Мѣ́­сѧ­ца і҆ꙋ́­нїа въ ѳ҃і-й де́нь, и҆ се­пте́м­врїа въ к҃ѳ-й де́нь.

Слꙋ́жба и҆́же во ст҃ы́хъ ѻ҆тцꙋ̀ на́шемꙋ і҆ѡа́ннꙋ, а҆рхїепⷭ҇скопꙋ шанха́йскомꙋ и҆ са́нъ франци́сскомꙋ, чꙋдотво́рцꙋ.

Въ і҆ꙋ́нїи пое́мъ є҆мꙋ̀ въ сꙋббо́тꙋ, ближа́йшꙋю къ ѳ҃і-мꙋ дню̀.

На вели́цѣй вече́рни.

На Гдⷭ҇и, воз­зва́хъ: стї­хи̑­ры на и҃, гла́съ ѕ҃.

По­до́­бенъ: Всѐ ѿло́ж­ше:

Вос­по­и́мъ ст҃и́­те­лѧ хрⷭ҇то́­ва і҆ѡ­а́н­на,* бг҃омъ да­ро­ва́н­на­го мл҃твен­ни­ка на́мъ,* и҆́же мл҃тве не­пре­ста́н­ной при­лѣ­жѧ̀,* слꙋ­же́­нї­емъ же лї­тꙋр­гӏ́и и҆ при­ча­ще́­нї­емъ ст҃ѣ́й­шихъ та̑­инъ ᲂу҆­крѣп­лѧ́­емь,* и҆с­хо­жда́­ше на дѣ́­ла­нїе своѐ бо́­дрен­нѡ,* по­спѣ­ша́ѧ въ до́мы стра́­ждꙋ­щихъ* и҆ въ боль­ни́ч­ныѧ па­ла̑­ты къ не­дꙋ́­гꙋ­ю­щымъ:* сегѡ̀ ра́ди ѡ҆сщ҃е́нъ и҆ млⷭ҇тивъ ꙗ҆ви́­сѧ,* и҆с­цѣ­ле́­нїй же и҆ про­зрѣ́­нїѧ да́ра свы́­ше спо­до́б­ленъ бы́сть.* и҆ ны́не сы́й на нб҃сѝ,* со дер­зно­ве́­нї­емъ мо́­лит­сѧ* ѡ҆ сп҃се́­нїи дꙋ́шъ на́­шихъ.

Вос­по­и́мъ ст҃и́­те­лѧ хрⷭ҇то́­ва і҆ѡ­а́н­на,* ѻ҆тро­кѡ́мъ, ѻ҆тро­ко­ви́­цамъ и҆ мла­де́н­цємъ лю­бе́з­на цѣ­ли́­те­лѧ,* воз­ра̑ст­нымъ совѣ­то­да́в­ца мꙋ́­дра же и҆ тве́р­да,* ма́­те­ремъ ѡ҆ ча́­дѣхъ и҆з­вѣ­сти́­те­лѧ,* кре­ща́­є­мымъ же и҆ вѣн­ча́­є­мымъ бл҃го­сло­ве́­нїѧ по­да́­те­лѧ,* про­во­жда́­є­мымъ въ жи́знь вѣ́ч­нꙋю мл҃твен­ни­ка вѣр­нѣ́й­ша,* ре­вни́­те­лѧ лѣ́­по­ты и҆ чи́на слꙋ́ж­бы бж҃їѧ,* па́­сты­рѧ же и҆ а҆р­хї­па́­сты­рѧ,* пред­во­дѧ́­ша ѻ҆́вцы своѧ̑ бг҃о­да́н­ныѧ,* къ не­мꙋ́­же во­зо­пї­и́мъ:* Ѽ бл҃же́н­не чꙋ­до­тво́р­че і҆ѡ­а́н­не,* молѝ ѡ҆ на́съ, лю­бо́­вїю чтꙋ́­щихъ тѧ̀!

Во­сто́къ и҆ за́­падъ,* сѣ́­веръ и҆ мо́ре ли­кꙋ́й­те,* па́­мѧть пра́з­днꙋ­ю­ще ст҃и́­те­лѧ чꙋ­до­тво́р­ца* нб҃са̀ ра́­дꙋй­те­сѧ,* а҆́гг҃ла но́­ва­го прї­е́м­лю­ще,* мл҃твен­ни­ка бг҃одх҃но­ве́н­на­го,* и҆ па́­сты­рѧ без­сре́­брен­ни­ка,* блгⷣт­на­го цѣ­ле́б­ни­ка,* прⷪ҇ро́­ка и҆ бл҃го­вѣ́ст­ни­ка,* і҆ѡ­а́н­на млⷭ҇ти­ва­го на́­ше­го за­стꙋ́п­ни­ка,* и҆ на сꙋдѣ̀ на́мъ крѣ́п­ка­го спо­рꙋ́ч­ни­ка.

И҆́ны стї­хи̑­ры, гла́съ г҃:

Пре­по­до́­бї­емъ и҆ пра́­вдою по­жи́въ на зе­млѝ, и҆ до́­брѣ ста́­до хрⷭ҇то́­во ᲂу҆­па́съ, ве́­тха­го че­ло­вѣ́­ка со­вле́кл­сѧ є҆сѝ, и҆ при­ло́­ги вра̑­жїѧ ѿра­зи́лъ є҆сѝ, не­ꙋ­сы́п­нымъ бдѣ́­нї­емъ и҆ ѕѣ́ль­нымъ по­ще́­нї­емъ и҆ мл҃твою пла́­мен­ною ко гдⷭ҇ꙋ, ю҆́же и҆ ѡ҆ на́съ ны́нѣ воз­не­сѝ, ѻ҆́тче і҆ѡ­а́н­не.

Ка́кѡ не ди­ви́м­сѧ не­ꙋ­сы́п­но­мꙋ трез­ве́­нїю тво­е­мꙋ̀, и҆ ка́кѡ не вос­по­и́мъ по́ст­ни­че­ское жи­тїѐ твоѐ, по­сре­дѣ́ бо мӏ́ра во ѕлѣ̀ ле­жа́­ща­гѡ по­дви­за́л­сѧ є҆сѝ, пꙋ­сты́н­ни­кѡмъ дрє́в­нимъ ре­внꙋ́ѧ. тѣ́м­же и҆ лю­бо́вь и҆́стин­нꙋю ко гдⷭ҇ꙋ стѧ­жа́лъ є҆сѝ, є҆́юже по­кры́й на́съ чтꙋ́­щихъ па́­мѧть твою̀.

До́­брый слꙋ­жи́­те­лю хрⷭ҇то́­ва є҆ѵⷢ҇лїа, и҆́же и҆́сти­ною пра­во­сла́­вїѧ пре­по­ѧ́­сав­сѧ, пра́­щею сло­ве́съ тво­и́хъ во́л­ки тѧ̑ж­кїѧ ѿгна́лъ є҆сѝ, не и҆с­по­вѣ́­да­ю­щыѧ хрⷭ҇та̀ и҆́стин­нꙋю пре­мꙋ́­дрость бж҃їю, и҆ и҆ны́ѧ чꙋ­жды̑ѧ пре­мꙋ́­дро­сти и҆́щꙋ­щыѧ. тѣ́м­же и҆ на́съ ᲂу҆­мꙋ­дрѝ во сп҃се́­нїе, бл҃же́н­не и҆ бг҃о­мꙋ́­дре і҆ѡ­а́н­не, чтꙋ́­щыѧ свѣ́т­лѡ все­кра́с­нꙋю па́­мѧть твою̀.

Сла́­ва, гла́съ ѕ҃:

Дне́сь со­бра́в­ше­сѧ, вос­по­и́мъ че­ло­вѣ́­ка бж҃їѧ, а҆р­хї­па́­сты­рѧ и҆з­бра́н­нѣй­ша­го, свѣ­ти́ль­ни­ка рꙋ́с­ска­гѡ раз­сѣ́­ѧ­нїѧ, ᲂу҆­чи́­те­лѧ ꙗ҆зы́­кѡвъ раз­ли́ч­ныхъ, стра́н­ни­ка въ мӏ́рѣ се́мъ вре́­мен­нѣмъ, на­слѣ́д­ни­ка пре­мӏ́р­на­гѡ црⷭ҇твїѧ нбⷭ҇на­гѡ, і҆ѡ­а́н­на, ст҃и́­те­лѧ воз­лю́б­лен­на­го, и҆ воз­зо­ве́мъ къ немꙋ̀: молѝ гдⷭ҇а при́­снѡ ѡ҆ сп҃се́­нїи дꙋ́шъ на́­шихъ.

А҆́ще въ пѧ­то́къ ве́­че­ра: И҆ ны́нѣ: бг҃о­ро́­ди­ченъ, на­сто­ѧ́­ща­гѡ гла́­са, а҆́ще же ни: И҆ ны́нѣ, бг҃о­ро́­ди­ченъ, гла́съ то́й­же: Кто̀ тебє̀ не ᲂу҆­бл҃жи́тъ:

Вхо́дъ, про­кӏ́­менъ днѐ, и҆ чтє́­нїѧ г҃.

При́­тчей чте́­нїе:

Па́­мѧть првⷣна­гѡ съ по­хва­ла́­ми, и҆ бл҃҃҃҃҃го­сло­ве́­нїе гдⷭ҇не на гла­вѣ̀ є҆гѡ̀. Бл҃же́нъ че­ло­вѣ́къ, и҆́же ѡ҆брѣ́­те пре­мꙋ́­дрость, и҆ сме́р­тенъ, и҆́же ᲂу҆­вѣ́­дѣ ра́з­ꙋмъ. Лꙋ́ч­ше бо сїю̀ кꙋ­по­ва́­ти, не́­же­ли зла́­та и҆ сре­бра̀ со­крѡ́­ви­ща. Чест­нѣ́й­шаѧ же є҆́сть ка́­ме­нїй мно­го­цѣ́н­ныхъ: все́ же чⷭ҇тно́е не­до­сто́й­но є҆ѧ̀ є҆́сть. Дол­го­та́ бо дне́й и҆ лѣ̑та жи­во­та̀ въ де­сни́­цѣ є҆ѧ̀, въ шꙋ́й­цѣ же є҆ѧ̀ бо­га́т­ство и҆ сла́­ва: ѿ ѹ҆́стъ є҆ѧ̀ и҆с­хо́­дитъ пра́­вда, за­ко́нъ же и҆ млⷭ҇ть на ѧ҆зы́­цѣ но́­ситъ. По­слꙋ́­шай­те ᲂу҆̀бо менѐ, Ѽ ча̑да, чⷭ҇тна̑ѧ бо рекꙋ̀: и҆ бл҃же́нъ че­ло­вѣ́къ, и҆́же пꙋти̑ моѧ̑ со­хра­ни́тъ: и҆с­хо́­ди бо моѝ, и҆с­хо́­ди жи­во­та̀, и҆ ᲂу҆­го­тов­лѧ́­ет­сѧ хо­тѣ́­нїе ѿ гдⷭ҇а. Сегѡ̀ ра́ди молю̀ ва́съ, и҆ пред­ла­га́ю мо́й гла́съ сы­но­вѡ́мъ че­ло­вѣ́­чє­скимъ: ꙗ҆́кѡ а҆́зъ, пре­мꙋ́­дрость, ᲂу҆­стро́­ихъ со­вѣ́тъ, и҆ ра́з­ꙋмъ и҆ смы́слъ а҆́зъ при­зва́хъ. Мо́й со­вѣ́тъ и҆ ᲂу҆­твер­жде́­нїе, мо́й ра́з­ꙋмъ, моѧ́ же крѣ́­пость. А҆́зъ менѐ лю́­бѧ­щыѧ люб­лю̀, и҆́щꙋ­щїи же менѐ ѡ҆брѧ́­щꙋтъ блгⷣть. Раз­ꙋ­мѣ́й­те ᲂу҆̀бо, не­ѕло́­би­вїи, ко­ва́р­ство, не­на­ка́­зан­нїи же, при­ла­га́й­те срⷣца̀. По­слꙋ́­шай­те менѐ и҆ па́ки, чⷭ҇тна̑ѧ бо рекꙋ̀, и҆ ѿве́р­зꙋ ѿ ᲂу҆­сте́нъ пра̑­ваѧ: ꙗ҆́кѡ и҆́сти­нѣ по­ꙋ­чи́т­сѧ гор­та́нь мо́й, мє́рз­ки же пре­до мно́ю ᲂу҆ст­ны̑ лжи̑­выѧ. Съ пра́­вдою всѝ гла­го́­лы ѹ҆́стъ мо­и́хъ: ни­что́­же въ ни́хъ стро́­пот­но, нижѐ раз­вра­ще́н­но. Всѧ̑ пра̑­ва сꙋ́ть раз­ꙋ­мѣ­ва́­ю­щымъ, и҆ прѡ́­ста ѡ҆брѣ­та́­ю­щымъ ра́з­ꙋмъ. На­ꙋ­чꙋ́ бо ва́съ и҆́сти­нѣ, да бꙋ́­детъ ѡ҆ гдⷭ҇ѣ на­де́­жда ва́ша, и҆ и҆с­по́л­ни­те­сѧ дх҃а.

При́­тчей чте́­нїе:

Оу҆­ста̀ првⷣна­гѡ ка́­плютъ пре­мꙋ́­дрость: ѧ҆зы́къ же не­пра́­вед­на­гѡ по­ги́б­нетъ. Оу҆ст­нѣ̀ мꙋ­же́й првⷣныхъ ка́­плютъ бл҃го­да̑­ти: ᲂу҆­ста́ же не­че­сти́­выхъ раз­вра­ща́­ют­сѧ. Мѣ̑ри­ла льсти̑­ваѧ ме́р­зость предꙿ гдⷭ҇емъ: вѣ́съ же пра́­вед­ный прї­ѧ́­тенъ є҆мꙋ̀. И҆дѣ́­же а҆́ще вни́­детъ до­са­жде́­нїе, та́мѡ и҆ без­че́­стїе: ᲂу҆­ста́ же сми­ре́н­ныхъ по­ꙋ­ча́­ют­сѧ пре­мꙋ́­дро­сти. Со­вер­ше́­нїе пра́­выхъ на­ста́­витъ и҆̀хъ, и҆ по­полз­но­ве́­нїе ѿрица́­ю­щих­сѧ ᲂу҆­па­се́тъ и҆̀хъ. Не по́ль­зꙋ­ютъ и҆мѣ̑­нїѧ въ де́нь ꙗ҆́ро­сти: пра́­вда же и҆з­ба́­витъ ѿ сме́р­ти. Оу҆́­меръ првⷣный ѡ҆ста́­ви рас­ка́­ѧ­нїе: на­рꙋ́ч­на же бы­ва́­етъ и҆ по­смѣ­ѧ́­тель­на не­че­сти́­выхъ па́­гꙋ­ба. Пра́­вда не­по­ро́ч­на­гѡ и҆с­прав­лѧ́­етъ пꙋти̑, въ не­че́­стїе же па́­да­етъ не­пра́­вда. Пра́­вда мꙋ­же́й пра́­выхъ и҆з­ба́­витъ и҆̀хъ: без­со­вѣ́­тї­емъ же плѣ­нѧ́­ют­сѧ без­за­ко́н­нїи. Скон­ча́в­шꙋ­сѧ мꙋ́жꙋ првⷣнꙋ, не по­ги́б­нетъ на­де́­жда: по­хва­ла́ же не­че­сти́­выхъ по­ги́б­нетъ. Првⷣникъ ѿ ло́ва ᲂу҆­бѣ́г­нетъ, въ не­гѡ́­же мѣ́­сто пре­да­е́т­сѧ не­че­сти́­вый. Во ᲂу҆­стѣ́хъ не­че­сти́­выхъ сѣ́ть гра́­жда­нѡмъ, чꙋ́в­ство же првⷣныхъ бл҃го­спѣ́ш­ное. Во бл҃ги́хъ првⷣныхъ и҆с­пра́­вит­сѧ гра́дъ, и҆ въ по­ги́­бе­ли не­че­сти́­выхъ ра́­до­ва­нїе. Во бл҃го­сло­ве́­нїи пра́­выхъ воз­вы́­сит­сѧ гра́дъ, ᲂу҆­сты́ же не­че­сти́­выхъ ра­ско­па́­ет­сѧ. Рꙋ­га́­ет­сѧ гра́­жда­нѡмъ ли­ше́н­ный ра́з­ꙋ­ма, мꙋ́жъ же мꙋ́­дрый без­мо́л­вїе во́­дитъ.

Пре­мꙋ́­дро­сти со­ло­мѡ́­но­вы чте́­нїе:

Првⷣникъ, а҆́ще по­сти́г­нетъ скон­ча́­ти­сѧ, въ по­ко́и бꙋ́­детъ. Ста́­рость бо чⷭ҇тна̀ не мно­го­лѣ́т­на, нижѐ въ чис­лѣ̀ лѣ́тъ и҆с­чи­та́­ет­сѧ. Сѣ­ди́­на же є҆́сть мꙋ́­дрость че­ло­вѣ́­кѡмъ, и҆ во́з­растъ ста́­ро­сти жи­тїѐ не­скве́р­ное. Бл҃го­ꙋ­го́­денъ бг҃о­ви бы́въ, воз­лю́б­ленъ бы́сть, и҆ жи­вы́й по­сре­дѣ̀ грѣ̑ш­никъ, пре­ста́в­ленъ бы́сть: Вос­хи­ще́нъ бы́сть, да не ѕло́­ба и҆з­мѣ­ни́тъ ра́з­ꙋ­ма є҆гѡ̀, и҆лѝ ле́сть пре­льсти́тъ дꙋ́шꙋ є҆гѡ̀. Ра­че́­нїе бо ѕло́­бы по­мра­ча́­етъ дѡ́­браѧ, и҆ па­ре́­нїе по́­хо­ти пре­мѣ­нѧ́­етъ ѹ҆́мъ не­ѕло́­бивъ. Скон­ча́в­сѧ вма́­лѣ, и҆с­по́л­ни лѣ̑та дѡ́л­га: Оу҆­го́д­на бо бѣ̀ гдⷭ҇е­ви дꙋша̀ є҆гѡ̀: сегѡ̀ ра́ди по­тща́­сѧ ѿ сре­ды̀ лꙋ­ка́в­ствїѧ. Лю́­дїе же ви́­дѣв­ше, и҆ не раз­ꙋ­мѣ́в­ше, нижѐ по­ло́ж­ше въ по­мыш­ле́­нїи та­ко­во́е: ꙗ҆́кѡ блгⷣть и҆ млⷭ҇ть въ прпⷣбныхъ є҆гѡ̀, и҆ по­сѣ­ще́­нїе во и҆з­бра́н­ныхъ є҆гѡ̀.

На лї­тӏ́и стї­хи́­ра хра́­ма, и҆ ст҃и́­те­лѧ, гла́съ ѕ҃:

Ѻ҆́трокъ сы́й є҆щѐ мла́дъ, ᲂу҆­ми­ли́л­сѧ є҆сѝ сло­ве­сє́мъ хрⷭ҇то́­вымъ, и҆́ми­же воз­зва̀ гдⷭ҇ь ст҃ы̑ѧ а҆пⷭ҇лы пє́р­выѧ, си́це ре́къ: по мнѣ̀ грѧ­ди́­та, и҆ со­тво­рю̀ вы̀ лов­ца̑ че­ло­вѣ́­кѡмъ. Вни­ма́ѧ же си̑мъ бжⷭ҇твєн­нымъ гла­го́­лѡмъ, Ѽ сми­рен­но­мꙋ́­дре і҆ѡ­а́н­не, ты̀ ни­ка́­ко­же по­мы́­слилъ є҆сѝ себѐ бы́ти жре́­бї­емъ по­до́б­на бж҃ї­имъ по­сла́н­ни­кѡмъ по­слѣ̑д­нимъ и҆ на­сме́рт­ни­кѡмъ. са́мъ хрⷭ҇то́съ тѧ̀ вѣ́­дый, тѧ̀ про­сла́­ви. Бꙋ́ди же на́мъ ᲂу҆­вѣн­ча́­нїе твоѐ къ по­ка­ѧ́­нїю не­ли­це­мѣ́р­но­мꙋ воз­зва́­нїе, во сп҃се́­нїе дꙋ́шъ на́­шихъ.

Гла́съ а҃:

Без­плѡ́т­нымъ си́­ламъ, не­пре­ста́н­нѡ бг҃а хва́­лѧ­щымъ, до­сто́й­нѡ по­ре­вно­ва́лъ є҆сѝ, при­сно­бдѣ́н­ный і҆ѡ­а́н­не прпⷣбне, лю­бо́­вїю ѻ҆́гнен­ною тво­е́ю: сегѡ̀ ра́ди тѣ́хъ ли­ко­сто­ѧ́­нї­емъ со­прич­та́л­сѧ є҆сѝ.

А҆пⷭ҇ла блгⷣт­на­го вре­ме́нъ без­бла­го­да́т­ныхъ, ю҆рѡ́­ди­вымъ по­дра­жа́­те­лѧ пре­мꙋ́­дра­го, и҆ по́ст­ни­кѡвъ ве­ли­кон­ра́в­на­гѡ є҆ди­но­ре­вни́­те­лѧ, тѧ̀, ѻ҆́тче і҆ѡ­а́н­не, ве́­лїй чꙋ­до­тво́р­че, вос­хва­лѧ́­емъ.

Сла́­ва, гла́съ то́й­же:

Ди́в­но­мꙋ во ст҃ы́хъ сво­и́хъ, бг҃ꙋ и҆ влⷣцѣ, пѣ́­нїе и҆ и҆с­по­вѣ́­да­нїе при­но́­си­ши не­пре­ста́н­нѡ, въ трї­е́хъ ли́­цѣхъ по­зна­ва́­е­мо­мꙋ, въ сꙋ­ще­ствѣ́ же є҆ди́­номъ про­по­вѣ́­да­е­мꙋ, хра́мъ сво́й въ дꙋшѝ тво­е́й воз­дви́г­ше­мꙋ, и҆ свѣ́­томъ сво­и́мъ при­сно­сꙋ́щ­нымъ ѡ҆сї­ѧ́в­ше­мꙋ тѧ̀, то­бо́ю же и҆ на́съ про­свѣ­ща́­ю­ще­мꙋ.

И҆ ны́нѣ, бг҃о­ро́­ди­ченъ, гла́съ то́й­же:

Ра́­дꙋй­сѧ, пре­чⷭ҇таѧ дв҃о, ра́­дꙋй­сѧ бг҃о­не­вѣ́­сто, ра́­дꙋй­сѧ, вѣ́р­ныхъ при­бѣ́­жи­ще, ра́­дꙋй­сѧ, ст҃и́­те­лей не­пре­ста́н­ное пѣ́­нїе, ра́­дꙋй­сѧ, хра́­мы твоѧ̑ воз­дви́г­нꙋ­ти да­ро­ва́в­шаѧ ᲂу҆­го́д­ни­кꙋ тво­е­мꙋ̀, бл҃же́н­но­мꙋ і҆ѡ­а́н­нꙋ, є҆гѡ́­же мо­лє́­нїѧ прї­е́м­ши, сп҃сѝ бл҃го­чⷭ҇тнѡ по­ю́­щыѧ тѧ̀.

На стї­хо́в­нѣ стї­хи̑­ры, гла́съ а҃. По­до́­бенъ: Нбⷭ҇ныхъ чи­нѡ́въ:

Бо́др­ствꙋѧ и҆ мо­лѧ́­сѧ во днѝ и҆ въ нощѝ,* по­бѣ­жда́лъ є҆сѝ всѧ̑ и҆с­кꙋ­шє́­нїѧ вра̑­жїѧ,* і҆ѡ­а́н­не ст҃и́­те­лю тер­пѣ­ли́­вѣй­шїй,* ѿ мла­де́н­ства слꙋ­жи́­ти пра́­вдѣ бж҃ї­ей вос­хо­тѣ́­вый,* къ нбⷭ҇но­мꙋ же црⷭ҇твїю вы́нꙋ ᲂу҆­стре­мле́нъ,* сꙋ́­щихъ здѣ̀ на зе­млѝ ᲂу҆­тѣ­ша́ѧ, ми́­ло­валъ є҆сѝ.

Гла́съ ѕ҃.Стӏ́хъ: Во всю̀ зе́­млю и҆зы́­де вѣ­ща́­нїе и҆́хъ, и҆ въ кон­цы̀ все­ле́н­ныѧ гла­го́­лы и҆́хъ.

На­сла­жде́­нїе тлѣ́н­ное все­ко­не́ч­нѡ ѿри́­нꙋвъ, гдⷭ҇ꙋ тво­е­мꙋ̀ по­слѣ́­до­валъ є҆сѝ, и҆ па́­стыр­скїй же́злъ, ꙗ҆́кѡ тѧ́ж­кїй крⷭ҇тъ вос­прї­и́мъ, ѻ҆́вцы твоѧ̑ ᲂу҆­пра́­вилъ є҆сѝ, предꙿ ни́ми ходѧ̀ и҆ гла­ша́ѧ по и҆́ме­ни, и҆ мы̀ гла́съ тво́й до́­брѣ вѣ́­дꙋ­ще, вслѣ́дъ тебѣ̀ хо­ди́­ти тщи́м­сѧ, ты́ же въ ра́­дость гдⷭ҇а тво­е­гѡ̀ ны́нѣ воз­ше́дъ, не­ѿ­лꙋ́­ченъ ѿ на́съ пре­бꙋ́­ди.

Стӏ́хъ: Не­бе­са̀ по­вѣ́­да­ютъ сла́­вꙋ бж҃їю, тво­ре́­нїе же рꙋкꙋ̀ є҆гѡ̀ воз­вѣ­ща́­етъ тве́рдь.

На­ста́в­никъ во­и́­стин­нꙋ все­мӏ́р­ный, бл҃го­чⷭ҇тїѧ ᲂу҆­чи́­тель, и҆ дх҃а ст҃а́­гѡ со­сꙋ́дъ и҆з­бра́н­ный по­ка­за́л­сѧ є҆сѝ, бл҃же́н­не і҆ѡ­а́н­не, тѣ́м­же всѝ кон­цы̀ тѧ̀ про­слав­лѧ́­ютъ, ѿ во­стѡ́къ со́лн­ца да́же до за̑­падъ, въ хра́мъ тво́й при­те­ка́­ю­ще къ мо­ще́мъ тво­и̑мъ, и҆с­цѣ­лє́­нїѧ и҆ по́­мощь въ ско́р­бехъ прї­е́м­лютъ: ты́ бо въ ра́­дость гдⷭ҇а тво­е­гѡ̀ воз­ше́дъ, не­ѿ­лꙋ́ч­нѡ ѿ на́съ пре­бы­ва́­е­ши.

Сла́­ва, гла́съ ѕ҃:

Ѡ҆́бразъ во­и́­стин­нꙋ бы́лъ є҆сѝ вѣ̑р­нымъ, сло́­вомъ, жи­тї­е́мъ, лю­бо́­вїю, дꙋ́­хомъ, вѣ́­рою и҆ чⷭ҇то­то́ю: тѣ́м­же во всю̀ зе́­млю и҆зы́­де вѣ­ща́­нїе и҆с­прав­ле́­нїй тво­и́хъ, и҆ на не­бе­сѝ ѡ҆бре́лъ є҆сѝ мздꙋ̀ трꙋ­дѡ́въ тво­и́хъ, но и҆ зем­ны́хъ не раз­лꙋ­чи́л­сѧ є҆сѝ, ꙗ҆́кѡ и҆с­то́ч­никъ блгⷣти при­сно­те­кꙋ́­щїй, мѡ́щи твоѧ̑ на́мъ ѡ҆ста́­вилъ є҆сѝ, и҆ ны́нѣ мо́­ли­ши­сѧ во є҆́же до́­брый пло́дъ дх҃о́в­ный при­нес­тѝ на́мъ, и҆̀же да­рѡ́въ тво­и́хъ на­сла­ди́в­шым­сѧ.

И҆ ны́нѣ, бг҃о­ро́­ди­ченъ: Тво­ре́цъ и҆ и҆з­ба́­ви­тель мо́й:

Тро­па́рь, гла́съ є҃:

По­пе­че́­нїе твоѐ ѡ҆ па́­ствѣ въ стра́н­ствїи є҆ѧ̀, сѐ про­ѡ́­бразъ и҆ мл҃твъ тво­и́хъ, за мӏ́ръ ве́сь при́­снѡ воз­но­си́­мыхъ: та́кѡ вѣ́­рꙋ­емъ, по­зна́въ лю­бо́вь твою̀, ст҃и́­те­лю и҆ чꙋ­до­тво́р­че і҆ѡ­а́н­не! Ве́сь ѿ бг҃а ѡ҆сщ҃е́нъ сщ҃ен­но­дѣ́й­ствї­емъ пре­чⷭ҇тыхъ та̑­инъ, и҆́ми­же при́­снѡ ᲂу҆­крѣп­лѧ́­емь, по­спѣ­ша́лъ є҆сѝ ко стра́­ждꙋ­щымъ, цѣ­ли́­те­лю ѿра́д­нѣй­шїй: по­спѣ­шѝ и҆ ны́нѣ въ по́­мощь на́мъ, всѣ́мъ срⷣцемъ чтꙋ́­щымъ тѧ̀.

И҆́нъ тро­па́рь, гла́съ а҃:

Ст҃и́­тель­ства да́ръ преꙋ­мно́­жилъ є҆сѝ, сло́­ва про­по­вѣ́­да­нї­емъ а҆пⷭ҇лѡмъ по­ре­вно­ва́въ, бдѣ́­нї­емъ же по­сто́мъ и҆ мл҃твою съ прпⷣбны­ми вмѣ­ни́л­сѧ є҆сѝ, кле­ве­тꙋ̀ и҆ по­нѡ­ше́­нїѧ съ кро́­то­стїю прї­е́м­лѧ. сегѡ̀ ра́ди хрⷭ҇то́съ тѧ̀ про­сла́­ви чꙋ­де­сы̀, и҆̀хже ѻ҆би́ль­нѡ и҆з­ли­ва́­е­ши на всѣ́хъ съ вѣ́­рою при­те­ка́­ю­щихъ къ тебѣ̀: и҆ ны́нѣ сп҃са́й на́съ мл҃тва­ми тво­и́­ми, і҆ѡ­а́н­не до­сто­чꙋ́д­не, ст҃и́­те­лю хрⷭ҇то́въ.

Тро­па́рь ст҃а́­гѡ, два́­жды, Бцⷣе, дв҃о: є҆ди́­но­жды.

На ѹ҆́трени.

На Бг҃ъ гдⷭ҇ь: тро­па́рь, гла́съ є҃: По­пе­че́­нїе твоѐ ѡ҆ па́­ствѣ: Два́­жды.

А҆́ще сꙋб­бѡ́­та: Сла́­ва, и҆ ны́нѣ, бг҃о­ро́­ди­ченъ на­сто­ѧ́­ща­гѡ гла́­са, а҆́ще же ни: Сла́­ва, и҆ ны́нѣ, бг҃о­ро́­ди­ченъ, гла́съ то́й­же: Ра́­дꙋй­сѧ, две́­ре гдⷭ҇нѧ не­про­хо­ди́­маѧ:

По а҃-мъ стї­хо­сло́­вїи сѣ­да́­ленъ, гла́съ ѕ҃:

Бж҃їѧ сло́­ва слꙋ­жи́­те­лю вѣ́р­ный, и҆ дх҃а ст҃а́­гѡ со­сꙋ́­де и҆з­бра́н­ный, ты̀ на ка́­ме­ни за́­по­вѣ­дей хрⷭ҇то́­выхъ до́мъ дꙋшѝ тво­еѧ̀ ᲂу҆­твер­ди́лъ є҆сѝ, и҆ воз­дви́г­шым­сѧ вѣ́­трѡмъ и҆с­кꙋ­ше́­нїй, не па­де́­сѧ внꙋ́­трен­нѧѧ хра́­ми­на твоѧ̀, сегѡ̀ ра́ди и҆ вла́сть тебѣ̀ да­де́­сѧ чꙋ́в­ствен­но­мꙋ ви́­хрю и҆ трꙋ́­сꙋ за­пре­ти́­ти: ѡ҆гра­дѝ и҆ на́съ ны́нѣ ѿ во́лнъ мо́рѧ жи­те́й­ска­гѡ, и҆ въ при­ста́­ни­ще ти́­хое ᲂу҆­пра́­ви.

Сла́­ва, и҆ ны́нѣ, бг҃о­ро́­ди­ченъ, гла́съ то́й­же:

И҆з­не­мо­га́­етъ сло́­во, є҆́же пѣ́ти, влⷣчце, ве­ли̑­чїѧ твоѧ̑ и҆ сла́­ви­ти чꙋ­де­са̀ твоѧ̑ во всѧ́­комъ ро́дѣ и҆ ро́дѣ, тѣ́м­же кра́т­кими гла­го́­лы и҆ мно́­гимъ ᲂу҆­по­ва́­нї­емъ а҆р­ха́гг҃ь­ски во­пї­е́мъ тѝ: ра́­дꙋй­сѧ, блгⷣт­наѧ.

По в҃-мъ стї­хо­сло́­вїи сѣ­да́­ленъ, гла́съ є҃:

Вѣ́­рою и҆ лю­бо́­вїю па́­мѧть твою̀, нбⷭ҇ный че­ло­вѣ́­че и҆ а҆́гг҃ле зем­ны́й, всѝ по­чи­та́­емъ дне́сь: въ мӏ́рѣ бо мно­го­мѧ­те́ж­нѣмъ пꙋ­сты́н­никъ и҆́сти­ненъ бы́лъ є҆сѝ, и҆ стра̑­сти всѧ̑ ᲂу҆­мер­тви́въ, на вы­со­тꙋ̀ дꙋ­хо́в­нꙋю не­ꙋ­до­бо­зри́­мꙋю до­сти́глъ є҆сѝ, во­и́­стин­нꙋ чꙋ́до свѣт­лѣ́й­шее во мра́­цѣ вѣ́ка сегѡ̀ бы́лъ є҆сѝ: сегѡ̀ ра́ди ди­ви́м­сѧ ве­ли́­цѣй сла́­вѣ тво­е́й ꙗ҆́же на нб҃сѝ, и҆ ᲂу҆­ми­ле́н­нѡ тор­же­ствꙋ́­емъ про­слав­ле́­нїе твоѐ.

Сла́­ва, и҆ ны́нѣ, бг҃о­ро́­ди­ченъ, гла́съ то́й­же:

Ѻ҆́ч҃аѧ бжⷭ҇твен­наѧ пре­мꙋ́­дрость и҆ сло́­во пре́­жде вѣ̑къ сꙋ́­щее, бжⷭ҇твен­ныѧ сла́­вы не­ѿ­лꙋ́ч­ное, ѿ тебє́ же, бг҃о­мт҃и, ни­ще­тꙋ̀ на́шꙋ вос­прї­е́м­летъ и҆ въ ра́­бїй ѡ҆́бразъ не­тлѣ́н­нѡ во­ѻ­бра­жа́­ет­сѧ, да къ пе́р­вѣй сла́­вѣ и҆ лꙋ́ч­ше­мꙋ бл҃же́н­ствꙋ воз­ве­де́тъ дре́в­ле па́д­шыѧ: тѣ́м­же тѧ̀, влⷣчце, ꙗ҆́кѡ то­бо́ю и҆з­ба́­влен­нїи, не­мо́лч­нѡ ᲂу҆­бл҃жа́­емъ.

По­лѷ­е­ле́й, и҆ ве­ли­ча́­нїе:

Ве­ли­ча́­емъ тѧ̀, ст҃и́­те­лю ѻ҆́тче і҆ѡ­а́н­не, и҆ чти́мъ ст҃ꙋ́ю па́­мѧть твою̀, ты́ бо мо́­ли­ши за на́съ хрⷭ҇та̀ бг҃а на́­ше­го.

Ѱа­ло́мъ и҆з­бра́н­ный: Оу҆­слы́­ши­те сїѧ̑, всѝ ꙗ҆зы́­цы, внꙋ­ши́­те, всѝ жи­вꙋ́­щїи по все­ле́н­нѣй.

По по­лѷ­е­ле́и сѣ­да́­ленъ, гла́съ д҃:

Сла́­вы дре́в­нихъ ст҃ы́хъ пре­и­з­рѧ́д­ный ре­вни́­те­лю, во­сто́­кꙋ не­вѣ́­до­мыхъ и҆ за́­па­домъ не­бре­же́н­ныхъ, тѣ́хъ сто­па́мъ по­слѣ́­до­валъ є҆сѝ, и҆ къ пред­ста́­тель­ствꙋ и҆́хъ при­бѣ­га́ѧ, є҆ди­новсе́ль­никъ тѣ́хъ по сме́р­ти ꙗ҆ви́л­сѧ є҆сѝ, мы́ же къ тво­е­мꙋ̀ за­стꙋ­пле́­нїю при­бѣ­га́­емъ ны́нѣ: не пре́­зри ᲂу҆­бо́­гихъ, ѻ҆́тче і҆ѡ­а́н­не, но въ ст҃о́е сїѐ со­бра́­нїе вве­дѝ на́съ, ꙗ҆́кѡ є҆ди­но­на­де­сѧ́­та­гѡ часа̀ дѣ́­ла­те­лей, да взы́­демъ на мѣ́­сто по­слѣ́д­нее, сре­дѝ пер­во­ро́д­ныхъ цр҃кве, тор­же­ствꙋ́­ю­ще.

Сла́­ва, и҆ ны́нѣ, бг҃о­ро́­ди­ченъ, гла́съ то́й­же:

Со­ше́д­ше­сѧ дне́сь, со­вер­ша́­емъ тор­же­ство̀ ди́в­на­гѡ ст҃и́­те­лѧ і҆ѡ­а́н­на, и҆́же воз­дви́­же тебѣ̀ хра́мъ, влⷣчце, ꙗ҆́кѡ всѣ̑мъ скор­бѧ́­щымъ ра́­дость и҆ не­мощ­ны̑мъ по́­мощь и҆ и҆с­цѣ­ле́­нїе ты̀ є҆сѝ, и҆ къ тебѣ̀ при­па́­да­емъ, спо­рꙋ́ч­ни­ка сего̀ и҆мꙋ́­ще: по­мо­зѝ на́мъ въ не́­мо­щехъ не­дꙋ́­гꙋ­ю­щымъ и҆ грѣ­хѝ мно́­ги­ми ѡ҆тѧ­го­щє́н­нымъ, да тво­и́­ми мл҃тва­ми млⷭ҇ть ѡ҆брѧ́­щемъ вско́­рѣ ᲂу҆ сн҃а тво­е­гѡ̀ и҆ бг҃а на́­ше­гѡ̀.

Та́же сте­пє́н­на, а҃-й а҆н­тї­фѡ́нъ д҃-гѡ гла́­са.

Про­кӏ́­менъ, гла́съ д҃: Ч҇ⷭтна̀ предꙿ гдⷭ҇емъ сме́рть прпⷣбныхъ є҆гѡ̀.

Стӏ́хъ: Что̀ воз­да́мъ гдⷭ҇е­ви ѡ҆ всѣ́хъ, ꙗ҆̀же воз­да­де́ ми;

Є҆ѵⷢ҇лїе ѿ і҆ѡ­а́н­на, за­ча́­ло л҃є ѿ полꙋ̀: Речѐ гдⷭ҇ь ко при­ше́д­шымъ къ немꙋ̀ і҆ꙋ­де́­ѡмъ:

По н҃-мъ ѱал­мѣ̀: Мл҃тва­ми ст҃и́­те­лѧ і҆ѡ­а́н­на:

Та́же стї­хи́­ра, гла́съ ѕ҃:

Ра́­дꙋ­ют­сѧ дне́сь пра­во­сла́в­ныхъ со­бо́­ри, и҆ ли­кꙋ́­ю­ще свѣ́т­лѡ, ве­ли­ча́­ютъ свѣ­ти́ль­ни­ка но́­ва­го, дрє́в­нимъ ст҃и́­те­лємъ рав­но­сї­ѧ́­тель­на, на ко­не́цъ вѣ­кѡ́въ воз­сї­ѧ́в­ша­го мӏ́рꙋ и҆ зем­ны̑ѧ всѧ̑ кон­цы̀ про­свѣ­ти́в­ша­го, і҆ѡ­а́н­на пре­чꙋ́д­на­го, прпⷣбнымъ спо́ст­ни­ка и҆ ст҃и́­те­лємъ со­бе­сѣ́д­ни­ка, и҆с­по­вѣ́д­ни­кѡмъ ра́в­на­го крѣ́­по­стїю и҆ без­мє́з­днымъ цѣ­ли́­те­лємъ вѣ­не́цъ и҆ ᲂу҆­кра­ше́­нїе, при́­снѡ мо­лѧ́­ща­сѧ ѡ҆ дꙋ­ша́хъ на́­шихъ.

Ка­нѡ́нъ хра́­ма, а҆́ще є҆́сть хрⷭ҇то́въ и҆лѝ бцⷣы, со і҆р­мо­со́мъ на ѕ҃: і҆р­мо́съ по два́­жды, тро­па­рѝ на д҃, и҆ ст҃и́­те­лѧ на и҃. А҆́ще хра́мъ ст҃а́­гѡ и҆лѝ ст҃ы́ѧ: по­е́мъ ка­нѡ́нъ бцⷣы пре­ше́д­шїѧ не­дѣ́­ли ѹ҆́трен­нїй, со і҆р­мо­со́мъ на ѕ҃, и҆ ст҃и́­те­лѧ на и҃.

Гла́съ д҃. Пѣ́снь а҃.

І҆р­мо́съ: Мо́рѧ че́рм­нꙋю пꙋ­чи́­нꙋ, не­вла́ж­ны­ми сто­па́­ми, дре́в­нїй пѣ­ше­ше́­ство­вавъ і҆и҃ль, крⷭ҇то­ѡ­бра́з­ны­ма мѡ­ѷ­се́­о­вы­ма рꙋ­ка́­ма, а҆ма­ли́­ко­вꙋ си́лꙋ въ пꙋ­сты́­ни по­бѣ­ди́лъ є҆́сть.

При­пѣ́въ: Ст҃и́­те­лю ѻ҆́тче і҆ѡ­а́н­не, молѝ бг҃а ѡ҆ на́съ

Бл҃го є҆́сть вос­пѣ­ва́­ти ᲂу҆­го́д­ни­ки бж҃їѧ, въ и҆́хъ­же ли́цѣ на́мъ ра́­дост­нѣ свѣ́­титъ ст҃ы́й і҆ѡ­а́ннъ, ᲂу҆­тѣ­ша́ѧ, вра­чꙋ́ѧ є҆го̀ при­зы­ва́­ю­щыѧ, и҆ на­ꙋ­ча́ѧ на́съ ѡ҆́бра­зомъ мно­го­трꙋ́д­на­гѡ жи­тїѧ̀ сво­е­гѡ̀ ре­вно­ва́­ти ѡ҆ по́­мо­щи сꙋ́­щымъ въ бѣ­да́хъ.

Ѽ же­ла́­нїе срⷣца бг҃о­лю­би́­ва­гѡ! Воз­же­ла́лъ є҆сѝ є҆щѐ въ во́з­ра­стѣ дѣ́­тищномъ и҆́сти­ны бы́ти по­бо́р­никъ. Та́кѡ бо плѣ­ни́­ша тѧ̀ пѡ́­вѣ­сти ѡ҆ не­по­ща­ди́в­шихъ жи̑­зни своѧ̑ за пра́­вдꙋ бж҃їю ди́в­ныхъ ст҃ы́хъ.

При­вре́­мен­нѡ не­до­ꙋ­мѣ́­ненъ бы́лъ є҆сѝ, є҆́же ка­ко­вы́й пꙋ́ть, во́­ин­скїй и҆лѝ гра­жда́н­скїй, себѣ̀ и҆з­бра́­ти. Но зрѣ́­ѧ­ше въ дꙋшѝ тво­е́й крѣп­ча́й­ша мы́сль: все­го̀ себѐ пре­да́­ти на слꙋ­же́­нїе ст҃ѣ́й цр҃кви хрⷭ҇то́­вой.

Бг҃о­ро́­ди­ченъ: Мы̀ ѡ҆ тебѣ̀ хва́­лим­сѧ, бцⷣе, и҆ къ бг҃ꙋ тѧ̀ и҆́ма­мы не­по­сты́д­ное пред­ста́­тель­ство, про­стрѝ рꙋ́кꙋ твою̀ не­ѡ­бо­ри́­мꙋю и҆ со­крꙋ­шѝ вра­гѝ на́шѧ, низ­по­слѝ тво­и̑мъ ра­бѡ́мъ по́­мощь ѿ ст҃а́­гѡ.

Пѣ́снь г҃.

І҆р­мо́съ: Ве­се­ли́т­сѧ ѡ҆ тебѣ̀ цр҃ковь твоѧ̀, хрⷭ҇тѐ, зо­вꙋ́­щи: ты̀ моѧ̀ крѣ́­пость, гдⷭ҇и, и҆ при­бѣ́­жи­ще и҆ ᲂу҆­твер­жде́­нїе.

Съ ве­се́­лї­емъ со­вер­ша́­емъ па́­мѧть твою̀, а҆р­хї­па́­сты­рю на́шъ и҆ на­ста́в­ни­че, по­кло­нѧ́­ем­сѧ чⷭ҇тны̑мъ и҆ не­тлѣ̑н­нымъ мо­ще́мъ тво­и̑мъ, про­сѧ́­ще мл҃твъ тво­и́хъ.

Вос­прї­ѧ́лъ є҆сѝ ѡ҆́бразъ а҆́гг҃ль­скїй, и҆ ѡ҆бо́лк­сѧ во всѧ̑ ѡ҆рꙋ̑­жїѧ бж҃їѧ, ѡ҆пол­чи́л­сѧ є҆сѝ про­ти́­вꙋ дꙋ­хѡ́въ ѕло́­бы по­д­не­бе́с­ныхъ, по­бѣ­жда́ѧ и҆̀хъ.

Не да­ва́лъ є҆сѝ сна̀ до­во́ль­на ѻ҆че­сє́мъ тво­и́мъ, не воз­ле́глъ є҆сѝ на ѻ҆́дръ во є҆́же по­чи́­ти. ᲂу҆­по­до́­бив­сѧ ѻ҆тцє́мъ дрє́в­лимъ, Ѽ по­дви́ж­ни­че.

Бг҃о­ро́­ди­ченъ: Ра́й жи́­зни сꙋ́щи, бцⷣе, сме́р­ти грѣ­хо́в­ныѧ и҆ стра­сте́й мно­го­ѡ­бра́з­ныхъ и҆з­ба́­ви мѧ̀ вско́­рѣ.

Сѣ­да́­ленъ, гла́съ д҃:

Мл҃тва твоѧ̀, ѻ҆́тче і҆ѡ­а́н­не, а҆́ки сто́лпъ ѻ҆́гнен­ный до нбе́съ до­сѧ­га́­ѧй ꙗ҆ви́­сѧ, пꙋ­те­во­дѧ́щъ і҆и҃лѧ но́­ва­го въ жи­те́й­стѣмъ стра́н­ствїи, сегѡ̀ ра́ди чтꙋ́­щымъ тѧ̀ тер­пѣ́­нїе да́­рꙋй и҆ бл҃го­да­ре́­нїе гдⷭ҇ꙋ въ серд­ца́хъ на­са­дѝ, да не ꙗ҆́ко­же ро­пот­ни­цы̀ ѻ҆́ныѧ, є҆гѵ́­пет­скихъ мѧ́съ ра­чи́­те­лїе, ѡ҆сꙋ­ди́м­сѧ, но да спо­до́­бим­сѧ зе­млѝ ѡ҆бѣ­то­ва́н­ныѧ не­тлѣ́н­ныхъ бл҃гъ на­сла­ди́­ти­сѧ.

Сла́­ва, и҆ ны́нѣ, бг҃о­ро́­ди­ченъ, гла́съ то́й­же:

Оу҆­твер­жде́­нїе на́мъ є҆сѝ, бг҃о­мт҃и, и҆ сщ҃е́н­ное при­бѣ́­жи­ще вла́­ю­щым­сѧ при­ло́­ги вра́­жї­и­ми, то­бо́ю же по­кры­ва́­е­ми, про­ще́­нїе грѣ­хѡ́въ и҆ дер­зно­ве́­нїе ко гдⷭ҇ꙋ ѡ҆брѣ­та́­емъ.

Пѣ́снь д҃.

І҆р­мо́съ: Воз­не­се́­на тѧ̀ ви́­дѣв­ши цр҃ковь на крⷭ҇тѣ̀, сл҃нце првⷣное, ста̀ въ чи́нѣ сво­е́мъ, до­сто́й­нѡ взы­ва́­ю­щи: сла́­ва си́лѣ тво­е́й, гдⷭ҇и.

Мно́­же­ства рѡс­сӏ́й­скихъ а҆р­хї­па́­сты­рей на­ста́в­никъ, за­рꙋбе́ж­ныѧ же цр҃кве пер­во­свѧ­ти́­тель ми­тро­по­лӏ́тъ а҆н­тѡ́­нїй, са́мъ сы́й ре­вни́­тель мо­на́­ше­ска­гѡ жи­тїѧ̀, тѧ̀, ст҃е і҆ѡ­а́н­не, чꙋ́­домъ на́­шихъ дне́й и҆ме­но­ва̀ и҆ въ по́­дви­зѣхъ крѣп­ко­сто­ѧ́­тель­на.

А҆́ще хо́­ще­те, лю́­дїе, ст҃а́­го жи́ва ви́­дѣ­ти, во гра́дъ би́­толь по­спѣ­ша́й­те, зри́­те та́мѡ ѻ҆тца̀ і҆ѡ­а́н­на! та́кѡ се́рб­скїй и҆ме­ни́­тый а҆р­хї­па́­стырь и҆з­ре­чѐ, нра́­вꙋ же и҆ дѣ­лѡ́мъ і҆ѡ­а́н­нѡ­вымъ ди­вѧ́­щїй­сѧ.

Ю҆́нѡ­ши кар­па­то­рꙋ́с­стїи, се́рб­ска­гѡ бг҃о­сло́­вїѧ пи­то́мцы, ѡ҆ тебѣ̀ съ ве­ли́­кимъ ᲂу҆­ми­ле́­нї­емъ по­вѣст­во­ва́­хꙋ, ѡ҆ тво­е́мъ къ себѣ̀ не­по­ща­де́­нїи и҆ къ ни́мъ люб­вѐ, є҆́же ка́кѡ ѡ҆сѣ­нѧ́лъ є҆сѝ и҆̀хъ крⷭ҇тнымъ зна́­ме­нї­емъ, ходѧ̀ ме­ждꙋ̀ спѧ́­щи­ми, по­ко́й и҆́хъ со­блю­да́ѧ.

Бг҃о­ро́­ди­ченъ: Пре­чⷭ҇таѧ мт҃и гдⷭ҇а на́­ше­гѡ и҆ дв҃о, ми́­лꙋ­ю­щаѧ и҆ грѣ́ш­нѣй­шихъ ра­бѡ́въ сво­и́хъ, ꙗ҆́кѡ млⷭ҇рдїѧ со­кро́­вищни­ца пре­бо­га́­таѧ, ѡ҆б­но­вѝ на́съ, без­мѣ́р­нѡ ѡ҆б­ни­ща́в­шихъ, всѣ́хъ скор­бѧ́­щихъ за­стꙋ́п­ни­це и҆ ра́­до­сте.

Пѣ́снь є҃.

І҆р­мо́съ: Ты̀, гдⷭ҇и мо́й, свѣ́тъ, въ мӏ́ръ при­ше́лъ є҆сѝ, свѣ́тъ ст҃ы́й, ѡ҆б­ра­ща́­ѧй и҆зꙿ мра́ч­на не­вѣ́­дѣ­нїѧ, вѣ́­рою вос­пѣ­ва́­ю­щыѧ тѧ̀.

По­дра­жа́­тель и҆́стин­ный хрⷭ҇то́въ бы́лъ є҆сѝ, ст҃и́­те­лю, дꙋ́шꙋ по­ла­га́­ѧй за па́­ствꙋ твою̀, и҆ пред­ста́лъ є҆сѝ па­сты­ре­на­ча́ль­ни­кꙋ не­по­сты́д­нѡ.

И҆с­цѣ­ле́­нїй да́ръ да­де́­сѧ тѝ є҆щѐ во пре­свѵ́­тер­ствѣ, є҆го́­же преꙋ­мно́­жилъ є҆сѝ во дни̑ ст҃и́­тель­ства, и҆ ᲂу҆­совер­ша́­е­ши въ и҆но́мъ и҆ вѣ́ч­номъ жи­тїѝ.

Прпⷣбно­мꙋ на­ꙋ́­мꙋ бы́лъ є҆сѝ со­дѣ́й­ствен­никъ во и҆с­цѣ­ле́­нї­ихъ, со і҆кѡ́­ною є҆гѡ̀ ст҃о́ю по­сѣ­ща́ѧ до́мы стра́­ждꙋ­щихъ.

Бг҃о­ро́­ди­ченъ: Бцⷣе дв҃о, все­ле́н­ныѧ бл҃га́ѧ по­мо́щ­ни­це, цѣ­ли́­тель­ни­це дꙋ́шъ и҆ тѣ­ле́съ на́­шихъ, ᲂу҆­слы́­ши на́съ и҆ въ де́нь се́й мо­лѧ́­щих­сѧ тебѣ̀.

Пѣ́снь ѕ҃.

І҆р­мо́съ: Во­зо­пѝ про­ѡ­бра­зꙋ́ѧ по­гре­бе́­нїе три­дне́в­ное, прⷪ҇ро́къ і҆ѡ́на, въ ки́тѣ мо­лѧ́­сѧ: ѿ тлѝ и҆з­ба́­ви мѧ̀, і҆и҃се, цр҃ю̀ си́лъ.

Прї­и­ди́­те, вос­хва́­лимъ бцⷣѣ хра́мъ воз­дви́г­ша­го, са­мо­го́ же всѣ̑мъ скор­бѧ́­щымъ ра́­дость и҆ хра́мъ дх҃а ст҃а́­гѡ бы́в­ша­го.

Ꙗ҆́кѡ пре­чⷭ҇тыхъ та̑­инъ є҆гѡ̀ пре­по­да́­тель по­спѣ­ша́лъ є҆сѝ и҆ въ до́мы стра́­ждꙋ­щихъ, и҆ въ па­ла̑­ты боль­ни̑ч­ныѧ къ не­дꙋ́­гꙋ­ю­щымъ, ѡ҆ ни́х­же ѿкры́ ти гдⷭ҇ь.

Ты̀ бо­лѧ́­щымъ мла­де́н­цємъ ꙗ҆ви́л­сѧ є҆сѝ здра́­вїѧ хо­да́­тай, ст҃е і҆ѡ­а́н­не, ско́рбь ро­ди́­тель­скихъ дꙋ́шъ пре­мѣ­нѧ́ѧ на ра́­дость, и҆ всѣ̑мъ во́з­ра­стѡмъ ты̀ по­ка­за́л­сѧ є҆сѝ во­ждѣ­ле́н­ный по­мо́щ­никъ.

Бг҃о­ро́­ди­ченъ: Ѻ҆те́­че­ства пра­во­сла́в­на­гѡ ли­ши́­хом­сѧ, влⷣчце, вне­гда̀ во́л­ны гнѣ́­ва гдⷭ҇нѧ надꙿ ни́мъ про­и­до́­ша, занѐ хра­ни́­те­лїе сꙋ́­ет­ныхъ и҆ ло́ж­ныхъ со­дѣ́­ѧ­хом­сѧ, вне­гда́ же скон­ча­ва́­ти­сѧ дꙋ­ша́мъ на́­шымъ, гдⷭ҇а по­мѧ­нꙋ́­хомъ, да прї­и́­детъ къ немꙋ̀ то­бо́ю на́ша мл҃тва и҆ пѣ́­нїе.

Кон­да́къ, гла́съ д҃:

Хрⷭ҇тꙋ̀ па­сты­ре­на­ча́ль­ни­кꙋ по­слѣ́­до­вавъ, во ст҃и́­те­лехъ и҆з­рѧ́д­нѣй­шїй ꙗ҆ви́л­сѧ є҆сѝ, спа́слъ бо є҆сѝ ѻ҆́вцы своѧ̑ ѿ гꙋ­би́­тель­ства без­бо́ж­ныхъ, при­ста́­ни­ще ми́р­ное тѣ̑мъ ᲂу҆­чре­ди́въ, и҆ по­пе­че́­нїе не­пре­ста́н­ное ѡ҆ па́­ствѣ и҆мѣ́ѧ, вра­че­ва́лъ є҆сѝ и҆́хъ не­дꙋ́­ги дꙋ­шє́в­ныѧ же и҆ тѣ­лє́с­ныѧ, и҆ ны́нѣ ѡ҆ на́съ къ тво­и̑мъ чⷭ҇тны̑мъ мо­ще́мъ при­па́­да­ю­щихъ, молѝ хрⷭ҇та̀ бг҃а, ѻ҆́тче і҆ѡ­а́н­не, въ ми́рѣ сп҃сти́­сѧ дꙋ­ша́мъ на́­шымъ.

І҆́косъ: Не­бе­са̀ ны́нѣ съ на́ми ра́­дꙋ­ют­сѧ, и҆ ли́цы ст҃ы́хъ прї­е́м­лютъ но́­вое и҆ пре­сла́в­ное ᲂу҆­кра­ше́­нїе: а҆пⷭ҇ли про­по­вѣ́д­ни­ка все­мӏ́р­на­го цѣ­лꙋ́­ютъ, мч҃ни­цы дре́в­нїи вос­хва­лѧ́­ютъ ди́в­нѡ про­сла́вль­ша­го па́­мѧть и҆́хъ, ст҃и́­те­лїе со­бе­сѣ́­дꙋ­ютъ ра́в­но­мꙋ въ сло­ве­сѝ и҆ пре­мꙋ́­дро­сти, бдѣ́н­но­мꙋ же по­дви́ж­ни­кꙋ прпⷣбнїи ди­вѧ́т­сѧ, ца́­рїе ст҃ӏ́и мл҃твен­ни­ка ѡ҆ воз­ста­но­в­ле́­нїи ца́р­ства пра­во­сла́в­на­гѡ по­чи­та́­ютъ, без­сре́­брен­ни­цы съ цѣ­ли́­те­лемъ без­ме́з­днымъ мздꙋ̀ не­тлѣ́н­нꙋю и҆ не­дѣ­ли́­мꙋю раз­дѣ­лѧ́­ютъ: є҆ли́­кѡ все­сла́в­но бы́сть слꙋ­же́­нїе твоѐ, ѻ҆́тче і҆ѡ­а́н­не, та́кѡ и҆ вѣн­цє́въ тебѣ̀ и҆с­пле­те́­сѧ мно́­же­ство. но мо­ли́­сѧ кꙋ́п­нѡ съ ли̑ки ст҃ы́хъ ко хрⷭ҇тꙋ̀ бг҃ꙋ ѡ҆ на́съ, къ чⷭ҇тны̑мъ мо­ще́мъ тво­и̑мъ при­па́­да­ю­щихъ, въ ми́рѣ сп҃сти́­сѧ дꙋ­ша́мъ на́­шымъ.

Пѣ́снь з҃.

І҆р­мо́съ: Въ пещѝ а҆вра­а́м­стїи ѻ҆́тро­цы пер­сӏ́д­стѣй, лю­бо́­вїю бл҃го­чⷭ҇тїѧ па́че, не́­же­ли пла́­ме­немъ ѡ҆па­лѧ́­е­ми, взы­ва́­хꙋ: бл҃го­сло­ве́нъ є҆сѝ въ хра́­мѣ сла́­вы тво­еѧ̀, гдⷭ҇и.

Сы́на свѣ́­та и҆ днѐ блгⷣть во­и́­стин­нꙋ тѧ̀ со­дѣ́­ла: на всѧ́къ бо де́нь ст҃ы́­ми та́й­на­ми ᲂу҆­крѣп­лѧ́­емь и҆ ѡ҆бо­жа́­емь, ᲂу҆­твер­ди́лъ є҆сѝ въ гдⷭ҇ѣ срⷣце твоѐ.

Млⷭ҇ти­вымъ пред­ста́­тель­ствомъ тво­и́мъ вѣ̑р­ныѧ и҆ не­вѣ̑р­ныѧ спа­са́­хꙋ­сѧ и҆ да́ры блгⷣт­ныѧ прї­и­ма́­хꙋ, ты́ же, да́­рꙋѧ не­за­ви́ст­нѡ и҆с­цѣ­лє́­нїѧ, во тьмѣ̀ пре́­ле­сти не ѡ҆став­лѧ́­е­ши пре­бы­ва́­ти за­блꙋ́жд­шыѧ, но є҆ди́­на­го цр҃ѧ̀ сла́­вы ᲂу҆­чи́­ши пра­во­сла́в­нѡ вос­пѣ­ва́­ти во всѧ̑ вѣ́ки.

По́­мощь и҆ ᲂу҆­тѣ­ше́­нїе и҆з­гна́н­нымъ лю́­демъ сво­и̑мъ ди́в­нѡ со­тво­рѝ гдⷭ҇ь, да­ро­ва́въ на́мъ тѧ̀ за­стꙋ́п­ни­ка, ст҃и́­те­лю ѻ҆́тче і҆ѡ­а́н­не, но и҆ ны́нѣ по­кры́й на́съ ѿ вра̑гъ на́­шихъ не­ви́­ди­мыхъ и҆ ѿ рꙋкѝ всѣ́хъ не­на­ви́­дѧ­щихъ на́съ и҆з­ба́­ви.

Бг҃о­ро́­ди­ченъ: Ѻ҆тцы̀ на́ши со­грѣ­ши́­ша и҆ пре́­да­ни бы́ша въ рꙋ́ки вра­гѡ́въ без­за­ко́н­ныхъ и҆ лꙋ­ка́в­нѣй­шихъ па́че всеѧ̀ зе­млѝ, что́ ᲂу҆̀бо со­тво­ри́мъ, влⷣчце, со­грѣ­шє́­нїѧ ро­ди́­тель­скаѧ не­пре­ста́н­нѡ ᲂу҆­мно­жа́­ю­ще, и҆ ка́кѡ ко́з­ней лю́­тыхъ и҆з­бѣ́г­немъ, а҆́ще не ты̀ за­стꙋ́­пиши ка́­ю­щы­ѧ­сѧ и҆ сп҃се́­нїѧ тре́­бꙋ­ю­щыѧ.

Пѣ́снь и҃.

І҆р­мо́съ: Рꙋ́цѣ рас­про­сте́ръ да­нї­и́лъ, львѡ́въ зї­ѧ̑­нїѧ въ ро́вѣ за­тчѐ: ѻ҆́гнен­нꙋю же си́лꙋ ᲂу҆­га­си́­ша, до­бро­дѣ́­те­лїю пре­по­ѧ́­сав­ше­сѧ, бл҃го­чⷭ҇тїѧ ра­чи́­те­ли ѻ҆́тро­цы, взы­ва́­ю­ще: бл҃го­сло­ви́­те, всѧ̑ дѣла̀ гдⷭ҇нѧ, гдⷭ҇а.

Срⷣце твоѐ рас­про­стра­ни́­сѧ ко всѣ̑мъ, лю­бо́­вїю мо­лѧ́­щымъ тѝ сѧ̀, і҆ѡ­а́н­не ст҃и́­те­лю, по­ми­на́­ю­щымъ по́­двигъ все­гѡ̀ мно­го­трꙋ́д­на­гѡ жи­тїѧ̀ тво­е­гѡ̀, без­бо­лѣ́­знен­ное же и҆ ле́г­кое пре­став­ле́­нїе твоѐ, ѻ҆ди­ги́­трїи пре­чⷭ҇тыѧ вѣ́р­ный слꙋ­жи́­те­лю.

Ни­что́­же воз­мо́­же пре­пѧ́­ти тѝ, по­спѣ­ша́­ю­щꙋ въ боль­ни́­цѣ ча́дъ тво­и́хъ, па́­сты­рю до́­брый, ни до́ждь, ни бꙋ́рѧ, ни тьма̀ нощ­на́ѧ, и҆но­гда̀ ни­ко­мꙋ́­же зо­вꙋ́­щꙋ, дꙋ́­хомъ пре­дви́­дѧ нꙋ́­ждꙋ и҆́хъ, гдⷭ҇ꙋ по­спѣ́шствꙋ­ю­щꙋ и҆ ᲂу҆­ка­зꙋ́­ю­щꙋ, да всѝ про­сла́­вѧтъ бг҃а ѻ҆тє́цъ на́­шихъ.

Є҆гда̀ црⷭ҇тва пра­во­сла̑в­наѧ на зе­млѝ па­до́­ша и҆ за­бве́­нїю пре́­да­на бы́ша, не пре­ста́лъ є҆сѝ по­бѣ́­ды про­си́­ти ца­рє́мъ бл҃го­вѣ̑р­нымъ въ дре́в­нихъ пѣ́­снехъ не­из­мѣ́н­нѡ, ꙗ҆́кѡ тѣ́хъ дер­жа́­ва бл҃го­сло­ве́н­на є҆́сть ѿ бг҃а ѻ҆тє́цъ на́­шихъ.

Бг҃о­ро́­ди­ченъ: Ве­ли́­читъ дꙋша̀ твоѧ̀, влⷣчце, гдⷭ҇а на́­ше­го и҆ ра́­дꙋ­ет­сѧ дх҃ъ тво́й ѡ҆ бз҃ѣ сп҃сѣ и҆ сн҃ѣ тво­е́мъ. и҆ ка́кѡ смѣ́­ли бы́­хомъ мы̀ вос­пѣ­ва́­ти пѣ́снь твою̀, а҆́ще не бы бл҃го­во­ли́­ла сама̀ прⷪ҇ро́­че­ски рещѝ, ꙗ҆́кѡ ᲂу҆­бл҃жа́тъ мѧ̀ всѝ ро́ди.

Пѣ́снь ѳ҃.

І҆р­мо́съ: Ка́­мень не­рꙋ­ко­сѣ́ч­ный ѿ не­сѣ­ко́­мыѧ горы̀, тебє̀, дв҃о, кра­е­ꙋ­го́ль­ный ѿсѣ­че́­сѧ, хрⷭ҇то́съ, со­во­кꙋ­пи́­вый раз­сто­ѧ́­ща­ѧ­сѧ є҆сте­ства̑, тѣ́мъ ве­се­лѧ́­ще­сѧ, тѧ̀, бцⷣѣ, ве­ли­ча́­емъ.

По­спѣ­ша́ѧ ко стра́­ждꙋ­щымъ, при́­снѡ дꙋ́шꙋ твою̀ за ѻ҆́вцы твоѧ̑ по­ла­га́лъ є҆сѝ, тѣ́м­же и҆ чꙋ­до­тво­ре́­нїй да́ръ тебѣ̀ да­де́­сѧ, мл҃тва­ми бо тво­и́­ми не­мощ­ствꙋ́­ю­щїи пре­по­ѧ́­са­ша­сѧ си́­лою, и҆ ни́­щїи до­бро­дѣ́­те­лїю ѿ гно́и­ща стра­сте́й воз­дви­го́­ша­сѧ.

За­ре́ю свѣ́т­лою лю́­демъ па́­ствы тво­еѧ̀ про­сї­ѧ́лъ є҆сѝ, ѻ҆́тче і҆ѡ­а́н­не, вне­гда̀ смꙋ­ти́­ти­сѧ дꙋ­ша́мъ и҆́хъ въ го­ди́­нꙋ бж҃їѧ гнѣ́­ва, но по­мѧ­нꙋ́лъ є҆́сть гдⷭ҇ь млⷭ҇ть свою̀ и҆ сми­рє́н­ныѧ ᲂу҆­тѣ́­шилъ є҆́сть то­бо́ю.

Къ црⷭ҇твꙋ бж҃їю пꙋтѝ на́шѧ на­пра́­ви, по­слꙋ­жи́­вый є҆мꙋ̀ пре­по­до́­бї­емъ и҆ пра́­вдою всѧ̑ днѝ жи­во­та̀ тво­е­гѡ̀, на­ста́­ви ра́з­ꙋмъ лю­де́й тво­и́хъ ко сп҃се́­нїю и҆ про­свѣ­тѝ во тьмѣ̀ и҆ сѣ́ни сме́рт­нѣй сѣ­дѧ́­щыѧ, ѻ҆́тче бл҃же́н­не і҆ѡ­а́н­не, да ра́­дост­нѡ по­ю́­ще, со­вер­ша́­емъ па́­мѧть твою̀.

Бг҃о­ро́­ди­ченъ: На­ста́­ви но́ги на́шѧ на пꙋ́ть ми́­ренъ, все­чⷭ҇таѧ влⷣчце, ми́ръ и҆́стин­ный къ че­ло­вѣ́­кѡмъ при­ве́д­шаѧ, сы́на тво­е­го̀, крⷭ҇то́мъ вра­ждꙋ̀ ᲂу҆­празд­ни́в­ша­го и҆ дре́в­нѧ­го сꙋ­по­ста́­та по­бѣ́д­нѡ низ­ло­жи́в­ша­го.

Свѣ­ти́­ленъ:

А҆́ще и҆ ᲂу҆­мро́хъ, но жи́въ є҆́смь, не скор­би́­те, лю́­дїе: си́це по пре­став­ле́­нїи тво­е́мъ воз­вѣ­сти́лъ є҆сѝ, свѣ́­томъ та́­ин­ствен­нымъ про­свѣ­ща́ѧ тѧ̀ по­ю́­щыѧ, ѻ҆́тче і҆ѡ­а́н­не, ст҃и́­те­лю пре­ди́в­ный.

Сла́­ва, и҆ ны́нѣ, бг҃о­ро́­ди­ченъ:

Ѡ҆ тебѣ̀, бцⷣе дв҃о, ст҃ӏ́и всѝ пра́з­днꙋ­ю­ще ра́­дꙋ­ют­сѧ, и҆ на тѧ̀ ᲂу҆­по­ва́­емъ мы̀ рабѝ твоѝ мно­го­грѣ́ш­нїи, зо­вꙋ́­ще: ве­се­ли́­сѧ и҆ ра́­дꙋй­сѧ, мт҃и хрⷭ҇та̀ все­дер­жи́­те­лѧ.

На хва­ли́­техъ стї­хи̑­ры на д҃, гла́съ д҃:

Бл҃го­да́р­нѡ вос­по­и́мъ, вѣ́р­нїи, гдⷭ҇ꙋ бг҃ꙋ на́­ше­мꙋ, и҆ вос­хва́­лимъ є҆го̀ по мно́­же­ствꙋ ве­ли́­че­ствїѧ є҆гѡ̀, да­ро­ва́в­ша­го на́мъ за­стꙋ́п­ни­ка и҆з­рѧ́д­на­го, на зе­млѝ чꙋ­до­тво­ри́в­ша­го, и҆ съ не­бе­сѐ на ᲂу҆­бѡ́­гїѧ при­зи­ра́­ю­ща­го, є҆мꙋ́­же ны́нѣ при­но́­симъ пѣ́­нїе, и҆ къ мо­ще́мъ є҆гѡ̀ при­па́­да­емъ со стра́­хомъ, и҆з­ба­вле́­нїѧ пре­грѣ­ше́­нїй про­сѧ́­ще и҆ дꙋ­ша́мъ на́­шымъ сп҃се́­нїѧ.

До́­бра­го па́­сты­рѧ и҆ дѣ­то­пи­та́­те­лѧ вос­хва́­лимъ, се́й бо тща́­нїе ѡ҆ па́­ствѣ и҆мѣ́ѧ, на­и­па́­че ѡ҆ дѣ́­техъ си­ро́­тахъ и҆мѣ́­ѧ­ше по­пе­че́­нїе и҆ ѻ҆би́­тель и҆̀мъ со­тво­рѝ, ст҃и́­те­лѧ за­до́н­ска­го тѵ́­хѡ­на въ по́­мощь при­зва́въ, и҆ не ѡ҆ста́­ви и҆̀хъ въ бѣдѣ̀, сꙋ́­щей бра́­ни ѿ без­бо́ж­ныхъ, но да́же до кра́ѧ все­ле́н­ныѧ въ ти́­хое при­ста́­ни­ще пре­се­лѝ, є҆го́­же мл҃тва­ми и҆ на́мъ, сп҃се, со­тво­рѝ млⷭ҇ть.

Бдѣ́н­ное пѣ́­нїе со­вер­ша́­ю­ще, вѣ́р­нїи, вос­хва́­лимъ гдⷭ҇а бг҃а на́­ше­го и҆ є҆гѡ̀ до́­бра­го слꙋ­жи́­те­лѧ, є҆го́­же и҆з­бра̀, ꙗ҆́кѡ не ѿ мӏ́ра бы́сть: се́й бо ѡ҆́бразъ по­ка­за̀ на́мъ тер­пѣ́­нїѧ и҆ мл҃твы не­пре­ста́н­ныѧ, бо́­дро­стїю пре­по­бе­жда́ѧ тѣ­ле­сѐ не́­мощь, бж҃ї­ею же мꙋ́­дро­стїю про­свѣ­ще́нъ, пра́­выѧ вѣ́ры ре­вни́­тель бы́сть, вѣ̑р­ныѧ всѧ́­кѡ на­став­лѧ́ѧ. тѣ́м­же мл҃тва­ми є҆гѡ̀, хрⷭ҇те бж҃е, по­да́ждь на́мъ въ пра́­вой вѣ́рѣ и҆ бл҃го­чⷭ҇тїи пре­бы́­ти.

Ди́в­на­го бг҃а во ст҃ы́хъ сво­и́хъ, всѧ́­кое ды­ха́­нїе ѱа­ло́м­ски да вос­хва́­литъ, на ко­не́цъ вѣ­кѡ́въ низ­по­сла́в­ша­го на́мъ чꙋ́д­ное ᲂу҆­тѣ­ше́­нїе, і҆ѡ­а́н­на, ст҃и́­те­лѧ все­мӏ́р­на­го, и҆́сти­ны по­бо́р­ни­ка крѣ́п­ка­го, по­сре­дѣ̀ со­бла́з­нѡвъ и҆ лжѝ не­дви́ж­нѡ пре­бы́в­ша­го, и҆ ѿ мра́ч­ныѧ пре́­ле­сти всѧ̑ воз­дви­за́­ю­ща­го и҆ ко сп҃се́­нїю на́съ при­во­дѧ́­ща­гѡ.

Сла́­ва, гла́съ то́й­же:

И҆с­по­вѣ́­дꙋ­емъ ди́в­ное за­стꙋ­пле́­нїе твоѐ, не та­и́мъ чꙋ­де́съ тво­и́хъ, на на́съ бы́в­шихъ, хо­да́­таю на́шъ ко гдⷭ҇ꙋ, ст҃и́­те­лю ѻ҆́тче і҆ѡ­а́н­не, и҆́ми­же ᲂу҆­по­ва́­нїю пра­во­сла́в­но­мꙋ на­ꙋ­ча́­е­ши на́съ, ма­ло­вѣ́р­ныхъ, и҆ ᲂу҆­ны­ва́­ю­щихъ и҆ ро­по­т­ли́­выхъ, да тво­и́­ми мл҃тва­ми по́­мощь бж҃їю и҆́ма­мы, є҆́юже сп҃са́­ем­сѧ ѿ ро́да сегѡ̀ раз­вра­ще́н­на­гѡ, чтꙋ́­щїи до­сто́й­нѡ па́­мѧть твою̀.

И҆ ны́нѣ, бг҃о­ро́­ди­ченъ, гла́съ то́й­же:

Бцⷣе, всѣ́хъ цр҃и́­це, пра­во­сла́в­ныхъ по­хва­ло̀, є҆ре­тӏ́­че­ствꙋ­ю­щихъ ша­та̑­нїѧ ра­зо­рѝ, и҆ ли́ца и҆́хъ по­сра­мѝ, не кла́­нѧ­ю­щих­сѧ, нижѐ чтꙋ́­щихъ, пре­чⷭ҇таѧ, чⷭ҇тны́й тво́й ѡ҆́бразъ.

Сла­во­сло́­вїе ве­ли́­кое. Є҆ктє­нїѝ, и҆ ѿпꙋ́стъ.

На лї­тꙋр­гӏ́и слꙋ́ж­ба всѧ̀ ст҃и́­те­лѧ.

На мо­ле́б­номъ пѣ́­нїи мл҃твы и҆́же во ст҃ы́хъ ѻ҆ц҃ꙋ̀ на́­ше­мꙋ і҆ѡ­а́н­нꙋ, чꙋ­до­тво́р­цꙋ ша­н­ха́й­ско­мꙋ и҆ санъ фран­ци́сско­мꙋ:

Ѽ ст҃и́­те­лю ѻ҆́тче на́шъ і҆ѡ­а́н­не, па́­сты­рю до́­брый и҆ тай­но­ви́д­че дꙋ́шъ че­ло­вѣ́­че­скихъ! ны́нѣ ᲂу҆ прⷭ҇то́­ла бж҃їѧ за на́съ мо́­ли­ши­сѧ, ꙗ҆́ко­же и҆ са́мъ по­сме́рт­нѣ и҆з­ре́клъ є҆сѝ: а҆́ще и҆ ᲂу҆­мро́хъ, но жи́въ є҆́смь. ᲂу҆­мо­лѝ все­ще́­дра­го бг҃а про­ще́­нїе на́мъ во грѣ­сѣ́хъ да­ро­ва́­ти, да бо́­дрен­нѡ во­спрѧ́­немъ, и҆ бг҃ꙋ во­зо­пї­е́мъ ѡ҆ да­ро­ва́­нїи на́мъ дх҃а сми­ре́­нїѧ, стра́­ха бж҃їѧ и҆ бл҃го­чⷭ҇тїѧ во всѧ́­че­скихъ пꙋ­те́хъ жи́­зни на́­шеѧ, ꙗ҆́кѡ млⷭ҇ти­вый си­ро­пи­та́­тель, и҆ и҆с­кꙋ́с­ный на­ста́в­никъ на зе­млѝ бы́въ, ны́нѣ бꙋ́ди на́мъ пꙋ­те­во­ди́­тель и҆ въ смꙋ́­тахъ цр҃ко́в­ныхъ хрⷭ҇то́­во вра­зꙋм­ле́­нїе. ᲂу҆­слы́­ши сте­на́­нїе смѧ­те́н­ныхъ ю҆́но­шей лихо­лѣ́­тїѧ на́­ше­гѡ, ѡ҆бꙋ­ре­ва́­е­мыхъ бѣ­сно­ва́­нї­емъ все­лꙋ­ка́­вымъ, и҆ при́­зри на ᲂу҆­ны́­нїе па́­сты­рей и҆з­не­мо­га́­ю­щихъ ѿ ᲂу҆­тѣ­сне́­нїѧ тле­тво́р­на­гѡ дх҃а мӏ́ра сегѡ̀ и҆ то­мѧ́­щих­сѧ въ не­ра­дѣ́­нїи пра́з­дномъ, и҆ ᲂу҆­ско­рѝ на мл҃твꙋ, сле́з­нѡ во­пї­е́мъ тѝ, Ѽ те́­плый мл҃твен­ни­че: по­сѣ­тѝ на́съ си́­рыхъ, по все­мꙋ̀ лицꙋ̀ все­ле́н­ныѧ раз­сѣ́­ѧн­ныхъ и҆ во ѻ҆те́­че­ствїи сꙋ́­щихъ, во тьмѣ̀ стра­сте́й блꙋ­жда́­ю­щихъ, но сла́­бою лю­бо́­вїю ко свѣ́­тꙋ хрⷭ҇то́­вꙋ вле­кꙋ́­щих­сѧ и҆ ждꙋ́­щихъ тво­е­гѡ̀ ѻ҆те́­че­ска­гѡ на­став­ле́­нїѧ, да бл҃го­чⷭ҇тїю на­вы́кнемъ и҆ на­слѣ́д­ни­цы црⷭ҇твїѧ нбⷭ҇на­гѡ ꙗ҆ви́м­сѧ, и҆дѣ́­же ты̀ пре­бы­ва́­е­ши со всѣ́­ми ст҃ы́­ми, сла́­вѧ­ще гдⷭ҇а на́­ше­гѡ і҆и҃са хрⷭ҇та̀, є҆мꙋ́­же че́сть и҆ дер­жа́­ва ны́нѣ и҆ при́­снѡ и҆ во вѣ́ки вѣ­кѡ́въ. А҆ми́нь.

Мл҃тва и҆на́ѧ:

Ѽ ст҃и́­те­лю чꙋ́д­не і҆ѡ­а́н­не, то­ли́­кѡ рас­про­стра­ни́лъ є҆сѝ срⷣце своѐ, ꙗ҆́кѡ не­тѣ́­снѡ вмѣ­ща́­ет­сѧ въ не́мъ мно́­же­ство по­чи­та́­ю­щихъ тѧ̀ че­ло­вѣ̑къ ѿ раз­ли́ч­ныхъ пле­ме́нъ и҆ на­ро́­дѡвъ. При́­зри на ᲂу҆­бо́­же­ство сло­ве́съ на́­шихъ, ѻ҆ба́­че ѿ люб­вѐ тебѣ̀ при­но­си́­мое и҆ по­мо­зѝ на́мъ, ᲂу҆­го́д­ни­че бж҃їй, понѐ ѿны́­нѣ ѡ҆чи­ща́­ти себѐ ѿ всѧ́­кїѧ скве́р­ны пло́­ти и҆ дꙋ́ха, ра­бо́­та­ю­ще гдⷭ҇е­ви со стра́­хомъ и҆ ра́­дꙋ­ю­ще­сѧ є҆мꙋ̀ съ тре́­пе­томъ. И҆ что̀ воз­да́­мы тебѣ̀ за ра́­дость ѻ҆́нꙋю, ю҆́же ѡ҆щꙋти́­хомъ, зрѧ́­ще въ хра́­мѣ ст҃ѣ́мъ мѡ́щи твоѧ̑ ст҃ы̑ѧ, и҆ про­слав­лѧ́­ю­ще па́­мѧть твою̀; Во­и́­стин­нꙋ, не и҆́ма­мы чи́мъ воз­да́­ти, то́­чїю: а҆́ще на́ч­немъ себѐ и҆с­прав­лѧ́­ти, бы­ва́­ю­ще но́­вїи вмѣ́­стѡ ве́­тхихъ. Сеѧ̀ блгⷣти ѡ҆б­нов­ле́­нїѧ бꙋ́ди на́мъ хо­да́­тай, ст҃е і҆ѡ­а́н­не, по­мо­зѝ на́мъ въ не́­мо­щехъ, и҆с­цѣ­лѝ бѡ­лѣ́­зни, по­мо­зѝ въ дѣ́­лѣхъ жи­те́й­скихъ и҆ се­ме́й­ныхъ, ᲂу҆­то­лѝ раз­до́­ры цр҃кѡ́в­ныѧ, ᲂу҆­вра­чꙋ́й стра̑­сти мл҃тва­ми тво­и́­ми: пре­ста́в­лен­ный же ѿ сегѡ̀ вре́­мен­на­гѡ во и҆но́е жи­тїѐ вѣ́ч­ное, въ не́же на­ста́­ви тѧ̀ пре­чⷭ҇таѧ влⷣчца, ѻ҆ди­ги́­трїа раз­сѣ́­ѧ­нїѧ рꙋ́с­ска­гѡ, чꙋ­до­тво́р­ною сво­е́ю і҆кѡ́­ною ко­рен­но­кꙋ́р­скою, є҆ѧ́же спꙋ́т­никъ ты̀ ꙗ҆ви́л­сѧ є҆сѝ въ де́нь пре­став­ле́­нїѧ сво­е­гѡ̀, ра́­дꙋ­е­ши­сѧ ны́нѣ въ ли́цѣ ст҃ы́хъ, сла́­вѧ­щихъ є҆ди́­на­го въ трⷪ҇цѣ сла́­ви­ма­го бг҃а, ѻ҆ц҃а̀ и҆ сн҃а, и҆ ст҃а́­го дх҃а, ны́нѣ и҆ при́­снѡ, и҆ во вѣ́ки вѣ­кѡ́въ. А҆ми́нь.