѡ҆ сме́рт­номъ часѣ̀ па́­мѧ­ти не­пре­ста́н­ныѧ, и҆ ѡ҆ все́мъ мӏ́рѣ мл҃твъ тво­и́хъ, і҆́ѡве прпⷣбне.

Сла́­ва, гла́съ и҃:

Мо­на́­хѡвъ мно́­жє­ства, на­ста́в­ни­ка тѧ̀ по­чи­та́­емъ, ѻ҆́тче на́шъ і҆́ѡве, тво­е́ю бо сте­зе́ю во­и́­стин­нꙋ пра́­вѡ хо­ди́­ти по­зна́­хомъ. бл҃же́нъ є҆сѝ, хрⷭ҇тꙋ̀ ра­бо́­тавъ, и҆ вра́­жїю ѡ҆б­ли­чи́лъ є҆сѝ си́лꙋ, а҆́гг҃лѡвъ со­бе­сѣ́д­ни­че и҆ прпⷣбныхъ со­при­ча́ст­ни­че и҆ првⷣныхъ: съ ни́­ми­же мо­ли́­сѧ гдⷭ҇е­ви, по­ми́­ло­ва­ти­сѧ дꙋ­ша́мъ на́­шымъ.

И҆ ны́нѣ, бг҃о­ро́­ди­ченъ, гла́съ то́й­же: Без­не­вѣ́ст­наѧ дв҃о:

Тро­па́рь прпⷣбна­гѡ, пи́­санъ на ма́­лѣй ве­че́р­ни, два́­жды, и҆ Бцⷣе, дв҃о: є҆ди́­но­жды.

На ѹ҆́трени.

На Бг҃ъ гдⷭ҇ь: тро­па́рь два́­жды. Сла́­ва, и҆ ны́нѣ, бг҃о­ро́­ди­ченъ.

По а҃-мъ стї­хо­сло́­вїи сѣ­да́­ленъ, гла́съ д҃:

Зва́­нїю гдⷭ҇ню по­слѣ́­до­вавъ, ро­ди́­тель­скїй до́мъ ѡ҆ста́­вилъ є҆сѝ, и҆ ѿ тѣ́­сна­гѡ жи­тїѧ̀ на тѣ­снѣ́й­шее пре­хо­ди́лъ є҆сѝ, но срⷣце твоѐ всѧ̑ при­те­ка́­ю­щыѧ къ тебѣ̀ не тѣ́­снѡ вмѣ­ща́­ше: тѣ́м­же дх҃ѡ́в­наѧ ча̑да твоѧ̑ ᲂу҆­мно́­жи­ша­сѧ и҆ ѡ҆ гдⷭ҇ѣ воз­ве­се­ли́­ша­сѧ. є҆го́­же молѝ, ѻ҆́тче на́шъ і҆́ѡве, сп҃сти́­сѧ вѣ́­рою чтꙋ́­щымъ ст҃ꙋ́ю па́­мѧть твою̀. Два́­жды.

Сла́­ва, и҆ ны́нѣ, бг҃о­ро́­ди­ченъ:

Ѡ҆б­но­ви́­ла є҆сѝ, чⷭ҇таѧ, бжⷭ҇твен­нымъ ржⷭ҇тво́мъ тво­и́мъ, и҆с­тлѣ́в­шее страсть­мѝ зем­но­ро́д­ныхъ ме́р­твен­ное сꙋ­ще­ство̀: и҆ воз­дви́г­ла є҆сѝ всѧ̑ ѿ сме́р­ти къ жи́­зни не­тлѣ́­нїѧ. тѣ́м­же тѧ̀ по до́л­гꙋ бл҃жи́мъ всѝ, дв҃о пре­про­сла́в­лен­наѧ, ꙗ҆́ко­же про­ре­кла̀ є҆сѝ.

По в҃-мъ стї­хо­сло́­вїи сѣ­да́­ленъ, гла́съ є҃:

Пе­ще́р­на­го за­тво́р­ни­ка и҆ бдѣ́н­на­го мл҃твен­ни­ка по­чти́мъ, прпⷣбна­го і҆́ѡва, ѿ мла­де́н­ства до ста́­ро­сти себѐ сми­рѧ́в­ша­го, и҆ ст҃ꙋ́ю цр҃ковь про­сла́вль­ша­го, та̑ти и҆ ѕло­дѣ̑и къ по­ка­ѧ́­нїю при­ве́д­ша­го, и҆ те́­плѣ мо­лѧ́­ща­сѧ ѡ҆ дꙋ­ша́хъ на́­шихъ. Два́­жды.

Сла́­ва, и҆ ны́нѣ, бг҃о­ро́­ди­ченъ:

Оу҆­жа́с­но чꙋ́до за­ча́­тїѧ, и҆ не­ска­за́­ненъ ѡ҆́бразъ ржⷭ҇тва̀ въ тебѣ̀ по­зна́­сѧ, при­сно­дв҃о чⷭ҇таѧ, ᲂу҆­жа­са́­етъ мо́й ѹ҆́мъ и҆ ᲂу҆­див­лѧ́­етъ по­мыш­ле́­нїе: сла́­ва твоѧ̀, бцⷣе, всѣ̑мъ про­стре́­сѧ, во сп҃се́­нїе дꙋ́шъ на́­шихъ.

По­лѷ­е­ле́й, и҆ ве­ли­ча́­нїе:

Оу҆­бл҃жа́­емъ тѧ̀, прпⷣбне ѻ҆́тче на́шъ і҆́ѡве, и҆ чти́мъ ст҃ꙋ́ю па́­мѧть твою̀, на­ста́в­ни­че мо­на́­хѡвъ, и҆ со­бе­сѣ́д­ни­че а҆́гг҃лѡвъ.

Ѱа­ло́мъ и҆з­бра́н­ный: Тер­пѧ̀, по­тер­пѣ́хъ гдⷭ҇а, и҆ внѧ́тъ мѝ, и҆ ᲂу҆­слы́­ша мл҃твꙋ мою̀.

По по­лѷ­е­ле́и сѣ­да́­ленъ, гла́съ и҃:

Па́­стыр­скꙋю мꙋ́­дрость сми­рен­но­мꙋ́­дрї­емъ стѧ­жа́въ, мнѡ́­гимъ бы́лъ є҆сѝ ᲂу҆­чи́­тель, мо­на́­хѡмъ ѻ҆те́цъ и҆ скор­бѧ́­щымъ ᲂу҆­тѣ́­ши­тель, и҆ мл҃твы і҆и҃со­вы не­ꙋ­мол­ка́­ѧй ѻ҆р­га́нъ: тѣ́м­же мо­ще́й не­тлѣ́­нї­емъ про­сла́­ви тѧ̀ мздо­воз­да­ѧ́­тель гдⷭ҇ь, є҆го́­же не­пре­ста́н­нѡ молѝ, пре­грѣ­ше́­нїй ѡ҆став­ле́­нїе да­ро­ва́­ти чтꙋ́­щымъ лю­бо́­вїю ст҃ꙋ́ю па́­мѧть твою̀. Два́­жды.

Сла́­ва, и҆ ны́нѣ, бг҃о­ро́­ди­ченъ:

Нбⷭ҇нꙋю две́рь и҆ кї­вѡ́тъ, все­ст҃ꙋ́ю го́рꙋ, свѣ́т­лый ѻ҆́блакъ вос­по­и́мъ, не­ѡ­па­ли́­мꙋю кꙋ­пи­нꙋ̀, сло­ве́с­ный ра́й, є҆́ѵы воз­зва́­нїе, все­ле́н­ныѧ всеѧ̀ ве­ли́­кое со­кро́­ви­ще, ꙗ҆́кѡ сп҃се́­нїе въ не́й со­дѣ́­ла­сѧ мӏ́рꙋ, и҆ ѡ҆став­ле́­нїе дре́в­нихъ со­грѣ­ше́­нїй. сегѡ̀ ра́ди во­пї­е́мъ є҆́й: мо­ли́­сѧ сн҃ꙋ тво­е­мꙋ̀, пре­грѣ­ше́­нїй ѡ҆став­ле́­нїе да­ро­ва́­ти бл҃го­чⷭ҇тнѡ по­кла­нѧ́­ю­щым­сѧ все­ст҃о́­мꙋ ржⷭ҇твꙋ̀ тво­е­мꙋ̀.

Та́же сте­пє́н­на, а҃-й а҆н­тї­фѡ́нъ д҃-гѡ гла́­са.

Про­кӏ́­менъ, гла́съ д҃: Ч҇ⷭтна̀ предꙿ гдⷭ҇емъ сме́рть прпⷣбныхъ є҆гѡ̀.

Стӏ́хъ: Что̀ воз­да́мъ гдⷭ҇е­ви ѡ҆ всѣ́хъ, ꙗ҆̀же воз­да­де́ ми;

Є҆ѵⷢ҇лїе ѿ ма­тѳе́а, за­ча́­ло м҃г: Речѐ гдⷭ҇ь сво­и̑мъ ᲂу҆­че­ни­кѡ́мъ: всѧ̑ мнѣ̀ пре­да­на̑ сꙋ́ть:

По н҃-мъ ѱал­мѣ̀: Мл҃тва­ми прпⷣбна­гѡ і҆́ѡва:

Та́же стї­хи́­ра, гла́съ ѕ҃:

Прпⷣбне ѻ҆́тче, во всю̀ зе́­млю и҆зы́­де вѣ­ща́­нїе и҆с­прав­ле́­нїй тво­и́хъ: тѣ́мъ на нб҃сѣ́хъ ѡ҆брѣ́лъ є҆сѝ мздꙋ̀ трꙋ­дѡ́въ тво­и́хъ, де́­мѡн­скїѧ по­гꙋ­би́лъ є҆сѝ пол­кѝ, и҆ а҆́гг҃ль­скїѧ до­сти́глъ є҆сѝ чи́ны, и҆́хже жи­тїю̀ безꙿ по­ро́­ка по­ре­вно­ва́лъ є҆сѝ. дер­зно­ве́­нїе и҆мѣ́ѧ ко хрⷭ҇тꙋ̀ бг҃ꙋ, ми́ръ и҆с­про­сѝ дꙋ­ша́мъ на́­шымъ.

Ка­нѡ́нъ бцⷣѣ со і҆р­мо­со́мъ на ѕ҃: Во́дꙋ про­ше́дъ: и҆ прпⷣбно­мꙋ на и҃, є҆гѡ́­же кра­е­гра­не́­сїе по а҆́з­бꙋ­цѣ.

Гла́съ и҃. Пѣ́снь а҃.

І҆р­мо́съ: По­сѣ­че́н­ный не­сѣ­ко́­ма­го пре­сѣ­чѐ, и҆ ви́дѣ со́лн­це зе́­млю, ю҆́же не ви́дѣ: лю́­та­го вра­га̀ вода̀ по­то­пѝ, и҆ не­про­хо­ди́­мое про́й­де і҆и҃ль. пѣ́снь же вос­пѣ­ва́­ше­сѧ: гдⷭ҇е­ви по­и́мъ, сла́в­нѡ бо про­сла́­ви­сѧ.

А҆́гг҃ла зем­на́­го и҆ нбⷭ҇на­го че­ло­вѣ́­ка, і҆́ѡва прпⷣбна­го, во­лы́н­скꙋю по­хва­лꙋ̀, до­сто́й­нѡ вос­пѣ́­ти по­мо­зи́ ми, сло́­ве бж҃їй, пре­зи­ра́ѧ моѧ̑ пре­грѣ­шє́­нїѧ и҆ по­да­ва́ѧ сло́­во ᲂу҆­стѡ́мъ мо­и̑мъ.

Бы́лъ є҆сѝ, прпⷣбне, во­и́­стин­нꙋ мӏ́рꙋ свѣ­ти́ль­никъ пре­свѣ́­телъ, всѣ̑мъ пꙋ́ть сп҃се́­нїѧ по­ка­зꙋ́­ѧй: тѣ́м­же и҆ мнѣ̀ бꙋ́ди по­мо́щ­никъ, во є҆́же про­сла́­ви­ти жи­тїѐ твоѐ и҆ ᲂу҆­ми­ле́­нїе стѧ­жа́­ти.

Въ домꙋ̀ ро­ди́­те­лей тво­и́хъ пе́р­вѣе по­зна́лъ є҆сѝ гдⷭ҇а, і҆́ѡве сла́в­не, и҆ ѻ҆́трокъ сы́й, ра́з­ꙋмъ со­вер­ше́нъ по­ка­за́лъ є҆сѝ, є҆гда̀ мо­на́­ше­ское жи­тїѐ и҆з­во́­лилъ є҆сѝ, всѧ̑ же жи­тє́й­скаѧ пре­ѡ­би́­дѣвъ, є҆ди́­на­го бг҃а воз­лю­би́лъ є҆сѝ.

Горѣ̀ ѻ҆́чи твоѝ и҆ дꙋ́шꙋ воз­но­сѧ̀, во ѻ҆би́­те­ли ᲂу҆­го́р­ництѣй бра́­тїю въ бг҃о­ꙋ­го́д­нѣмъ жи­тїѝ ско́­рѡ пре­воз­ше́лъ є҆сѝ, хꙋ́жд­ша всѣ́хъ себѐ по­мыш­лѧ́­ѧй, и҆ тѣ́мъ лꙋ́ч­шїй і҆и҃сꙋ ꙗ҆в­лѧ́­ѧ­сѧ, ста́р­цємъ же и҆ ю҆́нымъ ѡ҆́бразъ бы́въ пре­лю­бе́з­нѣй­шїй.

До́­брѣ тѧ̀ на дї­а́­во­лы во́­ин­ство­вав­ша по­мыш­лѧ́ѧ, прпⷣбне, сво­еѧ̀ сты­ждꙋ́­сѧ лѣ́­но­сти, и҆ мно́­же­ства грѣ­хѡ́въ мо­и́хъ ᲂу҆­жа­са́­ю­сѧ: но тво­и́­ми, ст҃е, мл҃тва­ми да́­рꙋй мѝ же­ла́­нїе бл҃го́е, во є҆́же про́­чее вре́­мѧ жи­тїѧ̀ мо­е­гѡ̀ въ по­ка­ѧ́­нїи скон­ча́­ти.

Бг҃о­ро́­ди­ченъ: Ꙗ҆́кѡ бж҃їѧ мт҃и дер­зно­ве́­нїе и҆мꙋ́­щи къ ро́жд­ше­мꙋ­сѧ и҆зꙿ тебє̀, є҆ди­но­ро́д­но­мꙋ сло́­вꙋ, и҆ ѻ҆ц҃ꙋ̀ со­без­на­ча́ль­но­мꙋ, и҆ со­е­сте́­ствен­но­мꙋ дх҃ꙋ, мо­лѧ́­щи не пре­ста́й, ѿ бѣ́дъ сп҃стѝ, все­не­по­ро́ч­наѧ, тѧ̀ бцⷣꙋ сла́­вѧ­щыѧ.

Ка­та­ва́­сїа по ᲂу҆­ста́­вꙋ.

Пѣ́снь г҃.

І҆р­мо́съ: Оу҆­твер­ди́­сѧ срⷣце моѐ во гдⷭ҇ѣ, воз­не­се́­сѧ ро́гъ мо́й въ бз҃ѣ мо­е́мъ, раз­ши­ри́­ша­сѧ на вра­гѝ моѧ̑ ᲂу҆­ста̀ моѧ̑, воз­ве­се­ли́х­сѧ ѡ҆ сп҃се́­нїи тво­е́мъ.

Є҆́сть во мнѣ̀, ѻ҆́тче прпⷣбне, до́­бра­гѡ и҆с­прав­ле́­нїѧ же­ла́­нїе, но и҆с­кꙋ­ше́­нїѧ лѣ́­но­сти по­бѣ­жда́­ти не на­вы­ко́хъ, ᲂу҆вы̀ мнѣ̀. ѻ҆ба́­че на по́­мощь твою̀ на­дѣ́­ѧ­сѧ, ᲂу҆­ны́­нїѧ по́­мы­слы ѿго­нѧ́ю, на твоѧ̑ же взи­ра́ю сла̑в­ныѧ по́­дви­ги.

Же­лѣ́­зо на­ре­че́­сѧ ро́дъ тво́й, і҆́ѡве прпⷣбне, крѣ́­пость дꙋшѝ тво­еѧ̀ предꙿꙋ­казꙋ́ѧ: въ пе­ще́­рѣ же ка́­мен­нѣ за­клю­чи́в­сѧ, ꙗ҆́кѡ зла́­то со­кро­ве́­но, ѡ҆ст҃и́лъ є҆сѝ мѣ́­сто пѡ́­двигъ тво­и́хъ, и҆ го́рꙋ по­ча́­ев­скꙋю ꙗ҆́кѡ стѣ́­нꙋ мѣ́­дѧ­нꙋ про­ти́­вꙋ вра­гѡ́въ пра­во­сла́­вїѧ ꙗ҆ви́лъ є҆сѝ.

Ѕѣлѡ̀ ᲂу҆глꙋ­би́­ша­сѧ по­мыш­лє́­нїѧ твоѧ̑, ꙗ҆̀же ѡ҆ нбⷭ҇нѣмъ црⷭ҇твїи, є҆гда̀, є҆щѐ ѻ҆́трокъ сы́й, а҆́гг҃ль­скїй ѡ҆́бразъ вос­прї­ѧ́лъ є҆сѝ: тѣ́м­же и҆ сщ҃е́н­никъ бы́въ бг҃ꙋ вѣ́­ренъ, да́же ны́нѣ мо­лє́­нїѧ ѡ҆ лю́­дехъ воз­но́­си­ши, і҆́ѡве прпⷣбне.

Зе­млѧ̀ га́­лицкаѧ ю҆́но­стїю тво­е́ю сла́­вит­сѧ, и҆ дꙋ́­бен­скаѧ ѻ҆би́­тель мꙋ́­жє­скїѧ по́­дви­ги твоѧ̑ бл҃го­вѣст­вꙋ́­етъ, ѻ҆би́­тель же по­ча́­ев­скаѧ ста́­ро­стїю тво­е́ю хва́­лит­сѧ и҆ бл҃же́н­ною кон­чи́­ною ве­се­ли́т­сѧ, всѧ́ же все­ле́н­наѧ ѡ҆ чꙋ­де­сѣ́хъ тво­и́хъ ра́­дꙋ­ет­сѧ и҆ ли­ков­ствꙋ́­етъ.

И҆́же по­да­е́­ши бл҃га̑ѧ всѣ̑мъ мо­лѧ́­щым­сѧ тебѣ̀, и҆ менѐ при­па́­да­ю­ща не ѿри́­ни, свѧ́т­че, но по­ка­ѧ́­нїе моѐ зрѧ̀, да́ждь мѝ жи­тїѧ̀ и҆с­прав­ле́­нїе, ре́­вность же вдох­нѝ, є҆́же по­дра­жа́­ти тво­и̑мъ бг҃о­лю­би̑­вымъ дѣ­ѧ̑­нї­ємъ.

Бг҃о­ро́­ди­ченъ: Оу҆­мерщ­вле́н­ный мо́й ѹ҆́мъ, жи­во́т­нымъ дѣ́й­ствомъ, и҆зꙿ тебє̀ ꙗ҆́вль­шим­сѧ мӏ́рꙋ, воз­дви́г­ни, чⷭ҇таѧ, и҆ къ жи́­зни на­ста́­ви, ꙗ҆́же сме́р­ти двє́­ри ра­зо́р­шаѧ є҆ди́­на ржⷭ҇тво́мъ тво­и́мъ.

Сѣ­да́­ленъ, гла́съ и҃:

Дне́сь и҆с­пол­нѧ́­ет­сѧ ра́­до­сти ѻ҆би́­тель по­ча́­ев­скаѧ, твоѐ бг҃о­лю­би́­вое жи­тїѐ про­слав­лѧ́­ю­щи: дне́сь хрⷭ҇то­и­ме­ни́­тїи лю́­дїе ре́­вно­стїю сп҃се́­нїѧ про­свѣ­ща́­ют­сѧ, зрѧ́­ще не­тлѣ́­нї­емъ про­сла́в­лєн­ныѧ мѡ́щи твоѧ̑, прпⷣбне: дне́сь грѣ­хѡ́в­ныѧ ѿго­нѧ́­ют­сѧ стра̑­сти, и҆ по́­мы­слы по­ка­ѧ́­нїѧ дꙋ́шы на́шѧ ѡ҆б̾­е́м­лютъ, въ ни́х­же ᲂу҆­твер­дѝ всѣ́хъ, пре­сла́в­не, вѣ́р­нѡ по­чи­та́­ю­щихъ па́­мѧть твою̀.

Сла́­ва, и҆ ны́нѣ, бг҃о­ро́­ди­ченъ:

Ꙗ҆́кѡ все­не­по­ро́ч­наѧ не­вѣ́­ста твор­ца̀, ꙗ҆́кѡ не­и­скꙋ­со­мꙋ́ж­наѧ мт҃и и҆з­ба́­ви­те­лѧ, прї­ѧ́­те­ли­ще ꙗ҆́кѡ сꙋ́щи ᲂу҆­тѣ́­ши­те­лѧ, все­пѣ́­таѧ, без­за­ко́­нїѧ мѧ̀ сꙋ́ща скве́р­ное ѻ҆би́­те­ли­ще, и҆ де́­мо­нѡвъ и҆гра́­ли­ще въ ра́з­ꙋ­мѣ бы́в­ша, по­тщи́­сѧ ѿ тѣ́хъ ѕло­дѣ́й­ства мѧ̀ и҆з­ба́­ви­ти, и҆ свѣ́т­лое жи­ли́­ще до­бро­дѣ́­те­лей со­вер­шѝ, свѣ­то­но́с­наѧ не­тлѣ́н­наѧ: ѿже­нѝ ѻ҆́блакъ стра­сте́й, и҆ вы́ш­нѧ­гѡ при­ча́­стїѧ спо­до́­би, и҆ свѣ́­та не­ве­че́р­нѧ­гѡ, мл҃тва­ми тво­и́­ми.

Пѣ́снь д҃.

І҆р­мо́съ: Прⷪ҇ро́къ а҆в­ва­кꙋ́мъ ѹ҆́м­ны­ма ѻ҆чи́­ма про­ви́­дѣ, гдⷭ҇и, при­ше́­ствїе твоѐ, тѣ́мъ и҆ во­пї­ѧ́­ше: ѿ ю҆́га прї­и́­детъ бг҃ъ. сла́­ва си́лѣ тво­е́й, сла́­ва сниз­хо­жде́­нїю тво­е­мꙋ̀.

І҆́ѡве прпⷣбне, ѡ҆ всѣ́хъ мл҃твен­никъ бꙋ́ди те́­плый, тво­е­мꙋ̀ за­стꙋ­пле́­нїю вѣ́­рꙋ­ю­щихъ, свое́ же ѡ҆ка­ѧ­ва́­ю­щихъ жи­тїѐ, и҆ на бж҃їе млⷭ҇рдїе ᲂу҆­по­ва́­ю­щихъ, а҆́ще и҆ прельще́нь­ми жи­тїѧ̀ сегѡ̀ вла́­ю­щих­сѧ.

Кто̀ ѿ че­ло­вѣ̑къ не по­ди­ви́т­сѧ дол­го­тер­пѣ­ли́­во­мꙋ жи­тїю̀ тво­е­мꙋ̀, ѻ҆́тче; кто́ ли не про­сла́­витъ тво­еѧ̀ ѡ҆ пра­во­сла́­вїи ре́­вно­сти; ты́ бо, ꙗ҆́кѡ а҆да­ма́нтъ крѣ́­покъ, є҆ре­тї­кѡ́мъ про­ти­во­ста́лъ є҆сѝ, и҆ и҆́стин­ныѧ вѣ́ры про­по­вѣ́­да­нїе, сло­ве­сы́ же и҆ пи­са́нь­ми, всѣ̑мъ пре­по́­далъ є҆сѝ.

Льва̀ ры­ка́­ю­ща, и҆ и҆́щꙋ­ща по­гло­ти́­ти дꙋ́шы сп҃са́­е­мыхъ, мл҃твою тво­е́ю по­бѣ­ди́лъ є҆сѝ, ѻ҆́тче, но и҆ томꙋ̀ слꙋ­жа́­щыѧ лю́ди въ по­ка­ѧ́­нїе при­во­ди́лъ є҆сѝ, та̑ти млⷭ҇рдї­емъ тво­и́мъ по­сты­жда́ѧ и҆ вра­зꙋм­лѧ́ѧ, гра­би́­тє­ли же ѡ҆б­ли­че́нь­ми ᲂу҆­стра­ша́ѧ, и҆ всѧ̑ на­ꙋ­ча́ѧ сп҃си́­тель­но­мꙋ по­ка­ѧ́­нїю.

Мра́къ дꙋшѝ моеѧ̀, ѻ҆́тче, пред­ста́­тель­ствомъ тво­и́мъ раз­сѣ́й, и҆ свѣ́­томъ за́­по­вѣ­дей гдⷭ҇нихъ про­свѣ­тѝ моѐ ѡ҆ка­ѧ́н­ное срⷣце, да и҆ а҆́зъ тво­и̑мъ ᲂу҆­че­ни­кѡ́мъ по­слѣ́­дꙋѧ, тѣ́хъ ча́­сти ли­ше́нъ не пре­бꙋ́­дꙋ, твою̀ вос­хва­лѧ́ѧ ст҃ꙋ́ю па́­мѧть.

Бг҃о­ро́­ди­ченъ: Бг҃а, и҆зꙿ тебє̀ во­пло­ще́н­на­го, молѝ, не­пре­ло́ж­нѡ, є҆́же бѣ̀, пре­бы́в­ша, и҆ є҆сте́­ствен­нѡ ра́в­на ѻ҆ц҃ꙋ̀, и҆ дꙋ́хꙋ со­прⷭ҇то́ль­на, про­ще́­нїе пре­грѣ­ше́­нїй и҆ дꙋ́шъ сп҃се́­нїе по­ю́­щымъ тѧ̀ вѣ́­рою да­ро­ва́­ти.

Пѣ́снь є҃.

І҆р­мо́съ: Мра́къ дꙋшѝ моеѧ̀ раз­же­нѝ, свѣ­то­да́в­че хрⷭ҇тѐ бж҃е, на­ча­ло­ро́д­нꙋю тьмꙋ̀ и҆з­гна́въ бе́з­дны, и҆ да́­рꙋй мѝ свѣ́тъ по­ве­лѣ́­нїй тво­и́хъ, сло́­ве, да ѹ҆́тре­нюѧ сла́в­лю тѧ̀.

На́шъ є҆сѝ во­и́­стин­нꙋ пред­ста́­тель и҆ чꙋ­до­тво́­рецъ пре­свѣ́т­лый, взы­ва́­ше дї­о­нѵ́­сїй, ѡ҆брѣ­ты́й мѡ́щи твоѧ̑ тлѣ́­нїю не­при­ча̑ст­ны, мы́ же, сїѧ̑ ло­бы­за́­ю­ще, во­пї­е́мъ: на́­шихъ скве́рнъ не воз­гнꙋ­ша́й­сѧ, ᲂу҆­го́д­ни­че бж҃їй, но тво­и́­ми мл҃тва­ми сїѧ̑ ѡ҆чⷭ҇ти.

Ѡ҆прав­да́­нї­ємъ бж҃ї­имъ ѿ ю҆́но­сти, ѻ҆́тче, на­ꙋ­ча́­емь, сꙋ­е­ты̀ жи­те́й­скїѧ ᲂу҆­кло­ни́­ти­сѧ крѣ́п­кѡ воз­же­ла́лъ є҆сѝ, без­мо́л­вїе же воз­лю­би́лъ є҆сѝ: ѻ҆ба́­че ве­лѣ́­нїю хрⷭ҇то́­вꙋ не про­тив­лѧ́­ѧ­сѧ, при­те­ка́­ю­щыѧ къ тебѣ̀ пра́­во­мꙋ и҆с­по­вѣ́­да­нїю и҆ є҆ѵⷢ҇ль­ско­мꙋ жи­тїю̀ на­ꙋ­ча́лъ є҆сѝ.

Пред­ста́­тель ꙗ҆ви́л­сѧ є҆сѝ и҆ по пре­став­ле́­нїи тво­е́мъ стра́­ждꙋ­щымъ и҆ скор­бѧ́­щымъ че­ло­вѣ́­кѡмъ: та́кѡ бо тѧ̀ ви́­дѣ­ша лю́­дїе, и҆зꙿ гро́­ба тво­е­гѡ̀ и҆с­хо­дѧ́­ща, и҆ со а҆́гг҃лы по­сре­дѣ̀ це́р­кве мо­лѧ́­ща­сѧ. Ѽ чꙋ́до пре­сла́в­ное во­и́­стин­нꙋ! Ѽ ра́­дость вѣ̑р­нымъ и҆ ᲂу҆­твер­жде́­нїе!

Ра­чи́­тель бы́въ нбⷭ҇на­гѡ црⷭ҇твїѧ, ѡ҆ сво­е́мъ та́мѡ вхо­жде́­нїи и҆з­вѣст­вꙋ́­е­ши­сѧ, и҆ кро­мѣ̀ бо­лѣ́­зни и҆ стра́­ха пре­се́ль­никъ ꙗ҆в­лѧ́­е­ши­сѧ лꙋ́ч­шїѧ жи́­зни, бра́­тїи же тво­еѧ̀ ᲂу҆­чи́­тель и҆ ᲂу҆­по­ва́­нїе.

Со­пꙋ́т­никъ жи­тїю̀ мо­е­мꙋ̀ бꙋ́ди, ѻ҆́тче і҆́ѡве, мл҃твою тво­е́ю ѡ҆гра­жда́й мно­го­мѧ­те́ж­нꙋю мою̀ дꙋ́шꙋ, и҆ вве­дѝ ю҆̀ въ нбⷭ҇ное црⷭ҇тво, тво­и́­ми ᲂу҆­ми­ле́н­нꙋю пѡ́­дви­ги, хрⷭ҇тꙋ̀ же по­ка­ѧ̑н­ныѧ при­но­сѧ́­щꙋю сле́­зы.

Бг҃о­ро́­ди­ченъ: Тѧ̀ стѣ́­нꙋ и҆мꙋ́­ще, и҆ пред­ста́­тель­ствомъ тво­и́мъ со­блю­да́­е­ми, тво­е́ю бжⷭ҇твен­ною сла́­вою хва́­лѧ­ще­сѧ, тѧ̀ бл҃жи́мъ: ты́ бо, все­чⷭ҇таѧ, дꙋ­ша́мъ на́­шымъ и҆с­то­ча́­е­ши ве­се́­лїе и҆ ра́­до­ва­нїе.

Пѣ́снь ѕ҃.

І҆р­мо́съ: І҆ѡ́нꙋ въ ки́тѣ, гдⷭ҇и, є҆ди́­на­го все­ли́лъ є҆сѝ, мене́ же свѧ́­за­на мре́­жа­ми вра́­жї­и­ми, ꙗ҆́кѡ ѿ тлѝ ѻ҆́на­го, сп҃сѝ.

Тве́р­дое ᲂу҆­по­ва́­нїе на пред­ста́­тель­ство твоѐ воз­ла­га́ю, прпⷣбне, и҆ вѣ́­рою мо­лю́­сѧ: да́ждь мѝ стра­сте́й лю́­тыхъ ѡ҆до­лѣ́­нїе, сме́р­ти же не­пре­ста́н­нꙋю па́­мѧть, и҆ бл҃же́н­ства же­ла́­нїе грѧ­дꙋ́­ща­гѡ вѣ́ка.

Оу҆­твер­жда́­ет­сѧ то­бо́ю, прпⷣбне, ст҃а́ѧ цр҃ковь, є҆́ресь же всѧ́­каѧ по­сра­млѧ́­ет­сѧ, ѡ҆б­ли­че́­нїе и҆мꙋ́­щи твоѧ̑ мно­го­цѣ­лє́б­ныѧ мѡ́щи, и҆ жи­тїѧ̀ тво­е­гѡ̀ сто­лѣ́т­нѧ­гѡ трꙋ­ды̀, и҆ бѡ­лѣ́­зни, и҆ сле́­зы, и҆ по́стъ, и҆ пло́­ти ѿ ко­сте́й ѿпа­де́­нїе.

Фа­ра­ѡ́­на мы́­слен­на­го по­бѣ­жда́­ше і҆́ѡвъ прпⷣбный, по­слꙋ­ша́­нїю все­гда̀ при­лѣ­жа̀, и҆ ѡ҆бꙋ­ре­ва́­є­мымъ на по́­мощь при­хо­ди́­ти не ѿрица́­ѧ­сѧ, и҆ та́кѡ трѝ ѻ҆би́­тє­ли ᲂу҆­че́­нї­емъ сво­и́мъ про­свѣ­ти́въ, и҆ пѡ́­дви­ги мно́­ги­ми про­сла́­вивъ, ве­се­лѧ́­ше сп҃са всѣ́хъ, чл҃вѣ­ко­лю́б­ца.

Хрⷭ҇то́­вꙋ сми­ре́­нїю по­дра­жа́­ше і҆́ѡвъ, є҆гда̀ на­ча́ль­ство, ꙗ҆́кѡ слꙋ­же́­нїе всѣ̑мъ, прї­ѧ́тъ, и҆ и҆гꙋ́­менъ сы́й, въ тѧ́ж­кихъ слꙋ́ж­бахъ по­дви­за́­ше­сѧ, бра́­тїи же бѧ́ше ѡ҆́бразъ кро́­то­сти, и҆ трꙋ­до­лю́­бїѧ пра́­ви­ло, и҆ ѡ҆ мл҃твѣ при́­сное на­по­ми­на́­нїе.

Ѿ скве́р­ныхъ и҆з­ба́­ви мѧ̀ стра­сте́й тво­и́­ми мл҃тва­ми, тѣ́хъ ѡ҆до­лѣ́­нїе мнѣ̀ по­да­ва́ѧ, бжⷭ҇твен­ныѧ по́­мо­щи при́­снымъ при­зы­ва́­нї­емъ, и҆ на себѐ не­на­дѣ́­ѧ­нї­емъ, и҆ бра́­та мо­е­гѡ̀ не­ѡ­сꙋ­жде́­нї­емъ.

Бг҃о­ро́­ди­ченъ: Воз­нес­ла̀ є҆сѝ все­и́­стин­нѡ па́д­ше­е­сѧ че­ло­вѣ́­че­ское сꙋ­ще­ство̀, во зра́­цѣ бжⷭ҇твен­нѣмъ, и҆ ѻ҆ц҃а̀ въ ра́­вен­ствѣ, ви́­ди­ма­го сн҃а не­из­мѣ́н­на­го, бг҃о­мт҃и, безꙿ сѣ́­ме­не во чре́­вѣ по­но­си́в­ши.

Кон­да́къ, гла́съ д҃.

По­до́­бенъ: Ꙗ҆ви́л­сѧ є҆сѝ дне́сь все­ле́н­нѣй:

Ꙗ҆ви́л­сѧ є҆сѝ и҆́стин­ныѧ вѣ́ры сто́лпъ, є҆ѵⷢ҇ль­скихъ же за́­по­вѣ­дей ре­вни́­тель, гор­ды́­ни ѡ҆б­ли­че́­нїе, сми­рє́н­нымъ же пред­ста́­тель и҆ на­ꙋ­че́­нїе: тѣ́м­же и҆ ᲂу҆­бл҃жа́­ю­щымъ тѧ̀ грѣ­хѡ́въ ѿпꙋ­ще́­нїе и҆с­про­сѝ, и҆ ѻ҆би́­тель твою̀ не­вре­ди́­мꙋ со­хра­нѝ, і҆́ѡве, ѻ҆́тче на́шъ, мно­го­стра­да́ль­но­мꙋ по­до́б­ный.

І҆́косъ: Ѿве́р­зи ᲂу҆­ста̀ твоѧ̑, пе­ще́­ро ка́­мен­наѧ, и҆ рцы̀ на́мъ, коль­кра́­ты тѡ́ки сле́зъ і҆́ѡв­лихъ ѡ҆мо­чи́­ла­сѧ є҆сѝ, ка́кѡ тогѡ̀ воз­ды­ха̑­нїѧ тво­и́хъ стѣ́нъ не рас­тор­го́­ша, ка́кѡ свѣ́тъ бжⷭ҇твен­ный тебє̀ не сож­жѐ, ка́кѡ а҆́гг҃ли бдѣ̑н­нымъ по­дви­гѡ́мъ і҆́ѡв­лимъ ди­ви́­ша­сѧ, тѣ́ми бо ѡ҆ст҃и́­сѧ зе­млѧ̀ га́­лицкаѧ и҆ во­лы́н­скаѧ; мы̀ же сїѧ̑ всѧ̑ по­мыш­лѧ́­ю­ще, сле­за́­ми ᲂу҆­ми­ле́­нїѧ ѻ҆́чи на́ши и҆с­пол­нѧ́­емъ: є҆́сть бо прпⷣбный і҆́ѡвъ ᲂу҆­го́д­никъ ди́в­ный, мно­го­стра­да́ль­но­мꙋ по­до́б­ный.

Пѣ́снь з҃.

І҆р­мо́съ: На по́лѣ де­и́­рѣ и҆но­гда̀ мꙋ­чи́­тель пе́щь по­ста́­ви на мꙋ­че́­нїе бг҃о­но́с­ныхъ, въ не́й­же трїѐ ѻ҆́тро­цы пѣ­сно­сло́­вѧ­хꙋ є҆ди́­на­го бг҃а, тро́­ич­нѡ вос­пѣ­ва́­хꙋ, гла­го́­лю­ще: ѻ҆тцє́въ бж҃е, бл҃го­сло­ве́нъ є҆сѝ.

Цр҃ю̀ нбⷭ҇но­мꙋ ны́нѣ пред­стоѧ̀, прпⷣбне і҆́ѡве, ᲂу҆­мо­лѝ того̀ за стра­нꙋ̀ на́шꙋ и҆ цр҃ковь рꙋ́с­скꙋю, на́мъ же всѣ̑мъ є҆ди­но­мы́­слїе и҆с­про­сѝ ᲂу҆ бг҃а, и҆ дрꙋ́гъ ко дрꙋ́­гꙋ лю­бо́вь, и҆ ѡ҆ пра­во­сла́­вїи ре́­вность.

Ча́шꙋ жи­тїѧ̀ тво­е­гѡ̀ пи́ти, гдⷭ҇и, не могꙋ̀ а҆́зъ ѡ҆ка­ѧ́н­ный, бо­ѧ́­знїю скор­бе́й ѡ҆бꙋ­ре­ва­емь, и҆ стра­сте́й спле­та́­емь те́р­нї­емъ. ѻ҆ба́­че мо­лю́­сѧ: і҆́ѡва, тво­е­гѡ̀ ᲂу҆­го́д­ни­ка, мл҃тва­ми по­ми́­лꙋй мѧ̀, и҆ по­мо­зѝ мѝ грѣ­хо́в­нꙋю ѡ҆трѧ­стѝ лѣ́­ность.

Ши­ро́­кїй пꙋ́ть, по­ги́­бель дꙋшѝ пре­д­но­сѧ́­щїй, воз­не­на­ви́­дѣвъ, і҆́ѡве прпⷣбне, въ тѣ́­снѣй пе­ще́­рѣ за­клю­чи́л­сѧ є҆сѝ, и҆ тѣ́­сна­гѡ пꙋтѝ жи́­зни въ на­ча́ль­ствѣ тво­е́мъ не ᲂу҆­кло­ни́л­сѧ є҆сѝ, де́нь и҆ но́щь въ мл҃твѣ и҆ трꙋ­дѣ́хъ пре­бы­ва́ѧ, и҆ на­ꙋ­че́­нїе здра́­вое всѣ̑мъ при­хо­дѧ́­щымъ къ тебѣ̀ по­да­ва́ѧ.

Ще́дръ бы́лъ є҆сѝ ни́­щымъ, ка́­ю­щым­сѧ же млⷭ҇тивъ, и҆ на­ꙋ­че́­нїѧ тре́­бꙋ­ю­щымъ ᲂу҆­чи́­тель кро́­токъ, бжⷭ҇твен­ныѧ же мꙋ́­дро­сти лю­би́­тель, и҆ є҆ѵⷢ҇ль­скихъ за́­по­вѣ­дей про­по­вѣ́д­никъ, кни́гъ же бжⷭ҇твен­ныхъ и҆з­да́­тель, и҆ є҆́ре­си без­бо­ѧ́знен­ный ѡ҆б­ли­чи́­тель.

Бг҃о­ро́­ди­ченъ: Мр҃ӏ́ю пре­чⷭ҇тꙋю и҆ все­ст҃ꙋ́ю вос­хва́­лимъ: то́ю бо блгⷣть на́мъ и҆с­то­ча́­ет­сѧ па́че ᲂу҆ма̀ да­рѡ́въ, ꙗ҆́кѡ ѿ по­то́­ка бжⷭ҇твен­ныѧ бл҃го­сти: ю҆́же бл҃го­чⷭ҇ти́­вымъ по́­мы­сломъ ны́нѣ ᲂу҆­бл҃жа́­емъ.

Пѣ́снь и҃.

І҆р­мо́съ: По­кры­ва́­ѧй во­да́­ми пре­вы́­спрєн­нѧѧ своѧ̑, по­ла­га́­ѧй мо́рю пре­дѣ́лъ пе­со́къ, и҆ со­дер­жа́й всѧ̑, тѧ̀ по­е́тъ со́лн­це, тѧ̀ сла́­витъ лꙋна̀, тебѣ̀ при­но́­ситъ пѣ́снь всѧ̀ тва́рь, ꙗ҆́кѡ со­дѣ́­те­лю всѣ́хъ во вѣ́ки.

Ѣ҆́дꙋ­щымъ и҆ и҆дꙋ́­щымъ во ѻ҆би́­тель твою̀ без­чи́­слєн­нымъ лю́­демъ, ко тво­и̑мъ же мо­ще́мъ при­па́­да­ю­щымъ, бꙋ́ди да­ро­ва́­нїй дх҃о́в­ныхъ по­да́­тель, тѣ­ле́с­ныхъ же бо­лѣ́­зней цѣ­ли́­тель, и҆ предꙿ сп҃сомъ те́­плый ѡ҆ всѣ́хъ пред­ста́­тель, і҆́ѡве, зе­млѝ во­лы́н­скїѧ сла́­во и҆ ᲂу҆­кра­ше́­нїе.

Ю҆́но­ша тѣ́­ломъ, но ста́­рецъ ᲂу҆­мо́мъ въ на­ча́­лѣ мо­на́­ше­ска­гѡ жи­тїѧ̀ тво­е­гѡ̀ бы́лъ є҆сѝ, ѻ҆́тче: со­ста­рѣ́в­сѧ же пло́­тїю, ю҆́но­ше­скꙋю бо́­дрость въ трꙋ­дѣ́хъ ꙗ҆в­лѧ́лъ є҆сѝ, зе­млѝ ко­па́­нї­емъ и҆ дре­ве́съ на­са­жде́­нї­емъ ѡ҆́бразъ всѣ̑мъ сми­рен­но­мꙋ́­дрїѧ по­да­ва́ѧ.

Ꙗ҆в­ле́­нїе твоѐ со а҆́гг҃лы вкꙋ́­пѣ сми­ре́н­нꙋю дѣ́вꙋ ᲂу҆­жа­са́­ше, здра́­вїе же ᲂу҆­че­ни­кꙋ̀ тво­е­мꙋ̀ по­да­ва́­ше, и҆ всѧ̑ лю́ди на сла­во­сло́­вїе бг҃о­ви воз­дви­за́­ше, и҆́стин­нꙋю же ᲂу҆­твер­жда́­ше въ ни́хъ вѣ́рꙋ, и҆ є҆ре­тӏ́­чє­скаѧ ѿрѣ­ва́­ше на­падє́­нїѧ.

Ѳѷ­мї­а́­момъ мл҃твъ тво­и́хъ и҆ менѐ ѡ҆бл҃го­ꙋ­ха́й, і҆́ѡве пре­сла́в­не, мо­и́хъ грѣ­хѡ́въ ѕло­смра́­дїе тѣ́мъ ѿго­нѧ́ѧ, и҆ ᲂу҆­по­ва́­нїе на гдⷭ҇а все­лѧ́ѧ въ мою̀ смра́д­нꙋю дꙋ́шꙋ, да блгⷣтїю бж҃ї­ею ѡ҆чи­ща́­емь, вос­пою̀ твоѐ, пре­бл҃же́н­не, крѣ́п­кое за­стꙋ­пле́­нїе.

Бг҃о­ро́­ди­ченъ: Бг҃о­ро­ди́­тель­ни­це все­чⷭ҇таѧ, дꙋшѝ моеѧ̀ ꙗ҆́звы и҆ грѣ­хѡ́в­ныѧ стрꙋ́­пы ѡ҆чⷭ҇ти, и҆с­то́ч­ни­комъ ѡ҆мы­ва́­ю­щи сꙋ́­щимъ и҆зꙿ ре́бръ сн҃а тво­е­гѡ̀, и҆ по­те́к­ши­ми и҆зꙿ тѣ́хъ ѡ҆чи­ща́­ю­щи стрꙋ­ѧ́­ми: къ тебѣ̀ при­бѣ­га́ю, и҆ тѧ̀ при­зы­ва́ю, бг҃о­блгⷣт­нꙋю.

Пѣ́снь ѳ҃.

І҆р­мо́съ: Бл҃го­сло­ве́нъ гдⷭ҇ь бг҃ъ і҆и҃левъ, воз­дви́г­нꙋ­вый ро́гъ сп҃се́­нїѧ на́мъ въ домꙋ̀ дв҃до­вѣ, ѻ҆́тро­ка сво­е­гѡ̀: въ ни́х­же по­сѣ­тѝ на́съ во­сто́къ съ вы­со­ты̀, и҆ на­пра́­вилъ ны̀ є҆́сть на пꙋ́ть ми́ра.

Ѵ҆с­сѡ́­помъ блгⷣти бж҃їѧ ѡ҆кро­пѝ срⷣца̀ на̑ша, і҆́ѡве прпⷣбне, тво­и̑мъ ст҃ы̑мъ мо­ще́мъ по­кла­нѧ́­ю­щих­сѧ, да тво­еѧ̀ ре́­вно­сти ѡ҆ вѣ́рѣ при­ча­сти́в­ше­сѧ, ко и҆с­пол­не́­нїю за́­по­вѣ­дей хрⷭ҇то́­выхъ до́­брѣ по­тщи́м­сѧ.

Ѱа­ло́м­ски взы­ва́­ти къ бг҃ꙋ на зе­млѝ не пре­ста­ва́лъ є҆сѝ, и҆ дѣ́в­ства тво­е­гѡ̀ со­сꙋ́дъ со­блю́лъ є҆сѝ: тѣ́м­же на нб҃сѝ ра̑й­скїѧ вос­пѣ­ва́­е­ши ны́нѣ пѣ̑­сни со а҆́гг҃лы и҆ всѣ́­ми ст҃ы́­ми, лю́ди же на зе­млѝ трꙋ­дѧ́­щы­ѧ­сѧ ѿ вы́ш­нихъ на­зи­ра́­е­ши.

Ѽ ко­ли́­ка жи­тїѧ̀ тво­е­гѡ̀ не­тлѣ́н­наѧ кра­со­та̀! Ѽ ко­ли̑­ка по сме́р­ти тво­е́й чꙋ­де­са̀ и҆ и҆с­цѣ­лє́­нїѧ! сѐ бо зем­на̑ѧ ѡ҆ста́­вивъ, во­и́­стин­нꙋ сто­ри́­цею нбⷭ҇наѧ бл҃га є҆щѐ въ жи­тїѝ, па́че же во грѧ­дꙋ́­щемъ, по гла­го́­лꙋ хрⷭ҇то́­вꙋ, стѧ­жа́лъ є҆сѝ.

Ѽ ко­ли́­ко грѣ­хѡ́въ на́­шихъ мно́­же­ство! но сїѧ̑ пре­вос­хо́­дитъ тво­и́хъ мл҃твъ крѣ́­пость, и҆́хже не лишѝ на́съ, ѻ҆́тче прпⷣбне і҆́ѡве, дрꙋ́­же хрⷭ҇то́въ и҆ ст҃ы́хъ всѣ́хъ со­при­ча́ст­ни­че, цер­ко́в­ный сто́л­пе и҆ ѡ҆ дꙋ­ша́хъ че­ло­вѣ́­че­скихъ пред­ста́­те­лю те­плѣ́й­шїй.

Бг҃о­ро́­ди­ченъ: За­ча­ла̀ є҆сѝ, дв҃о, безꙿ сѣ́­ме­не, всѧ̑­че­скаѧ со­зда́в­ша­го, сло́­во бж҃їе, кро­мѣ̀ хо­тѣ́­нїй плот­ски́хъ: и҆ безꙿ и҆с­тлѣ́­нїѧ ро­ди­ла̀ є҆сѝ, безꙿ бо­лѣ́­зней ма́­тер­нихъ. тѣ́мъ тѧ̀ бцⷣꙋ, и҆ ѧ҆зы́­комъ и҆ срⷣцемъ и҆с­по­вѣ́­да­ю­ще, ве­ли­ча́­емъ.

Свѣ­ти́­ленъ.

По­до́­бенъ: Свѣ́­те не­из­мѣ́н­ный:

І҆́ѡвъ прпⷣбный дне́сь да вос­хва́­лит­сѧ, ꙗ҆́кѡ хрⷭ҇то́въ во́­инъ и҆ ѡ҆ лю́­дехъ мл҃твен­никъ, вѣ́ры про­по­вѣ́д­никъ, є҆́ре­си ѡ҆б­ли­чи́­тель и҆ цр҃кве ᲂу҆­кра­ше́­нїе. Два́­жды.

Сла́­ва, и҆ ны́нѣ, бг҃о­ро́­ди­ченъ:

Тѧ̀ пѣ́снь­ми не­мо́лч­ны­ми ᲂу҆­бл҃жа́­емъ, дв҃о, ꙗ҆́кѡ ѿ трⷪ҇цы є҆ди́­на­го ро­ди­ла̀ є҆сѝ, бцⷣе, и҆ но­си́­ла є҆сѝ на бжⷭ҇твен­ныхъ ѡ҆б̾­ѧ́­тї­ихъ пре­сꙋ́­ще­ствен­ное сло́­во, не­вра́щ­но и҆ не­из­мѣ́н­но.

На хва­ли́­техъ стї­хи̑­ры на д҃, гла́съ д҃:

Про­сї­ѧ́­ша по́­дви­зи твоѝ во стра­нѣ̀ га́­лицтѣй, ѻ҆́тче і҆́ѡве, тѣ́м­же пра­во­сла́­вїѧ ре­вни́­тє­ли въ зе́­млю во­лы́н­скꙋю тебѐ гла­ша́­ютъ, и҆ ѻ҆би́­тель дꙋ́­бен­скаѧ тво­и́мъ прпⷣбнымъ жи­тї­е́мъ ᲂу҆­кра­ша́­ет­сѧ: но тогѡ̀ со­вер­ше́­нїе по­ча́­ев­скаѧ ла́ѵ­ра прї­е́м­летъ, всѧ́ же стра­на̀ сїѧ̀ ᲂу҆­че́нь­ми тво­и́­ми про­свѣ­ща́­ет­сѧ. Два́­жды.

Бра­то­лю­би́­вое твоѐ срⷣце, прпⷣбне, мо­на́­хѡвъ мно́­жє­ства на го́рꙋ по­ча́­ев­скꙋю при­вле­чѐ, и҆́хже сп҃се́­нїѧ бы́лъ є҆сѝ ре­вни́­тель: тѣ́м­же и҆ мы̀, а҆пⷭ҇ль­скїй гла­го́лъ вѣ́­дꙋ­ще, ꙗ҆́кѡ ни­ко­гда́­же пре­ста­е́тъ дх҃о́в­наѧ любы̀, тво­е­мꙋ̀ чꙋ­де́с­но­мꙋ по­пе­че́­нїю дꙋ́шы на́шѧ ввѣ­рѧ́­емъ, ꙗ҆̀же при­ве­дѝ ко і҆и҃сꙋ чл҃вѣ­ко­лю́б­цꙋ.

Не смѣ́­ѧ­ше тлѣ́­нїе кос­нꙋ́­ти­сѧ ме́р­тва­гѡ тѣ­ле­сѐ тво­е­гѡ̀, прпⷣбне, є҆́же чрезꙿ всѐ жи­тїѐ ᲂу҆­мерщ­влѧ́лъ є҆сѝ: дꙋша́ же твоѧ̀, жи­вꙋ́­щи со а҆́гг҃лы, всѧ̑ при­те­ка́­ю­щыѧ къ тебѣ̀ въ свою̀ лю­бо́вь прї­е́м­летъ. тѣ́м­же и҆ на́шѧ дꙋ́шы при­ве­дѝ ко і҆и҃сꙋ чл҃вѣ­ко­лю́б­цꙋ.

Сла́­ва, гла́съ и҃:

Не до­влѣ́­ютъ сло­ве­са̀ на̑ша къ вос­хва­ле́­нїю пѡ́­двигъ тво­и́хъ, прпⷣбне і҆́ѡве: кто̀ бо и҆зоч­те́тъ тво­и́хъ до­бро­дѣ́­те­лей пол­но­тꙋ̀, кто̀ ᲂу҆­ра­зꙋ­мѣ́­етъ без­мо́лв­ное твоѐ къ бг҃ꙋ со­бе­сѣ́­до­ва­нїе; но не ѿри́­ни твоѧ̑ пѣв­цы̀ и҆ дх҃ѡ́в­наѧ ча̑да, тво­е­гѡ̀ за­стꙋ­пле́­нїѧ про­сѧ́­щыѧ, и҆ ѡ҆ тво­е́мъ ст҃ѣ́мъ жи­тїѝ ᲂу҆­ми­лѧ́­ю­щы­ѧ­сѧ, и҆ во тво­е́й па́­мѧ­ти ве­се­лѧ́­щы­ѧ­сѧ.

И҆ ны́нѣ, бг҃о­ро́­ди­ченъ:

Влⷣчце, прї­и­мѝ мл҃твы ра̑бъ тво­и́хъ, и҆ и҆з­ба́­ви ны̀ ѿ всѧ́­кїѧ нꙋ́­жды и҆ пе­ча́­ли.

Сла­во­сло́­вїе ве­ли́­кое. Є҆ктє­нїѝ, и҆ ѿпꙋ́стъ.

На лї­тꙋр­гӏ́и слꙋ́ж­ба всѧ̀ прпⷣбна­гѡ.

Мл҃тва ко прпⷣбно­мꙋ ѻ҆тцꙋ̀ на́­ше­мꙋ і҆́ѡвꙋ, и҆гꙋ́­ме­нꙋ и҆ чꙋ­до­тво́р­цꙋ по­ча́­ев­ско­мꙋ:

Ѽ прпⷣбне ѻ҆́тче і҆́ѡве, и҆́но­кѡвъ трꙋ­до­лю́б­на­гѡ жи­тїѧ̀ бг҃о­мꙋ́­дрый на­ста́в­ни­че, кро́­то­сти и҆ воз­дер­жа́­нїѧ, чⷭ҇то­ты̀ и҆ цѣ­ло­мꙋ́­дрїѧ, бра­то­лю́­бїѧ и҆ ни­ще­лю́­бїѧ, тер­пѣ́­нїѧ и҆ бдѣ́­нїѧ ѿ ра́н­нїѧ ю҆́но­сти до по́зднїѧ ста́­ро­сти не­ꙋ­то­ми́­мый по­дви́ж­ни­че, вѣ́ры пра­во­сла́в­ныѧ ве­ли́­кїй ре­вни́­те­лю и҆ не­пре­ѡ­бо­ри́­мый по­бо́р­ни­че, зе­млѝ рꙋ́с­скїѧ свѣ­ти́­ло бг҃о­свѣ́т­лое, и҆ ст҃ы́ѧ по­ча́­ев­скїѧ и҆ на́­шеѧ ѻ҆би́­те­ли не­по­бѣ­ди́­мый за­щи́т­ни­че! При́­зри ѻ҆́комъ бл҃го­ꙋ­тро́­бїѧ тво­е­гѡ̀ на на́съ, не­до­сто́й­ныхъ ча́дъ тво­и́хъ, къ тебѣ̀ ᲂу҆­се́рд­нѡ по всѧ̑ дни̑ при­бѣ­га́­ю­щихъ, и҆ на бг҃о­лю­би̑­выѧ лю́ди сїѧ̑, предꙿ тво­и́­ми дх҃о­но́с­ны­ми и҆ мно­го­цѣ­ле́б­ны­ми мощь­мѝ со­бра́в­шы­ѧ­сѧ, и҆ бл҃го­го­вѣ́й­нѡ къ тѣ̑мъ при­па́­да­ю­щыѧ, и҆ и҆с­про­сѝ, пред­ста́­тель­ствомъ тво­и́мъ ко все­вы́ш­не­мꙋ влⷣцѣ, на́мъ всѧ̑, ꙗ҆̀же къ жи­во­тꙋ̀ и҆ бл҃го­чⷭ҇тїю, по­лє́з­наѧ и҆ бл҃го­по­трє́б­наѧ: бо­лѧ́­щыѧ и҆с­цѣ­лѝ, ма­ло­дꙋ̑ш­ныѧ ѡ҆бо́­дри, скор­бѧ́­щыѧ ᲂу҆­тѣ́­ши, ѡ҆би̑­ди­мыѧ за­стꙋ­пѝ, не­мѡщ­ны́ѧ под­крѣ­пѝ, и҆ по­ве́р­жєн­ныѧ до́лꙋ воз­ста́­ви: всѣ̑мъ всѧ̑, блгⷣтїю тебѣ̀ ѿ бг҃а да́н­ною, да́­рꙋй, по ко­е­гѡ́­ждо нꙋ́­ждѣ и҆ по­тре́­бѣ, во сп҃се́­нїе дꙋшѝ и҆ во здра́­вїе тѣ́лꙋ. Воз­не­сѝ, ᲂу҆­го́д­ни­че бж҃їй, все­мо́щ­нꙋю мл҃твꙋ твою̀ и҆ ѡ҆ стра́­ждꙋ­щей зе­млѝ рꙋ́с­ской, да бꙋ́­детъ въ не́й па́ки вы́нꙋ ми́ръ и҆ ти­ши­на̀, бл҃го­чⷭ҇тїе и҆ бл҃го­де́н­ствїе, въ сꙋ­дѣ́хъ пра́­вда и҆ млⷭ҇ть, въ со­вѣ́­тѣхъ мꙋ́­дрость и҆ бл҃го́е пре­спѣ́­ѧ­нїе, да ᲂу҆­твер­жда́­ет­сѧ же во бл҃ги́хъ че­ло­вѣ́­цѣхъ вѣ́р­ность, въ ѕлы́хъ же стра́хъ и҆ бо­ѧ́знь, во є҆́же пре­ста́­ти и҆̀мъ ѿ ѕла̀ и҆ тво­ри́­ти дѡ́­браѧ, да та́кѡ въ зе­млѝ на́­шей црⷭ҇тво хрⷭ҇то́­во рас­те́тъ и҆ мно́­жит­сѧ, и҆ да про­сла́­вит­сѧ въ не́мъ бг҃ъ, ди́в­ный во ст҃ы́хъ сво­и́хъ: є҆мꙋ́­же є҆ди́­но­мꙋ по­до­ба́­етъ всѧ́­каѧ сла́­ва, че́сть и҆ по­кло­не́­нїе, ѻ҆ц҃ꙋ̀ и҆ сн҃ꙋ и҆ ст҃о́­мꙋ дх҃ꙋ, ны́нѣ и҆ при́­снѡ, и҆ во вѣ́ки вѣ­кѡ́въ. А҆ми́нь.