Бг҃оро́дичны воскрⷭ҇ны на ѻ҆́смь гласѡ́въ.

Гла́съ а҃:

Все­мӏ́р­нꙋю сла́­вꙋ, ѿ че­ло­вѣ̑къ про­зѧ́б­шꙋю, и҆ влⷣкꙋ ро́жд­шꙋю, нбⷭ҇нꙋю две́рь вос­по­и́мъ мрӏ́ю дв҃ꙋ, без­пло́т­ныхъ пѣ́снь, и҆ вѣ́р­ныхъ ᲂу҆­до­бре́­нїе: сїѧ́ бо ꙗ҆ви́­сѧ нб҃о, и҆ хра́мъ бжⷭ҇тва̀: сїѧ̀ пре­гра­жде́­нїе вра­жды̀ раз­рꙋ­ши́в­ши, мӏ́ръ вве­дѐ, и҆ црⷭ҇твїе ѿве́р­зе. сїю̀ ѹ҆́бѡ и҆мꙋ́­ще вѣ́ры ᲂу҆­твер­жде́­нїе, по­бо́р­ни­ка и҆́ма­мы и҆зꙿ неѧ̀ ро́жд­ша­го­сѧ гдⷭ҇а. дер­за́й­те ѹ҆́бѡ, дер­за́й­те, лю́­дїе бж҃їи: и҆́бо то́й по­бѣ­ди́тъ вра­гѝ, ꙗ҆́кѡ все­си́­ленъ.

На стї­хо́в­нѣ: Сѐ и҆с­по́л­ни­сѧ и҆са́­ї­и­но про­ре­че́­нїе, дв҃а бо ро­ди­ла̀ є҆сѝ, и҆ по ржⷭ҇твѣ̀ ꙗ҆́кѡ пре́­жде ржⷭ҇тва̀ пре­бы­ла̀ є҆сѝ: бг҃ъ бо бѣ̀ ро­жде́й­сѧ, тѣ́м­же и҆ є҆стє­ства̀ но­во­пре­сѣ­чѐ. но, Ѽ бг҃о­ма́­ти, мо­лє́­нїѧ тво­и́хъ ра­бѡ́въ, въ тво­е́мъ хра́­мѣ при­но­си̑­маѧ тебѣ̀, не пре́­зри: но ꙗ҆́кѡ бл҃го­ꙋ­тро́б­на­го тво­и́­ма рꙋ­ка́­ма но­сѧ́­щи, но твоѧ̑ рабы̑ ᲂу҆­ми­ло­се́р­ди­сѧ, и҆ молѝ сп҃сти́­сѧ дꙋ­ша́мъ на́­шымъ.

Гла́съ в҃:

Пре́й­де сѣ́нь за­ко́н­наѧ, блгⷣти при­ше́д­ши: ꙗ҆́ко­же бо кꙋ­пи­на̀ не сга­ра́­ше ѡ҆па­лѧ́­е­ма, та́кѡ дв҃а ро­ди­ла̀ є҆сѝ, и҆ дв҃а пре­бы­ла̀ є҆сѝ. вмѣ́­стѡ стол­па̀ ѻ҆́гнен­на­гѡ, првⷣное воз­сїѧ̀ сл҃нце: вмѣ́­стѡ мѡ­ѷ­се́а, хрⷭ҇то́съ, сп҃се́­нїе дꙋ́шъ на́­шихъ.

На стї­хо́в­нѣ: Ѽ чꙋ­де­сѐ но́­ва­гѡ всѣ́хъ дре́в­нихъ чꙋ­де́съ! кто́ бо по­зна̀ мт҃рь безꙿ мꙋ́жа ро́жд­шꙋю, и҆ на рꙋкꙋ̀ но­сѧ́­щꙋю всю̀ тва́рь со­дер­жа́­ща­го; бж҃їе є҆́сть и҆з­во­ле́­нїе, ро́жд­ше­е­сѧ. є҆го́­же ꙗ҆́кѡ млⷣнца, пре­чⷭ҇таѧ, тво­и́­ма рꙋ­ка́­ма но­си́в­шаѧ, и҆ мт҃рне дер­зно­ве́­нїе къ немꙋ̀ и҆мꙋ́­щаѧ, не пре­ста́й мо­лѧ́­щи ѡ҆ чтꙋ́­щихъ тѧ̀, ᲂу҆­ще́­дри­ти и҆ сп҃стѝ дꙋ́шы на́шѧ.

Гла́съ г҃:

Ка́кѡ не ди­ви́м­сѧ бг҃о­мꙋ́ж­но­мꙋ ржⷭ҇твꙋ̀ тво­е­мꙋ̀, прчⷭ҇тна́ѧ; и҆с­кꙋ­ше́­нїѧ бо мꙋ́­же­ска­гѡ не прї­е́м­ши, все­не­по­ро́ч­наѧ, ро­ди­ла̀ є҆сѝ безꙿ ѻ҆ц҃а̀ сн҃а пло́­тїю, пре́­жде вѣ̑къ ѿ ѻ҆ц҃а̀ ро­жде́н­на­го безꙿ мт҃ре, ни­ка́­ко­же пре­тер­пѣ́в­ша­го и҆з­мѣ­не́­нїѧ, и҆лѝ смѣ­ше́­нїѧ, и҆лѝ раз­дѣ­ле́­нїѧ, но ѻ҆бою̀ сꙋ­ще­ствꙋ̑ сво́й­ство цѣ́ло со­хра́н­ша­го. тѣ́м­же, мт҃и дв҃о влⷣчце, того̀ молѝ, сп҃сти́­сѧ дꙋ­ша́мъ, пра­во­сла́в­нѡ бцⷣꙋ и҆с­по­вѣ́­да­ю­щихъ тѧ̀.

На стї­хо́в­нѣ: Безꙿ сѣ́­ме­не ѿ бжⷭ҇твен­на­гѡ дх҃а, во́­лею же ѻ҆́ч҃ею за­ча­ла̀ є҆сѝ сн҃а бж҃їѧ, ѿ ѻ҆ц҃а̀ безꙿ мт҃ре пре́­жде вѣ̑къ сꙋ́ща, на́съ же ра́ди и҆зꙿ тебє̀ безꙿ ѻ҆тца̀ бы́в­ша, пло́­тїю ро­ди­ла̀ є҆сѝ, и҆ млⷣнца мле­ко́мъ пи­та́­ла є҆сѝ. тѣ́м­же не пре­ста́й мо­ли́­ти, и҆з­ба́­ви­ти­сѧ ѿ бѣ́дъ дꙋ­ша́мъ на́­шымъ.

Гла́съ д҃:

И҆́же тебє̀ ра́ди бг҃о­ѻ­те́цъ прⷪ҇ро́къ дв҃дъ пѣ́­снен­нѡ ѡ҆ тебѣ̀ про­воз­гла­сѝ, ве­ли̑­чїѧ тебѣ̀ со­тво́р­ше­мꙋ: пред­ста̀ цр҃и́­ца ѡ҆де­снꙋ́ю тебє̀. тѧ́ бо мт҃рь, хо­да́­та­и­цꙋ жи­во­та̀ по­ка­за̀, безꙿ ѻ҆ц҃а̀ и҆зꙿ тебє̀ во­чл҃вѣ́­чи­ти­сѧ бл҃го­во­ли́­вый бг҃ъ, да сво́й па́ки ѡ҆б­но­ви́тъ ѡ҆́бразъ, и҆с­тлѣ́в­шїй страсть­мѝ, и҆ за­блꙋ́жд­шее го­ро­хи́щ­ное ѡ҆брѣ́тъ ѻ҆вча̀, на ра́мо вос­прї­и́мъ, ко ѻ҆ц҃ꙋ̀ при­не­се́тъ, и҆ сво­е­мꙋ̀ хо­тѣ́­нїю, съ нбⷭ҇ны­ми со­во­кꙋ­пи́тъ си́­ла­ми, и҆ сп҃се́тъ, бцⷣе, мӏ́ръ, хрⷭ҇то́съ, и҆мѣ́­ѧй ве́­лїю и҆ бо­га́­тꙋю млⷭ҇ть.

На стї­хо́в­нѣ: При́­зри на мо­лє́­нїѧ тво­и́хъ ра̑бъ, все­не­по­ро́ч­наѧ, ᲂу҆­то­лѧ́­ю­щи лю̑­таѧ на ны̀ во­ста̑­нїѧ, всѧ́­кїѧ ско́р­би на́съ и҆з­мѣ­нѧ́­ю­щи: тѧ́ бо є҆ди́­нꙋ тве́р­дое и҆ и҆з­вѣ́ст­ное ᲂу҆­твер­жде́­нїе и҆́ма­мы, и҆ твоѐ пред­ста́­тель­ство стѧ­жа́­хомъ. да не по­сты­ди́м­сѧ, влⷣчце, тѧ̀ при­зы­ва́­ю­щїи, по­тщи́­сѧ на ᲂу҆­мо­ле́­нїе, тебѣ̀ вѣ́р­нѡ во­пї­ю́­щихъ: ра́­дꙋй­сѧ, влⷣчце, всѣ́хъ по́­мо­ще, ра́­до­сте и҆ по­кро́­ве, и҆ сп҃се́­нїе дꙋ́шъ на́­шихъ.

Гла́съ є҃:

Въ черм­нѣ́мъ мо́ри, не­и­скꙋ­со­бра́ч­ныѧ не­вѣ́­сты ѡ҆́бразъ на­пи­са́­сѧ и҆но­гда̀: та́мѡ мѡ­ѷ­се́й, раз­дѣ­ли́­тель воды̀: здѣ́ же га­врї­и́лъ, слꙋ­жи́­тель чꙋ­де­сѐ. то­гда̀ глꙋ­би­нꙋ̀ ше́­ство­ва не­мо́­крен­нѡ і҆и҃ль: ны́нѣ же хрⷭ҇та̀ родѝ без­сѣ́­мен­нѡ дв҃а. мо́ре по про­ше́­ствїи і҆и҃ле­вѣ, пре­бы́сть не­про­хо́д­но: не­по­ро́ч­наѧ по ржⷭ҇твѣ̀ є҆м­ма­нꙋ́­и­ле­вѣ, пре­бы́сть не­тлѣ́н­на. сы́й, и҆ пре́­жде сы́й, ꙗ҆в­ле́й­сѧ ꙗ҆́кѡ чл҃вѣ́къ, бж҃е, по­ми́­лꙋй на́съ.

На стї­хо́в­нѣ: Хра́мъ и҆ две́рь є҆сѝ, па­ла́­та и҆ прⷭ҇то́лъ цре́въ, дв҃о все­чⷭ҇тна́ѧ, є҆́юже и҆з­ба́­ви­тель мо́й, хрⷭ҇то́съ гдⷭ҇ь, во тьмѣ̀ спѧ́­щымъ ꙗ҆ви́­сѧ, сл҃нце сы́й пра́­вды, про­свѣ­ти́­ти хотѧ̀, ꙗ҆̀же со­зда̀ по ѡ҆́бра­зꙋ сво­е­мꙋ̀ рꙋ­ко́ю сво­е́ю. тѣ́м­же, все­пѣ́­таѧ, ꙗ҆́кѡ мт҃рне дер­зно­ве́­нїе къ немꙋ̀ стѧ­жа́в­шаѧ, не­пре­ста́н­нѡ молѝ, сп҃сти́­сѧ дꙋ­ша́мъ на́­шымъ.

Гла́съ ѕ҃:

Кто̀ тебє̀ не ᲂу҆­бл҃жи́тъ, пре­ст҃а́ѧ дв҃о; кто́ ли не вос­по­е́тъ тво­е­гѡ̀ пре­чⷭ҇та­гѡ ржⷭ҇тва̀; без­лѣ́т­нѡ бо ѿ ѻ҆ц҃а̀ воз­сї­ѧ́­вый сн҃ъ є҆ди­но­ро́д­ный, то́й­же ѿ тебє̀ чⷭ҇тыѧ про́й­де, не­из­ре­че́н­нѡ во­пло́щь­сѧ, є҆сте­ство́мъ бг҃ъ сы́й, и҆ є҆сте­ство́мъ бы́въ чл҃вѣ́къ на́съ ра́ди, не во двою̀ лицꙋ̑ раз­дѣ­лѧ́­е­мый, но во двою̀ є҆стє­ствꙋ̀ не­сли́т­нѡ по­зна­ва́­е­мый. того̀ молѝ, чⷭ҇таѧ, все­бл҃же́н­наѧ, по­ми́­ло­ва­ти­сѧ дꙋ­ша́мъ на́­шымъ.

На стї­хо́в­нѣ: Тво­ре́цъ и҆ и҆з­ба́­ви­тель мо́й, пре­чⷭ҇таѧ, хрⷭ҇то́съ гдⷭ҇ь, и҆зꙿ тво­и́хъ ло­же́снъ про­ше́дъ, въ мѧ̀ ѡ҆бол­кӏ́й­сѧ, пе́р­выѧ клѧ́т­вы а҆да́­ма сво­бо­дѝ. тѣ́м­же тѝ, все­чⷭ҇таѧ, ꙗ҆́кѡ бж҃їи мт҃ри же и҆ дв҃ѣ во­и́­стин­нꙋ во­пї­е́мъ не­мо́лч­нѡ: ра́­дꙋй­сѧ, а҆́гг҃ль­ски, ра́­дꙋй­сѧ, влⷣчце, пред­ста́­тель­ство и҆ по­кро́­ве, и҆ сп҃се́­нїе дꙋ́шъ на́­шихъ.

Гла́съ з҃:

Мт҃и ѹ҆́бѡ по­зна́­ла­сѧ є҆сѝ, па́че є҆сте­ства̀, бцⷣе, пре­бы­ла́ же є҆сѝ дв҃а, па́че сло́­ва и҆ ра́з­ꙋ­ма: и҆ чꙋ­де­сѐ ржⷭ҇тва̀ тво­е­гѡ̀ ска­за́­ти ѧ҆зы́къ не мо́­жетъ. пре­сла́в­нꙋ бо сꙋ́щꙋ за­ча́­тїю, чⷭ҇таѧ, не­по­сти́­женъ є҆́сть ѡ҆́бразъ ро­жде́­нїѧ: и҆дѣ́­же бо хо́­щетъ бг҃ъ, по­бѣ­жда́­ет­сѧ є҆сте­ства̀ чи́нъ. тѣ́м­же тѧ̀ всѝ мт҃рь бж҃їю вѣ́­дꙋ­ще, мо́­лимъ ти сѧ при­лѣ́ж­нѡ: молѝ сп҃сти́­сѧ дꙋ­ша́мъ на́­шымъ.

На стї­хо́в­нѣ: Подꙿ кро́въ тво́й, влⷣчце, всѝ зем­но­ро́д­нїи при­бѣ­га́­ю­ще, во­пї­е́мъ тѝ: бцⷣе, ᲂу҆­по­ва́­нїе на́ше, и҆з­ба́­ви ны̀ ѿ без­мѣ́р­ныхъ пре­грѣ­ше́­нїй, и҆ сп҃сѝ дꙋ́шы на́шѧ.

Гла́съ и҃:

Цр҃ь нбⷭ҇ный за чл҃вѣ­ко­лю́­бїе на зе­млѝ ꙗ҆ви́­сѧ, и҆ съ че­ло­вѣ̑­ки по­жи­вѐ: ѿ дв҃ы бо чⷭ҇тыѧ пло́ть прї­е́­мый, и҆ и҆зꙿ неѧ̀ про­ше́­дый съ вос­прї­ѧ́­тї­емъ, є҆ди́нъ є҆́сть сн҃ъ, сꙋ­гꙋ́бъ є҆сте­ство́мъ, но не ѵ҆по­ста́­сїю. тѣ́м­же со­вер­ше́н­на того̀ бг҃а, и҆ со­вер­ше́н­на чл҃вѣ́­ка во­и́­стин­нꙋ про­по­вѣ́­да­ю­ще, и҆с­по­вѣ́­дꙋ­емъ хрⷭ҇та̀ бг҃а на́­ше­го: є҆го́­же молѝ, мт҃и без­не­вѣ́ст­наѧ, по­ми́­ло­ва­ти­сѧ дꙋ­ша́мъ на́­шымъ.

На стї­хо́в­нѣ: Без­не­вѣ́ст­наѧ дв҃о, ꙗ҆́же бг҃а не­из­ре­че́н­нѡ за­че́н­ши пло́­тїю, мт҃и бг҃а вы́ш­нѧ­гѡ, тво­и́хъ ра­бѡ́въ мѡль­бы̀ прї­и­мѝ, все­не­по­ро́ч­наѧ, всѣ̑мъ по­да­ю́­щи ѡ҆чи­ще́­нїе пре­грѣ­ше́­нїй: ны́нѣ на̑ша мо­лє́­нїѧ прї­е́м­лю­щи, молѝ сп҃сти́­сѧ всѣ̑мъ на́мъ.

Ко­не́цъ, и҆ да хва́­лит­сѧ со мно́­гою сла́­вою бг҃ъ, всѣ́хъ со­дѣ́­тель.